វិធីធ្វើលៀសហាល ២ រសជាតិ នឹង ទឹកអំពិលទុំ

តារា រិទ្ធ — Thu, 30 Jan 2020 03:59:05 +0000

លៀសហាល នៅតែជាអាហារដ៏ពេញនិយមសម្រាប់ពលរដ្ឋកម្ពុជា ដែលសម្បូរអ្នកចូលចិត្តបរិភោគណាស់ជាពិសេសគឺយកមកពិសាជាមួយនឹងអាហារថ្ងៃត្រង់តែម្ដង។ ព័ត៌មាន រាមកេរ្តិ៍ សូមណែនាំពីរបៀបធ្វើ លៀសហាល ២ រសជាតិ (លៀសហាលម្រេចខ្មៅ, លៀសហាលម្ទេស) នឹង ទឹកអំពិលទុំ ដូចខាងក្រោម៖

១. លៀសហាលម្រេចខ្មៅ

លៀស ៥ កំប៉ុង
ម្រេច 2 ស្លាបព្រា
ស្ករស ៤ ស្លាបព្រា
អំបិល ២ ស្លាបព្រា
ម្សៅស៊ុប ៣ ស្លាបព្រា
បីចេង កន្លះ ស្លាបព្រា
ខ្ទឹមស ១ ដុំ

វិធីធ្វើ: លាងខ្ទឹមឲ្យស្អាត បុកទាំងសំបកឲ្យបែកល្អ បន្ទាប់មកដាក់ ម្រេច ស្ករ អំបិល បីចេង ម្សៅស៊ុប បុកច្របល់ជាមួយខ្ទឹម រួចយកមកច្របល់ជាមួយលៀស រួចដាក់ហាលនឹងថាសដែក (ឆាប់ឆ្អិន)

វិធីធ្វើលៀសហាល ២ រសជាតិ នឹង ទឹកអំពិលទុំ

២. លៀសហាលម្ទេស

លៀស ៥ កំប៉ុង
ម្ទេស ២០ គ្រាប់
ខ្ទឹមស ២ ដុំ
អំបិល ៦ ស្លាបព្រា
បីចេង ១ ស្លាបព្រា
ស្ករស ១ ស្លាបព្រា

វិធីធ្វើ: បុកខ្ទឹមនឹងម្ទេស ឲ្យបែកល្អ បន្ទាប់មកដាក់ អំបិល ស្ករ បីចេង បុកច្របល់ឲ្យលឿន (ដើម្បីកុំឲ្យជោរទឹក) រួចយកទៅច្របលជាមួយលៀសឲ្យលឿន រួចដាក់ហាមភ្លាមលើថាសដែក ។

ចំណាំ

លៀសត្រូវត្រាំទឹកយ៉ាងតិច ២ ម៉ោង ដើម្បីឲ្យវាចេញដី រួចលាងឲ្យស្អាត ។
ម៉ោងហាលដែលល្អគឺម៉ោង ៩ ព្រឹក ដល់ ម៉ោង ១២ ទៅម៉ោងមួយ ឆ្អិនហើយ។

ធ្វើទឹកត្រីអំពិលទុំ

លាយអំពិលទុំជាមួយទឹកច្របល់អោយសប់ ដាក់ស្ករ ម្សៅស៊ុប ទឹកត្រី ម្ទេស កូអោយចូលជាតិសព្វ យកខ្ទឹមសបំពងខ្លាញ់អោយក្រហម សឹមចាក់ទឹកអំពិលទុំដែលលាយគ្រឿងឆាអោយឆ្អិនរាងខាប់ល្មមហើយជាស្រេច។

The post វិធីធ្វើលៀសហាល ២ រសជាតិ នឹង ទឹកអំពិលទុំ appeared first on ព័ត៌មាន រាមកេរ្តិ៍.

ធ្វើទឹកត្រីអំពិលទុំ – ព័ត៌មាន រាមកេរ្តិ៍

វិធីធ្វើលៀសហាល ២ រសជាតិ នឹង ទឹកអំពិលទុំ