គំនិតអប់រំ – ព័ត៌មាន រាមកេរ្តិ៍

កណ្តុរគិតបង្រ្កាបឆ្មា (រឿងនិទានខ្លី ៗ បង្រៀនគំនិត)

តារា រិទ្ធ — Tue, 14 Jan 2020 11:15:35 +0000

ថ្ងៃមួយបណ្តាកណ្តុរទាំងឡាយបានណាត់ប្រជុំគ្នានៅក្រោមផ្ទះធំមួយខ្នងដែលមានឆ្មាទំនើង អាស្រ័យនៅ។ ពួកកណ្តុរទាំងឡាយប្រឹក្សាគ្នារកវិធីចាត់ការឆ្មាទំនើងដែលចាំវាយប្រហារយក ជីវិតរបស់ពួកវារាល់ថ្ងៃ។

“ខ្ញុំដឹងហើយថាពួកយើងគួរនឹងចាត់ការឆ្មានោះដូចម្តេច” កណ្តុរកម្លោះមួយក្បាលក្រោកឡើងនិយាយយ៉ាងក្លាហាន។

“ចុះយើងនឹងធ្វើដូចម្តេចទៅ?” ប្រធានទីប្រជុំកណ្តុរសួរឡើង។

រឿងនិទានខ្លី ៗ កណ្តុរគិតបង្រ្កាបឆ្មា

“ពួកយើងគួរយកកណ្តឹងទៅចងភ្ជាប់នឹងករបស់ឆ្មានោះ ដើម្បីឲ្យវាមានសម្លេងពេលឆ្មានោះ ដើរទៅណាមកណី” កណ្តុរកម្លោះនិយាយ។

បណ្តាកណ្តុរក្នុងទីប្រជុំទាំងអស់ ម្នាក់ៗ មានការកោតសសើរ ចំពោះគំនិតដ៏ឆ្លាតវាងវៃនេះ ខ្លាំងណាស់។

“បើអញ្ចឹងនរណានឹងចូលទៅចងកណ្តឹងភ្ជាប់នឹងកឆ្មានោះទៅ?” កណ្តុរមួយក្បាលបាននិយាយឡើង។

រឿងនិទានខ្លី ៗ កណ្តុរគិតបង្រ្កាបឆ្មា

កណ្តុរទាំងអស់ក្នុងទីនោះម្នាក់ៗ ក៏ស្ងាត់មាត់ជ្រាបគ្មានមួយណាហ៊ានអាសារស្ម័គ្រឡើយ រួមទាំងកណ្តុរដែលជាអ្នកស្នើគំនិតនេះផងដែរ។

គតិក្នុងរឿងនេះ

មានអ្នកគិតច្រើន តែអ្នកធ្វើវិញ កំររកបានណាស់។

ក្នុងន័យមួយទៀតចង់និយាយថា គិតវាស្រួលទេ ធ្វើទើបវាពិបាក។

The post កណ្តុរគិតបង្រ្កាបឆ្មា (រឿងនិទានខ្លី ៗ បង្រៀនគំនិត) appeared first on ព័ត៌មាន រាមកេរ្តិ៍.

តួកុនដ៏ល្បីរបស់ចិន លោក ចូវ យុនហ្វាត (Chow Yun-Fat) ចាយលុយប៉ុន្មានក្នុងមួយខែ? មិនគួរឲ្យជឿទាល់តែសោះ ថា…

Jason — Tue, 16 Oct 2018 07:40:30 +0000

លោកអ្នកប្រហែលនៅចាំ និងធ្លាប់បានស្គាល់គាត់ហើយ តួកុនដ៏ល្បីកក្រើកក្នុងពិភពសិល្បៈរបស់ប្រទេសចិន ដែលធ្លាប់ចេញសម្តែងកុនជាច្រើនរឿងរាប់មិនអស់នោះ គឺលោក ចូវ យុនហ្វាត (Chow Yun-fat)។ បច្ចុប្បន្នគាត់មានទ្រព្យសម្បត្តិប្រហែល HK$5.6ពាន់លាន (ប្រមាណ US$714លាន) ចឹងការចំណាយរបស់គាត់វិញប្រហែលជាច្រើនណាស់ដែរហើយមិនថាអញ្ចឹង? បើលុយៗយ៉ាងហ្នឹងហើយនោះ…

អ្វីៗមិនដូចការគិតរបស់លោកអ្នកនោះទេ ក្នុងវ័យ 63ឆ្នាំ(បច្ចុប្បន្ននេះ) គេសង្កើតឃើញគាត់ប្រើទូរស័ព្ទម៉ាកល្បី(ពីមុន) NOKIA បត់តាំងពីដើមរហូតមក ទើបតែខូចនាពេលថ្មីៗនេះ។ ជាញឹកញាប់ គេតែងឃើញគាត់ស្លៀកពាក់ខោ អាវយឺតយ៉ាងសាមញ្ញជាមួយស្បែកជើងតម្លៃ US$2 របស់គាត់ ហើយក៏ឃើញគាត់តម្រង់ជួរ(ចាត់ទុកជាការហាត់ប្រាណ និងជើងគាត់)រង់ចាំទិញសំបុត្រចូលមើលកុនដែលគាត់ចូលចិត្តផងដែរ ចំណែកឯការធ្វើដំណើរបស់គាត់វិញ គាត់ចូលចិត្តប្រើការដឹកជញ្ជូនសាធារណៈ MRT និងដើរ ជាជាងជិះរថយន្តទំនើបដូចតារាល្បីៗដទៃទៀត…។ល។ សរុបទៅ គាត់តាំងចិត្តចាយវាយ ត្រឹមតែ HK$800 (ប្រហែល US$102) ប៉ុណ្ណោះ ក្នុងមួយខែ សម្រាប់ជីវិតរស់នៅរបស់គាត់។

លោកបានលើកឡើងថា “ខ្ញុំមានអារម្មណ៍ថាលុយទាំងនោះមិនមែនជារបស់ខ្ញុំទេ គ្រាន់តែខ្ញុំគ្រប់គ្រងវាមួយរយៈបណ្តោះអាសន្នតែប៉ុណ្ណោះ!” ហើយលោកបានបន្តថា “នៅពេលគាត់ផុតជីវិតទៅ គាត់នឹងប្រគល់ប្រាក់ដែលគាត់មានទៅជាលក្ខណៈសប្បុរសធម៌ទាំងអស់តែម្តង។” នេះបើយោងតាមព័ត៌មានរបស់ Shanghai.ist។

ព័ត៌មានខាងលើនេះ REAMKER.com សូមចាត់ទុកជា “សារដាស់តឿន ឬសារពិចារណាមួយ” សម្រាប់បងប្អូនប្រិយមិត្តទាំងអស់គ្នា ទុកជាបទពិសោធន៍សម្រាប់ជីវិតរស់នៅ និងការចាយវាយរបស់លោកអ្នកផងចុះ៕

The post តួកុនដ៏ល្បីរបស់ចិន លោក ចូវ យុនហ្វាត (Chow Yun-Fat) ចាយលុយប៉ុន្មានក្នុងមួយខែ? មិនគួរឲ្យជឿទាល់តែសោះ ថា… appeared first on ព័ត៌មាន រាមកេរ្តិ៍.

រឿងនិទានខ្លី ៗ កសិករ និង សត្វគោ

តារា រិទ្ធ — Thu, 11 Oct 2018 02:55:29 +0000

កាលពីព្រេងនាយមានគ្រួសារកសិករមួយធ្វើស្រែដោយគ្មានសត្វពាហនៈ ឬក៏ឧបករណ៍កសិកម្មដទៃទៀតធ្វើជាជំនួយឡើយ ។ សម័យថ្ងៃមួយមានគ្រួសារកសិករដទៃទៀតមានគោប៉ុន្តែនៅកន្លែងដែលគាត់រស់នៅមិនសំបូរស្មៅ ពួគាត់ក៏សម្រេចយកសត្វគោទាំង២ទៅឲ្យគ្រួសារកសិករមួយទៀតប្រើប្រាស់ដោយមិនទាមទារយកអ្វីពីកសិករនោះឡើយ ។ចាប់តាំងពីបានសត្វពាហនៈដែលជាមធ្យោបាយអូសទាញមកឃើញថាជីវភាពគ្រួសារកសិករនេះមានការរីកចំរើនកាន់តែខ្លាំង។ ដោយសារតែភាពមានបានកសិករបានប្រើប្រាស់សត្វពាហនៈទាំងនេះទាំងឈឺទាំងជាដោយមិនគិតពីទុក្ខលំបាករបស់សត្វឡើយធ្វើម៉េចឲ្យតែបំពេញសេចក្តីលោភលន់របស់ខ្លួន ។ ហើយគិតថាខ្លួនគឺជាអ្នកមានគុណទៅលើសត្វពាហនៈទាំងនេះ ដោយមិនបានគិតថាខ្លួនមានបានក៏ដោយសារតែការចូលរួមរបស់សត្វគោទាំងពីរនេះដែរ គិតតែទារគុណសម្បត្តិក្នុងការយកសត្វគោទាំងពីរនេះមកប្រើក្រោមរូបភាពយកមកចិញ្ចឹមរហូតដល់សត្វគោទាំងពីរនេះឈឺស្លាប់ ៕ ចប់

អត្ថន័យអប់រំ៖ គ្រប់សមិទ្ធផលទាំងអស់ដែលអ្នកមានបានសុទ្ធតែមានការចូលរួមពីអ្នកដទៃ កុំគិតថាខ្លួនចិញ្ចឹមគេហើយមានគុណ សម្បត្តិលប់ទៅលើការចូលរួមរបស់អ្នកដទៃ ។ ការជោគជ័យរបស់អ្នកក៍មានការចូលរួមពីអ្នកដ៍ទៃដែរ កុំគិតថាខ្លួនចញ្ចឹមគេ ហើយមានគុណសម្បត្តិលប់លើការចូលរួមរបស់អ្នកដទៃ។

ប្រភព៖ Facebook

The post រឿងនិទានខ្លី ៗ កសិករ និង សត្វគោ appeared first on ព័ត៌មាន រាមកេរ្តិ៍.

រឿង បើមិនបានស៊ីសាច់ទេ កុំយកឆ្អឹងមកព្យួរក!

តារា រិទ្ធ — Thu, 11 Oct 2018 02:27:56 +0000

មានពស់មួយក្បាលត្រូវឡានកិនធ្វើឱ្យរងរបួសធ្ងន់។ បុរសម្នាក់បានរើសពស់នោះយកមកចិញ្ចឹមដោយព្យាបាលនឹងថ្នាំល្អៗហើយបំប៉នអាហាររហូតទាល់តែពស់នោះមានសុខភាពធម្មតាពេញលេញឡើងវិញ។ ប៉ុន្តែក្រោយមកពស់នោះបានចឹកបុរសដែលជួយខ្លួនដោយធ្វើឱ្យពិសរបស់ខ្លួនបានជ្រាបចូលរាងកាយរបស់បុរសនោះ។ បុរសអភព្វបានសួរពស់នោះថា «ខ្ញុំបានធ្វើអ្វីៗគ្រប់បែបយ៉ាងដើម្បីឯង ហេតុអ្វីបានជាឯងសងគុណដោយធ្វើទង្វើបែបនេះដាក់ខ្ញុំ?»។ ពស់នោះបានឆ្លើយថា «អ្នកបានដឹងរួចហើយនៅពេលដែលអ្នកបានរើសខ្ញុំមក ថាខ្ញុំជាពស់។ ដូច្នេះអ្នកមិនអាចបន្ទោសខ្ញុំបានទេ!»។

គំនិតអប់រំ៖ ចូរអ្នកចងចាំថា អ្នកមិនអាចផ្លាស់ប្តូរសារជាតិដើមរបស់បុគ្គលណាម្នាក់បាននោះទេ! គេអាចផ្លាស់ប្តូរឱ្យអ្នកឃើញតែមួយរយៈពេលខ្លីប៉ុណ្ណោះ ខណៈដែលគេកំពុងស្រលាញ់អ្នក ចង់បានអ្វីមួយពីអ្នកឬមួយធ្វើឱ្យអ្នកទុកចិត្តនិងជឿជាក់លើគេ។ បន្ទាប់ពីនោះមកសារធាតុពិតនឹងផុសចេញពីចិត្តគំនិតនិងខួរក្បាលរបស់គេដែលធ្វើឱ្យអ្នកឃើញយ៉ាងច្បាស់។ ដូច្នេះ មុននឹងអ្នកយកនរណាម្នាក់មកនៅក្បែរខ្លួនអ្នក ចូរអ្នកពិនិត្យពូជពង្សផៅសន្តានរបស់គេថាជាមនុស្សប្រភេទណា ដើម្បីកុំឱ្យមានទុក្ខទោសដល់ខ្លួននៅពេលក្រោយ។

ប្រភព៖ Facebook

The post រឿង បើមិនបានស៊ីសាច់ទេ កុំយកឆ្អឹងមកព្យួរក! appeared first on ព័ត៌មាន រាមកេរ្តិ៍.