ម៉ូតូទំនើបនេះ មានលក្ខណៈងាយស្រួលយកតែមែនទែនតែម្តងសម្រាប់អ្នកបើកបរ គឺថាសឹងតែគ្មានសម្លេង លឿនស្លុយ…។ តាមរយៈរូបភាព និងវីដេអូខាងក្រោមនេះ លោកអ្នក នឹងប្រាកដដៅក្នុងចិត្តថា នឹងទិញមួយគ្រឿងមកប្រើទាល់តែបាន ពេលមានលក់នៅស្រុកខ្មែរយើង…។

ពិតណាស់! ម៉ូតូប្រភេទ Zero DSR នេះ ត្រូវបាននាំមកជូនលោកអ្នកដោយក្រុមហ៊ុន Yamaha ដែលមានឈ្មោះបោះសម្លេងជាយូរយារណាស់មកហើយ ក្នុងពិភពម៉ូតូទាំងតូច និងធំ ហើយលក្ខណៈពិសេសរបស់ម៉ូតូនេះ គឺប្រើអាគុយ ដែលមានកំលាំងខ្លាំងលើសលប់សម្រាប់ដំណើរការម៉ាស៊ីនម៉ូតូនេះរហូតដល់ល្បឿន 90 MPH ឯណោះ មិនចាំបាច់ប្រើអំប្រ៊ីយ៉ា និងចង្កេះលេខនោះទេ។

ពាក្យថា Zero គឺ “សូន្យ” ជាភាសាខ្មែរយើង សំដៅដល់ Zero Start Up, Zero Noise, Zero Emission… កាច់សោរ មួលហ្គែរទៅមុខតែម្តង​ ដោយគ្មានសម្លេង លឿន ម៉ាពេញចិត្តតែម្តង មិនចាំបាច់ប្តូរប៊ូស៊ី មិនចាំបាច់ប្តូរប្រេងម៉ាស៊ីន..។ល។ លើសពីនេះ វាមាន Mode សម្រាប់ជ្រើសរើស Sport និង Eco mode ជាមួយកន្លែងផ្ទុកអាគុយចំកណ្តាលម៉ូតូតែម្តង ម៉ូទ័រវានៅពីក្រោមខាងមុខ ប៉ុន្តែតម្លៃបច្ចុប្បន្ននៅថ្លៃនៅឡើយ ប្រមាណជាង $10,000 ឯណោះ៕

មិនបាច់ទន្ទឹងរង់ចាំយូរ សូមតាមដានទាំងអស់គ្នា ដូចខាងក្រោម៖

The post ក្តៅ ៗ ហ្មងនេះ! ម៉ូតូអត់ចាក់សាំង ឬហ្គាសដ៏ទំនើបដែលផលិតដោយក្រុមហ៊ុន Yamaha អស្ចារ្យមែនទែនសម្រាប់លោកអ្នក appeared first on ព័ត៌មាន រាមកេរ្តិ៍.

1. ជួបបញ្ហា ត្រូវតែដោះស្រាយ
អ្នកដឹកនាំដែលអស្ចារ្យ គឺក្លាហានណាស់ក្នុងការប្រឈមនឹងរាល់បញ្ហា ដោយប្រឹងប្រែងយ៉ាងស្មោះស្ម័គ្រដោះស្រាយបានយ៉ាងល្អ។ ទោះស្ថិតក្នុងកាលៈទេសៈធ្លាក់ចុះដុនដាបដល់កម្រិតទាបបំផុតយ៉ាងណាក៏ដោយ អ្នកដឹកនាំប្រកបដោយប្រសិទ្ធភាពហ៊ានប្រឈមនឹងបញ្ហាទាំងនេះដោយមិនគេចវេសឡើយ។ ការបង្កើតការទាក់ទងជាធម្មតាមួយជាមួយនឹងបុគ្គលិកក្រោមបង្គាប់ ដោយបង្ហាញ ឬប្រាប់ពីព័ត៌មាន​ ឬអ្វីៗដែលល្អៗ និងមិនល្អ…ទាំងនេះនឹងនាំដល់ការបង្កើតការជឿជាក់ដ៏ខ្ពស់មួយ រវាងបុគ្គលិក និងថ្នាក់ដឹកនាំ ហើយអ្នកទាំងអស់គ្នា នឹងមិនជួបនូវបញ្ហា ឬវិវាទផ្លូវចិត្តដែលកើតឡើងភ្លាមៗនោះដែរ។ ត្រង់នេះ យើងឃើញមានឃ្លាមួយចំនួនគួរពិចារណា “ការនិយាយខ្សឹបខ្សៀវនៅកន្លែងញ៊ាំកាហ្វេ ជាទូទៅវាទំនងជាអាក្រក់លើសការពិតរហូតដល់10ដងឯណោះ” នេះបើតាមសម្តីរបស់ Handal។ លើសពីនេះ “បុគ្គលិកត្រូវការអ្នកដឹកនាំដែលហ៊ានតស៊ូ ប្រឈមដោះស្រាយដោយសន្តិវិធី និងឈ្នះឈ្នះ នៃរឿងពិតទាំងអស់នោះផងដែរ​“។

2. យកឈ្នះឲ្យបាននូវភាពជឿទុកចិត្ត
បុគ្គលិក ត្រូវបានគេដឹងថានឹងមានជំហរកាន់តែស្មោះត្រង់ និងពេញចិត្តការងារនៅក្នុងកន្លែង ឬបរិយាកាសការងារមួយដែលដឹកនាំដោយអ្នកគ្រប់គ្រងដែលពួកគាត់ជឿទុកចិត្ត។ វិធីដែលធ្វើឲ្យបុគ្គលិកមានអារម្មណ៍ និងធ្វើបែបនេះ មានច្រើនយ៉ាង៖
– លោកអ្នកអាចប្រើការយកចិត្តទុកដាក់លើបុគ្គលិកទៅតាមកន្លែងធ្វើការនិមួយៗ។
– មិនគួរលូកដៃចូលជ្រៅពេកទៅក្នុងរឿងបុគ្គលរបស់ពួកគាត់ឡើយ ប៉ុន្តែអាចលើកទឹកចិត្តដោយប្រយោលដល់ពួកគាត់ ដោយសួរនាំពីការរៀនសូត្រ និងការហាត់ ឬលេងកីឡារបស់កូនៗគាត់ទៅវិញ ល្អជាង។
– ជានិច្ចកាលត្រូវបង្ហាញដោយមិនមានល្បិចកលថា អ្នកដឹកនាំចាប់អារម្មណ៍ពីភាពជោគជ័យរបស់បុគ្គលិក ហើយពិភាក្សាផ្តល់យោបល់ពីអាជីពការងាររបស់ពួកគាត់។
នៅពេលពេលបុគ្គលិក អ្នកលក់ ឬនរណាបានធ្វើអ្វីខុស សូមកុំព្យាយាមរិះគន់ បង្អាប់ បន្ទោស ឬកែគាត់ពេលកំពុងខឹងឲ្យសោះ មិនមានលទ្ធផលទេ។ លោកអ្នកត្រូវតែពន្យល់ពីស្ថានភាពកំហុសនោះ ដោយស្ងប់ស្ងាត់ ហើយបង្ហាញពីមូលហេតុ ឬសកម្មភាពនៃអាកប្បកិរិយាពួកគាត់យ៉ាងម៉េចដែលធ្វើទៅមិនត្រឹមត្រូវនោះ ក៏ដូចជាអ្វីដែលលោកអ្នកចង់បានពីគាត់នៅពេលខាងមុខផងដែរ។ នៅពេលដែលពួកគាត់ដឹងថា លោកអ្នកជាអ្នកដឹកនាំបែបនេះ ថែមទាំងមានការយកចិត្តទុកដាក់ដល់បេះដូងពួកគាត់ផងនោះ បុគ្គលិកទាំងអស់នោះនឹងជឿជាក់ និងទុកចិត្ត កក់ក្តៅជាមួយអ្នកដ៏យូរអង្វែងផងដែរ។

3. ភាពជាអ្នកមានសិទ្ធិ
ក្នុងភាពជាអ្នកដឹកនាំដ៏ប្រពៃ សូមកុំធ្វើចរឹតហាក់ដូចជាៗនោះ គឺត្រូវធ្វើចរឹតជាក់ស្តែងដែលជារបស់លោកអ្នកពិតៗ។ ធ្វើម៉េចកុំតាំងខ្លួនអស្ចារ្យហួសហេតុពេក ហួសមាឌរបស់ខ្លួន ដែលជាការពេបមាត់ ពេបជ្រាយដ៏អាក្រក់សម្រាប់អ្នក អ្នកនឹងមិនមានការគោរពសរសើរដ៏ពិតប្រាកដណាមួយឡើយពីបុគ្គលិកក្រោមបង្គាប់។ គួរសួរខ្លួនឯងថា លោកអ្នកជាមនុស្សបែបម៉េច? បើទោះជាបែបណា ក៏គួរតែបង្កើតសំណើចសម្រាប់បុគ្គលិកក្រោមបង្គាប់ផងដែរ។ លោកអ្នកត្រូវប្រើភាពខ្លាំង និងបុគ្គលិកលក្ខណៈពិតៗ ក្នុងការបង្កើតនូវស្តាយ៍ (Style) ក្នុងការដឹកនាំដោយខ្លួនលោកអ្នកបាន។

4. ការទទួលបាននូវការគោរពពិត
នៅពេលដែលលោកអ្នកបង្ហាញ និងអនុវត្តខ្លួនអ្នកប្រកបដោយសីលធម៌ និងគំរូដ៏ល្អសម្រាប់ពួកគាត់ធ្វើតាម នោះលោកអ្នកនឹងទទួលបានការគោរពយ៉ាងពិតប្រាកដពីបុគ្គលិក ឬមនុស្សម្នាជុំវិញខ្លួនអ្នកជាក់ជាមិនខាន។ អ្នកដឹកនាំណាដែល ​“និយាយហើយធ្វើ មិននិយាយចោល” ជាបុគ្គលគំរូបំផុតសម្រាប់ក្រុមការងារ ក៏ដូចជាក្រុមហ៊ុន និងអ្នកវិនិយោគជាមួយដទៃទៀតផងដែរ។ អ្នករាល់គ្នានឹងគោរពដោយស្មោះស្ម័គ្រចេញពីចិត្តចំពោះការផ្តល់តម្លៃ និងការគោរពទៅវិញទៅមកជាក់ជាមិនខាន។

5. នៅតែចង់ដឹងលឺ និងច្នៃប្រឌិត
អ្នកដឹកនាំប្រពៃ តែងតែចង់ដឹងលឺសុខទុក្ខបុគ្គលិក ឬអ្នកក្រោមបង្គាប់ ហើយនៅតែសិក្សាបន្តសម្រាប់ខ្លួនឯងជានិច្ច។ ពួកគាត់សុទ្ធតែជាអ្នកចង់ដឹងរឿងរ៉ាវទាំងឡាយ ហើយស្វែងរកគំនិត របកគំហើញ និងព័ត៌មានថ្មីៗ។ អ្នកដឹកនាំដែលល្អបំផុតនេះ គឺជាអ្នកយល់ដឹងពីការវិវត្ត និងទំនោរថ្មីៗ ដែលទទួលបានពីគ្រប់ទីកន្លែង ហើយតែងតែប្រមើមើលរកនូវចំណេះដឹង ឬបុគ្គលិក ឬអ្នកក្រោមបង្គាប់ដែលអាចផ្តល់ជាយោបល់ដល់គាត់បាន និងផ្តល់គុណសម្បត្តិ ឬគុណប្រយោជន៍ដល់ពួកគេ៕

The post គន្លឹះទាំង 5 ក្នុងភាពជាអ្នកដឹកនាំដែលមានឥទ្ធិពលខ្លាំងបំផុតទៅលើមនុស្សជុំវិញខ្លួនអ្នក appeared first on ព័ត៌មាន រាមកេរ្តិ៍.

ខាងក្រោមនេះ Reamker.com សូមលើកយកតែ 20មុខ ដែលធ្វើឡើងពីបំពង់ជ័រ PVC៖

1. ប្រដាប់ដាក់កងដៃ៖ បើសិនអ្នកនាងកញ្ញាចូលចិត្តរបស់របរលម្អដូចជាកងដៃអីហ្នឹង… អាចសាកល្បងធ្វើតាមរូបនេះបាន។

2. ប្រដាប់ដាក់តាំងស្រា៖ កាត់បំពង់ទីបជ័រដាក់តំរៀបគ្នានៅចន្លោះក្តារខៀនពីរផ្ទាំង ជាការស្រេច។

3. ប្រដាប់ដាក់ និងចែកពណ៌ថ្នាំលាប ឬគូររូប៖ លោកអ្នកអាចរក្សាទុកដោយមានរបៀប មើលទៅស្អាតមានសោភ័ណ្ឌភាពទៀតផង។

4. ធ្វើធ្នើដែលលោតចេញពីជញ្ជាំង៖ ប្រើបំពង់ទំហំធំ ហើយកាត់វាតាមខ្នាតចង់បាន ដោយចាប់វុីសជាប់ទៅនឹងជញ្ជាំង សម្រាប់ដាក់តាំងអ្វីក៏បាន ហើយមានរចនាបថល្អទៀត។

5. ប្រដាប់ដាក់ស្ទីចគ័រ៖ លោកអ្នកអាចភ្ជាប់បំពង់ជ័រទាំងនេះ ដើម្បីទុកដាក់ក្រដាស់ ឬស្ទីចគ័រនៅទីតាំងកៀនកោះបានយ៉ាងល្អ។

6. ធ្វើជាជើងទំរសម្រាប់ទូរស័ព្ទ ឬiPad៖ វាជាវិធីល្អបំផុតមួយសម្រាប់បង្កើតស្ទីលថ្មីទាន់សម័យ មិនបាច់ចំណាយលុយច្រើន គឹតែប៉ុណ្ណេះ(រូបខាងក្រោម)ទៅជាការស្រេច។

7. ប្រដាប់ដាក់បញ្ឈររបស់របរចាំបាច់នៅរោងជាង៖ ចបជីក ចបកាប់ ប៉ែល រណារ រនាស់…។ល។ បើមិនរៀបចំវាទេ គឺរញ៉េរញ៉ៃពេញរោងជាងហ្នឹង ចឹងអាចប្រើវិធីខាងក្រោមនេះបាន។

8. ធ្វើជាទ្រើងសម្រាប់ដាំដំណាំ៖ ធ្លាប់ឃើញច្រើនហើយ បច្ចុប្បន្នយើងអាចដាំដំណាំ បន្លែមួយចំនួនធំ ដោយប្រើ PVC នេះឯង ហើយប្រើទីតាំងតូចក៏អាចធ្វើបាន។ វាអាចជាកសិដ្ឋានតូចមួយរបស់លោកអ្នក។

9. ធ្វើជាដង ឬទំរអំពូលភ្លើង៖ បើលោកអ្នកចូលចិត្តរបស់ចាស់ៗ អាចសាកល្បងធ្វើបែបនេះបាន ដូចរូបខាងក្រោម សម្រាប់ភ្ជាប់អំពូលទៅតាមទីតាំងដែលស្រលាញ់ ប្រើលុយកាក់អស់តិចទៀត ហើយមើលទៅស្អាតគួរឲ្យទាក់ទាញ។

10. ធ្វើជាប្រព័ន្ធទឹកផ្កាឈូក៖ តាមវិធីខាងក្រោមនេះ លោកអ្នកនឹងមានអារម្មណ៍ប្លែកថ្មី សម្រាប់បន្ទប់ងូតទឹកមិនខាន ព្រោះមើលទៅទឹកផ្កាឈូកបាញ់ចេញមកពីគ្រប់ជ្រុងជុំវិញខ្លួនលោកអ្នកតែម្តង ហើយទំនើបទៀតផង។

11. ធ្វើឆ្អឹងសម្រាប់សំណាញ់ក្មេងលេងបាល់៖ កូនៗ ឬក្មេងៗប្រាកដជាចូលចិត្តណាស់របស់មួយនេះ ទាំងប្រុស ទាំងស្រី បើសិនលោកអ្នកចង់ធ្វើសម្រាប់ពួកគាត់ មិនចំណាយច្រើននោះទេ តែអាចឲ្យពួកគាត់សប្បាយខ្លាំង (មិនចាំបាច់ទៅផ្សារទំនើប ឬកន្លែងក្មេងលេងឯណាទេ)។

12. ធ្វើជន្ទល់សងខាងអង្រឹង៖ មិនចាំបាច់មានដើមឈើសងខាង គឺមានតែបំពង់ពីរដើមធំល្មម ជ្រៀកចុងខាងលើ ចងខ្សែឲ្យជាប់សងខាង នោះអង្រឹងនៅកណ្តាលអាចសម្រាន្តបានហើយ។

13. ធ្វើរទេះសម្រាប់ក្មេងៗជិះលេង៖ ហាសហា! ពិតជាមានន័យបើកាលពីតូចលោកអ្នកមានឡានតូចៗឬរទេះជិះលេងនោះ…ពេលនេះលោកអ្នកអាចធ្វើឲ្យកូនៗបានហើយ មិនចំណាយច្រើន គ្រាន់តែបន្ថែមកង់វិលអូតូម៉ាទិចបើមាន។ វាអាជាកាដូសម្រាប់រដូវកាលគ្រីស្តម៉ាស៍សម្រាប់ក្មេងៗក៏បាន។

14. រទេះសម្រាប់តាំងលក់ផ្លែឈើ៖ បើសិនលោកអ្នករករទេះដែកមិនទាន់ទេសម្រាប់ដាក់តាំងលក់ផ្លែឈើ ឬកម្មវិធីអ្វីមួយ អាចសាកល្បងធ្វើរបៀបខាងក្រោមនេះបានដោយមិនបាច់រង់ចាំយូរ។

15. ធ្វើជាប្លុកដាក់ខោអាវខ្លី៖ បើសិនយកបំពង់ទីបជ័រធំៗមានគែមស្តើង មកកាត់កង់ៗកំរាស់អាចទាញថតទូចេញចូលបាន លោកអ្នកនឹងទទួលបានសណ្តាប់ធ្នាប់ល្អមួយសម្រាប់ទូរសម្លៀកបំពាក់របស់លោកអ្នក។

16. ធ្វើជើងទំរសម្រាប់អាងទឹកសត្វចាប៖ ដូចរូបខាងក្រោម ក្នុងសួនច្បារលោកអ្នក អាចយកបំពង់ជ័រធំនេះទៅធ្វើជាជើងទំរយ៉ាងរឹងមាំសម្រាប់របស់មានប្រយោជន៍ និងសោភ័ណ្ឌភាពមួយនេះ។

17. ធ្វើឆ្អឹងវាំងននសម្រាប់គ្រែគេង៖ ដើម្បីបន្ថែមសោភ័ណ្ឌភាពដល់បន្ទប់គេង លោកអ្នកអាចយកបំពង់ជ័របាញ់ ឬលាបថ្នាំពណ៌ឈើ តភ្ជាប់គ្នាដូចរូបខាងក្រោម។ វានឹងលើកសម្រស់គ្រែគេងលោកអ្នកថែមមួយកម្រិតទៀត។

​18. ធ្វើកញ្ចក់ឆ្លុះសម្រាប់តាំងលើជញ្ជាំង៖ បើសិនលោកអ្នកយកបំពង់ទីបជ័រនេះ មកកាត់តូចធំហើយឲ្យជាងកញ្ជក់កាត់កញ្ចក់មូលៗតាមទំហំបំពង់ទីបកាត់រួចនោះ បិទភ្ជាប់នឹងជញ្ជាំង ពេលនោះវានឹងក្លាយជារបស់តាំងផ្ទះយ៉ាងប្រណីតមួយជាមិនខាន។

19. ប្រដាប់ព្យួរនៅផ្ទះបាយ៖ ចានក្បាន កំបិត ស្លាបព្រា…ជាពិសេសវែកសម្លរ…គឺអាចរៀបចំឲ្យមានរបៀបដូចរូបនេះ ដោយធ្វើជាប្រដាប់ដាក់ព្យួរយ៉ាងឡូយ និងមានសោភ័ណ្ឌនៅចង្ក្រានបាយលោកអ្នក។

20. ទូរសម្រាប់កុំព្យូទ័រឬរបស់ផ្សេងៗ៖ តើលោកអ្នកចង់បានទូរដាក់កុំព្យូទ័រតាមទំហំត្រូវការមែនទេ? សាកល្បងធ្វើដោយខ្លួនឯង ជាមួយនឹងបំពង់ទីបជ័រដែលលោកអ្នកចង់បាន។

នៅមានបន្ត…

The post បំពង់ទីបជ័រ (PVC) អាចប្រើដើម្បីធ្វើអ្វីខ្លះ? appeared first on ព័ត៌មាន រាមកេរ្តិ៍.

Source: Youtube

The post មិនបានមើល… មិនដឹងថា គ្រែឥឡូវទំនើបដល់ថ្នាក់ហ្នឹងទេ! appeared first on ព័ត៌មាន រាមកេរ្តិ៍.

ពិតមែនហើយ ដើម្បីបានដើរបាញ់នេះបាញ់នោះ…បាញ់ទងស្វាយទម្លាក់ អាលនឹងឈូសគូតស្វាយដាក់មាត់ក៏មាន បាញ់ទំលុះស្លឹកឈើក៏មាន បាញ់ទម្លាក់សត្វស្លាបក៏មាន (គិតទៅបាបខ្លាំងណាស់) បាញ់ទម្លាក់យន្តហោះកន្ទុំរុយក៏មាន…យីពិតជាមានច្រើនរឿងណាស់ តើពេលនោះយើងប្រើអីទៅ? មិន “ជំពាម” ហ្នឹងហ្អី! ចឹងមែនអត់គ្នាយើង? ដែលភាសាអង់គ្លេសហៅថា “Slingshot”​ នោះអី។

តាំងពីបុរាណកាលយើងធ្វើជំពាមដោយប្រើមែកឈើដែលមាំស្វិត ឬកាត់ឈើប្រណិតមួយដុំមកលុងជារាងជំពាមតែម្តង…ហាសហា ហើយក៏មានរាងប្លែកៗដូចរបស់របរបុរសៗផងដែរ! ប៉ុន្តែខណៈនេះ 2019ស្អែកៗហើយ ចឹងជំពាមក៏បានវិវត្តខ្លួនឥតឈប់ឈរមកទាន់យុគសម័យបច្ចេកវិទ្យាទំនើបនេះផងដែរ មិនបង្អស់យូរនាំសៅហ្មង ជំពាម ស្រស់ៗស្អាតៗទាំងប៉ុន្មានខាងក្រោមនេះ អ្នកធ្លាប់ប្រើពីមុនមកនឹងជាប់ចិត្តចង់ទិញមកប្រើមួយហើយ ថាមិនឲ្យខុសចិត្តទេ។

តាមពិតទៅ ជំពាម ក៏ជាប្រភេទអាវុធមួយដែលអាចប្រើក្នុងការប្រយុទ្ធពីចម្ងាយដោយប្រើគ្រាប់ច្រើនយ៉ាងប្រភេទ ពីមុនលុញដុំដីដុតហាលឲ្យស្ងួត តែឥឡូវអាចឈានដល់កូនឃ្លីកែវ គ្រាប់ប៉ាដាងដែក…។ល។ គេក៏ធ្លាប់បានឃើញក្នុងសង្គ្រាមលោកលើកទី1 ជំពាមខ្នាតធំត្រូវបានក្រុមទាហានយកទៅប្រើប្រាស់ផងដែរពេលធ្វើសឹកនោះ។

ចឹង REAMKER សុំចិត្តអ្នកប្រើ បើបានប្រើសូមប្រើឲ្យបានស្រួលបួល មានសណ្តាប់ធ្នាប់ សីលធម៌ មនុស្សធម៌ គុណធម៌ មិនត្រូវប្រើក្នុងផ្លូវអាក្រក់ឡើយ៕

ខាងក្រោមនេះ គឺរបៀបធ្វើជំពាមពីមែកឈើ (នៅខ្មែរយើង)

ចំណែកវីដេអូខាងក្រោមនេះ គឺជំពាមបែបទំនើប (នៅបរទេស)

The post អ្នកធ្លាប់លេងទើបដឹងអារម្មណ៍មួយនេះ appeared first on ព័ត៌មាន រាមកេរ្តិ៍.

1- Optimus Prime (2007)
2- Revenge of the Fallen (2009)
3- Dark of the Moon (2011)
4- Age of Extinction (2014)
5- The Last Knight (2017)
6- Bumblebee (2018) ចុងឆ្នាំនេះ នឹងបានទស្សនាហើយ!!!

ទាំងនេះសុទ្ធតែជារឿងហូលីវូដល្អៗ ដែលប្រើប្រាស់បច្ចេកវិទ្យាទំនើប ក្នុងការថតយករូបភាព និងបច្ចេកទេសចុងក្រោយក្នុងការកាត់បញ្ចូលគ្នារវាង Actual និង Visual Effects ហាក់មើលទៅជារូបភាពពិតៗតែម្តង៕

តោះងាកមកទស្សនា Trailer របស់ Transformers || BumbleBee ទាំងអស់គ្នា

The post កាន់តែប្លែក…ជាមួយនឹង Transformers 2018 បានទស្សនាឬនៅ? ចុងឆ្នាំនេះ… appeared first on ព័ត៌មាន រាមកេរ្តិ៍.

អ្នកស្ទូចត្រីដទៃទៀត ដំបូងគិតថាគាត់ឆ្កួត តែចុងក្រោយ…ទើបដឹង ក៏អនុវត្តតាមវិធីស្តេចស្ទូចត្រីនោះទៅ៕

អញ្ចឹងវិធីស្ទូចរបស់គាត់ហ្នឹងយ៉ាងម៉េចដែរ សូមទស្សនាដូចតទៅ…
កុំភ្លេចច្រៀង “បុំ ឈីកាបុំ ឈីកាបុំ ឈិឈិ…”

The post ច្រៀងចម្រៀងនេះ… ២វិនាទី ស្ទូចបានត្រីតែម្តង មិនចាំបាច់រង់ចាំយូរ (មានវីដេអូ) appeared first on ព័ត៌មាន រាមកេរ្តិ៍.

The post ជាងប៉ះកង់ម៉ូតូមុខមាត់ប៉ុណ្ណេះ មិត្តនារីយើង ទោះជាម៉ូតូមិនទាន់ខូច ក៏ខូចដែរ appeared first on ព័ត៌មាន រាមកេរ្តិ៍.

The post កុំទាន់គិតអ្វីផ្តេសផ្តាស លើរូបភាពគំនូរនេះអោយសោះ តាមពិត… (មានវិឌីអូ) appeared first on ព័ត៌មាន រាមកេរ្តិ៍.