ប្រសិនបើលោកអ្នកបានអញ្ជើញទៅកំសាន្ត និងដើរទស្សនាតាមថែវ (ជញ្ជាំង) នៃប្រសាទបាយ័ន និងបន្ទាយឆ្មារ លោកអ្នកនឹងឃើញរូបភាពទ័ពសឹកជិះទូកធ្វើការប្រយុទ្ធដើម្បីការពារទឹកដីកម្ពុជាជាក់ជាមិនខាន។ យោងតាមសៀវភៅនិយាយពីប្រវត្តិសាស្ត្រដែលមានរក្សាទុកនៅឯពុទ្ធសាសនបណ្ឌិត និងឯកសារជាច្រើនទៀតលើពិភពលោក ឃើញថា ចាប់តាំងពីសតវត្សរ៍ទី12 ក្នុងរជ្ជកាលស្តេចជ័យវរ្ម័នទី7 មកម្ល៉េះ មានប្រារព្ធពិធីអុំទូក បណ្តែតប្រទីប សំពះព្រះខែ និងអកអំបុក ក្នុងន៏យ៖

1. រំលឹកដល់កងទ័ពជើងទឹកដ៏ខ្លាំងក្លា អង់អាច ក្លាហានការពារទឹកដីកម្ពុជា។
2. ក៏អាចជាទម្លាប់ក្នុងការធ្វើសមយុទ្ធរៀងរាល់ឆ្នាំរបស់ទាហានជើងទឹករជ្ជកាលស្តេចច័ន្ទរាជា ហើយក៏ក្លាយជាទម្លាប់តមកអនុវត្តជារៀងរាល់ឆ្នាំ។
3. រំលឹកដល់ព្រះមែគង្គា (តាមបែបសាសនា) ដែលបានផ្តល់ទឹកដ៏មហិមាដល់ទន្លេសាប និងមេគង្គ មកជាមួយនឹងដីល្បាប់ដ៏ល្អ មកស្រោចស្រព្វ និងផ្តល់ជីរជាតិដល់ការដាំដុះស្រូវ ពោត សណ្តែក ដំឡូង …។ល។

តាមប្រវត្តិសាស្ត្រទូកសម្រាប់ធ្វើសឹកសង្គ្រាមការពារទឹកដីកម្ពុជាបានចែកជា 3ក្រុម គឺ៖

1. ក្រុមទ័ពស្រួច ប្រើទូកអុំ
2. ក្រុមទ័ពជំនួយ ប្រើទូកចែវ (ពីរជួរ)
3. ក្រុមផ្ទុកស្បៀង ប្រើទូកធំមានក្តោង និងដំបូល (ទូកប៉ុកចាយ)

លោកអ្នកបានក៏បានជ្រាបហើយថា ទូកដែលយកមកប្រណាំងក្នុងពិធីបុណ្យអុំទូក គឺមានប្រភេទជាក្រុមទូកអុំបុរសនារី ទូកចែវបុរសនារី…ជាដើម។

គួរបញ្ជាក់ផងដែរថា ពិធីបុណ្យនេះ ត្រូវបានប្រារព្ធឡើងរៀងរាល់ឆ្នាំ ចាប់ពីថ្ងៃទី 14 និង 15 កើត ព្រមទាំងទី 1 រោច ខែកត្តិក គឺស្របពេលនឹងរដូវកាលនៃស្រូវទុំតែម្តង។ ពិធីអុំទូកនេះ ប្រារព្ធធ្វើឡើងអមដោយការសែនព្រេនតាំងពីបុរាណកាលមក គឺអំបុកជាមួយចេក និងទឹកដូង ដោយមានការសំពះបួងសួងដល់ព្រះច័ន្ទផងដែរ។ តាមការនិយាយតៗគ្នាមក គឺជាការរំលឹកដល់សត្វទន្សាយដែលបានបូជាកាយលោតចូលភ្លើងដើម្បីក្លាយជាអាហារដល់បុរសម្នាក់ ហើយក៏ចាប់កំណើតជារូបទន្សាយក្នុងព្រះច័ន្ទតាំងពីពេលនោះរហូតសព្វថ្ងៃ។ (តាមវិទ្យាសាស្ត្រ មិនមានរូបទន្សាយអ្វីនោះទេ ដែលយើងមើលឃើញស្រដៀងរូបទន្សាយពីផែនដីទៅព្រះច័ន្ទដោយភ្នែកទទេរនេះ បើតាមកែវយឹតគឺជាស្នាម អាចជាបន្ទុះភ្នំភ្លើងលើភពព្រះច័ន្ទនោះបង្កជាស្នាមលើភពនោះទៅ)។

សម្រាប់ពិធីបុណ្យអុំទូក បណ្តែតប្រទីប សំពះព្រះខែ និងអកអំបុក បើយោងតាមទិន្នន័យភ្ញៀវទេសចរណ៍មកចូលរួមយ៉ាងច្រើនកុះករ អញ្ជើញមកកំសាន្តពីគ្រប់ខេត្តក្រុង និងបរទេស ឃើញថា មានរហូតដល់រាប់សែននាក់ក្នុងមួយឆ្នាំៗ៕

The post ពិធីបុណ្យអុំទូក បណ្តែតប្រទីប សំពះព្រះខែ និងអកអំបុកមានប្រវត្តិយ៉ាងណាដែរ? appeared first on ព័ត៌មាន រាមកេរ្តិ៍.

ហើយតាមរយៈវីដេអូខាងក្រោមនេះ លោកអ្នកនឹងកាន់តែកោតសរសើរដល់កិច្ចគាំពារ ថែរក្សាបរិស្ថានរបស់ប្រទេសសឹង្ហបូរី ជាក់ជាមិនខាន ព្រោះសូម្បីតែសំរាម ក៏ត្រូវបានយកចិត្តទុកដាក់ កែច្នៃឲ្យទៅជារបស់មានប្រយោជន៍សម្រាប់បរិស្ថានផងដែរ។ សឹង្ហបូរី បានបង្កើតកោះមួយនៅក្នុងមហាសមុទ្រ ដោយរៀបចំជាទម្រង់អាងស្តុកទឹកនៅចំកណ្តាល ដែលចាក់បំពេញព័ទ្ធជុំវិញដោយខ្សាច់។​ ពួកគាត់ដុតសំរាម តែមានប្រព័ន្ធការពារ និងកាត់បន្ថយផ្សែងពុល រួចដឹកទៅចាក់លើកោះសប្បនិមិត្តនោះ ប៉ុន្តែមិនមែនជាសំរាមដែលកខ្វក់ដូចលោកអ្នកធ្លាប់ឃើញនោះឡើយ ព្រោះចម្ងាយប្រមាណ 30ម៉ែត្រពីកន្លែងចាក់សំរាមនោះគឺជាស្រះចិញ្ចឹមត្រី តែមិនមានបញ្ហាដល់ត្រីហ្នឹងឡើយ គឺ 100% មានសុវត្ថិភាពពេញលេញ។

សរុបមក ប្រទេសសឹង្ហបូរី បានចំណាយថវិកាក៏មិនតិចដែរ ក្នុងការដុតសំរាមនៅក្នុងទឹក (Ashes buried underwater)។ វីដេអូខាងក្រោមនេះ នឹងធ្វើឲ្យលោកអ្នកភ្ញាក់ផ្អើល!!!

The post ប្រទេសសឹង្ហបូរី (Singapore) នឹងធ្វើឲ្យលោកអ្នកភ្ញាក់ផ្អើលមិនខាន តាមរយៈវីដេអូនេះ… appeared first on ព័ត៌មាន រាមកេរ្តិ៍.

ក្នុងនោះ Reamker.com មានចំណាប់អារម្មណ៍មួយលើរបៀបនៃការលំហែរបែបហោះហើរលើអាកាស ជាមួយនឹងសត្វបក្សាបក្សី។ វាជារបៀបនៃការលំហែរដ៏អស្ចារ្យមួយនៅបរទេស ជាក់ស្តែងដូចការបង្ហាញក្នុងវីដេអូឃ្លីបរបស់ NATGEO (National Geographic Adventure) ខាងក្រោមមួយនេះអញ្ចឹង បាននាំអារម្មណ៍អ្នកទស្សនាទៅដល់ឋានអាកាសវេហាស៍មួយដែលព័ទ្ធជុំវិញដោយខ្យល់បរិសុទ្ធផុតពីដី ផ្ទៃមេឃខៀវស្រងាត់ បាត់អស់ភាពកង្វល់ បន្សល់តែភាពរីករាយ អារម្មណ៍ស្រស់ថ្លា ជាមួយបក្សាបក្សី សត្វក្ងានព្រៃ ដែលហោះហើរជាមួយអ្នកទេសចរណ៍ កម្រនឹងមាន។ សង្ឃឹមថា នឹងមាននៅស្រុកខ្មែរយើងដែរនាពេលអនាគត។

សូមលោកអ្នករីករាយកំសាន្ត ទេសចរណ៍លើលំហរមេឃា រម្យនាជាមួយបក្សាបក្សី ដូចតទៅ… គួរឲ្យចង់ហោះអញ្ចឹងដែរណាស់! រំភើបណាស់!!!

Source: Facebook

The post មិនដឹងជារំភើបយ៉ាងណាទេបើសិនជាអាច ហោះហើរជាមួយបក្សាបក្សី ដូចក្នុងវិឌីអូនេះ appeared first on ព័ត៌មាន រាមកេរ្តិ៍.

ទីតាំងកោះរុង គឺស្ថិតនៅក្នុងសង្កាត់លេខ5 (ឬហៅថាសង្កាត់កោះរុង) ក្នុងខណ្ឌមិត្តភាព ខេត្តព្រះសីហនុ មានចម្ងាយប្រមាណ 25គីឡូម៉ែត្រពីឆ្នេរសមុទ្រ ហើយមានទំហំដីប្រមាណ 78គីឡូម៉ែត្រការ៉េ ដែលមានឆ្នេរប្រវែង 43គីឡូម៉ែត្រ នៃប្រវែងមាត់សមុទ្រសរុបប្រមាណ 61គីឡូម៉ែត្រ។ យើងសង្កើតឃើញថានៅលើកោះនោះមានប្រជាពលរដ្ឋរស់នៅចំនួន 4ស្រុក ដូចជា៖ កោះតូច, ដើមតាគៀវ, ព្រៃស្វាយ និងសុខសាន្ត។ ក្នុងចំណោមតំបន់ខាងលើនេះ កោះតូច ជាកន្លែងដែលទេសចរណ៍ចូលចតទូក ឬកាណូត ដែលធ្វើឲ្យតំបន់នេះក្លាយទៅកន្លែងដែលមនុស្សម្នារស់នៅច្រើនជាងគេ ព្រមជាមួយនឹងការវិនិយោគជាច្រើន ជាផ្ទះសំណាក់ ឬបឹងកាឡូ (Bungalow) នៅទីនោះផងដែរ។ តាមរយៈការរីកចម្រើននេះ ក៏យើងឃើញមានក្រុមហ៊ុនវិនិយោគធំមួយក្នុងស្រុកខ្មែរ គឺរ៉ូយ៉ាល់គ្រុបចូលខ្លួនមកដើម្បីគ្រោងបង្កើត និងប្រែក្លាយតំបន់នេះទៅជាកោះបែបរមនីយដ្ឋានដែលមានបរិស្ថានល្អជាងគេបំផុតក្នុងតំបន់អាស៊ី (Asian’s first environmentally planned resort island)។

លោកអ្នកប្រហែលជាបានឮអ្នកជិតខាង ឬមិត្តភក្តិ ឬអ្នកស្គាល់ ដែលបានទៅលេងសម្រាកកំសាន្តនៅទីនោះ និយាយ និងពណ៌នាពីទេសភាពដ៏មហាត្រកាល ភាពស្ងប់ក្នុងចិត្ត ទឹកសមុទ្រឆ្លុះបាតដី ផ្ទៃសមុទ្រពណ៌ស្រស់ត្រកាល លើកំរាលឆ្នេរខ្សាច់ពណ៌មាសចំរុះទៅតាមពន្លឺនៃព្រះអាទិត្យ ព្រមទាំងកន្លែងស្នាក់នៅប្រកបដោយផាសុកភាព សុខដុម…ជាលក្ខណៈសង្សារ ឬក្រុមគ្រួសារ ។ល។

គ្រាន់តែនិយាយ និងបានស្តាប់ លោកអ្នកមានអារម្មណ៍ថា ចង់ទៅកំសាន្តនៅកោះរុងនោះតែម្តង តើមែនទេ? ហើយអមជាមួយរូបភាពទាំងនេះ លោកអ្នកក៏រិតតែចង់ទៅគយគន់ទេសភាព និងទទួលយកនូវធម្មារណ៍នៃទិដ្ឋភាពក្នុងក្តីស្រម៉ៃរបស់លោកអ្នកជាក់ជាមិនខាន។

Reamker.com បានទទួលនូវតារាងតម្លៃសម្រាប់បន្ទប់ស្នាក់នៅ និងសេវាផ្សេងៗ ដែលលោកអ្នកអាចយកទៅពិចារណាបានដូចខាងក្រោម៖

– គ្រែ1 គេងបាន 2នាក់ តម្លៃតែ $35
– គ្រែ2 គេងបាន 4នាក់ តម្លៃតែ $45
– គ្រែ3 គេងបាន 6នាក់ តម្លៃតែ $55

* សំបុត្រទូកទៅមក តម្លៃ $22
** សំបុត្រទូកទៅមក កោះឋានសួគ៌ ឬសុខសាន្ត តម្លៃ $27
*** បើដើរលេង 3កោះ ជាមួយនឹងអាហារ 2ពេល តម្លៃ $27

Source: Facebook

The post ទេសចរណ៍ | “កោះរុងកម្ពុជា” ឋានសួគ៌ ដែលអូនប្រាថ្នា…! appeared first on ព័ត៌មាន រាមកេរ្តិ៍.