ទេសភាពទំនប់៧៨ នារដូវទឹកឡើង​ រដូវវស្សា ស្អាតណាស់

The post ទេសភាពទំនប់៧៨ នារដូវទឹកឡើង​ រដូវវស្សា ស្អាតណាស់ #សង្កាត់ជ្រាវ #ក្រុងសៀមរាប #បឹងទន្លេសាប appeared first on ព័ត៌មាន រាមកេរ្តិ៍.

ភូមិធម្មជាតិរុនតាឯក មានចម្ងាយប្រហែល 5 គីឡូម៉ែត្រ ពីទីរួមខេត្តសៀមរាប ដោយធ្វើដំណើរចេញពីសាលាខេត្ត តាមផ្លូវអប្សរា បត់ឆ្វេងប្រហែល 4.5 គីឡូម៉ែត្រ រួចបត់ឆ្វេងតាមផ្លូវជាតិលេខ 67 ពេលទៅដល់ផ្លូវបែកជាបួន បត់ស្តាំតាមផ្លូវលេខ810 ប្រហែល 9គីឡូម៉ែត្រ បត់ស្តាំប្រហែល 3គីឡូម៉ែត្រ រួចបត់ឆ្វេងប្រហែល 300 ម៉ែត្រ រួចបត់ស្តាំប្រហែល 450 ម៉ែត្រ ហើយបត់ឆ្វេងប្រហែល 2 គីឡូម៉ែត្រ យើងនឹងទៅដល់ភូមិធម្មជាតិរុនតាឯក។

ទិដ្ធភាពភូមិធម្មជាតិរុនតាឯក​ ថតដោយដ្រូន ស្អាតណាស់ ជាភូមិគំរូគ្មានផ្សេងបារីដែលគ្រប់គ្រងដោយ #អាជ្ញាធរអប្សរា #ភូមិធម្មជាតិរុនតាឯក #ភូមិគំរូគ្មានផ្សេងបារី

The post ភូមិធម្មជាតិរុនតាឯក​ ថតដោយដ្រូន ស្អាតណាស់ ជាភូមិគំរូគ្មានផ្សេងបារីដែលគ្រប់គ្រងដោយ អាជ្ញាធរអប្សរា appeared first on ព័ត៌មាន រាមកេរ្តិ៍.

The post មកស្គាល់ រមណីយដ្ឋានស្ទឹងក្រញូង នៅក្នុងខេត្ត បាត់ដំបង appeared first on ព័ត៌មាន រាមកេរ្តិ៍.

ផ្ទះបុរាណរបស់លោកយាយ ប៊ុន រឿង វត្តគរ ខេត្តបាត់ដំបង

ផ្ទះនេះមានបណ្ដោយ ២៩ ម៉ែត្រ និងទទឹង ១០.៥ ម៉ែត្រ សង់លើផ្ទៃដី ៥៤៥០ ម៉ែត្រការ៉េ សង់តាមលំនាំម៉ូត ប៉ិត មានន័យថាហោណាំង (រានហាល)​ នៅខាងមុខ។ ផ្ទះនេះមានជណ្ដើរពីរៈ ខាងមុខធ្វើ ពីថ្ម រីឯខាងក្រោយធ្វើពីឈើ។ ដំបូលប្រក់ក្បឿងស្រកានាគបុរាណតែខាងក្នុងគ្មានពិដានទេ និងមាន ក្បូក្បាច់យ៉ាងប្រណិតនៅលើព្រំផ្ទះ។ ឈើផ្នែកនាងខាងលើនៃដំបូលធ្វើពីឈើផ្ចឹក ក្ដារក្រាលខាងក្នុងផ្ទះធ្វើពីឈើបេង ក្ដារក្រាលរានហាល ធ្វើពីឈើកកោះ។ ចំណែកជញ្ជាំងវិញ ធ្វើពីឫស្សី ត្បាញបូកជាមួយបាយអ។ សសរទាំង៣៦សុទ្ធតែធ្វើពីឈើផ្ចឹកទាំងអស់ ហើយនៅតែមានសភាពរឹងមាំរហូតដល់ពេលបច្ចុប្បន្ននេះ។

ផ្ទះបុរាណរបស់លោកយាយ ប៊ុន រឿង វត្តគរ ខេត្តបាត់ដំបង

ផ្ទះបុរាណនេះចែកជាបីផ្នែកៈ

ទី១ រានហាលខាងមុខ និងចំហៀង

ទី២ នៅចំកណ្ដាលផ្ទះមានបន្ទប់ទទួលភ្ញៀវដ៏ធំមួយ នៅខាងឆ្វេងដៃផ្នែកខាងក្រោយនៃបន្ទប់ទទួលភ្ញៀវមានទ្វារមួយនាំទៅកាន់បន្ទប់គេងពីរ។

ទី៣ ទល់មុខបន្ទប់គេងទាំងពីរមានទ្វារ មានទ្វារមួយទៀតនាំទៅកាន់រានហាលចំហៀងនិងជណ្ដើរដែលធ្វើពីឈើ។ ចេញពីទ្វារនោះនៅខាងឆ្វេងដៃប្រហែលជា ៥ម៉ែត្រ មានផ្ទះបាយមួយទៀត។

ផ្ទះបុរាណរបស់លោកយាយ ប៊ុន រឿង វត្តគរ ខេត្តបាត់ដំបង

នៅជំនាន់ខ្មែក្រហម ផ្ទះនេះត្រូវបានគេយកធ្វើជាកន្លែងសំរាប់បោកស្រូវដាក់សំភារៈហើយនិងធ្វើជាផ្ទះបាយរួម ដែលជាហេតុបណ្ដាលអោយខូចខាតអស់ពាក់កណ្ដាលនៅផ្នែកខាងក្រោយគឺផ្ទះបាយបច្ចុប្បន្ននេះ។

ផ្ទះបុរាណមានការទាក់ទាញចំពោះភ្ញៀវជនជាតិបារាំងមានចំនួនច្រើនជាងគេនិងអាចទស្សនាជីវភាពប្រជាជនដែលរស់នៅតាមដងស្ទឹង ប្រកបរបដាំបន្លែ​ នេសាទត្រី ។

ដំណើកំសាន្តឆ្ពោះទៅកាន់ផ្ទះបូរាណ គឺជាដំណើទេសចរណ៍បែបប្រវត្តិសាស្រ្ត ដែលធ្វើអោយភ្ញៀវមិនអាចបំភ្លេចបានដោយសារតែពេលទៅទស្សនានៅទីនោះ បានឃើញផ្ទះបូរាណចាស់ៗបង្កប់ដោយលក្ខណៈ ស្ថាបយកម្មខ្មែរ ដែលនៅគង់វង្ស ដូចជា ឧបករណ៍ប្រើប្រាស់សំរាប់ការងារកសិកម្ម សិប្បកម្មតម្បាញ ក្បូរក្បាច់រចនាលំនៅដ្ឋានដែលជារចនាបទខ្មែរបូរាណ។

អត្ថបទ៖ រដ្ឋបាលខេត្តបាត់ដំបង

The post តោះមកស្គាល់ ផ្ទះបុរាណរបស់លោកយាយ ប៊ុន រឿង ភូមិវត្តគរ ខេត្តបាត់ដំបង appeared first on ព័ត៌មាន រាមកេរ្តិ៍.

1. ល្អាងផ្កាស្លា
2. ល្អាងគក់ទ្រូង
3. ល្អាងខ្យល់
4. ល្អាង តែងខ្លួន
5. ល្អាងល្ខោន
6. ល្អាងជ្រៃ
7. ល្អាងពេជ្រ
8. ល្អាងខ្វែង
9. ល្អាងប្រេង
10. ល្អាងស្ថានីយ ឬ ល្អាងធំ
11. ល្អាងក្បាលខ្មោច
12. ល្អាងប្រចៀវ

រមណីយដ្ឋានធម្មជាតិភ្នំសំពៅ

ប៉ុន្តែល្អាងដែលភ្ញៀវនិយមចូលទស្សនាមាន តែល្អាងផ្កាស្លា និងល្អាងល្ខោន។ នៅក្បែរភ្នំសំពៅមានចម្កោមភ្នំសំខាន់ៗ មួយចំនួនទៀត ដែលមានជាប់ទាក់ទងនឹងរឿង ព្រេងនិទានខ្មែរ គឺរឿងព្រះបាទរាជកុល នាងរំសាយសក់។ ភ្នំទាំងនោះមាន ភ្នំក្តោង ភ្នំក្រពើ ភ្នំអណ្តើក ភ្នំទ្រុងមាន់ ទ្រុងទា ភ្នំនាងរំសាយសក់ ភ្នំតាគ្រាម និងភ្នំសងក្បាល់ ។ អ្វីដែលពិសេសជាងនេះទៅទៀត ភ្នំសំពៅ មិនត្រឹមតែ ជារមណីយដ្ឋានធម្មជាតិ ដ៍មានប្រជាប្រិយភាពប៉ុណ្ណោះទេ ប៉ុន្តែវាជាកន្លែងកម្សាន្តមួយ ដ៍ទាក់ទាញ ក្នុងចំណោម រមណីយដ្ឋានជាច្រើនក្នុងខេត្តបាត់ដំបង ។ ទស្សនីយភាពហ្វូងសត្វប្រជៀវរាប់លានក្បាល ដែលហោះ ចេញពីល្អាង ។ អ្នកស្រុកតែងតែហៅហ្វូងប្រជៀវទាំងនោះថា “កងទ័ពប្រជៀវដ៍ក្លាហាន” ពីព្រោះការហោះហើរ របស់ហ្វូងសត្វប្រជៀវទាំងនោះ ប្រៀបបានទៅនឹងចរន្តទឹកហូរលើផ្ទៃអាកាស ។

ទស្សនីយភាពហ្វូងសត្វប្រជៀវរាប់លានក្បាល ដែលហោះ ចេញពីល្អាង រមណីយដ្ឋានធម្មជាតិ ភ្នំសំពៅ

ជារៀងរាល់ថ្ងៃ នៅមុនពេល សូរិយារៀបអស្តង្គត់ នៅចន្លោះម៉ោង ៥៖៣០ នាទី ដល់ម៉ោង ៦៖ ១៥ នាទីល្ងាច គឺជាពេលវេលាដ៍ជាក់លាក់ ដែល ហ្វូងសត្វប្រជៀវចាប់ផ្តើមហោះហើរបណ្តែតខ្លួនចេញពីរូង ខ្មៅដាស់ពេញមេឃ និងតម្រង់ជួរគ្នាចេញពីរូង ធ្វើអោយមានការចាប់អារម្មណ៍យ៉ាងខ្លាំង ពីភ្ញៀវជាតិ និងអន្តរជាតិ មកពីគ្រប់ទិសទី មកទស្សនាកម្សាន្តអារម្មណ៍ នៅរមណីយដ្ឋានភ្នំសំពៅ។ ភ្ញៀវទេសចរជាតិ និងអន្តរជាតិ រាប់រយនាក់ក្នុងមួយថ្ងៃៗ ដែលនាំគ្នាអង្គុយរង់ចាំ ទស្សនាហ្វូងសត្វប្រជៀវរាប់លានក្បាលហើរចេញពីល្អាង សុទ្ធតែបានបង្ហាញពីទឹកមុខរីករាយចំពោះទិដ្ឋភាពដ៍ អស្ចារ្យនេះ ។

ទស្សនីយភាពហ្វូងសត្វប្រជៀវរាប់លានក្បាល ដែលហោះ ចេញពីល្អាង រមណីយដ្ឋានធម្មជាតិ ភ្នំសំពៅ

ម្យ៉ាងវិញទៀតហ្វូងសត្វប្រជៀវទាំងអស់នោះត្រូវបានការពារ និងអភិរក្សយ៉ាងតឹងរឹង ដោយអាជ្ញាធរមូលដ្ឋាន ។ ប្រជាពលរដ្ឋនៅតំបន់នោះ ឈ្មោះ អ្នកស្រី ញឹង ភាព ជាអ្នកទទួលខុសត្រូវយាមល្អាង សត្វប្រជៀវ និងជាអ្នកប្រមូលអាចន៍ប្រជៀវលក់ បានអោយដឹងថា ការអភិរក្សសត្វប្រជៀវគឺពិបាកមែនទែន ដោយសារតែមានជនឆ្លៀតឱកាសមកលួចបាញ់ តែមកទល់ពេលបច្ចុប្បន្ននេះ គ្រាន់បើជាងមុន ហើយដោយ សារតែប្រជាពលរដ្ឋមានការយល់ដឹងពីសារប្រយោជន៍របស់វា និងយល់ដឹងអំពីការប្រឈមនឹងផ្លូវច្បាប់ ។ បើនិយាយពីអត្ថប្រយោជន៍នៃសត្វប្រ ជៀវទាំងនេះ វាពិតជាមានសារសំខាន់ខ្លាំងណាស់ គឺវាជួយបំផ្លាញសត្វល្អិតចង្រៃដែលបំផ្លាញដំណាំ របស់កសិករ និងអាចម៍របស់របស់គេយកធ្វើជាជីទៀតផង ហើយអ្វីដែលពិសេសបំផុតនោះ គឺហ្វូងសត្វប្រជៀវទាំងក្លាយជាផលិតផលទេសចរណ៍ដ៍ទាក់ទាញក្នុងអារម្មណ៍ភ្ញៀវទេសចរជាតិ និងអន្តរជាតិ ដែលមកទស្សនាកម្សាន្តជារៀងរាល់ថ្ងៃ ។

ដោយសារវត្តមានភ្ញៀវទេសចរនេះ ហើយ ធ្វើអោយបង្កើនសេដ្ឋកិច្ច ដល់ប្រជាពលរដ្ឋនៅមូលដ្ឋាន តាមរយៈការលក់ដូរ ចំណី អាហារ ភេសជ្ជៈ វត្ថុអនុស្សាវរីយ៍ជាដើម ។ បើនិយាយពីសេវាដឹកជញ្ជូន វិញ នៅភ្នំសំពៅមានឡានសម្រាប់ដឹងភ្ញៀវឡើងភ្នំចំនួន ០៨ គ្រឿង ដែលសុទ្ធតែបានមកធ្វើអាជ្ញាបណ្ណនៅមន្ទីរ ទេសចរណ៍ខេត្តបាត់ដំបង ។ ចំពោះកត្តាសន្តិសុខវិញ នៅរមណីយដ្ឋានភ្នំសំពៅមានកម្លាំងនគរបាលទេសចរណ៍ចំ នួន ០២ រូប និង កម្លាំងប្រជាការពារឃុំចំនួន ០៦ រូប នៅប្រចាំការជារៀងរាល់ថ្ងៃ ដើម្បី រៀបចំ ថែរក្សា ការពារ សុវត្ថិភាពជូនភ្ញៀវទេសចរ ដែលមកទស្សនាហ្វូងសត្វប្រជៀវ និងមកកម្សាន្តនៅរមណីយដ្ឋានភ្នំសំពៅនេះ ។

អត្ថបទ៖ រដ្ឋបាលខេត្តបាត់ដំបង

The post ទស្សនីយភាពហ្វូងសត្វប្រជៀវរាប់លានក្បាល ដែលហោះ ចេញពីល្អាង រមណីយដ្ឋានធម្មជាតិ ភ្នំសំពៅ appeared first on ព័ត៌មាន រាមកេរ្តិ៍.

១ – ភូមិវប្បធម៌ កម្ពុជា (Cambodian Cultural Village)

ភូមិវប្បធម៌ កម្ពុជា (Cambodian Cultural Village)

ភូមិវប្បធម៌កម្ពុជាគឺ​ជា​កូន​ស្រុក​គំរូ​មួយ​ដែល​មាន​សំណង់​ ផ្ទះ និង អាគារ​ប្រវត្តិសាស្រ្ត​ទំនាម​ទំលាប់​របស់​ប្រជាជន​ខ្មែរ និង ជីវភាព​របស់​ជនជាតិ​ទាំងអស់​។ ក្នុងភូមិវប្បធម៌កម្ពុជា​មានភូមិ​ចំនួន ​១២ ដែល​តំណាង​ឲ្យ​វប្បធម៌​ផ្សេង​ៗ​គ្នា និង ចរិតលក្ខណៈ​របស់​ជនជាតិ​ ១៩​។

ភ្ញៀវ​ទេសចរណ៍​អាច​រីក​រាយ​ជាមួយ​នឹង​ការ​សំដែង​របាំអប្សរា និង របាំ​របស់​ជនជាតិ​ភាគតិច​នៅ​ កម្ពុជា និង អាច​ទស្សនា​ការ​សំដែង​អំពី​ប្រពៃណី​រៀប​អាពាហ៌ពិពាហ៌​របស់​ជនជាតិ​ខ្មែរ​។ នៅតាម​ភូមិ​និមួយ​ៗ អ្នក​ទេសចរណ៍​អាច​មើលឃើញ​អំពី​ការបង្ហាញ​អំពី​របៀប​ឆ្លាក់លើថ្ម លើឈើ ដំគ្រឿង​ប្រាក់ និង ឆ្នៃត្បូង​។

២ – សារមន្ទីរអាតបកស៍ Art Box

សារមន្ទីរអាតបកស៍ ART BOX រូបភាព ពី ហ្វេសបុក

សារមន្ទីរ ART BOX គឺជាសារមន្ទីរដ៏ធំមួយក្នុងចំណោមសារមន្ទីរ 3D នៅក្នុងពិភពលោកដែលបង្កប់ទៅដោយផ្ទាំងគំនូរ 3D ជាច្រើនផ្ទាំង។ រូបគំនូរនីមួយៗត្រូវបានគូរឡើងដោយវិចិត្រករជនជាតិកូរ៉េដ៏ល្បី អ្នកអាចរីករាយជាមួយរូបគំនូរដែលទាក់ទាញរបស់ពិភពលោកតាមរយៈរូបភាព 3D ចំនួនជាង១៥០ផ្ទាំង។ នៅខាងក្រោមសមុទ្រ, អ្នកអាចមើលឃើញនូវសត្វត្រីគ្រប់ប្រភេទ, មឹក, នាងមច្ឆា, ត្រីបាឡែន នឹងភាពស្រស់ស្អាតនៃបាតសមុទ្រ រូបគំនូរបង្ហាញពីធម្មជាតិនៅក្នុងព្រៃ, អ្នកអាចមើលឃើញពីប្រភេទខុសៗគ្នានៃសត្វព្រៃនឹងបក្សីតាមលក្ខណៈបែប 3D នៅទីនេះអ្នកក៏អាចមានឱកាសបានយល់ពីភាពខុសគ្នាពីវប្បធ៌មនៃជាតិសាសន៍ផ្សេងៗគ្នា នឹងទីកន្លែងល្បីរួមជាមួយគំនូរស្នាដៃដ៏ល្បីល្បាញនៅជុំវិញពិភពលោកអ្នកអាចមើលឃើញពីទីកន្លែងអច្ឆរិយៈទាំង៧របស់ពិភពលោក ដូចជា មហាកំផែងនៅប្រទេសចិន, ភ្នំ Machu Pichuនៅប្រទេសប៉េរ៉ូ, The Eastern Island ស្ថិតនៅជិតមហាសមុទ្រប៉ាស៊ីហ្វិកនិងប្រាសាទអង្គរជាដើម។

ចំណុចសំខាន់នៃទស្សនីយភាពសិល្បៈគំនូររបស់សារមន្ទីរយើងគឺ ការធ្លាក់ព្រិលនៅប្រទេសកម្ពុជា។ ជាពិសេសការធ្លាក់ព្រិលនៅប្រាសាទអង្គរវត្តគឺជារូបគំនូរដ៏អស្ចារ្យដែលមានភាពទាក់ទាញដែលមិនគួរមើលរំលង កុមារានឹងកុមារីអាចរីករាយជាមួយនឹងបទពិសោធន៍ថ្មីៗតាមរយៈរូបគំនូរ 3D នឹងកម្មវីធីគូរគំនូរ ផាត់ពណ៍ជាប្រភេទ 3D ។

ដើម្បីបានរក្សាទុកនូវអនុស្សាវរីយ៍ល្អៗនៅទីនេះ សារមន្ទីរ ART BOX ផ្ដល់ជូននៅកន្លែងស្អាតនិងបរិស្ថានមានផាសុកភាពសំរាប់ក្រុមគ្រួសារ មិនថាបងប្អូន ឬមនុស្សជាទីស្រឡាញ់របស់លោកអ្នក។

តំលៃសំបុត្រចូលទស្សនាសំរាប់ខ្មែរយើង ៥ដុល្លារ សំរាប់មនុស្សធំ និង ៣ ដុល្លារ សំរាប់កូនក្មេង។ ហើយអ្នកអាចចូលទស្សនាចាប់ពីម៉ោង ៩ ព្រឹក ដល់ ៩ យប់។

គេហទំព័រ: http://www.artbox.studio

៣ – ល្ខោនសៀកកម្ពុជាហ្វារ Phare, The Cambodian Circus

ល្ខោនសៀកកម្ពុជាហ្វារ Phare, The Cambodian Circus រូបភាពពី ហ្វេសបុក

សំរាប់ពេលល្ងាច បន្ទាប់ពីទស្សនាតំបន់កំសាន្តផ្សេងៗ ហ្វារ សៀកកម្ពុជា គឺជាផ្ទាំងទស្សនីយភាពមួយ ដែលពិតជាអស្ចារ្យ អ្នកគួរតែនាំកូនរបស់អ្នកទៅទស្សនា។ ការសំដែងរបស់ហ្វារ គឺមានលក្ខណះពិសេសលើសពីសៀក មានន័យថា ក្រុមអ្នកសំដែងប្រើប្រាស់រោងមហោស្រព ភ្លេង ក្បាច់រាំ និង សិល្បៈសៀកទាន់សម័យ ដើម្បីនិទានរឿងរបស់ខ្មែរ ដូចជា រឿងប្រវត្តិសាស្ត្រ រឺ រឿងបែបសម័យទំនើប។ អ្នកនិងពិតជាស្ងើចសរសើរ អំពី ទេពកោសល្យ ថាមពល មនោសញ្ចេតនា និង ការសំដែង របស់ក្រុមសិល្បៈករ សិល្បៈករនី វ័យក្មេងខ្មែរយើងជាក់ជាមិនខាន។

គេហទំព័រ៖ https://pharecircus.org/

៤ – ខេមបូ បុិច ក្លឹប សៀមរាប Cambo Beach Club Siem Reap

ខេមបូ បុិច ក្លឹប សៀមរាប Cambo Beach Club Siem Reap | រូបថត៖ Aforative Media

តើអ្នកជឿទេថា មានឆ្នេរសមុទ្រនៅ សៀមរាប? ថ្មីៗនេះ មានកន្លែងកំសាន្តថ្មីមួយកន្លែងដែលទើបតែ បង្កើតឡើងដោយ កែឆ្នៃដូចជាឆ្នេរសមុទ្រពិតៗ។ វាគឺជាក្លឹបកំសាន្ត និងសំរាកលំហែរកាយ សំរាប់ភ្ញៀវទេចរណ៍ជាតិ និងអន្តរជាតិ នឹងសំរាប់គ្រួសារផងដែរ។ អ្នកអាចនាំកូនៗរបស់អ្នកទៅ ហែលទឹក រត់លែង និង លេងបាល់ លើឆ្នេរខ្សាច់នេះផងដែរ។

បើមកទស្សនា សៀមរាប កុំភ្លេចទៅសំរាកលំហែរកាយឆ្នេរសមុទ្រ ខែមបូ បុិច!

៥ – កញ្ចុះតាមមាត់ទឹក បារាយទឹកថ្លា West Baray

កញ្ចុះតាមមាត់ទឹក បារាយទឹកថ្លា WEST BARAY

បារាយទឹកថ្លា រឺបារាយខាងលិច គឺជាអាងស្តុកទឹកដ៏ធំល្វឹងល្វើយ (ប្រភពទឹកមកពីភ្នំគូលេន) ដែលបានកសាងឡើងតាំងពីសម័យបុរាណ ក្នុងសតវត្សទី១១។ វាក៏ជាបុេរដ្ឋាន ផ្នែកប្រវត្តិសាស្ត្រដ៏សំខាន់ ដែលមានទំនាក់ទំនងសំណង់ប្រាសាទ និងជីវភាពរស់នៅសម័យបុរាណ។ លើបរិវេណទួលបារាយ មានសំណង់ប្រាសាទចាស់ជាច្រើន ប៉ុន្តែប្រាសាទដែលនៅកោះចំកណ្តាលបារាយ ដែលមានឈ្មោះថា មេបុណ្យខាងលិច មានភាពទាក់ទាញជាងគេ។

បច្ចុប្បន្ន បារាយទឹកថ្លា ក្លាយទៅជារមណីយដ្ឋាន ពេញនិយម ចំពោះភ្ញៀវទេសចរណ៍ទាំងឡាយ សំរាប់សំរាកលំហែរកាយ និងងូតទឹកកំសាន្ត។

៦ – សារមន្ទីរជាតិ អង្គរ ខេត្តសៀមរាប Angkor National Museum Siem Reap

សារមន្ទីរជាតិ អង្គរ ខេត្តសៀមរាប Angkor National Museum Siem Reap រូបភាព ពី ហ្វេសបុក

សារមន្ទីរជាតិ អង្គរ ខេត្តសៀមរាប Angkor National Museum Siem Reap រូបភាព ពី ហ្វេសបុក

សារមន្ទីរជាតិអង្គរ គឺជាកន្លែងដ៏ពិសេសមួយ ដែលបានប្រមូលផ្តុំទៅដោយ ​រូបចម្លាក់​ព្រះពុទ្ធសាសនា​ និង​ ហិណ្ឌូ​សាសនា​ សំខាន់ៗ​ រាប់ពាន់ ​ដែល​យក​មក​ពី​ប្រាសាទ​ផ្សេងៗ​គ្នា​នៃ​តំបន់ប្រាសាទ​អង្គរ ដ៏អច្ឆរិយ ដើម្បីដាក់បង្ហាញជូន ភ្ញៀវទេសចរណ៍មកពីគ្រប់តំបន់ នៅលើពិភពលោកមក​ទស្សនា។​ ចម្លាក់និងវត្ថុបុរាណ ដ៏មានតំលៃទាំងអស់នេះ ត្រូវបានរកឃើញ និង រក្សាទុកយ៉ាងមានសុវត្ថិភាពដោយអាជ្ញាធរការពារប្រាសាទ នៅក្នុងសារមន្ទីរជាតិអង្គរ ចាប់តាំងពីមានការលួចយករូបចម្លាក់ និង វត្ថុបុរាណជាច្រើនទៀតទៅ លក់ឱ្យសារមន្ទីរឯកជន និង ហាងលក់ដេញថ្លៃ នៅក្នុងបណ្តាប្រទេសមួយចំនួន នៅលើពិភពលោក។ ដូច្នេះ ប្រសិនបើ អ្នកចង់អោយកូនរបស់អ្នកបានស្គាល់ អំពី​វប្បធម៌-អរិយធម៌ ​ដ៏ខ្ពង់ខ្ពស់​របស់ជនជាតិខ្មែរ​កាន់តែទូលំទូលាយ ចូរកុំខកខាន ចូលទស្សនា សារមន្ទីរជាតិអង្គរ។

គេហទំព័រ៖ http://www.angkornationalmuseum.com

៧ – រមណីយដ្ឋាន​ធម្មជាតិ ​បឹង​ត្រាវកុដិ​ Trav Kod Eco-Tourism

រមណីយដ្ឋាន​ធម្មជាតិ ​បឹង​ត្រាវកុដិ​ ខេត្ត សៀមរាប ប្រភពរូបភាពពី លោក Panha Ou

ត្រាវកុដិ ​គឺ​ជា​ឈ្មោះ​បឹង​ធម្មជាតិ​មួយ​ដែល​ឋិត​នៅ​ក្នុង​ភូមិ​ក្រពើ ឃុំ​បល្ល័ង្ក ស្រុក​ប្រាសាទបាគង ចម្ងាយ​ប្រមាណ ២៨​គីឡូម៉ែត្រ ភាគ​ឦសាន​ពី​ទី​រួម​ខេត្ត​សៀមរាប។

ទី​នោះ​មាន​បឹង​ធម្មជាតិ​មួយ​ដែល​មាន​ផ្ទៃ​ទឹក​លាត​សន្ធឹង​នៅ​រដូវ​ប្រាំង​ទំហំ​ប្រហែល ៣០​ហិកតារ ព្រម​ទាំង​មាន​ព្រៃ​ធម្មជាតិ​ដ៏​ស្រស់​ត្រកាល​កំពុង​ទាក់ទាញ​អ្នក​ទេសចរ​យ៉ាង​ខ្លាំង។

ប្រសិនបើ​លោក​អ្នក​ចង់​ទៅ​កម្សាន្ត​នៅ​តំបន់​នោះ គឺ​ត្រូវ​ធ្វើ​ដំណើរ​តាម​ផ្លូវ​ជាតិ​លេខ​៦ ហើយ​ពេល​ទៅ​ដល់​ម្ដុំ​អង្គ្រង គឺ​ត្រូវ​បត់​ចូល​តាម​ផ្លូវជាតិ​​លេខ​៦៧ សំដៅ​ឆ្ពោះ​ទៅ​មណ្ឌល​អភិវឌ្ឍន៍​យោធិន​ពិការ​ ហ៊ុន សែន គូលែន ឬ​ក៏​សាលា​នគរបាល​យោធភូមិភាគ​ទី​៤ នោះ​លោក​អ្នក​នឹង​ទៅ​ដល់​កន្លែង​កម្សាន្ត​មិន​យូរ​ប៉ុន្មាន។

៨ – រមណីយដ្ឋាន​ភ្នំ​គូលែន​ Phnom Kulen National Park

រូបភាពទឹកជ្រោះស្រស់ស្អាតនៅលើ ភ្នំគូលែន។

រមណីយដ្ឋាន​ភ្នំ​គូលែន​ ស្ថិតនៅចំងាយជាប្រមាណ ៦០គីឡូម៉ែត្រ ពីទីរួមខេត្ត សៀមរាប។ ភ្នំគូលេន មានរមណីដ្ឋាន ជាច្រើនកន្លែង ដូចជា តំបន់ទឹកធា្លក់ ព្រះអង្គធំ វាលស្តេចគំលង់ វាលព្រះសព្វ ព្រះក្រាល និងមានប្រាសាទតូចៗ ធ្វើអំពីឥដ្ឋជាច្រើនទៀតដែលជាស្នាព្រះហស្ថ ព្រះបាទជ័យវរ្មន័ទី២ បានកសាងឡើង។

តំបន់ទឹកធ្លាក់ គឺជាប្រភពដើមរបស់ស្ទឹងសៀមរាប ហូរកាត់កណ្តាលទីរួមខេត្តឆ្ពោះទៅកាន់បឹងទន្លេសាប ដែលមានទឹកថ្លាយង់ជាទីពេលនិយមរបស់អ្នកដំណើរកំសាន្តក្នុងការមុជទឹកជ្រោះធ្លាក់ទៅប៉ះនិងថ្មបែកផ្កាតែ្រង។

ការដើរកំសាន្តជាមួយធម្មជាតិលើភ្នំជាមួយកូនៗរបស់អ្នក ពិតជាបង្កើតភាពកក់ក្តៅដល់ពួកគេ និងថែមទាំងញាំងពួកគេអោយចេះស្រលាញ់ និងថែរក្សាសម្បត្តិធម្មជាតិ។

៩ រមណីយដ្ឋាន «​ក្បាលស្ពាន​» Kbal Spean

រមណីយដ្ឋាន «​ក្បាលស្ពាន​» Kbal Spean ប្រភពរូបភាពពី Dan Herrick Getty

រមណីយដ្ឋាន​ «​ក្បាលស្ពាន​» គឺជា​រមណីយដ្ឋាន​មួយ​ស្ថិត​នៅ​ជម្រាលភ្នំ​គូលែន ខេត្តសៀមរាប ។ រមណីយដ្ឋាន​នេះ​អាច​ហៅ​ឈ្មោះ​ម្យ៉ាងទៀត​ថា «​ជ្រលង​លិង្គ ​១០០០​» ។ ក្បាលស្ពាន មានទីតាំងស្ថិតនៅស្រុក​បន្ទាយស្រី ​ប្រហែល​ ៥០​ គីឡូម៉ែត្រ​ពី​ទីក្រុង​សៀមរាប និង​ឃ្លាតឆ្ងាយ​ពី​ប្រាសាទបន្ទាយស្រី​ប្រមាណ​ជា​១៨​គីឡូម៉ែត្រ ។

​រូបចម្លាក់​ជាច្រើននៅ​លើ​ផ្ទាំង​ថ្ម ដែលនៅ​ជុំវិញ​ស្ទឹង​ក្បាលស្ពាន​ ​ភាគច្រើន​កសាង​ឡើង​ពី​សតវត្ស​ទី​១១ និង​សតវត្ស​ទី​ ១៣ ។ យោងតាមប្រវត្តិសាស្ត្រ ក្បាលស្ពាន​បានស្ថាបនា​ឡើង​ដោយ​ព្រះបាទ​សុរិយ​វរ្ម័ន​ទី​១ និង​ស្ថាបនា​រួច​ជា​ស្ថាពរ​ដោយ​ព្រះបាទ Udayadityavarman II ។

តំបន់ធម្មជាតិក្បាលស្ពានគ្រប់ដណ្តប់ទៅដោយព្រៃព្រឹក្សាស្រស់បំព្រង មានសំឡេងសត្វ បក្សា បក្សី យំរពងពេញព្រៃ និងមានទឹកធ្លាក់ផងដែរ។ វាពិតជាកន្លែងលំហែរកាយ ជាមួយធម្មជាតិ ដែលផ្តល់បទពិសោធន៍មិនអាចបំភ្លេចបាន សំរាប់ដំណើរគ្រួសាររបស់អ្នក។

១០ – កំពង់ភ្លុក ឬ ភូមិលិចទឹក Kampong Phluk

កំពង់ភ្លុក ឬ ភូមិលិចទឹក Kampong Phluk

បើងាកមកមើលតំបន់ទន្លេសាបវិញ កំពង់ភ្លុក គឺជាគោលដៅ​ទេសចរណ៍​ធម្មជាតិ​ដ៏​ទាក់​ទាញ​មួយ​។ ភ្ញៀវទេសចរណ៍អាចគយគន់សម្រស់ធម្មជាតិព្រៃលិចទឹក ផ្ទះលើទឹករបស់ប្រជាជនមូលដ្ឋាន និង ទេសភាពទន្លេសាបដ៏ធំល្វឹងល្វើយ។ បរិយាកាស​ដ៏​ត្រជាក់​ និង ខ្យល់បរិសុទ្ធ ធ្វើអោយអ្នកមានអារម្មណ៍ស្រស់ស្រាយ ភ្លេចអស់ទុក្ខកង្វល់ផ្សេង ៗ ។

បើសិនជាអស់លោកអ្នកចង់ធ្វើដំណើរកំសាន្តជាមួយគ្រួសារមកកាន់រមណីយដ្ឋានខាងលើ ហើយត្រូវការកក់សណ្ឋាគារប៊ូទិក ដែលប្រណីត ៗ សូមចូលទៅកាន់គេហទំព័រ www.bayonia.com ។

The post កន្លែងកំសាន្តពេញនិយមទាំង ១០ នៅខេត្តសៀមរាប ដែល​អ្នក​ទេសចរ​គួរ​ទៅ​កម្សាន្ត appeared first on ព័ត៌មាន រាមកេរ្តិ៍.

ប្រសិនបើលោកអ្នកបានអញ្ជើញទៅកំសាន្ត និងដើរទស្សនាតាមថែវ (ជញ្ជាំង) នៃប្រសាទបាយ័ន និងបន្ទាយឆ្មារ លោកអ្នកនឹងឃើញរូបភាពទ័ពសឹកជិះទូកធ្វើការប្រយុទ្ធដើម្បីការពារទឹកដីកម្ពុជាជាក់ជាមិនខាន។ យោងតាមសៀវភៅនិយាយពីប្រវត្តិសាស្ត្រដែលមានរក្សាទុកនៅឯពុទ្ធសាសនបណ្ឌិត និងឯកសារជាច្រើនទៀតលើពិភពលោក ឃើញថា ចាប់តាំងពីសតវត្សរ៍ទី12 ក្នុងរជ្ជកាលស្តេចជ័យវរ្ម័នទី7 មកម្ល៉េះ មានប្រារព្ធពិធីអុំទូក បណ្តែតប្រទីប សំពះព្រះខែ និងអកអំបុក ក្នុងន៏យ៖

1. រំលឹកដល់កងទ័ពជើងទឹកដ៏ខ្លាំងក្លា អង់អាច ក្លាហានការពារទឹកដីកម្ពុជា។
2. ក៏អាចជាទម្លាប់ក្នុងការធ្វើសមយុទ្ធរៀងរាល់ឆ្នាំរបស់ទាហានជើងទឹករជ្ជកាលស្តេចច័ន្ទរាជា ហើយក៏ក្លាយជាទម្លាប់តមកអនុវត្តជារៀងរាល់ឆ្នាំ។
3. រំលឹកដល់ព្រះមែគង្គា (តាមបែបសាសនា) ដែលបានផ្តល់ទឹកដ៏មហិមាដល់ទន្លេសាប និងមេគង្គ មកជាមួយនឹងដីល្បាប់ដ៏ល្អ មកស្រោចស្រព្វ និងផ្តល់ជីរជាតិដល់ការដាំដុះស្រូវ ពោត សណ្តែក ដំឡូង …។ល។

តាមប្រវត្តិសាស្ត្រទូកសម្រាប់ធ្វើសឹកសង្គ្រាមការពារទឹកដីកម្ពុជាបានចែកជា 3ក្រុម គឺ៖

1. ក្រុមទ័ពស្រួច ប្រើទូកអុំ
2. ក្រុមទ័ពជំនួយ ប្រើទូកចែវ (ពីរជួរ)
3. ក្រុមផ្ទុកស្បៀង ប្រើទូកធំមានក្តោង និងដំបូល (ទូកប៉ុកចាយ)

លោកអ្នកបានក៏បានជ្រាបហើយថា ទូកដែលយកមកប្រណាំងក្នុងពិធីបុណ្យអុំទូក គឺមានប្រភេទជាក្រុមទូកអុំបុរសនារី ទូកចែវបុរសនារី…ជាដើម។

គួរបញ្ជាក់ផងដែរថា ពិធីបុណ្យនេះ ត្រូវបានប្រារព្ធឡើងរៀងរាល់ឆ្នាំ ចាប់ពីថ្ងៃទី 14 និង 15 កើត ព្រមទាំងទី 1 រោច ខែកត្តិក គឺស្របពេលនឹងរដូវកាលនៃស្រូវទុំតែម្តង។ ពិធីអុំទូកនេះ ប្រារព្ធធ្វើឡើងអមដោយការសែនព្រេនតាំងពីបុរាណកាលមក គឺអំបុកជាមួយចេក និងទឹកដូង ដោយមានការសំពះបួងសួងដល់ព្រះច័ន្ទផងដែរ។ តាមការនិយាយតៗគ្នាមក គឺជាការរំលឹកដល់សត្វទន្សាយដែលបានបូជាកាយលោតចូលភ្លើងដើម្បីក្លាយជាអាហារដល់បុរសម្នាក់ ហើយក៏ចាប់កំណើតជារូបទន្សាយក្នុងព្រះច័ន្ទតាំងពីពេលនោះរហូតសព្វថ្ងៃ។ (តាមវិទ្យាសាស្ត្រ មិនមានរូបទន្សាយអ្វីនោះទេ ដែលយើងមើលឃើញស្រដៀងរូបទន្សាយពីផែនដីទៅព្រះច័ន្ទដោយភ្នែកទទេរនេះ បើតាមកែវយឹតគឺជាស្នាម អាចជាបន្ទុះភ្នំភ្លើងលើភពព្រះច័ន្ទនោះបង្កជាស្នាមលើភពនោះទៅ)។

សម្រាប់ពិធីបុណ្យអុំទូក បណ្តែតប្រទីប សំពះព្រះខែ និងអកអំបុក បើយោងតាមទិន្នន័យភ្ញៀវទេសចរណ៍មកចូលរួមយ៉ាងច្រើនកុះករ អញ្ជើញមកកំសាន្តពីគ្រប់ខេត្តក្រុង និងបរទេស ឃើញថា មានរហូតដល់រាប់សែននាក់ក្នុងមួយឆ្នាំៗ៕

The post ពិធីបុណ្យអុំទូក បណ្តែតប្រទីប សំពះព្រះខែ និងអកអំបុកមានប្រវត្តិយ៉ាងណាដែរ? appeared first on ព័ត៌មាន រាមកេរ្តិ៍.

​យោង​តាម​ប្រភព​​ពី​របាយការណ៍​មួយ​ពី​ប្រវត្តិសាស្ត្រ​ធ្វើ​​ដំណើរ​​របស់​ សាក់ឡូ បាន​ឲ្យ​ដឹង​ថា លោក​បាន​មក​ទស្សន​កិច្ច​​នៅ​ប្រទេស​កម្ពុជា​ គឺ​នៅ​ទីក្រុង​ភ្នំពេញ និង​នៅ​អង្គរវត្ត​យើង​​ ​កាលពី​ឆ្នាំ​១៩៣៦ (សម័យ​បារាំង)​។ កាល​នោះ​ លោក​បាន​មក​ជា​មួយ​នឹង​អ្នក​​កំប្លែង​ម្នាក់​ទៀត ឈ្មោះ​ថា ផូលិត ហ្កោដាដ ( Paulette Goddard ) ។ ​​នា​ពេល​នោះ​ដែរ​ សារព័ត៌មាន​ក្នុង​ស្រុក​យើង​ និង​បរទេស​ខ្លះ​ក៏​យក​ចិត្ត​ទុក​ដាក់​ ចំពោះ​ការ​ផ្សព្វផ្សាយ ពី​ដំណឹង​របស់​លោក សាក់ឡូ មកកាន់​កម្ពុជា​ផង​ដែរ។

តាំង​ពី​ទសវត្សរ៍​ឆ្នាំ​៣០​មក​ ​វា​កន្លង​ទៅ​ជិត​​៨០​ឆ្នាំ​មក​ហើយ ​ដែល​ស្ដាយ៍​កំប្លែង​ និង​ឈ្មោះ​របស់​ សាក់ឡូ​ នៅ​តែ​មាន​​ក្នុង​សង្គម​ខ្មែរ​យើង​នៅ​ឡើយ ពោល​គឺ​ឈ្មោះ​របស់​លោក ​ត្រូវ​បាន​ប្រជាជន​ខ្មែរ ​បាន​ស្គាល់​ និង​ចងចាំ ​ជាង​ឈ្មោះ​ប្រធានាធិបតី​ ឬ​មេដឹកនាំ​​ល្បី​ៗ​របស់​ពិភពលោក​ផ្សេងទៀត ​ដែល​ធ្លាប់​មកកាន់​កម្ពុជា​ទៅ​ទៀត​។

តារា​កំប្លែង​កាយវិការ​ សាក់ឡូ មាន​កំណើត​នៅ​ក្នុង​ចក្រភពអង់គ្លេស​ លោក​កើត​នៅ​ថ្ងៃ​ទី​១៦ ខែ​មេសា ឆ្នាំ១៨៨៩ និង​បាន​ទទួល​មរណភាព នៅ​ថ្ងៃ​ទី​២៥ ខែ​ធ្នូ ឆ្នាំ​១៩៧៧ ក្នុង​អាយុ​៨៨​ឆ្នាំ​៕

The post ធ្លាប់ដឹងអត់ថា ស្តេច​កំប្លែង​ពិភពលោក​សាក់ឡូ ( Charlie Chaplin ) ​ធ្លាប់​មកលេង សៀមរាប និង ភ្នំពេញ​ appeared first on ព័ត៌មាន រាមកេរ្តិ៍.