កម្មវិធី Apps – ព័ត៌មាន រាមកេរ្តិ៍

តោះមកទាញយក កម្មវិធីយល់ដឹងអំពីទ្រឹស្តីនៃការបើកបរលើទូរសព្ទដៃ ឥតគិតថ្លៃ

តារា រិទ្ធ — Wed, 29 Jan 2020 04:06:58 +0000

ថ្មីៗ នេះតាមរយៈប្រព័ន្ធផ្សព្វផ្សាយរបស់ ក្រសួងសាធារណការ និងដឹកជញ្ជូន បានបង្កើតនូវកម្មវិធីទូរសព្ទដៃមួយដើម្បី បង្កើនចំណេះដឹងពីច្បាប់ចរាចរណ៍ និងចូលរួមកាត់បន្ថយគ្រោះថ្នាក់ចរាចរណ៍ ព្រមទាំងកម្មវិធីកំសាន្តជាភាសារខ្មែរ នឹង ភាសារអង់គេ្លសផងដែរ។ កម្មវិធីនេះមានឈ្មោះថា “កម្មវិធីយល់ដឹងអំពីទ្រឹស្ដីនៃការបើកបរលើទូរសព្ទ រឺ Cambodia Driving Rules Mobile App” ដែលអាចទាញយកទៅប្រើប្រាស់ដោយឥតគិតថ្លៃ និង ដើម្បីឱ្យបងប្អូនប្រជាពលរដ្ឋទាំងអស់ យល់ដឹង ពីច្បាប់ចរាចរណ៍ផ្លូវគោក ជាពិសេសគឺអាចធ្វើការប្រឡងសាកល្បង អំពីទ្រឹស្ដី នៃការបើកបរ មុនពេលប្រឡងយកបណ្ណបើកបរ។

កម្មវិធីយល់ដឹងអំពីទ្រឹស្ដីនៃការបើកបរលើទូរសព្ទ រឺ Cambodia Driving Rules Mobile App

កម្មវិធីយល់ដឹងអំពីទ្រឹស្ដីនៃការបើកបរលើទូរសព្ទ Cambodia Driving Rules App នេះត្រូវបានបង្កើតឡើង ដើម្បីឱ្យប្រជាពលរដ្ឋទាំងអស់៖

យល់ដឹងពីទ្រឹស្ដីនៃការបើកបរ
ធ្វើការប្រឡងសាកល្បង អំពីទ្រឹស្ដី នៃការបើកបរ
យល់ដឹងអំពីច្បាប់ និងបទដ្ឋានគតិយុត្តិ ទាក់ទងនឹងច្បាប់ចរាចរណ៍ផ្លូវគោក
លេងកំសាន្ត និងចែករំលែកចំណេះដឹង

ទាញយកដោយឥតគិតថ្លៃ៖

– App Store (iOS): http://dr.mpwt.gov.kh/ios
– Play Store (Android): http://dr.mpwt.gov.kh/android

កម្មវិធីយល់ដឹងអំពីទ្រឹស្ដីនៃការបើកបរលើទូរសព្ទ រឺ Cambodia Driving Rules Mobile App

ស្វែងយល់បន្ថែម៖ https://www.mpwt.gov.kh/kh/home

The post តោះមកទាញយក កម្មវិធីយល់ដឹងអំពីទ្រឹស្តីនៃការបើកបរលើទូរសព្ទដៃ ឥតគិតថ្លៃ appeared first on ព័ត៌មាន រាមកេរ្តិ៍.

ក្រុមហ៊ុនយក្ស Microsoft កំពុងបង្កើត Chromium សម្រាប់ Browser របស់ខ្លួន ជំនួស Microsoft Edge

Jason — Mon, 17 Dec 2018 01:41:10 +0000

Microsoft Edge ជា Browser ដែលបានបង្កើតឡើងក្នុងឆ្នាំ 2015 ដើម្បីជំនួស Internet Explorer (ដែលមានយូរហើយ) សម្រាប់ Windows របស់ក្រុមហ៊ុន Microsoft របស់ខ្លួន ក្នុងគោលដៅប្រកួតប្រជែងជាមួយ Chrome Browser របស់ក្រុមហ៊ុន Google Inc. ដែលអ្នកប្រើប្រាស់និយមប្រើបំផុតនៅលើពិភពលោកយើងនេះ។

ដោយនៅមានអ្នកប្រើប្រាស់តិចតួចដដែលសម្រាប់ Microsoft Edge ក្រុមហ៊ុនក៏សម្រេចចិត្តបង្កើត Browser ថ្មីមួយដើម្បីជំរុញឲ្យមានអ្នកប្រើប្រាស់ច្រើនក្នុងឆ្នាំ2019 និងបន្តបន្ទាប់ទៅទៀត មានឈ្មោះថា Chromium សម្រាប់ Windows 10 របស់ខ្លួន បើយោងតាមគេហទំព័រ The Verge កាលពីសប្តាហ៍មុននេះ។ យើងសង្កេតឃើញថា ភាគច្រើននៃវិស្វកររបស់ក្រុមហ៊ុន Microsoft បានកំពុងតែធ្វើការជាមួយនឹង Google ដើម្បី support ដល់ version របស់ Chrome browser ដែលដំណើរការលើ ARM-powered Windows operating system។ កន្លងមក Microsoft ជាទូទៅតែងតែផ្តល់ជាព័ត៌មានខ្លីៗ (Notificaitons) ទៅកាន់អ្នកប្រើប្រាស់ Windows 10 របស់ខ្លួនកុំឲ្យប្រើប្រាស់ Chrome ជា default browser ក្នុងកុំព្យូទ័ររបស់ខ្លួន លើសពីនេះ Microsoft ក៏បានលប់ Google’s Chrome Installer ពី Windows Store របស់ខ្លួនផងដែរ ព្រោះត្រូវបានចាត់ទុកថា រំលោភគោលការណ៍នៃ Windows Store។

ហេតុនេះ យើងនឹងរង់ចាំមើល Chrominum ដែលជា browser ថ្មីរបស់ក្រុមហ៊ុនយក្សម៉ឺនឆ្នាំ Microsoft នៅពេលបន្ទាប់៕

The post ក្រុមហ៊ុនយក្ស Microsoft កំពុងបង្កើត Chromium សម្រាប់ Browser របស់ខ្លួន ជំនួស Microsoft Edge appeared first on ព័ត៌មាន រាមកេរ្តិ៍.

មាតិកាដ៏កក្រើករបស់ Facebook និងនៅលើ VR ពេលនេះ គឺ 3D Photos… (របៀបបង្កើត)

Jason — Sat, 17 Nov 2018 15:06:09 +0000

យោងតាម Facebook 360 កាលពីថ្មីៗនេះ បានណែនាំផលិតផលថ្មីរបស់ Facebook ដែលដើរលើបច្ចេកវិទ្យារូបភាពលក្ខណៈជា 3 Dimension (3D) សម្រាប់ការចែករំលែករូបភាពអនុស្សាវរីយ៍ល្អៗដ៏មានន័យ និងសែនសប្បាយរីករាយរបស់លោកអ្នក។

លោកអ្នកអាចថតរូបសត្វចិញ្ចឹម ឬមិត្តភ័ក្តិ ឬទេសភាពណាល្អៗ ស្អាតៗពីការកំសាន្តរបស់លោកអ្នក ដោយគ្រាន់តែថតរូបភាពលក្ខណៈជា Portrait Mode ជាមួយនឹងកាម៉េរ៉ាភ្លោះលើទូរស័ព្ទដ៏ឆ្លាតវៃរបស់លោកអ្នក ពេលនោះលោកអ្នកអាចចែករំលែករូបភាពលើគណនី Facebook ជាលក្ខណៈ 3D ដែលអនុញ្ញាតឲ្យលោកអ្នករំកិល បង្វិលពីឆ្វេងទៅស្តាំ លើទៅក្រោម និងត្រឡប់ទៅមកបានដោយសកម្មភាពយ៉ាងរស់រវើកដូចមានជីវិតក្នុងរូបភាពនោះតែម្តង។ លើសនេះទៀត លោកអ្នកបើកមើលរូបភាពប្រភេទ 3D នេះនៅក្នុង VR ដោយប្រើ Oculus Browser នៅលើ Oculus Go ឬ Firefox នៅលើ Oculus Rift បានផងដែរ។

លោកអ្នកច្បាស់ជាសួរថា ត្រូវធ្វើដូចម្តេចមែនទេ?

ហេតុនេះ Reamker.com សូមលើកយកគន្លឹះនៃការបង្កើតរូបភាព 3D ដូចតទៅ៖

1. បង្កើតជាស្រទាប់រូបភាព (Creating Layers)
សូមបញ្ជាក់ថារូបភាព 3D ត្រូវបានបង្កើតឡើងដោយប្រើ Depth Maps ដែលមាននៅក្នុង “Portait Mode” របស់កាម៉េរ៉ាទូរស័ព្ទ iPhone 7+ ឬ iPhone 8 ឬ iPhone X និង XS ។ រូបភាពដែលមើលទៅល្អ និងស្អាតបំផុតជាលក្ខណៈ 3D ផុសចេញមក គួរត្រូវបានថតក្នុងចម្ងាយប្រមាណ 900mm (9តឹក) ឬ 1200mm (1.20ម៉ែត្រ) ដោយព្យាយាមថតយកជាច្រើនសន្លឹក (ស្រទាប់) នៃជម្រៅពីរូបភាពធៀបនឹងផ្ទៃខាងក្រោយ (Depth) ឧទាហរណ៍ដូចជារូបភាពក្រុមគ្រួសារលោកអ្នកដែលឈរថតក្នុងសួនផ្កា…ជាដើម។

2. ត្រូវរក្សាឲ្យមានពណ៌ផ្ទុយនៃរូបភាព (Keeping Constrast in Mind.)
លោកអ្នកនឹងទទួលបានកម្រិតរូបភាព 3D កាន់តែច្បាស់លាស់ និងអស្ចារ្យ បើរូបភាពនោះមានពណ៌ផ្ទុយ (Constrast Colors) ឧទាហរណ៍ដូចជា មាននរណាម្នាក់ពាក់អាវខៀវកំពុងឈរពីមុខផ្ទាំង(ខាងក្រោយ)ពណ៌ខៀវដែរ ចឹងរូបភាពមិនផុសចេញមកដូចអ្នកពាក់អាវពណ៌ផ្សេងនោះទេ។

3. រូបភាពដែលត្រូវថតគួរមានពណ៌ជាមួយនឹងរូបភាពលើនោះ (Use Texture)
របស់របរ និងវត្ថុសត្វ មនុស្ស ឬអ្វីក៏ដោយដែលត្រូវថតលក្ខណៈ 3D នេះដែលមានពណ៌ជាមួយនឹងរូបភាពលើនោះ នឹងមានកម្រិតគុណភាពរូបភាពល្អជាងរូបភាពដទៃដែលគ្មាន Texture ហ្នឹង ដោយសារតែរូបភាពត្រូវថតមាន Texture នោះ មានគែមច្បាស់ ហើយមិនចាំងពេកដែរ។ លើសពីនេះសូមលោកអ្នកកុំព្យាយាមថតរូបភាព 3D ជាមួយនឹងវត្ថុដែលថ្លា ដូចកញ្ចក់នោះអី ជាទូទៅមិនត្រូវបានវិភាគ និងថតជាប់ដោយកាម៉េរ៉ាជំនួយព្រិលផ្ទៃខាងក្រោយ (Depth Sensors) ឡើយ។

ជាធម្មតា នៅក្នុង Facebook Apps លើទូរស័ព្ទដៃលោកអ្នក មិនទាន់មានកម្មវិធី 3D នៅឡើយទេ ចឹងសូមតាមដានខាងក្រោមនេះទាំងអស់គ្នា ពីរបៀបបង្កើតរូបភាព 3D លើ Facbook៖

1. ត្រូវ Search រក Facebook 360 ក្នុងកន្លែង Search ពេលបើក Facebook Apps រួច

2. បន្ទាប់មកចុចលើប៊ូតុង Like របស់គណនី Facebook 360

3. ត្រូវចាកចេញពីកម្មវិធី Facebook Apps នោះឲ្យអស់តែម្តង ដោយលោកអ្នកចូលទៅកាន់ Recent Apps រូចបិទកម្មវិធី Facebook Apps ហើយចូលទៅកាន់ Facebook Apps ឡើងវិញ

4. សាកល្បងចុចកន្លែង “What’s on your mind?” ក្នុងបំណង Post អ្វីមួយថ្មី ពេលនោះលោកអ្នកទាញទៅក្រោមនឹងឃើញ Option ថ្មីមួយភ្ជាប់មក ឈ្មោះថា “3D Photo”។ លោកអ្នកគ្រាន់តែចូលទៅជ្រើសរើសរូបភាពណាមួយដែលលោកអ្នកបានថតរួច ដោយទូរស័ព្ទ iPhone កាម៉េរ៉ាភ្លោះរបស់អ្នក ពេលនោះវានឹងបង្ហាញដោយស្វ័យប្រវត្តិនូវរូបភាពលក្ខណៈជា 3D រូចតែម្តងសម្រាប់ការ Preview ហើយលោកអ្នកចុច Next ជាការស្រេច៕

The post មាតិកាដ៏កក្រើករបស់ Facebook និងនៅលើ VR ពេលនេះ គឺ 3D Photos… (របៀបបង្កើត) appeared first on ព័ត៌មាន រាមកេរ្តិ៍.

កម្មវិធី Apps ទាំង ១០ ដែលអាចប្រើគូសប្លង់ស្ថាបត្យកម្មបាននៅទូរស័ព្ទ ឬ Tablet របស់លោកអ្នក

Jason — Fri, 12 Oct 2018 07:01:23 +0000

បច្ចុប្បន្នវិស័យសំណង់នៅក្នុងពិភពលោកមានការរីកចម្រើនខ្លាំងជាមួយនឹងបច្ចេកវិទ្យាកាន់តែទំនើបក្នុងកម្មវិធីគូសសំណង់អគារតូចធំ។ ព្រះរាជាណាចក្រកម្ពុជាយើង ក៏ជាប្រទេសរីកចម្រើនមួយលើវិស័យសំណង់ផ្ទះ អគារតូចធំ ខុនដូ វីឡា…ដូចគ្នានឹងដែរ ធ្វើឲ្យប្អូនៗដែលមានជំនាញខាងផ្នែកស្ថាបត្យកម្ម (Architecture) ក៏ដូចជាវិស្វករ (Engineering) ត្រូវប៉ាន់តែម្តង អាចរកបានគម្រោង (Project) សំណង់ជាច្រើនគួរឲ្យកត់សម្គាល់។

ដើម្បីសម្រួលដល់ការគូស បង្ហាញ និងប្រើប្រាស់ក្នុងការអនុវត្តការងារ កម្មវិធីជាច្រើនបានបង្កើតឡើងសម្រាប់លោកអ្នកអាចប្រើតាមរយៈទូរស័ព្ទដៃ ជាពិសេសប្រភេទ Tablet មានដូចជា៖

1- Home Design 3D (នៅនាទី 0:00)
2- Shapr 3D (នៅនាទី 0:30)
3- Bimx (នៅនាទី 02:50)
4- Planner 5D (នៅនាទី 03:42)
5- AutoCAD (នៅនាទី 05:30)
6- Autodesk SketchBook (នៅនាទី 06:09)
7- Site Audit Pro (នៅនាទី 06:39)
8- Magic Plan (នៅនាទី 07:25)
9- ViewER (នៅនាទី 08:00)
10- Floor Plan Creator (នៅនាទី 08:57)

បើពុំទាន់មានកម្មវិធីនេះទេ សូមចូលទៅកាន់ Google Play សម្រាប់លោកអ្នកប្រើ Android devices និង Apple Store សម្រាប់លោកអ្នកប្រើ iOS ហើយស្វែងរកតាមឈ្មោះខាងលើនេះ ហើយ Download ជាការស្រេច៕

The post កម្មវិធី Apps ទាំង ១០ ដែលអាចប្រើគូសប្លង់ស្ថាបត្យកម្មបាននៅទូរស័ព្ទ ឬ Tablet របស់លោកអ្នក appeared first on ព័ត៌មាន រាមកេរ្តិ៍.

កម្មវិធី Apps – ព័ត៌មាន រាមកេរ្តិ៍

តោះមកទាញយក កម្មវិធីយល់ដឹងអំពីទ្រឹស្តីនៃការបើកបរលើទូរសព្ទដៃ ឥតគិតថ្លៃ

ក្រុមហ៊ុនយក្ស Microsoft កំពុងបង្កើត Chromium សម្រាប់ Browser របស់ខ្លួន ជំនួស Microsoft Edge​

មាតិកាដ៏កក្រើករបស់ Facebook និងនៅលើ VR ពេលនេះ គឺ 3D Photos… (របៀបបង្កើត)

កម្មវិធី Apps ទាំង ១០ ដែលអាចប្រើគូសប្លង់ស្ថាបត្យកម្មបាននៅទូរស័ព្ទ ឬ Tablet របស់លោកអ្នក

ក្រុមហ៊ុនយក្ស Microsoft កំពុងបង្កើត Chromium សម្រាប់ Browser របស់ខ្លួន ជំនួស Microsoft Edge