ពិតជាអស្ចារ្យណាស់ តាមពិតមិនមែនមានតែក្រុមហ៊ុន Samsung មួយប៉ុណ្ណោះទេ ដែលបានកំពុងសិក្សា និងបញ្ចេញផលិតបែបនេះ ក្នុងនោះក៏មានក្រុមហ៊ុនទូរស័ព្ទ Huawei (ដែលកំពុងរងការវាយប្រហារពីសហរដ្ឋអាមេរិច) ​បានបញ្ចេញអាវុធរបស់ខ្លួនផងដែរ គឺ Huawei Mate X ដោយមានលក្ខណៈគ្រប់គ្រាន់ក្នុងការប្រជែងទីផ្សារជាមួយនឹង Samsung Fold ផងដែរ។ តាមពិតទៅ ក្រុមហ៊ុន Apple Inc. ក៏បានកំពុងតែសិក្សាយូរឆ្នាំផងដែរ លើផលិតផលប្រភេទនេះ គ្រាន់តែថា Apple បច្ចុប្បន្នហាក់មានអំនួតលើផលិតផលខ្លួនឯងពេក ដោយខណៈនេះ ឆ្នាំ​ 2019 ហើយ iPhone ហាក់បំពាក់នូវបច្ចេកវិទ្យាក្រោយគេបន្តិចហើយ ដូចជា៖ ប្រភេទអេក្រង់, កាម៉េរ៉ា, បច្ចេកវិទ្យាដោះសោរដោយស្កេនលើអេក្រង់, បច្ចេកវិទ្យា 5G …ជាដើម។

និយាយទៅ នៅក្នុងឆ្នាំ 2019 នេះ ក្រុមហ៊ុនដែលបញ្ចេញប្រភេទទូរស័ព្ទ Hybrid (ត្រង់នេះ Reamker.com ចង់មានន័យថា ប្រភេទទូរស័ព្ទ រួមនឹងប្រភេទ Table នៅលើឧបករណ៍តែមួយ) មានតែ 2 គឺ៖ Samsung និង Huawei។ យើងរង់ចាំមើល Apple និងក្រុមហ៊ុនផ្សេងទៀត ដូចជា Oppo ឬ Vivo និង Xiaomi …ជាដើម អាចនឹងបញ្ចេញផលិតផលប្រភេទនេះដូ​ចគ្នា ចុងឆ្នាំនេះ ឬដើមឆ្នាំក្រោយ 2020)។

តាមការវិភាគរបស់ ​Reamker.com នៅឆ្នាំ 2021 អាចនឹងមានប្រភេទទូរស័ព្ទ Hybrid ដែលមានរហូតដល់ 3ផ្ទាំងអេក្រង់ខាងក្នុង ដូចរូបខាងក្រោមនេះផងដែរ… សូមរង់ចាំតាមដានទាំងអស់គ្នា៖

ដើម្បីទទួលព័ត៌មានលម្អិតបន្ថែមស្តីពី Samsung Fold សូមទស្សនាវីដេអូដូចខាងក្រោម៖

ដើម្បីទទួលព័ត៌មានលម្អិតបន្ថែមស្តីពី Huawei Mate X សូមទស្សនាវីដេអូដូចខាងក្រោម៖

ដើម្បីទទួលព័ត៌មានលម្អិតបន្ថែមស្តីពី Protoype of iPhone ប្រភេទថ្មី សូមទស្សនាវីដេអូដូចខាងក្រោម៖

The post ពិតជាដល់ពេលហើយ! យុគសម័យ Hybrid Phone បានមកដល់ហើយ appeared first on ព័ត៌មាន រាមកេរ្តិ៍.

លោកអ្នកអាចថតរូបសត្វចិញ្ចឹម ឬមិត្តភ័ក្តិ ឬទេសភាពណាល្អៗ ស្អាតៗពីការកំសាន្តរបស់លោកអ្នក ដោយគ្រាន់តែថតរូបភាពលក្ខណៈជា Portrait Mode ជាមួយនឹងកាម៉េរ៉ាភ្លោះលើទូរស័ព្ទដ៏ឆ្លាតវៃរបស់លោកអ្នក ពេលនោះលោកអ្នកអាចចែករំលែករូបភាពលើគណនី Facebook ជាលក្ខណៈ 3D ដែលអនុញ្ញាតឲ្យលោកអ្នករំកិល បង្វិលពីឆ្វេងទៅស្តាំ លើទៅក្រោម និងត្រឡប់ទៅមកបានដោយសកម្មភាពយ៉ាងរស់រវើកដូចមានជីវិតក្នុងរូបភាពនោះតែម្តង។ លើសនេះទៀត លោកអ្នកបើកមើលរូបភាពប្រភេទ 3D នេះនៅក្នុង VR ដោយប្រើ Oculus Browser នៅលើ Oculus Go ឬ Firefox នៅលើ Oculus Rift បានផងដែរ។

លោកអ្នកច្បាស់ជាសួរថា ត្រូវធ្វើដូចម្តេចមែនទេ?

ហេតុនេះ Reamker.com សូមលើកយកគន្លឹះនៃការបង្កើតរូបភាព 3D ដូចតទៅ៖

1. បង្កើតជាស្រទាប់រូបភាព (Creating Layers)
សូមបញ្ជាក់ថារូបភាព 3D ត្រូវបានបង្កើតឡើងដោយប្រើ Depth Maps ដែលមាននៅក្នុង “Portait Mode” របស់កាម៉េរ៉ាទូរស័ព្ទ iPhone 7+ ឬ iPhone 8 ឬ iPhone X និង XS ។ រូបភាពដែលមើលទៅល្អ និងស្អាតបំផុតជាលក្ខណៈ 3D ផុសចេញមក គួរត្រូវបានថតក្នុងចម្ងាយប្រមាណ 900mm (9តឹក) ឬ 1200mm (1.20ម៉ែត្រ) ដោយព្យាយាមថតយកជាច្រើនសន្លឹក (ស្រទាប់) នៃជម្រៅពីរូបភាពធៀបនឹងផ្ទៃខាងក្រោយ (Depth) ឧទាហរណ៍ដូចជារូបភាពក្រុមគ្រួសារលោកអ្នកដែលឈរថតក្នុងសួនផ្កា…ជាដើម។

2. ត្រូវរក្សាឲ្យមានពណ៌ផ្ទុយនៃរូបភាព (Keeping Constrast in Mind.)
លោកអ្នកនឹងទទួលបានកម្រិតរូបភាព 3D កាន់តែច្បាស់លាស់ និងអស្ចារ្យ បើរូបភាពនោះមានពណ៌ផ្ទុយ (Constrast Colors) ឧទាហរណ៍ដូចជា មាននរណាម្នាក់ពាក់អាវខៀវកំពុងឈរពីមុខផ្ទាំង(ខាងក្រោយ)ពណ៌ខៀវដែរ ចឹងរូបភាពមិនផុសចេញមកដូចអ្នកពាក់អាវពណ៌ផ្សេងនោះទេ។

3. រូបភាពដែលត្រូវថតគួរមានពណ៌ជាមួយនឹងរូបភាពលើនោះ (Use Texture)
របស់របរ និងវត្ថុសត្វ មនុស្ស ឬអ្វីក៏ដោយដែលត្រូវថតលក្ខណៈ 3D នេះដែលមានពណ៌ជាមួយនឹងរូបភាពលើនោះ នឹងមានកម្រិតគុណភាពរូបភាពល្អជាងរូបភាពដទៃដែលគ្មាន Texture ហ្នឹង ដោយសារតែរូបភាពត្រូវថតមាន​ Texture នោះ មានគែមច្បាស់ ហើយមិនចាំងពេកដែរ។ លើសពីនេះសូមលោកអ្នកកុំព្យាយាមថតរូបភាព 3D ជាមួយនឹងវត្ថុដែលថ្លា ដូចកញ្ចក់នោះអី ជាទូទៅមិនត្រូវបានវិភាគ និងថតជាប់ដោយកាម៉េរ៉ាជំនួយព្រិលផ្ទៃខាងក្រោយ​ (​Depth Sensors) ឡើយ។

ជាធម្មតា នៅក្នុង ​Facebook Apps លើទូរស័ព្ទដៃលោកអ្នក មិនទាន់មានកម្មវិធី 3D នៅឡើយទេ ចឹងសូមតាមដានខាងក្រោមនេះទាំងអស់គ្នា ពីរបៀបបង្កើតរូបភាព 3D លើ Facbook៖

​1. ត្រូវ Search រក Facebook 360 ក្នុងកន្លែង Search ពេលបើក ​Facebook Apps រួច​

2. បន្ទាប់មកចុចលើប៊ូតុង Like របស់គណនី Facebook 360

3. ត្រូវចាកចេញពីកម្មវិធី Facebook Apps នោះឲ្យអស់តែម្តង ដោយលោកអ្នកចូលទៅកាន់ Recent Apps រូចបិទកម្មវិធី ​Facebook Apps ហើយចូលទៅកាន់ Facebook Apps ឡើងវិញ

4. សាកល្បងចុចកន្លែង “What’s on your mind?” ក្នុងបំណង Post អ្វីមួយថ្មី ពេលនោះលោកអ្នកទាញទៅក្រោមនឹងឃើញ Option ថ្មីមួយភ្ជាប់មក ឈ្មោះថា “3D Photo”។ លោកអ្នកគ្រាន់តែចូលទៅជ្រើសរើសរូបភាពណាមួយដែលលោកអ្នកបានថតរួច ដោយទូរស័ព្ទ iPhone កាម៉េរ៉ាភ្លោះរបស់អ្នក ពេលនោះវានឹងបង្ហាញដោយស្វ័យប្រវត្តិនូវរូបភាពលក្ខណៈជា 3D រូចតែម្តងសម្រាប់ការ Preview ហើយលោកអ្នកចុច Next ជាការស្រេច៕

The post មាតិកាដ៏កក្រើករបស់ Facebook និងនៅលើ VR ពេលនេះ គឺ 3D Photos… (របៀបបង្កើត) appeared first on ព័ត៌មាន រាមកេរ្តិ៍.

យើងបកទៅមើលព័ត៌មានមួយចំនួនថ្មីៗនេះ បានបញ្ចេញរូបភាពនៃរូបរាងទូរស័ព្ទកប់សេរីរបស់ Samsung S10 ដែលនឹងមិនមានគែមអេក្រង់ទេ ក្នុងឆ្នាំ2019ខាងមុខនេះ។ បើខាង Vivo, Oppo, Xioami និង Honor ព្យាយាមផលិតផលិតផលរបស់ខ្លួន ដោយមានកាម៉េរ៉ាលានចេញមកជាដើម… ព្រោះម្នាក់ៗមិនទាន់ដឹងថាត្រូវដាក់កាម៉េរ៉ានៅទីតាំងកន្លែងណាដែលអាចទៅរួច ជាមួយនឹងអេក្រង់លាតកាន់តែជិត 100%។

ប៉ុន្តែពេលនេះ Nubia’s X របស់ ZTE បានមកជំនួសដំណែងកំពូលពី Samsung និងបណ្តាក្រុមហ៊ុនទូរស័ព្ទផ្សេងទៀតសម្រាប់ប្រភេទអេគ្រង់លាត ​100% យ៉ាងនេះ​ ដោយខ្លួនបានបំពាក់បច្ចេកវិទ្យាកំពូលជាមួយនឹងអេក្រង់បន្ថែមខាងក្រោយមួយទៀត។ ពេលចង់ប្តូរការប្រើប្រាស់អេក្រង់ លោកអ្នកអាចចុចសងខាងលើតួរបស់ទូរស័ព្ទនោះវានឹងប្តូរការប្រើប្រាស់អេក្រង់ពីមុខទៅក្រោយ ឬពីក្រោយមកមុខវិញមិនខាន។ ពិតជាឡូយ គួរឲ្យចង់កាន់វាឆាប់ៗនេះណាស់!

ដើម្បីស្វែងយល់លម្អិតបន្ថែម សូមលោកអ្នកតាមដានវីដេអូខាងក្រោមទាំងអស់គ្នា តោះ!!!

The post កប់ហ្មង!!! អេក្រង់លាត100% កាម៉េរ៉ាភ្លោះ អេក្រង់ក៏ភ្លោះ!!! appeared first on ព័ត៌មាន រាមកេរ្តិ៍.

យើងក៏មិនទាន់ដឹងនៅឡើយថា មូលហេតុអ្វីបានជា Apple នឹងមិនទាន់បំពាក់ 5G លើកំពូលទូរស័ព្ទរបស់ខ្លួនឡើយក្នុងឆ្នាំ 2019 ដែលខិតជិតមកដល់ក្នុងប៉ុន្មានខែខាងមុខ។ យើងនឹងរង់ចាំតាមដាននូវរឿងរ៉ាវដែលទាក់ទងនឹងការពន្យាពេលដ៏យូរអង្វែងនេះ។

កន្លងមកលោកអ្នកបានជ្រាបហើយថា ទូរស័ព្ទលើទីផ្សារបច្ចុប្បន្ន ជាពិសេសផលិតផលដែលផលិតលក់ដោយក្រុមហ៊ុនចិនបាន​វាយលុកទីផ្សារយ៉ាងគំហុកក្នុងរយៈពេលពីរឆ្នាំចុងក្រោយនេះ ដូចជា៖ Oppo, Vivo, Huawei, XioaMi, Honor, ZTE, Zoppo…។ល។ ហើយថ្មីៗនេះក៏លេចចេញមកនូវផលិតផលថ្មីមួយទៀត គឺ Pocophone ផងដែរ។ យើងឃើញថាផលិតផលទាំងនេះ បាន mix បញ្ចូលគ្នារវាងបច្ចេកវិទ្យាចុងក្រោយរបស់ផលិតផល iPhone និង Samsung ជាពិសេសបានបំពាក់នូវកម្មវិធីល្អៗរវាងទូរស័ព្ទនាំមុខពីរប្រភេទនេះ រួមនឹងកម្មវិធីរបស់ខ្លួន បានធ្វើឲ្យកក្រើកទីផ្សារទូរស័ព្ទកន្លងមកដល់ខណៈនេះ ទន្ទឹមគ្នានេះក៏យើងល្បីផងដែរថា iPhone ហាក់ដើរក្រោយគេរហូតតែម្តងលើបច្ចេកវិទ្យា ក្នុងប៉ុន្មានឆ្នាំចុងក្រោយនេះ ទោះផលិតផលស្ថិតក្នុងលំដាប់ Premium ក៏ដោយ។

យោងតាមការបង្ហាញខាងលើនេះ យើងអាចវាយតម្លៃបានថា ស្រួលមិនស្រួល Apple ដើរក្រោយគេទៀត ហើយឆ្ងាយទៀតផង រហូតដល់ 2020 ឯណោះទើបបំពាក់ប្រព័ន្ធ 5G លើផលិតផល iPhone របស់ខ្លួន ដោយ Xioami, Samsung និងទូរស័ព្ទចិនទាំងឡាយដូចបានរៀបរាប់ នឹងបំពាក់ 5G ឆាប់ៗនេះហើយ៕

The post Apple Inc. នឹងបញ្ចេញ 5G iPhone នៅឆ្នាំ2020 ឯណោះ…ដើរយឺតជាងគេហើយ! appeared first on ព័ត៌មាន រាមកេរ្តិ៍.

កាម៉េរ៉ាទី1 គឺ 8MP Ultra Wide Camera (ទំហំ8ម៉េហ្គាភិចសែល) ដែលអាចចាប់យករូបភាពដូចភ្នែកមនុស្សយើងចឹង រហូតដល់120%ឯណោះ។

កាម៉េរ៉ាទី2 គឺ 10MP Telephoto Camera (ទំហំ10ម៉េហ្គាភិចសែល) ដែលអនុញ្ញាតឲ្យ Optical Zoom រហូតដល់ពីរដង ទោះរូបភាពនៅជិត ឬឆ្ងាយយ៉ាងណាក៏ដោយ។

កាម៉េរ៉ាទី3 គឺរហូតដល់ 24MP Main Camera (ទំហំ24ម៉េហ្គាភិចសែល) មិនឲ្យចាញ់ Selfie (front) Camera របស់ OPPO F7 និង F9 ឡើយ។ មានសមត្ថភាពចាប់យករូបភាពក្នុងគ្រប់កាលៈទេសៈ ទោះមានពន្លឺខ្លាំង ឬខ្សោយក៏ដោយ។

កាម៉េរ៉ាទី4 គឺ 5MP Depth Camera (ទំហំ5ម៉េហ្គាភិចសែល) ដែលបែងចែករូបភាព និងផ្ទៃខាងក្រោមបានយ៉ាងល្អឥតខ្ចោះតែម្តង ថែមទាំងអាចជ្រើសរើសកម្រិតភ្លៀលៗសម្រាប់ផ្ទៃខាងក្រោយ (ដូច Apple Xs, X max, Xr ចឹងដែរ)។

លើសពីកាម៉េរ៉ាទាំង4គ្រាប់ខាងលើនេះ Galaxy A9 បានបំពាក់មកជាមួយនឹងបច្ចេកវិទ្យា Intelligent ក្នុងការចាប់យករូបភាពមកវិភាគដោយខ្លួនឯង ហើយស្គាល់នូវគ្រប់ទម្រង់ រូបភាព និងប្រភេទនៃរូបភាព ដោយមានការជ្រើសរើសកម្រិតពណ៌ទៅតាមបរិបទទាំងនោះយ៉ាងល្អអស់ទាស់តែម្តង។

ជាមួយនឹងអង្គចងចាំរហូតដល់ 6Gb ឬ 8Gb (តាមជម្រើស) Galaxy A9 មានអង្គផ្ទុកទិន្នន័យរហូតដល់ 128Gb ស្រាប់តែម្តង ហើយលោកអ្នកអាចបន្ថែម 512Gb បានដោយមិនទើសទាល់អីទេ។ រីឯកម្លាំងថ្មមានរហូតដល់ទៅ 3,800mAh ជាមួយបច្ចេកវិទ្យាសាកថ្មលឿន។ Samsung នៅតែប្រើប្រភេទអេក្រង់ល្អដាច់គេរបស់ខ្លួន គឺ Super AMOLED Infinity Display ដោយសំបកខាងខ្នងមានពណ៌លាយគ្នា (​Gradient Color) ដូច ​​OPPO, VIVO, Huawei … ដែលនាំអារម្មណ៍លោកអ្នកទៅកាន់ភាពស្រស់ស្អាត មិនស៉ាំភ្នែកតែទៅទៀតឡើយ៕

The post កាម៉េរ៉ាកប់សេរីហ្មង! Galaxy A9 របស់ Samsung ពេលនេះឈរលំដាប់ទី1ហើយ! appeared first on ព័ត៌មាន រាមកេរ្តិ៍.

ប៉ុន្តែថ្មីៗនេះ iPhone មួយគ្រឿងនៅក្នុងប្រទេសចិន ត្រូវបានលេចឮព័ត៌មានមិនល្អថាទូរស័ព្ទរបស់នាងបានបញ្ជាដោយខ្លួនឯងនៅពេលដែលដោតសាកថ្ម។ ដោយមិនបញ្ចេញប្រភេទ iPhone អ្នកនាង Yang រាយការណ៍ថា iPhone របស់នាងបានបើកកម្មវិធី Ctrip App (ជាកម្មវិធីភ្នាក់ងារទេសចរណ៍Onlineនាំមុខគេនៅអាស៊ី) រួច iPhone គាត់បានបញ្ជាដោយខ្លួនឯងទៅកាន់ button កក់បន្ទប់លំដាប់ខ្ពស់ Presidential Suite ក្នុងសណ្ឋាគារមួយនៅសៀងហៃ តម្លៃបន្ទប់ ប្រមាណ 10,880 យ៉ុន លើសពីនេះ iPhone គាត់ក៏បានបញ្ជាខ្លួនឯងចូលកម្មវិធី WeChat App ហើយបញ្ជាបង់ប្រាក់កក់បន្ទប់នោះទៀតផង។ ប៉ុន្តែដំណើរការដោយស្វ័យប្រវត្តិលើ iPhone គាត់ត្រូវបានកាត់ផ្តាច់វិញ នៅពេលដែលគាត់ដកខ្សែសាកចេញពីព្រីអគ្គីសនី។ វាគួរឲ្យចម្លែកណាស់ បើស្រួលមិនស្រួលថា ខ្មោចលង ទៀតក៏មិនដឹង។

មិនតែប៉ុណ្ណោះ នាងបន្ថែមថា iPhone គាត់បានបើកកម្មវិធី Screen Recording App និងប្តូរពី 4G ទៅ 2G network ទៅវិញទៅមកទៀតផង។ ទាំងនេះ នាងសង្កេតឃើញថា រាល់ពេលដែលនាងសាកថ្ម iPhone របស់នាងតែប៉ុណ្ណោះ។ នាងបញ្ជាក់ថា iPhone នាងមិនបាន Jailbroken វាឡើយ គឺ Original តែម្តង ប៉ុន្តែ Adaptor និងខ្សែសាកមិនមែន Original ឡើយ។

ខាងលើនេះ ជាទូទៅគេឲ្យឈ្មោះថា Ghost Touch (ខ្មោចចុច) ដែលត្រូវបានអ្នកប្រើប្រាស់ iPhone ធ្លាប់រាយការណ៍ជាច្រើនករណីក្នុងអំឡុងឆ្នាំ 2014 កន្លងមក។ អ្នកជំនាញបានវាយតម្លៃថា នេះជាទង្វើរបស់ Malware ដែល Hacker ​​បង្កើតឡើងរក្សាទុកក្នុងបន្ទះឈីប Adaptor និងខ្សែសាកក្លែងក្លាយតែម្តង។ អាស្រ័យហេតុនេះ សូមលោកអ្នកកុំព្យាយាមប្រើប្រាស់ Adapor និងខ្សែសាកដែលមិនមែន Original ឲ្យសោះ វានឹងអាចធ្វើឲ្យទូរស័ព្ទរបស់លោកដំណើរការបញ្ជាដោយស្វ័យប្រវត្តិដូចករណីនេះដូច្នេះដែរ៕

The post ខ្មោចបញ្ជា (Ghost Touch) លើiPhone appeared first on ព័ត៌មាន រាមកេរ្តិ៍.