រឿងទីមួយ៖ នាងលេខានិយាយទៅកាន់លោកនាយកថា៖

• 👩‍💼បង! ​​​​​​​​​​​​​​​​​​​​​​អូនមានផ្ទៃពោះហើយ​​​​​​​​​​​​​​​​​​​​​​
• 👨‍💻លោកនាយកនៅបន្តធ្វើការធម្មតា​​​​​​​​​​​​​​​​​​​​​​ រួចញញឹមឆ្លើយតប៖ ​​​​​​​​​​​​​​​​​​​​​​បងបានគ្រាវយូរណាស់ហើយ​​​​​​​​​​​​​​​​​​​​​​
• 👩‍💼នាងលេខាភ្ញាក់ព្រើត រួចញញឹមនិយាបន្ត៖ ​​​​​​​​​​​​​​​​​​​​​​
• 👩‍💼អូនគ្រាន់តែនិយាយលេងតើស៍ ​​​​​​​​​​​​​​​​​​​​​​
• 👨‍💻លោកនាយកលើកកែវទឹកផឹកហើយដាក់ចុះ ​​​​​​​​​​​​​​​​​​​​​​គាត់ញញឹមនិងនិយាយបន្ថែម៖
• 👨‍💻បងក៏និយាយលេងដែរ។​​​​​​​​​​​​​​​​​​​​​​

*រស់នៅក្នុងសង្គម បើជួបបញ្ហាយើងកុំស្លន់ស្លោរ​​​​​​​​​​​​​​​​​​​​​​ ត្រូវរក្សាស្មារតីឲ្យបានហ្នឹងនរសិន ​​​​​​​​​​​​​​​​​​​​​​ទើបអាចរកឃើញដំណោះស្រាយសមស្រប​​​​​​​​​​​​​​​​​​​​​​។

រឿងទីពីរ៖​​​​​​​​​​​​​​​​​​​​​​ បុរសបីនាក់ទៅដណ្តឹងប្រពន្ធក្នុងពេលតែមួយ ​​​​​​​​​​​​​​​​​​​​​​មេបាខាងស្រីសុំឲ្យពួកគេណែ​​​​​​​​​​​​​​​​​​​​​​នាំខ្លួន៖

• 👳‍♀️បុរសទីមួយ៖ ​​​​​​​​​​​​​​​​​​​​​​ខ្ញុំមានមានប្រាក់ក្នុងគនណីជាង 500​​​​​​​​​​​​​​​​​​​​​​ លាន
• 👨‍✈️បុរសទីពីរ៖ ​​​​​​​​​​​​​​​​​​​​​​ខ្ញុំមានអចលនៈទ្រព្យដែលមានតម្លៃ ​​​​​​​​​​​​​​​​​​​​​​ជាង 1000 លាន
• 💁‍♂️បុរសទីបី៖ ​​​​​​​​​​​​​​​​​​​​​​ខ្ញុំពុំមានអ្វី ក្រៅពីកូននៅក្នុងផ្ទៃរបស់កូនស្រីលោកអ៊ុំទេ​​​​​​​​​​​​​​​​​​​​​​

*ក្នុងការប្រកួតប្រជែងមិនប្រាកដថា​ ​​​​​​​​​​​​​​​​​​​​​​មានលុយច្រើនគឺឈ្នះទេ ​​​​​​​​​​​​​​​​​​​​​​តែត្រូវចេះប្រើគំនិតដើម្បីយកឈ្នះ។

រឿងទីបី៖ ​​​​​​​​​​​​​​​​​​​​​​នៅក្នុងព្រៃមួយមានសត្វតោ​​​​​​​​​​​​​​​​​​​​​​ពីរនាក់ម៉ែកូនកំពុងរស់នៅ ​​​​​​​​​​​​​​​​​​​​​​តោកូនសួរទៅតោម៉ែថា៖

• តើសុភមង្គល​​​​​​​​​​​​​​​​​​​​​​នៅឯណាទៅម៉ែ?​
• តោម៉ែស្តាប់ហើយតបវិញ៖​​​​​​​​​​​​​​​​​​​​​​
• សុភមង្គលគឺនៅលើកន្ទុយរបស់កូនហ្នឹង​​​​​​​​​​​​​​​​​​​​​​

កូនតោខំរត់តាមចាប់សុភមង្គលដែលនៅលើកន្ទុយរបស់វា​​​​​​​​​​​​​​​​​​​​​​ តែចាប់មិនបានសោះ។​​​​​​​​​​​​​​​​​​​​​​ តោម៉ែសម្លឹងមើល​​​​​​​​​​​​​​​​​​​​​​កូនហើយនិយាយ​​​​​​​​​​​​​​​​​​​​​​ទាំងរីករាយថា៖​​​​​​​​​​​​​​​​​​​​​​
-កូនល្ងង់របស់ម៉ែ! ​​​​​​​​​​​​​​​​​​​​​​កូនគ្រាន់តែងើបក្បាលឡើង ​​​​​​​​​​​​​​​​​​​​​​ហើយដើរទៅមុខ ​​​​​​​​​​​​​​​​​​​​​​នោះវានឹងទៅតាមកូន​​​​​​​​​​​​​​​​​​​​​​រហូតអស់មួយជីវិតហើយណា​​​​​​​​​​​​​​​​​​​​​​។

*ពេលខ្លះយើងខំប្រឹងធ្វើ​​​​​​​​​​​​​​​​​​​​​​រឿងជាច្រើន​​​​​​​​​​​​​​​​​​​​​​ដើម្បីស្វែងរកសេចក្តីសុខ​​​​​​​​​​​​​​​​​​​​​​ សុភមង្គល ប៉ុន្តែតែយើងនៅតែមិនបានសុខ​​​​​​​​​​​​​​​​​​​​​​​​ ហើយបើយើង​​​​​​​​​​​​​​​​​​​​​​ចេះរស់នៅជាមួយអ្វីដែលខ្លួនមាន​​​​​​​​​​​​​​​​​​​​​​ មិនហួងហែង ​​​​​​​​​​​​​​​​​​​​​​មិនលោភលន់នោះ ​​​​​​​​​​​​​​​​​​​​​​នឹងអាចទទួលបានសេចក្តីសុខផងដែរ។

រឿងទីបួន៖ ​​​​​​​​​​​​​​​​​​​​​​នារីម្នាក់ពីការភ្នែកទាំងគូរ ​​​​​​​​​​​​​​​​​​​​​​នាងគ្មានអ្វីក្រៅពីបុរសម្នាក់ដែល​​​​​​​​​​​​​​​​​​​​​​ស្រលាញ់នាងនោះទេ​​​​​​​​​​​​​​​​​​​​​​។ ថ្ងៃមួយបុរសនោះសួរនាងថា៖​​​​​​​​​​​​​​​​​​​​​​ បើភ្នែកអូនអាច​​​​​​​​​​​​​​​​​​​​​​មើលឃើញវិញ ​​​​​​​​​​​​​​​​​​​​​​តើអូននៅស្រលាញ់បងទេ? ​​​​​​​​​​​​​​​​​​​​​​នារីពិការភ្នែកឆ្លើយតបទាំងមិនរេរា៖​​​​​​​​​​​​​​​​​​​​​​

-អូននៅតែស្រលាញ់បងរហូត ​​​​​​​​​​​​​​​​​​​​​​មិនកែប្រែឡើយ។ មួយរយៈក្រោយ​​​​​​​​​​​​​​​​​​​​​​មកនាងទទួល​​​​​​​​​​​​​​​​​​​​​​បានការបរិច្ចាកកែវភ្នែកទាំងគូរ​​​​​​​​​​​​​​​​​​​​​​ ​ពេលនោះនាងទើបដឹងថា ​​​​​​​​​​​​​​​​​​​​​​បុរសដែលស្រលាញ់នាង​​​​​​​​​​​​​​​​​​​​​​នោះគឺជាជនពិការភ្នែក​​​​​​​​​​​​​​​​​​​​​​ ហើយនាងក៏បានបដិសេធ​​​​​​​​​​​​​​​​​​​​​​ពេលបុរសនោះចូលស្តីដណ្តឹង​​​​​​​​​​​​​​​​​​​​​​។

*ពេល​​​​​​​​​​​​​​​​​​​​​​ខ្លះចំណុចខ្វះខាត ​​​​​​​​​​​​​​​​​​​​​​អវិជ្ជមាន ទង្វើអាក្រក់​​​​​​​​​​​​​​​​​​​​​​រសប់មនុស្សនៅក្បែរ​​​​​​​​​​​​​​​​​​​​​​យើង(ប្តីប្រពន្ធ ​​​​​​​​​​​​​​​​​​​​​​ម៉ែពុក បងប្អូន កូន…)​​​​​​​​​​​​​​​​​​​​​​ គឺជាការសម្ងំលះបង់របស់ពួកគេ​​​​​​​​​​​​​​​​​​​​​​ដើម្បីយើងដោយស្ងៀមស្ងាត់​​​​​​​​​​​​​​​​​​​​​​ ហេតុនោះសូម​​​​​​​​​​​​​​​​​​​​​​កុំក្បត់ពួកគាត់ទាំង​​​​​​​​​​​​​​​​​​​​​​មិនមានការពិចារណា​​​​​​​​​​​​​​​​​​​​​​។

រឿងទីប្រាំ៖ កូនប្រុសស្តាប់តាមប្រពន្ធចង់យកម្តាយជរាទៅចោលក្នុងព្រៃ។ ថ្ងៃមួយគាត់ប្រាប់ម្តាយថា​៖

• 🙎‍♂️ខ្ញុំចង់នាំម៉ែ​​​​​​​​​​​​​​​​​​​​​​ទៅលេងក្នុងព្រៃម្តង ​​​​​​​​​​​​​​​​​​​​​​ឲ្យម៉ែបានសប្បាយចិត្ត។ ​​​​​​​​​​​​​​​​​​​​​​
• 👵ម្តាយរីករាយហើយ​​​​​​​​​​​​​​​​​​​​​​ក៏ឡើជិះករកូន​​​​​​​​​​​​​​​​​​​​​​ចេញដំណើរទៅយ៉ាងឆ្ងាយ។​​​​​​​​​​​​​​​​​​​​​​
• 🙎‍♂️ស្រាប់តែកូនប្រុស​​​​​​​​​​​​​​​​​​​​​​ឃើញម្តាយកំពុងរាយ​​​​​​​​​​​​​​​​​​​​​​គ្រាប់សណ្តែកតាមផ្លូវ​​​​​​​​​​​​​​​​​​​​​​ គាត់ក៏ខឹងហើយស្រែកខ្លាំងៗថា៖​​​​​​​​​​​​​​​​​​​​​​
• 🙎‍♂️ម៉ែឯងរាយគ្រាប់សណ្តែកធ្វើអី?​​​​​​​​​​​​​​​​​​​​​​
• 👵ម្តាយក៏តបវិញទាំងរីករាយ​​​​​​​​​​​​​​​​​​​​​​
• 👵កូនម៉ែ! ចូលព្រៃជ្រៅអញ្ចឹង​​​​​​​​​​​​​​​​​​​​​​ ម៉ែក្លាចពេលកូនចេញ​​​​​​​​​​​​​​​​​​​​​​ទៅវិញម្នាក់ឯងរកផ្លូវវមិនឃើញ។​​​​​​​​​​​​​​​​​​​​​​
• 🙎‍♂️ពេលនោះកូនប្រុសគាត់ក៏បាន​​​​​​​​​​​​​​​​​​​​​​ត្រហូយំអោបម្តាយយ៉ាងឈឺចាប់។​​​​​​​​​​​​​​​​​​​​​​

*នៅក្នុងលោកនេះមាន​​​​​​​​​​​​​​​​​​​​​​មនុស្សតែម្នាក់គត់ដែល​​​​​​​​​​​​​​​​​​​​​​ស្រលាញ់យើង​​​​​​​​​​​​​​​​​​​​​​ដោយគ្មានលក្ខខណ្ឌ ​​​​​​​​​​​​​​​​​​​​​​ហេតុនោះសូមកុំភ្លេចមើលថែគាត់​​​​​​​​​​​​​​​​​​​​​​ កុំបោះបង់គាត់ពេលគាត់ចាស់ជរា​​​​​​​​​​​​​​​​​​​​​​ ឈឺថ្កាត់៕

The post នាងលេខាប្រាប់លោកនាយកថា៖ បង! ​​​​​​​​​​​​​​​​​​​​​​អូនមានផ្ទៃពោះហើយ… (រឿងអប់រំ ខ្លី ៗ) appeared first on ព័ត៌មាន រាមកេរ្តិ៍.

ប្រវត្តិ របស់កំពូលអ្នកប្រាជ្ញ ​អាល់បឺត ​អាញស្តាញ ​(១៨៧៩-១៩៥៥)

ជារៀងរាល់ឆ្នាំ តែងមានមនុស្សអច្ឆរិយៈកើតឡើងសន្ធឹកសន្ធាប់។ ជា​រៀងរាល់ 10​0 ឆ្នាំម្តងទើបមានមហាអច្ឆរិយៈកើតឡើង តែ​សម្រាប់​​​អភិមហាអច្ឆរិយៈត្រូវនាំគ្នារងចាំដល់រាប់ពាន់ឆ្នាំ។ ចាត់​ទុក​ថាជាសំណាងល្អរបស់មនុស្សជាតិដែលកាលពី 500 ឆ្នាំ​កន្លង​ទៅ​នេះ​បានមានមនុស្សអណ្តាប់ថ្នាក់ អភិមហាអច្ឆរិយៈ​កើតឡើង​ដល់​ទៅ​ពីរនាក់ គឺ អៃសាក់ ញូវតុន (Sir Isacc Newton) ហើយនឹង អាល់ប៊ើរ៍ត អាញស្តាញ (Albert Einstein)។ អ្នកទីមួយកើតមកដើម្បីក្រឡាប់ពិភពលោក ចំណែកអ្នកទីពីរកើតម​កដើម្បី​ក្រឡាប់​ពិភព​ច​ក្រវាឡ។

ថ្ងៃទី 14 មិនា គ.ស. 1879 នៅក្រុងអ៊ូល៍ម (Ulm) ប្រទេសអាល្លឺម៉ង់ គឺជាថ្ងៃដែលពិភពលោកបាន ស្វាគមន៍បុគ្គលម្នាក់ដែលមេឃបញ្ជូនមកកើតដើម្បីឲ្យបើកមិតិទី 4 (The fourth Dimension) ទារកម្នាក់នោះត្រូវបានទិន្ននាមថា អាល់ប៊ើរ៍ត អាញស្តាញ។

ជីវិតកាលពីនៅវ័យក្មេង

កំពូលអ្នកប្រាជ្ញ ​អាល់បឺត ​អាញស្តាញ ជីវិតកាលពីនៅវ័យក្មេង

នៅពីក្មេង អាញស្តាញ ជាមនុស្សនិយាយយឺត។ ខណៈដែលក្មេងភាគ ច្រើន​តែងនិយាយមុនគិត តែអាញស្តាញជាមនុស្សគិតមុននិយាយ បង​ស្រី​របស់គាត់បានប្រាប់ថា ខណៈពេលកំពុងជជែកគ្នា ជួន​កាលគាត់​ឈប់​​ធ្មឹងដើម្បីគិតជាយូររួចហើយទើបនិយាយតទៅទៀត ហើយបើ​មាន​រឿង​អ្វី​ដែល​គាត់ ចាប់អារម្មណ៍គាត់នឹងយក​ចិត្តទុក​ដាក់ក្នុង​រឿងនោះ​យ៉ាង​ខ្លាំង ព្យាយាមស្វែងរកចម្លើយតបដោយ មិនព្រម​បោះបង់ចោល​ឡើយ​។

ការហ្វឹកហាត់គិតមុននិយាយ ធ្វើឲ្យអាញស្តាញ​មានពាក្យពេចន៍​ជ្រាល​ជ្រៅ​​។ សំណួររបស់គាត់ កាលនៅពីក្មេងជាសំណួរដែលពិបាកឆ្លើយ ដូច​ជាសួរថា ហេតុ​អ្វី​ទ្រនិច​ត្រី​វិស័យចង្អុលទៅទិសខាងជើង? ភាពងងឹតកើតឡើង​បានយ៉ាង​ដូច​ម្តេច​?​ ពេលភ្លើង​រលត់​ហើយ កម្តៅបាត់ទៅទីណា? ពន្លឺព្រះអាទិត្យធ្វើដោយអ្វី? បើយើងអាចរត់​ទៅ​តាម​ពន្លឺរស្មី​បានតើ​នឹង​កើតអ្វីឡើង? សំនួរទាំងនេះជួន កាលធ្វើឲ្យគ្រូមិនយល់​ហើយគិតថាគាត់​មាន​បញ្ហាខួរក្បាល ព្រោះ​ក្មេងទូទៅគេមិនដែលសួរអ្វីបែបនេះទេ។

សេចក្តីសង្ស័យពីវ័យក្មេងធ្វើឲ្យគាត់អាចគិតទ្រឹស្តីសម្ព័ន្ធភាព (Theory of Relativity) បាន។ ប្រយោគមួយគាត់បានសរសេរទុកថា “ក្មេងរាល់គ្នាមានសេចក្តីសង្ស័យក្នុងរឿងចម្ងាយផ្លូវ និង ថេរវេលា តែពេលធំឡើងពួកគេក៏ភ្លេចវាអស់ សំណាងល្អដែលសេចក្តីសង្ស័យរបស់ខ្ញុំវាស្ថិតនៅ ទើបខ្ញុំអាចយល់បញ្ហាបានជ្រាលជ្រៅជាងក្មេងដទៃទូទៅ”។

ចំនុចផ្លាស់ប្តូរដ៏សំខាន់ក្នុងជីវិតរបស់អាញស្តាញគឺដោយសារអ្នកសិក្សាពេទ្យម្នាក់ដែលមកទទួល ទានអាហារពេលល្ងាច នៅផ្ទះរបស់គាត់ជារៀងរាល់សប្តាហ៍។ (ក្រុមគ្រួសារជនជាតិជ្វិវមាន ទំនៀមថា ក្នុងមួយសប្តាហ៍ ត្រូវអញ្ជើញជនជាតិជ្វិវដែលមានចំណេះដឹង មកទទួលទានអាហារ ពេលល្ងាចនៅផ្ទះរបស់ខ្លួនមួយពេល។)​ អ្នកសិក្សាពេទ្យម្នាក់នេះបានឲ្យ អាញស្តាញ ខ្ចីសៀវភៅ គ្រប់ប្រភេទដែលត្រូវការ ក្រៅពីនេះថែមទាំងជួយស្រាវជ្រាវពីបណ្ណាល័យនិងតបសំនួរជ្រៅផ្នែក ខាងគណិតសាស្ត្រ ទស្សនវិជ្ជា វិទ្យាសាស្រ្តគ្រប់ពេលវេលា ជាមិត្តសម្លាញ់​ផ្សេងវ័​យ​ដែលនិ​យាយ គ្នាត្រូវមាត់ត្រូវក បញ្ហាខ្លះត្រូវជជែកគ្នារាប់ម៉ោង។ ក្នុងថ្ងៃបែកគ្នា អ្នកសិក្សាពេទ្យ​ម្នាក់នេះ​បាន​ឲ្យ សៀវភៅតម្រារេខាគណិតដល់អាញស្តាញទុកជាទីរលឹក ដែលនៅពេលក្រោយមក​អាញ​ស្តាញ បានប្រាប់ថា សៀវភៅមួយក្បាលនេះបានប្តូរជីវិតរបស់គាត់ វាមានការគណនា​ដែល​សរសេរ​ជា រូបភាព ន័យសេចក្តីច្បាស់លាស់ ធ្វើឲ្យគាត់ចូលចិត្តជាខ្លាំងហួសបរិយាយ។

អាញស្តាញជាមនុស្សដែលស្គាល់ចំណុចខ្សោយរបស់ខ្លួនឯង។ ក្នុងសៀវភៅអត្តជីវប្រវត្តិ មាន អត្ថបទមួយដែលបានសរសេរទុកកាលគាត់អាយុ 16 ឆ្នាំថា… “ខ្ញុំមានក្តីសុបិនចង់ក្លាយជាគ្រូ បង្រៀនវិទ្យាសាស្រ្ត ជាពិសេសក្នុងផ្នែកទ្រឹស្តី ព្រោះខ្ញុំដឹងថាគ្មានសមត្ថភាពផ្នែកខាងបតិបត្តិ។” ដោយហេតុនេះឯងភាពជោគជ័យរបស់ អាញស្តាញ ទើបគ្មានវត្ថុប្រឌិតច្រើនដូចជា ថូម៉ាស់ អាល់វ៉ា អេឌិសាន់ (Thomas Alva Edison) តែទ្រឹស្តីដែលគាត់រកឃើញក៏មានគុណតម្លៃអនេក អនន្តចំពោះមនុស្សជាតិ ដល់ថ្នាក់អាចបដិវត្តិពិភពលោកចូលដល់រលកទី 3 បាន។

ហេតុផលមួយទៀតដែលធ្វើឲ្យអាញស្តាញជ្រើសរើសធ្វើជាអ្នកវិទ្យាសាស្រ្តក៏គឺ គាត់ឃើញថា ការសាងវត្ថុប្រឌិតខាងវិទ្យាសាស្ត្រដើម្បីតបស្នងកិលេសតណ្ហា មិនមែនជាមធ្យោបាយដែលនឹង ធ្វើឲ្យមនុស្សអាចទទួលបាននូវសេចក្តីសុខយ៉ាងពិតប្រាកដឡើយ។

កេរ្តិ៍ឈ្មោះ កិត្តិយស

ប្រវត្តិ របស់កំពូលអ្នកប្រាជ្ញ ​អាល់បឺត ​អាញស្តាញ

ក្នុងពេលដែលគេអញ្ជើញឲ្យគាត់ធ្វើជាប្រធានាធិបតីទី 2 នៃប្រទេស អ៊ីស្រាអ៊ែលក្នុងឆ្នាំ គ.ស.​1952 អាញស្តាញជាមនុស្សសំខាន់ដែលជួយឲ្យប្រទេស អ៊ីស្រាអ៊ែល កើតឡើងបាន តែគាត់បាន​​បដិសេធតំណែងដ៏អស្ចារ្យនោះ ព្រមទាំងឲ្យហេតុផលថា “នយោបាយជារឿងបណ្តោះអាសន្ន តែ​សមការគង់នៅនិរន្តរ៍” នោះជាពាក្យនិយាយលេងរបស់អាញស្តាញ តែការពិតក្នុង សំបុត្រ​បដិសេធ​ គាត់សរសេរទុកថា “ ខ្ញុំមានសេចក្តីរំភើបចិត្តជាខ្លាំងចំពោះសម្នើរបស់រដ្ឋាភិ​បាល​អ៊ីស្រាអ៊ែល​ តែក៏មានអារម្មណ៍ក្រៀមក្រំនិងខ្មាសអៀនដែលមិនអាចទទួលយកសម្នើនេះ បាន។ ជីវិតរបស់ខ្ញុំសុទ្ធតែទាក់ទងជាមួយនឹងរបស់ដែលជាវត្ថុ ទើបធ្វើឲ្យខ្ញុំខ្វះជំនាញក្នុងការគ្រប់ គ្រងមនុស្សម្នាហើយនឹងការចាត់ការភារកិច្ចដែលជាផ្លូវការ ដោយហេតុផលនេះ ខ្ញុំទើបមិន សក្តិសមនឹងតំណែងដ៏សំខាន់នេះ នៅមិនទាន់រាប់ទាំងអាយុក៏ច្រើនសុខភាពក៏កា់ត់បន្ថយកម្លាំង ពលំរបស់ខ្ញុំ”។ ក្នុងពេលនោះ អាញស្តាញ មានអាយុ 71 ឆ្នាំហើយ។ ជនជាតិអ៊ីស្រាអ៊ែលខូចចិត្ត ជាខ្លាំង ហើយប្រាប់ថាមានតែគាត់ប៉ុណ្ណោះដែលសក្តិសមបំផុតសម្រាប់តំណែងនេះ តែនឹងធ្វើ​ដូចម្តេចបាន បើគាត់មិនព្រមទទួល។

មិនប្រាកដទេ បើអាញស្តាញទទួលធ្វើជាប្រធានាធិបតីរបស់ប្រទេសអ៊ីស្រាអ៊ែល គាត់អាចនឹង ក្រាលគ្រឹះប្រទេសនេះរហូតធ្វើឲ្យទំនាស់នៅមជ្ឈឹមបូព៌ាមិនកើតមានឡើងក៏ថាបាន។ គ្រាមួយ គាត់ធ្លាប់ប្រឹក្សាជាមួយនឹង ស៊ិកម៉ាន់ដ៍ ហ្រ៉្វយដ៍ (Sigmund Freud) ឲ្យជួយវិភាគចិត្តមនុស្សថា ហេតុអីចូលចិត្តកសង្រ្គាម ហើយនឹងប្រឹក្សាជាមួយ មហាត្មៈ គន្ធី ក្នុងការបញ្ឈប់សង្គ្រាមលើលោក នេះ។ អាញស្តាញ ជាមនុស្សដែលស្អប់ខ្ពើមសង្គ្រាមជាខ្លាំង ហើយគាត់គឺជាមនុស្សម្នាក់ដែល ជួយធ្វើឲ្យកើតអង្ការសន្និបាតជាតិ ដែលក្រោយមកអភិវឌ្ឍទៅជាអង្ការសហប្រជាជាតិ ដើម្បីការ ពារពិភពលោកមិនឲ្យកើតសង្គ្រាម។

មិនត្រឹមតែនយោបាយប៉ុណ្ណោះទេ សូម្បីរោងល្ខោននៅទីក្រុងឡុងដ៍ក៏ធ្លាប់ស្នើប្រាក់មួយដុំធំ គ្រាន់​តែសុំឲ្យគាត់ឡើងទៅឈរលើវេទិកាមួយស្របក់ដើម្បីឃោសនា តែក៏ត្រូវបានបដិសេធ។ វង់ការហូលីវូតព្យាយាមទាក់ទងឲ្យគាត់រួមសម្តែងភាពយន្ត ដោយស្នើតម្លៃខ្លួនឲ្យគាត់ជាចំនួនទឹក ប្រាក់មហាសាលតែក៏បានទទួលចម្លើយតបថា “មនុស្សយើងនាំគ្នាឈ្លក់វង្វេងនឹងតារាត្រឹមរម្លង រាត្រី​ ថ្ងៃស្អែកនេះក៏ភ្លេចអស់ទៅហើយ។” ទោះបីជាគាត់មិនចូលចិត្តវង់ការមាយាក្តី តែទ្រឹស្តី របស់​គាត់ក៏ត្រូវបាននាំយកមកសាងភាពយន្តមិនតិចជាងមួយរយរឿង ហើយស្ទើរតែគ្រប់រឿង សាង​ចំណូល​មហាសាល រួមទាំងរឿងចុងក្រោយដែលសាងចំណូលលេខ 1 លើ​លោក​កាល​ពី​ឆ្នាំ​ 2009 គឺរឿង អវតារ (Avatar)។

នៅសម័យនោះ មានក្រុមគ្រួសារជាច្រើនបាននាំយករូបរបស់គាត់ទៅ​បិទទុកនៅលើជញ្ជាំងផ្ទះ រដ្ឋាភិបាលអ៊ីស្រាអ៊ែលនាំយករូបរបស់គាត់​បោះពុម្ពលើធនប័ត្រ អ្នក​ខ្លះ​នាំយកទៅបណ្តោងខ្សែក រហូតអាញ​ស្តាញ​​​មាន​អារម្មណ៍​មិន​សប្បាយ​​ចិត្ត ហើយរំសាយអារ​ម្មណ៍ចេញ​មក​ជា​បទឃ្លោង​ ដូច្នេះ​ថា​ “មាន​មនុស្ស​ស្រឡាញ់គឺល្អអស្ចារ្យ ទៅណា​មក​ណា​​មានគេរាក់ទាក់ តែ​ខ្ញុំ​កង្ខា​ចិត្តមិនជឿជាក់ ថាខ្ញុំរឺអ្នកគិត​ឆ្កួតខ្លួន​ឯង​។”​ ក្នុងយុគនោះ​មិន​ថា​គាត់​ធ្វើអ្វីក៏ជាពត៌មានទាំងអស់។ មានពេល​មួយ​នោះ គាត់ធុញ​ទ្រាន់​ចំពោះ​អ្នកយកពត៌មានដែលតាមថត​រូបទើប​លាន​អណ្តាតដាក់ អ្នក​ថត​រូប តែការ​លាន​អណ្តាតរបស់គាត់​ត្រឡប់​ក្លាយ​​ទៅជារូបបែប​ទំនៀម​ទម្លាប់​​មួយរបស់ជនជាតិអាមេរិក នៅយុគតែម្តង នរណាមាន​អារម្មណ៍​ធុញ​ទ្រាន់ ​រឺត្រូវការឲ្យដឹងថាជាមនុស្សចូលចិត្តលេងបែបសប្បាយៗ ក៏តែងលានអណ្តាត។

សម្តីរឺមតិយោបល់ផ្សេងៗ របស់អាញស្តាញមានឥទ្ធិពលចំពោះមនុស្សលោកជាខ្លាំងរហូតមក​ដល់បច្ចុប្បន្ននេះ។ ប្រយោគអមតៈជាច្រើនតែងត្រូវបាននាំយកមកអាងជាប្រចាំ។

ពេលគាត់ធ្វើដំនើរទៅទីកន្លែងណាតែងមានមនុស្សម្នាចាំទទួលស្វាគមន៍យ៉ាងគគ្រឹកគគ្រេង។​ ថ្ងៃ ដំបូងដែលគាត់ទៅសហរដ្ឋ កំពង់ផែញូវញ៉កស្ទើរតែភ្លូកដោយសារហ្វូងមហាជន។ ប្រទេសជប៉ុន ប្រកាសឲ្យថ្ងៃដែលគាត់ទៅធ្វើទស្សនកិច្ចជាថ្ងៃឈប់សម្រាកប្រចាំជាតិ។ ពេលទៅកាន់ប្រទេស ណា ព្រះមហាក្សត្ររឺមេដឹកនាំជាន់ខ្ពស់បំផុតរបស់ប្រទេសនោះតែងមកចាំទទួលស្វាគមន៍​។ គាត់​​​ជា​ព្រះសហាយជិតស្និទ្ធរបស់ព្រះមហាក្សត្រនៃប្រទេសអេស្ប៉ាញនិងបេលយៀម (Belgium)។

សកលវិទ្យាល័យទូទាំងពិភពលោកព្យាយាមស្នើតំណែងឲ្យគាត់ ព្រមជាមួយផលកម្រៃដ៏ច្រើន​គ្មានកំណត់ តែគាត់ជ្រើសរើសយកសកលវិទ្យាល័យ ព្រិនស្តុន (Princeton University) ដែលសកល​វិទ្យាល័យ (college town) តូចមួយ ហើយរស់នៅទី​នោះ​រហូត​អស់មួយជីវិត។

ប្រវត្តិ របស់កំពូលអ្នកប្រាជ្ញ ​អាល់បឺត ​អាញស្តាញ

អាញស្តាញ ជាមនុស្សមិនឈ្លក់វង្វេងជាមួយនឹងពាក្យ សរសើរបញ្ជោះបញ្ជោរ កេរ្តិ៍ឈ្មោះ កិត្តិយស ហើយមិន​ខ្វល់​នឹងទ្រព្យសម្បត្តិមាសប្រាក់ គ្មាន​កើត​ទុក្ខ​ក្តៅ​ក្រហាយ​​អ្វី​ ក្នុងកាល​ដែលទ្រព្យសម្បត្តិ​នៅឯ​ប្រទេស​​​អាល្លឺម៉ង់ត្រូវពួក ណាស៊ី រឹបអូសយកអស់។ ថ្ងៃដែលប្តូរទៅទទួលតំណែងសាស្ត្រាចារ្យ​នៅ​សហរដ្ឋ​អាមេរិក ចំនួនប្រាក់ខែ​ដែលគាត់​សរសេរ​ស្នើ​នៅក្នុងសំណុំរឿងតិចជាងប្រាក់ខែរបស់​អ្នកយាម​សាលា​នៅទីនោះទៅទៀត។ ក្នុងពេល​ដែល​គាត់បានទទួលរង្វាន់ណូបែល គាត់មិន​បាន​ទៅទទួលដោយខ្លួនឯង ហើយថែមទាំងប្រគល់​ប្រាក់​រង្វាន់​​ទាំងអស់ឲ្យទៅ មិលេវ៉ា ជាភរិយា​ដំបូងដែលបានលែងលះគ្នាទៅហើយ។ ក្រៅពីនេះ​គាត់​ថែម​ទាំងបានទទួលសញ្ញាប័ត្រកិត្តិយស (Honorary Degree) ក្នុងសាខា ផ្សេងៗ ពីសកលវិទ្យា​ល័យ​ល្បីឈ្មោះទូទាំងពិភព​លោករាប់​មិន​អស់ រហូតក្រោយមកគាត់បានប្រកាសប្រាប់ថាសុំ​ឈប់​ទទួលយកទៀតហើយ។ នរណាដែល​កាន់​សៀវ​ភៅរបស់អាញស្តាញដើរទៅមកនឹងទទួលបាន នូវការពិតពិលរមិលមើលយ៉ាង​ស្ងើច​សរសើរ ​បើទោះបីជាអានមិនដឹងរឿងក៏ដោយ។

គាត់ធ្លាប់សរសេរទុកថា… “ដែលខ្ញុំមានសេចក្តីសុខជារៀងរាល់ថ្ងៃនេះ ព្រោះខ្ញុំមិនដែលច​ង់បា​ន​អ្វី​ មិនខ្វល់​ពី​មាសប្រាក់ តំណែង ពាក្យពេចន៍លើកតម្កើង ពានរង្វាន់ រឺ អំណាចកិត្តិយស។ របស់​ដែល​​ធ្វើ​ឲ្យ​ខ្ញុំ​មានសេចក្តីសុខគឺការ ដែលបានធ្វើការងារ បានលេងវីយ៉ូឡុង ហើយ​នឹង​ការ​បើក​បរ​ទូក​ក្តោង”

បើអាញស្តាញត្រូវការស្វែងរកទ្រព្យសម្បត្តិមាសប្រាក់ម្ល៉េះគាត់ក្លាយជាអភិមហាសេដ្ឋីទៅហើយ មានគ្រាមួយគាត់ត្រូវការរកទុនសម្រាប់ប្រឆាំងណាស៊ី ទើបនាំយកច្បាប់ដើមទ្រឹស្តីសម្ព័ន្ធភាព ដែលសរសេរដោយដៃយកមកដាក់ដេញថ្លៃ លទ្ធផលគឺគាត់បានប្រាក់ដល់ទៅ 6,000,000​ ដុល្លា ក្រៅពីនោះ ក្នុងមួយឆ្នាំៗ នៅមានមនុស្សនិរនាមផ្ទេរប្រាក់បរិច្ចាគឲ្យគាត់ជាច្រើនសន្ធឹកសន្ធាប់ ថែមទៀត។

អាដហ្វ អ៊ីទ្លែ (Adolf Hitler) បានដាក់ថ្លៃក្បាលរបស់គាត់ជាទឹកប្រាក់ចំនួនមហាសាលក្នុងការ តាម​សម្លាប់គាត់ រហូតអាញស្តាញពោលថា “ខ្ញុំមិនដែលដឹងខ្លួន​ពីមុនមកឡើយថាខ្លួន​ឯងមាន​តម្លៃ សន្ធឹកសន្ធាប់ដល់ថ្នាក់នេះ” ភ្នាក់ងារ​សម្ងាត់​របស់អាល្លឺម៉ង់​អាចសម្លាប់គាត់​បានភ្លាមក្នុង​ពេល​​​​ណាដែលមានឳកាស។ អេលសា ភរិយា​របស់គាត់ព្យាយាម​ប្រាប់ឲ្យ​គាត់ឈប់​និយាយ​ប្រឆាំង​​​​នឹងពួក ណាស៊ី តែគាត់បដិសេធ​ដោយ​ប្រាប់ថា “បើខ្ញុំបិទមាត់ស្ងៀម ខ្ញុំក៏មិន​មែន​អាញ​ស្តាញ​។” គាត់ធ្លាប់ និយាយទៀតថា “ការខ្លាចស្លាប់ ជាសេចក្តីខ្លាចដែល​ឥតប្រយោជន៍​បំផុត​ក្នុង​បណ្តា​សេចក្តីខ្លាច ទាំងពួង។”

ប្រាំឆ្នាំមុននឹងបាត់បង់ជីវិត អាញស្តាញបានធ្វើមត៌កសាសន៍ប្រគល់កម្មសិទ្ធិស្នាដៃរបស់គាត់ទាំង អស់ឲ្យដល់សកលវិទ្យាល័យមួយកន្លែង ដែលចាត់ទុកថាជាមត៌កដែលមិនអាចកាត់ថ្លៃបាន ឡើយ គួរឲ្យស្តាយដែលស្នាដៃចាស់ៗ កាលគាត់បានសរសេរនៅអាល្លឺម៉ង់ត្រូវពួកណាស៊ីរឹបអូស យកទៅដុតចោលអស់។ អ៊ីទ្លែ ប្រមូលអ្នកចេះអ្នកដឹងខ្ពង់ខ្ពស់បំផុតរបស់អាល្លឺម៉ង់បានប្រហែល មួយរយនាក់យកមកមួលបង្កាច់ទ្រឹស្តីរបស់ អាញស្តាញ ថាឥតប្រយោជន៍(ដែលត្រឡប់ជា សំណាងល្អរបស់មនុស្សជាតិ)។ អាញស្តាញ តបទៅវិញដោយអត្ថបទថា ហេតុអ្វីចាំបាច់ប្រមូល មនុស្សមកដល់ទៅមួយរយនាក់ បើអាចពិសោធន៍បានថាខ្ញុំខុសតែមួយនាក់ក៏គ្រប់គ្រាន់ណាស់​ទៅ​ហើយ។

លោភៈជាកិលេសថ្នាក់ខ្ពស់ រងពីមានៈ (សេចក្តីប្រកាន់ខ្លួន) អ្នកបតិបត្តិធម៌ភាគច្រើនមិនអាច ឡើង​​ហួសពី សោតាប័ន ទៅបានព្រោះកាត់លោភៈមិនដាច់ ហើយបើនឹងបន្លុះដល់ថ្នាក់អនាគាមី និង​ អរហន្ត ត្រូវកាត់មានៈឲ្យដាច់គ្មានសេសសល់ បើទោះបីជាអាញស្តាញមិនមែនជាពុទ្ធសា សនិកជន តែគាត់ក៏មានលោភៈហើយនឹងមានៈហាក់តិចតួចស្តួចស្តើងណាស់។

ជីវិតរបស់អាញស្តាញហាក់សាមញ្ញ មិនចូលចិត្តតែងខ្លួន មិនសិតសក់ (មានអ្នកពោល​ថាម៉ូត​សក់ របស់គាត់ដូចត្រូវអគ្គិសនីឆក់) មិនពាក់ស្រោមជើង ហើយនឹងស្លៀកពាក់​សម្លៀកបំពាក់​ឈុត​ចាស់​ៗ។ មានថ្ងៃមួយ គណៈរដ្ឋមន្ត្រីរបស់ប្រទេសអាល្លឺម៉ង់នឹងមកលេងនៅឯផ្ទះ អែលសា ភរិយា​របស់​​គាត់ទ្រាំមិនបាន អង្វរករឲ្យគាត់ស្លៀកពាក់ស្អាតបាតហើយនឹងពាក់ស្រោមជើងផង ដើម្បី​ទទួលស្វាគមន៍ភ្ញៀវកិត្តិយស អាញស្តាញ ធ្វើកិរិយាត្រិះរិះរួចហើយតបថា “អេ!ខ្ញុំយល់ច្រឡំ គិត​ថា​ពួកគេនឹងមករកខ្ញុំ តាមពិតមកមើលសម្លៀកបំពាក់ខ្ញុំទេ បើដូច្នោះពេលពួកគេមកដល់ក៏នាំ ទៅ​កាន់​​បន្ទប់សម្លៀកបំពាក់ខ្ញុំទៅ ទីនោះមានឈុតល្អៗ ជាច្រើនឈុតឯណោះ”។

គ្រាមួយខណៈពេលដែលអាញស្តាញចូលទៅណែនាំខ្លួនដើម្បីទទួលតំណែងសាស្ត្រាចារ្យសកល វិទ្យាល័យ នៅថ្ងៃដំបូងអ្នកយាមសាលានាំគាត់​​ទៅជួសជុលអំពូលភ្លើង ដោយគិត​ថាគាត់​ជាជាង​ដែលសកលវិទ្យាល័យហៅមក ហើយគាត់ក៏បានជួសជុលរហូតរួចរាល់ទៀតផង។

មានមនុស្សធ្លាប់សួរដោយសេចក្តីសង្ស័យថា ហេតុអ្វីបានចូលចិត្តតែងខ្លួនដូច្នេះ គាត់តបថា “ជា រឿងគួរឲ្យក្រៀមក្រំ ប្រសិនបើក្រដាសខ្ចប់សាច់មើលទៅល្អជាងសាច់ដែលលាក់នៅខាងក្នុង”។

ជីវិតជាមួយសង្គម

ក្រៅពីស្នាដៃខាងវិទ្យាសាស្ត្រហើយនោះ ស្នាដៃក្នុងផ្នែកសង្គមក៏លេចធ្លោមិនតិចទេ បារ៉ាក់ អូបាម៉ា ប្រធានាធិបតីសហរដ្ឋអាមេរិកបច្ចុប្បន្នក៏ត្រូវអគុណគាត់ទៀតផង ព្រោះនៅគ្រាមួយ អាញស្តាញ ធ្លាប់ជាកម្លាំងសំខាន់ក្នុងការជួយជម្រុញឲ្យសិទ្ធិប្រជាពលរដ្ឋស្បែកខ្មៅមានភាពស្មើ គ្នា​​​ជាមួយនឹងប្រជាពលរដ្ឋស្បែកស រហូតត្រូវបានប្រឆាំងយ៉ាងក្តៅគគុកពីសំណាក់ជនជាតិ អាមេរិកាំងមួយចំនួន។ អត្ថបទរបស់គាត់បោះពុម្ពក្នុងសៀវភៅ Out of My Later Yeares មានវគ្គ មួយពោលថា “…នៅសហរដ្ឋអាមេរិកទាំងអស់គ្នាជឿជាក់ថាខ្លួនឯងមានគុណតម្លៃ ការមានអគតិ ចំពោះមនុស្សស្បែកខ្មៅជារឿងមិនសមគួរហើយនឹងអន្តរាយ ពួកយើងត្រូវយកចិត្តទុកដាក់មិន ឲ្យក្មេងៗ បានទទួលឥទ្ធិពលពីភាពអគតិរឿងពណ៌សម្បុរនេះ”។

ការកែបញ្ហា អាញស្តាញ សម្លឹងទៅកាន់យុវជនជំនាន់ក្រោយ ព្រោះមនុស្សចាស់ពិបាកនឹងកែខៃ ហើយក៏ជាការពិត ក្រោយពីអស់មនុស្សយុគរបស់គាត់សហរដ្ឋនៅយុគក្រោយនេះមានការបែង ចែកពណ៌សម្បុរតិចចុះ។ អាញស្តាញ បានជួយក្រាលគ្រឹះឲ្យប្រទេសសហរដ្ឋអាមេរិកទាំងផ្នែក អាវុធ នយោបាយ ហើយនឹងសង្គម។ បច្ចុប្បន្ននេះសហរដ្ឋអាមេរិកមានអ៊ីស្រាអ៊ែលជាអ្នករក្សា តុល្យភាពខាងអំណាចនៅមជ្ឈឹមបូព៌ា មានអាវុធដែលមានអានុភាពព្រោះផលិតឡើងតាមទ្រឹស្តី របស់អាញស្តាញ ដូចគ្នានឹងកាលគ្រាមួយប្រទេសអាល្លឺម៉ង់ធ្លាប់បានជាអភិមហាអំណាចផ្នែក ខាងទាហានព្រោះអាវុធដែលផលិតឡើងតាមទ្រឹស្តីរបស់ញូវតុន ហើយត្រឡប់ទៅយុគបូរាណ ក្រិចរក្សាភាពជាមហាអំណាចបានយ៉ាងយូរព្រោះប្រើអាវុធតាមទ្រឹស្តីរបស់អារ៍គិមីដេស។

អាញស្តាញមានមិត្តសម្លាញ់ជាច្រើនសន្ធឹកសន្ធាប់នៅគ្រប់សាខាអាជីព ដូចជាមហាត្មៈ គន្ធី, ច្វាហារ៍ឡាល នេហ៍រូ (Jawaharlal Nehru), រៈពិន្ទរនាថ ឋាកូ​ (Rabindranath Tahore), ម៉ារិលីន ម៉នរ៉ូ (Marilyn Monroe), ស៊ិកម៉ាន់ដ៍ ហ្រ្វយដ៍, ប៊ើរ៍ថ្រែនដ៍ រ័សសេល(Bertrand Arthur William Russell),​ ឆាលី ឆែព្លិន(Charlie Chaplin), ហ្វ្រែងគ្លិន រ៉ូសវេលត៍(Franklin Delano Roosevelt)។ល។ ចំណែកមេដឹកនាំផ្នែកខាងវិទ្យាសាស្ត្រជាមិត្តសម្លាញ់របស់គាត់គ្រប់គ្នា។

នៅចុងក្រោយនៃជីវិត អាញស្តាញ បានប្រឹងប្រែងព្យាយាមអភិវឌ្ឍទ្រឹស្តីកម្លាំងទំនាញឯកភាព (Theory of gravitation) ព្រោះបើធ្វើបានសម្រេច មនុស្សនឹងអាចយល់អាថកំបាំងរបស់​កម្លាំង​គ្រប់​ប្រភេទក្នុងចក្រវាឡ។ គាត់ប្រឹងប្រែងរិះគិតគណនារហូតសុខភាពទ្រុឌទ្រោម កើតរោគ​ថ្លើម រោគក្រពះ រោគបេះដូង រោគពោះវៀន។ល។ ត្រូវចូលពេទ្យជាច្រើនលើកច្រើនគ្រា ព្រោះគាត់គិត ថាពិភពលោកមានគុណបំណាច់ចំពោះគាត់ច្រើនណាស់ ហើយទ្រឹស្តីនេះគឺជាអំណោយចុង​ក្រោយ​ដែលគាត់ទុកឲ្យពិភពលោក។ គាត់ធ្លាប់សរសេរទុកថា “កំឡុងពេលនៃជីវិតដ៏យូរអង្វែង របស់ខ្ញុំៗ បានទទួលរឿងរ៉ាវល្អៗ ពីមិត្តភក្តិរួមពិភពលោកច្រើនសន្ធឹកសន្ធាប់ហួសពីអ្វីដែលខ្ញុំ​សមគួរ​នឹងទទួលបាន។ ខ្ញុំសារភាពថា ខ្ញុំមានអារម្មណ៍ខ្មាសអៀនណាស់….ខ្ញុំទន្ទឹង​ដាស់​តឿន​ខ្លួនឯងជានិច្ចថា ភាពជោគជ័យរបស់ខ្ញុំមានឫសគល់ចេញមកពីតំញក់ញើសនៃគ្រប់ជីវិត ទាំង​ដែល ​នៅរស់រានមានជីវិតនិងដែលលាចាកលោកនេះទៅហើយ”។

ជីវិតរបស់អាញស្តាញបន្ទាប់ពីអែលសា ភរិយាទីពីរបានអស់អាយុសង្ខារទៅហាក់ដូចជាកណ្តោច កណ្តែង គាត់បដិសេធការចូលរួមពិធីជប់លៀងទាំងអស់។ អែលសា គឺជាអ្នកដែលចូលមករក្សា មុខរបួសក្នុងបេះដូងរបស់គាត់ (ក្រោយពីលែងលះជាមួយមិលេវ៉ា អាញស្តាញ មានអាការសោក សៅ គាត់បន្ទោសថាជាកំហុសរបស់គាត់​ហើយធ្លាក់ខ្លួនឈឺរ៉ាំរ៉ៃជិតដប់ឆ្នាំ) អែលសា ជា​ញាតិ​សាច់ឆ្ងាយមកជួយមើលថែទាំគ្រប់ពេលវេលា ហើយ​នៅទីបំផុតទាំង​ពីរនាក់ក៏​សម្រេចចិត្តរួមរស់​នៅ​ជាមួយគ្នា។ អែលសា មានអាយុច្រើនជាងអាញស្តាញ 5 ឆ្នាំ ធ្លាប់រៀបការហើយ ព្រមទាំង​មាន​កូន ជាប់មកជាមួយពីរនាក់ថែមទៀត ដែលអាញស្តាញជួយមើលថែទាំបានយ៉ាងល្អ។ ឆ្នាំចុ​ង​ក្រោយ​មុននឹង អែលសាអស់ជីវិត អាញស្តាញអង្គុយយាមដេកយាមភរិយាទាំង​ថ្ងៃទាំងយប់​ពេញ​មួយ​ឆ្នាំនោះ មិនព្រមទៅណាឡើយ បន្ទាប់ពីអែលសាលាចាកលោកនេះ​ទៅហើយ​គាត់នាំ​យក​​រូប​ថត​ភរិយា របស់គាត់មកដាក់រៀងជុំវិញខ្លួនដោយប្រាប់ថា “រូបថតមិនចេះចាស់ នេះជា​ហេតុ​ផល​ដែល​ធ្វើឲ្យខ្ញុំមានអារម្មណ៍ថារូបថតជាវត្ថុដែលមានមេត្តាករុណាបង្កប់នៅ”។

ប្រវត្តិ របស់កំពូលអ្នកប្រាជ្ញ ​អាល់បឺត ​អាញស្តាញ

បើទោះបីជាគាត់បានទទួលជោគជ័យ ក្នុងផ្នែក​ការងារ​យ៉ាង​ត្រចះ​​ត្រ​ចង់​ ​តែផ្នែកក្រុមគ្រួសារវិញ ហាក់បរាជ័យ។ ក្នុង​គ្រា​ដែល​​គាត់​លែង​លះ​​ជា​មួយភរិយាដំបូង​មាន​មនុស្ស​​ក្លែង​បញ្ជោះ​បន្សោកថា គាត់​ជា​ម្ចាស់​ទ្រឹស្តី​សម្ព័ន្ធភាពដ៏អស្ចារ្យ តែ​មិន​​យល់ទ្រឹស្តី​សម្ព័ន្ធ​ភាព។ យ៉ាង​ណា​ក៏​ដោយ មនុស្ស​ទាំង​ឡាយ​ដឹងច្បាស់ថា​ទោះ​បី​គាត់​មិន​មែន​ជា​ឳពុក​ដ៏​ល្អ​បំផុ​ត មិន​មែន​ជាស្វាមីដ៏ល្អបំផុត តែក៏​ជា​មនុស្ស​ដ៏ល្អ​បំផុត​ម្នាក់​​ក្នុង​ប្រវត្តិ​សាស្ត្រមនុស្សជាតិ។ អាញ​ស្តាញ​​ធ្លាប់ប្រាប់ថា ពេលខ្លះចាំ​បាច់​ត្រូវ​សម្រេច​ចិត្ត​ជ្រើស​រើស ​រវាងការ​ប្រឹងប្រែងស្វែងរកសច្ចភាព​នៃ​ចក្រវាឡ​​​ជាមួយ​សេចក្តីសុខ​ក្នុងគ្រួសារ ហើយគាត់ជ្រើស​រើស​យក​ខ​​ដំបូង។ មិលេវ៉ា​អតីតភរិយាពោលថា ពេលនៅផ្ទះជា មួយគ្នា ជួនកាល​គាត់មិន​បាន​ឮ​សម្លេង​នាង​និយាយ​ឡើយ រឿងនេះអាចជាការពិត ព្រោះមានគ្រា មួយនោះ​ខណៈ​ដែល​អាញ​ស្តាញ​កំពុង​មានសមាធិជាមួយការដកពិសោធន៍ មានសម្លេងផ្ទុះឡើង នៅ​ខាងក្រៅយ៉ាងខ្លាំងក្លា​តែ​អាញស្តាញ​ ​ប្រាប់​ថាមិនបានឮសម្លេងនោះឡើយ ដល់ថ្នាក់សម្លេង ផ្ទុះមិនបានឮផងគង់មិន​បាច់​និយាយអី​ត្រឹមសម្លេងរបស់ភរិយា។

ក្នុងផ្លូវព្រះពុទ្ធសាសនា ខណៈយោគីបតិបត្តិកំពុងស្ថិតនៅក្នុងចតុត្ថឈាន សព្វសម្លេងដែល​ជុំវិញ​ខ្លួន​​នឹង​រលត់អស់ទៅ បានន័យថា អាញស្តាញ អាចចូលឈាននេះ​បានដោយមិន​បាច់ប​តិបត្តិ​កម្មដ្ឋាន។

អាញស្តាញ មានសមត្ថភាពខាងផ្នែកតន្ត្រីមិនចាញ់អ្នកមានថ្វីដៃអាជីពឡើយ ជាពិសេសវីយ៉ូឡុង ហើយនឹងព្យ៉ាណូ ធ្លាប់សម្តែងខនស៊ើរ៍តរកទុនដើម្បីជួយពួកជ្វិវ ហើយពេលធ្វើដំនើរទៅទីណា តែងនាំវីយ៉ូឡុងគូកាយទៅជាមួយជានិច្ច។ គាត់ធ្លាប់ពោលថា “បើខ្ញុំមិនបានក្លាយជាអ្នករូបវិទ្យា ម្ល៉េះខ្ញុំក្លាយជាអ្នកតន្រ្តីទៅហើយ របស់ដែលធ្វើឲ្យខ្ញុំមានសេចក្តីសុខបំផុតគឺវីយ៉ូឡុង”។​ តន្ត្រីធ្វើឲ្យ គាត់ជាមនុស្សមានមន្តស្នេហ៍។ គ្រាមួយអាញស្តាញត្រូវទៅអាស្រ័យនៅជាមួយក្រុមគ្រួសាររបស់ លោកគ្រូដើម្បីរៀនអក្សរ គាត់លេងវីយ៉ូឡុងឲ្យក្រុមគ្រួសារនោះស្តាប់ជាប្រចាំ លោកគ្រូស្រលាញ់ គាត់ដូចកូនបង្កើត ហើយត្រូវការលើកកូនស្រីឲ្យរៀបការជាមួយតែគាត់បដិសេធ។

សៀវភៅដឹថប់សេខ្រឹតប្រាប់ថា អ្នកមានភាពជោគជ័យលើសប្រក្រតីត្រូវមានការងារពិសេសអ្វី ម្យ៉ាងជានិច្ចដើម្បីកាត់បន្ថយសម្ពាធពីការងារប្រចាំ ដូចគ្នានឹងវែរ៍នើរ៍ ហៃសេនប៊ើរ៍ក (Werner Heisenberg) រូបវិទូរង្វាន់ណូបែលជនជាតិអាល្លឺម៉ង់ អ្នកក្រាលគ្រឹះ​យន្តសាស្រ្តខ្វនត័ម​ហើយនឹង​អធិប្បាយ​ព្រឹត្តិកម្មរបស់អេឡិចត្រុង។ អ្នកឆ្កឹះកកាយទ្រឹស្តីខ្វនត័ម(Quantum Theory)​។ អ្នក​វិទ្យាសាស្ត្រអណ្តាប់មហា អច្ឆរិយៈម្នាក់ទៀត​ដែលចាប់​អារម្មណ៍​ទស្សនវិជ្ជា​ក្នុង​សាសនា​លោក​​​បូព៌ា ក៏មានការងារពិសេស គឺការឡើងភ្នំ។ ចំណែកនីលស៍ បូរ៍(Niels Bohr,ជនជាតិ​ដាណឺម៉ាក ម្ចាស់បែបចម្លងរចនាសម្ព័ន្ធអាតូមដែលមានកេរ្តិ៍ឈ្មោះបំផុត ជាមេឃ្លោងក្នុងការ​សាង​គ្រាប់​បែក​នុយក្លេអ៊ែរ)​ ចូលចិត្តលេងកីឡា។ ក្នុងសៀវភៅផ្លូវកាត់ទៅកាន់អច្ឆរិយៈណែនាំថា ឳពុក ម្តាយ​គួរបណ្តុះបណ្តាលសេចក្តីស្រឡាញ់តន្ត្រី សិល្បៈ រឺកីឡាអ្វីម្យ៉ាងដើម្បីជាដើមទុនជីវិតឲ្យដល់ កូនចៅ ព្រោះទាំងបីប្រការនេះនឹងធ្វើឲ្យពួកគេមានសមាធិលើសធម្មតា នឹងធ្វើការអ្វីក៏ជោគជ័យ ដូចជា អាញស្តាញ ដែលត្រូវមាតាបង្គាប់ឲ្យលេងវីយ៉ូឡុងតាំងពីក្មេងដែលគាត់មិនចូលចិត្តសោះ ឡើយ តែក្រោយពេលគាត់បានស្តាប់ភ្លេងរបស់ម៉ូសាត(Wolfgang Amadeus Mozart, កំពូលអ្នក តន្ត្រីខ្លាស៊ិក ជនជាតិអូទ្រីសដែលសម្តែងឲ្យឃើញអច្ឆរិយភាពតាំងពីអាយុ 3 ខួប ជាម្ចាស់បទ និពន្ធ​ភ្លេងដែលមានឈ្មោះល្បីរន្ទឺពិភពលោកជាង 700 ភ្លេង) គាត់ក៏ចាប់ផ្តើមឈ្លក់វង្វេងក្នុងការ​ស្រលាញ់តន្ត្រីដកខ្លួនលែងរួច។

ជីវិតជាមូយនឹងស្នាដៃ

ប្រវត្តិ របស់កំពូលអ្នកប្រាជ្ញ ​អាល់បឺត ​អាញស្តាញ

សម្រាប់ខាងផ្នែកវិទ្យាសាស្រ្ត​ អាញស្តាញ ជាអ្នកធ្វើឲ្យពិភពលោកស្គាល់ម៉ូលេគុលរបស់ទឹក ហើយនឹងអាចរកឃើញទំហំ់ ម៉ូលេគុល ជាលើកដំបូង ធ្វើឲ្យពិភពលោកដឹងថាពន្លឺមានគុណ សម្បត្តិ​​ជាចុណ្ណភាគ ដឹងថានៅក្នុងម៉ាស់មានថាមពលមហាសាលនៅបង្កប់ ដឹងថាពន្លឺកោងបាន ថេរវេលានិងចម្ងាយផ្លូវអាចរួញរឺយឺតបាន អវកាសពត់ពែនបាន ស្គាល់អន្លង់ងងឹត(Black hole) ទំនាញ ។ល។ ទ្រឹស្តីរបស់គាត់ជាគ្រឹះដ៏សំខាន់នៃតិចណូឡូយីជាច្រើនប្រភេទ ដូចជា ថ្មពិល​ថាមពលពន្លឺព្រះអាទិត្យ អប្រិយថតរូប ប្រព័ន្ធ GPS ប្រព័ន្ធអគ្គិសនីអូតូម៉ាទិច ឧបករណ៍ ត្រួត​ពិនិត្យខ្យល់ដកដង្ហើម បារ៍កូតកុំព្យូទ័រ ឌីវីឌី ទូរទស្សន៍ កែវឆ្លុះមេក្រូទស្សន៍អេឡិចត្រុង ទូរស័ព្ទដៃ ឧបករណ៍ហ្វូតូកូពី សរសៃកែវនាំពន្លឺ កាំរស្មីលេស៊ើរ៍ ថាមពលនុយក្លេអ៊ែរ វិទ្យុសកម្ម ។ល។ ចំណែក​ក្នុងរឿងចក្រវាឡធ្វើឲ្យយើងដឹងថាតារានិករបញ្ចេញពន្លឺបានដូចម្តេច ចក្រវាឡ មាន​រូប​រាង្គ​ដូចម្តេច កើតមកពីណា ហើយនឹងសាបសូន្យទៅដូចម្តេច។ តែគួរ​ឲ្យស្តាយដែលគាត់​គិត​ទ្រឹស្តី​កម្លាំងទំនាញ​ឯកភាពមិនបានជោគជ័យ កុំអីយើងអាចបានឃើញឧបករណ៍បញ្ឈប់ពេលវេលា ឧបករណ៍បង្រួញចម្ងាយផ្លូវ ដាវលេស៊ើរ៍ រឺរថយន្តហោះដូចក្នុងរឿងភាពយន្តក៏ថាបាន។ល។

ដោយតិចណូឡូយីរបស់អាញស្តាញ អាចនឹងធ្វើឲ្យបណ្ណល័យក្នុងអនាគតកាល​គ្មានសៀវភៅ​ក៏​ថា​បាន ព្រោះយើងអាចអង្គុយនៅក្នុងបន្ទប់តូចមួយ តែអាចចូលទៅដល់សៀវភៅទាំងអស់ក្នុង​ពិភពលោកបានត្រឹមមួយពព្រិចភ្នែកប៉ុណ្ណោះ។

រឿងដែលធ្វើឲ្យអ្នកវិទ្យាសាស្ត្រទូទាំងពិភពលោកមានការចំឡែកចិត្តក៏គឺ បន្ទាប់ពីទាំងអស់គ្នា យល់​ទ្រឹស្តីសម្ព័ន្ធភាពហើយថាវាអស្ចារ្យប៉ុណ្ណា ហេតុអ្វីទើបមិនពិចារណារង្វាន់ណូបែលសាខា រូបវិទ្យាឲ្យអាញស្តាញម្តងទៀតជាលើកទីពីរ ដើមឡើយគណៈកម្មការពិចារណារង្វាន់ណូបែល មិនឲ្យអាញស្តាញទទួលរង្វាន់ណូបែលសម្រាប់ទ្រឹស្តីសម្ព័ន្ធភាព ព្រោះគ្មាននរណាយល់ ទាំង ដែលទ្រឹស្តីនេះជ្រាលជ្រៅអាថ៌កំបាំងជាងទ្រឹស្តី ពន្លឺជាចុណ្ណភាគ ដែលធ្វើឲ្យគាត់បានទទួលរង្វាន់ ជាប្រភេទដែលនិយាយបានថាមិនអាចធៀបគ្នាបានឡើយ។ អ្នកខ្លះដល់ថ្នាក់ពោលថា គាត់​សម​គួរនឹងបានទទួលរង្វាន់ណូបែលយ៉ាងហោចណាស់ 4 ដង គឺទទួលពីទ្រឹស្តីសម្ព័ន្ធភាពពិសេស 1 សម្ព័ន្ធភាពទូទៅ 1 ការរកឃើញថា ពន្លឺជាចុណ្ណភាគ 1​ ហើយនឹងការរកឃើញម៉ូលេគុល 1 ទៀត។ ក្រៅពីនេះគាត់ថែមទាំងបានក្រាលគ្រឹះទ្រឹស្តីខ្វនត័ម (Quantum) អធិប្បាយការបម្លាស់ទីតាម បែបប្រោណនៀន(Brownian Motion, គឺការបម្លាស់ទីបែបគ្មានរបៀបរបស់ចុណ្ណភាគតូចៗ ដូចជា ធូលីក្នុងអាកាស កេសរផ្កាលើផ្ទៃទឹក ដែលក្រោយមកអាញស្តាញរកឃើញថាកើតមកពី ម៉ូលេ គុលរបស់ទឹករឺអាកាសរត់ជល់ចុណ្ណភាគទាំងនោះ។) អធិប្បាយរបកគំហើញ​របស់​រូបវិទូ​ជំនាន់​ក្រោយជាច្រើនអ្នករហូតធ្វើឲ្យរូបវិទូទាំងនោះបានទទួលរង្វាន់ណូបែល។

ពួកបស្ចឹម (westerner) លើកតម្កើងអាញស្តាញប្រដូចសាស្តា ហើយគ្មាននរណាឥច្ឆាក្នុងភាព ជោគ​ជ័យរបស់គាត់ឡើយ ព្រោះជាជោគជ័យដែលបានមកពីសមត្ថភាពហួសវិស័យមនុស្ស ធម្មតា លើសពីនេះគាត់មិនឈ្លក់វង្វេងជាមួយនឹងកិត្តិយសកេរ្តិ៍ឈ្មោះដែលបានមក អាញស្តាញ នៅតែជាមនុស្សចាស់សក់បាស់ជ្រោង ដើរដី ចូលចិត្តអង្គុយគិតអ្វីម្នាក់ឯង សុភាព ដាក់ខ្លួន អាច លេងជាមួយក្មេងៗ បានវាល់ល្ងាច។ កំឡុងពេលធ្វើដំនើរពីសកលវិទ្យាល័យត្រឡប់ទៅផ្ទះ គេ ឃើញគាត់ឈៀងចូលរាក់ទាក់ក្មេងៗ ជួយក្មេងជួសជុលរបស់លេងរឺទោចក្រយានជាប្រចាំ បើថ្ងៃ ណាបានឮសម្លេងក្មេងយំ គាត់ដើររកទាល់តែឃើញហើយចូលទៅលួងលោម។ មានគ្រាមួយ នោះ គាត់ឃើញក្មេងស្រីដែលជាកូនភ្នាក់ងារធ្វើការនៅសកលវិទ្យាល័យកំពុងអង្គុយយំ សាកសួរ ដឹងរឿងថា យំព្រោះមិនយល់វិជ្ជាគណិតសាស្ត្រ អាញស្តាញប្រាប់ថា គាត់ក៏មិនសូវយល់រឿង លេខដូចគ្នាតែជួនកាលបើយើងជួយគ្នាគិតអ្វីៗ អាចនឹងល្អប្រសើរឡើងក៏ថាបាន ហើយគាត់ប្រើ ពេលរសៀលថ្ងៃនោះជួយអធិប្បាយគណិតសាស្រ្តទាល់តែក្មេងស្រីនោះយល់បាន។

អាញស្តាញជាមនុស្សមានពាក្យកំប្លែងជ្រៅៗ ហើយព្យាយាមតបសំបុត្រគ្រប់ច្បាប់ដែលសរសេរ ទៅរកគាត់ អ្នកខ្លះសតិអណ្តែតអណ្តូងគិតវត្ថុប្រឌិតក្រៅលោកបញ្ជូនមកឲ្យ ដែលមនុស្សទូទៅ អានរួចនៅចង់សើច តែគាត់អានយ៉ាងយកចិត្តទុកដាក់ហើយសរសេរ​សំបុត្រតបត្រឡប់ទៅវិញ​ថា “ជួយសិក្សាមូលដ្ឋានរូបវិទ្យាឲ្យបានច្បាស់ជាងនេះបន្តិច ព្រោះ​យើងកំពុងនៅលើលោក​មួយ​នេះ” ចំ​ណែកទ្រឹស្តីរូបវិទ្យាដែលលំបាកៗ រឺនិក្ខេបទថ្នាក់បណ្ឌិតដែលគណៈកម្មការអានហើយ​មិន​យល់ ក៏តែង​បញ្ជូនទៅឲ្យគាត់វិភាគ ទើបគាត់មានចំណែកជួយធ្វើឲ្យអ្នកវិទ្យាសាស្ត្រជា​ច្រើន​នាក់​បាន​​ទទួល​រង្វាន់ណូបែលព្រោះរបកគំហើញទាំងអស់នេះ។

បើគ្មានអាញស្តាញមកកើត ម៉្លេះពិភពលោកនឹងឈប់ទ្រឹងនៅឯតិចណូឡូយីញូវតុនតទៅទៀត​មិន​ដឹង​ប៉ុន្មានឆ្នាំ ដូចគ្នានឹងយុគក្រិច យុគបូរាណ លោកសម័យនោះ​ក៏មានត្រឹមទ្រឹស្តី​អាគិមីដេស ​(Archimedes,​គឺជាអ្នកគណិតវិទូ, តារាវិទូ, ទស្សនវិទូ, រូបវិទូ ហើយនឹងជាវិស្វករជនជាតិក្រិច អ្នក​ក្រាល​គ្រឹះទ្រឹស្តីកម្លាំងគម្នាស់ (Law of the Lever) គុណសម្បតិ្តវត្ថុរាវ ​ កែវរួមពន្លឺ។ល។​ របក​គំហើញ​របស់គាត់មានឥទ្ធិពលចំពោះពិភពលោកតាំងពីកំឡុងពេលមុនគ្រឹស្តរាជរហូតដល់គ្រឹស្ត​សតវត្សទី 17។) អារិស្តូត មិនបានធ្វើឲ្យកើតបម្លាស់ប្តូរផ្នែកខាងតិចណូឡូយីអ្វីឡើយ។ របក​គំហើញ​របស់ញូវតុនជារឿងអស្ចារ្យបំផុតរបស់លោកយុគថ្មី រហូតមានអ្នកខ្លះលើកតម្កើងគាត់ថា​ជាបុគ្គលដែលព្រះអាទិទេពបញ្ជូនមកកើតដើម្បីបើកអាថ៌កំបាំងរបស់ព្រះអង្គ គ្មាននរណាគិត​ស្មានដល់ថា បន្ទាប់ពីនោះព្រះអាទិទេពនឹងបញ្ជូនអភិមហាអច្ឆរិយៈម្នាក់ទៀតមកកើតផង ដែល​អាចបើកបង្ហាញអាថ៌កំបាំងរបស់អាទិទេពបានជ្រាលជ្រៅជាងមុនទៅទៀត ហើយមនុស្សម្នាក់​នោះក៏គឺ អាល់ប៊ើរ៍ អាញស្តាញ។

ដើមឡើយអ្នកវិទ្យាសាស្ត្រគិតថា តិចណូឡូយីយុគញូវតុនប្រហែលជាកំពូលនៃរបកគំហើញ​ហើយ រូបវិទ្យាដល់ផ្លូវទ័លហើយ​ តែលុះពេលវ៉ូលតា(Alessandro Volta, បុគ្គលដែលនាំយកចរន្ត​អគ្គិសនីមកបម្រើប្រយោជន៍រហូតបានទទួលការលើកតម្កើងឲ្យហៅប៉ូតង់ស្យែលចរន្តអគ្គិសនីថា “វ៉ុល” តាមឈ្មោះរបស់គាត់) រកឃើញថ្មពិលកំនើតចរន្តអគ្គិសនី តិចណូឡូយីក៏លោត​ផ្លោះ​ពី​យុគ​​គ្រឿងចក្រ ច្រវ៉ាក់ ហើយនឹងស្ពឺ មកកាន់យុគអគ្គិសនី។ របស់លេង នាឡិកា ប្តូរពីមួលឡាន​មក​​ដាក់ថ្ម​វិញ គ្រឿងអង្គុលីលេខប្តូរពីការប្រើកម្លាំងផ្ទប់នៃលោហៈទៅលើក្រណាត់ទឹកមឹកមក​ជា​គ្រឿង​​​អង្គុលីលេខអគ្គិសនីចំនួសវិញ។​ តែនៅទីបំផុត បច្ចុប្បន្ននេះគ្រឿងអង្គុលីលេខ​អគ្គិសនី​ក៏​បាន​​ហួស​សម័យទៅហើយដែរ ព្រោះគ្រឿងអង្គុលី​លេខ​កុំព្យូទ័រ​ដែល​ផលិតចេញ​ពីមូលដ្ឋាន​ទ្រឹស្តី​​អាញ​ស្តាញ​​ប្រើការបានយ៉ាងមានប្រសិទ្ធិភាពខ្ពស់ជាង។ នៅ​នា​អនាគត​បើមាន​ទ្រឹស្តីថ្មី​កើត​ឡើង​មក​​ទៀត ម៉ាស៊ីនថត​រូប​ឌីជីថលដែលនាំគ្នាគិតថាទាន់សម័យហើយក្នុង​ពេល​នេះក៏អាច​នឹង​ហួស​​សម័យ​ទៅ​ទៀតក៏ថា​បាន ។

ជីវិតចុងក្រោយ

ជីវិតចុងក្រោយ របស់កំពូលអ្នកប្រាជ្ញ ​អាល់បឺត ​អាញស្តាញ

អាញស្តាញ ជាមនុស្សមិនខ្លាចសេចក្តីស្លាប់ គាត់ប្រាប់ថា សេចក្តីស្លាប់គឺជាបំណុលចាស់ដែល​នៅទីបំផុតរាល់គ្នាត្រូវតែសង។ មុននឹងលាចាកលោកគាត់ឈឺដោយរោគពោះវៀនហើយនឹង​សរសៃឈាមពុះពង។ ពេទ្យប្រាប់ថា បើបានវះកាត់គាត់នឹងមានអាយុវែងតទៅទៀត តែគាត់​បដិសេធ ព្រមទាំងត្រៀមរៀបចំធ្វើមត៌កសាសន៍ជម្រះបញ្ហាផ្សេងឲ្យអស់មុននឹងលាចាកលោក តែទោះបីមិនបានវះកាត់ក៏គាត់អាចមានជីវិតរស់នៅតមកទៀតបានដល់ទៅ 5 ឆ្នាំ បញ្ហាចុង​ក្រោយដែលដោះស្រាយមិនបានសោះគឺការររួមកម្លាំងក្នុងចក្រវាឡ។ មុននឹងលាចាកលោកមិន​ប៉ុន្មាននាទីអ្នកគ្រូពេទ្យប្រាប់ថា គាត់សុំក្រដាសទទេដើម្បីយកមកគណនាអ្វីម្យ៉ាង រួចហើយក៏រអ៊ូ​ជាភាសាអាល្លឺម៉ង់មុននឹងរំលត់សង្ខា ទុកចោលផែនក្រដាសដែលពេញទៅដោយរូបមន្តជាច្រើន ទុកក្បែរគ្រែ បើគ្រូពេទ្យរក្សាក្រដាសនេះទុកហើយយកមកដេញថ្លៃលក់ក្នុងបច្ចុប្បន្ន ប្រហែលជា​បានតម្លៃមិនតិចជាង 6,000,000 ដុល្លាឡើយ។

កាលគាត់លាចាកលោក កាសែតគ្រប់រោងពុម្ពសរសេរចំណងជើងធំៗ អត្ថន័យថា “មនុស្សដ៏​អស្ចារ្យបំផុតនៃគ្រឹស្តសតវត្សទី 20 លាចាកលោកហើយ”។ គាត់បានផ្តាំទុកជាមុនថា ឲ្យយកខួរ​ក្បាលរបស់គាត់បរិច្ចាគឲ្យទៅវង់ការវិទ្យាសាស្ត្រ (តែពេទ្យផ្នែកបញ្ជាក់ភិនភាគបានលបលួចកាត់​ខួរ​​ក្បាលរបស់គាត់ទៅមុនបាត់) រួចហើយឲ្យដុតសពរបស់គាត់នៅថ្ងៃនោះភ្លាម មិនបាច់កប់ដូច​បុគ្គល​​សំខាន់ផ្សេងៗ ទៀតនៅក្នុងយុគនោះ មិនបាច់ធ្វើពិធីកម្មអ្វីឲ្យរវល់ឡើយ រួចហើយឲ្យយក​ផេះអដ្ឋិទៅរោយនៅកន្លែងមួយដែលរក្សាជាអាថ៌កំបាំង។

នីលស៍ បូរ៍ ដែលជាអ្នកវិទ្យាសាស្ត្រដ៏អស្ចារ្យម្នាក់ បានសរសេរពាក្យកាន់ទុក្ខអាឡោះអាឡ័យ​ចំពោះ​​​​គាត់ថា “ពួកយើងបានបាត់បង់បុគ្គលដែលបានសាងគុណប្រយោជន៍ដ៏ច្រើនសន្ធឹកសន្ធាប់​ចំពោះ​​អរិយ​ធម៌មនុស្សជាតិ។ ការលាចាកលោករបស់អាញស្តាញគឺជាការបាត់បង់ដ៏ធំធេងរបស់​មនុស្ស​​​ជាតិ ហើយនឹងជាការបាត់បង់ដ៏ធំធេងរបស់បុគ្គលដែលធ្លាប់ស្គាល់គាត់។ ជាភាព​សោក​សៅ​​ស្លុត​ចិត្ត​​ដែលគ្មានឳកាសបានឃើញស្នាមញញឹម​ដ៏សែនកក់ក្តៅ ហើយនឹងលែង​បានស្តាប់​គាត់​​និយាយ​ត​ទៅទៀត”៕

The post ប្រវត្តិ របស់កំពូលអ្នកប្រាជ្ញ ​អាល់បឺត ​អាញស្តាញ ​(១៨៧៩-១៩៥៥) appeared first on ព័ត៌មាន រាមកេរ្តិ៍.

១ – ភូមិវប្បធម៌ កម្ពុជា (Cambodian Cultural Village)

ភូមិវប្បធម៌ កម្ពុជា (Cambodian Cultural Village)

ភូមិវប្បធម៌កម្ពុជាគឺ​ជា​កូន​ស្រុក​គំរូ​មួយ​ដែល​មាន​សំណង់​ ផ្ទះ និង អាគារ​ប្រវត្តិសាស្រ្ត​ទំនាម​ទំលាប់​របស់​ប្រជាជន​ខ្មែរ និង ជីវភាព​របស់​ជនជាតិ​ទាំងអស់​។ ក្នុងភូមិវប្បធម៌កម្ពុជា​មានភូមិ​ចំនួន ​១២ ដែល​តំណាង​ឲ្យ​វប្បធម៌​ផ្សេង​ៗ​គ្នា និង ចរិតលក្ខណៈ​របស់​ជនជាតិ​ ១៩​។

ភ្ញៀវ​ទេសចរណ៍​អាច​រីក​រាយ​ជាមួយ​នឹង​ការ​សំដែង​របាំអប្សរា និង របាំ​របស់​ជនជាតិ​ភាគតិច​នៅ​ កម្ពុជា និង អាច​ទស្សនា​ការ​សំដែង​អំពី​ប្រពៃណី​រៀប​អាពាហ៌ពិពាហ៌​របស់​ជនជាតិ​ខ្មែរ​។ នៅតាម​ភូមិ​និមួយ​ៗ អ្នក​ទេសចរណ៍​អាច​មើលឃើញ​អំពី​ការបង្ហាញ​អំពី​របៀប​ឆ្លាក់លើថ្ម លើឈើ ដំគ្រឿង​ប្រាក់ និង ឆ្នៃត្បូង​។

២ – សារមន្ទីរអាតបកស៍ Art Box

សារមន្ទីរអាតបកស៍ ART BOX រូបភាព ពី ហ្វេសបុក

សារមន្ទីរ ART BOX គឺជាសារមន្ទីរដ៏ធំមួយក្នុងចំណោមសារមន្ទីរ 3D នៅក្នុងពិភពលោកដែលបង្កប់ទៅដោយផ្ទាំងគំនូរ 3D ជាច្រើនផ្ទាំង។ រូបគំនូរនីមួយៗត្រូវបានគូរឡើងដោយវិចិត្រករជនជាតិកូរ៉េដ៏ល្បី អ្នកអាចរីករាយជាមួយរូបគំនូរដែលទាក់ទាញរបស់ពិភពលោកតាមរយៈរូបភាព 3D ចំនួនជាង១៥០ផ្ទាំង។ នៅខាងក្រោមសមុទ្រ, អ្នកអាចមើលឃើញនូវសត្វត្រីគ្រប់ប្រភេទ, មឹក, នាងមច្ឆា, ត្រីបាឡែន នឹងភាពស្រស់ស្អាតនៃបាតសមុទ្រ រូបគំនូរបង្ហាញពីធម្មជាតិនៅក្នុងព្រៃ, អ្នកអាចមើលឃើញពីប្រភេទខុសៗគ្នានៃសត្វព្រៃនឹងបក្សីតាមលក្ខណៈបែប 3D នៅទីនេះអ្នកក៏អាចមានឱកាសបានយល់ពីភាពខុសគ្នាពីវប្បធ៌មនៃជាតិសាសន៍ផ្សេងៗគ្នា នឹងទីកន្លែងល្បីរួមជាមួយគំនូរស្នាដៃដ៏ល្បីល្បាញនៅជុំវិញពិភពលោកអ្នកអាចមើលឃើញពីទីកន្លែងអច្ឆរិយៈទាំង៧របស់ពិភពលោក ដូចជា មហាកំផែងនៅប្រទេសចិន, ភ្នំ Machu Pichuនៅប្រទេសប៉េរ៉ូ, The Eastern Island ស្ថិតនៅជិតមហាសមុទ្រប៉ាស៊ីហ្វិកនិងប្រាសាទអង្គរជាដើម។

ចំណុចសំខាន់នៃទស្សនីយភាពសិល្បៈគំនូររបស់សារមន្ទីរយើងគឺ ការធ្លាក់ព្រិលនៅប្រទេសកម្ពុជា។ ជាពិសេសការធ្លាក់ព្រិលនៅប្រាសាទអង្គរវត្តគឺជារូបគំនូរដ៏អស្ចារ្យដែលមានភាពទាក់ទាញដែលមិនគួរមើលរំលង កុមារានឹងកុមារីអាចរីករាយជាមួយនឹងបទពិសោធន៍ថ្មីៗតាមរយៈរូបគំនូរ 3D នឹងកម្មវីធីគូរគំនូរ ផាត់ពណ៍ជាប្រភេទ 3D ។

ដើម្បីបានរក្សាទុកនូវអនុស្សាវរីយ៍ល្អៗនៅទីនេះ សារមន្ទីរ ART BOX ផ្ដល់ជូននៅកន្លែងស្អាតនិងបរិស្ថានមានផាសុកភាពសំរាប់ក្រុមគ្រួសារ មិនថាបងប្អូន ឬមនុស្សជាទីស្រឡាញ់របស់លោកអ្នក។

តំលៃសំបុត្រចូលទស្សនាសំរាប់ខ្មែរយើង ៥ដុល្លារ សំរាប់មនុស្សធំ និង ៣ ដុល្លារ សំរាប់កូនក្មេង។ ហើយអ្នកអាចចូលទស្សនាចាប់ពីម៉ោង ៩ ព្រឹក ដល់ ៩ យប់។

គេហទំព័រ: http://www.artbox.studio

៣ – ល្ខោនសៀកកម្ពុជាហ្វារ Phare, The Cambodian Circus

ល្ខោនសៀកកម្ពុជាហ្វារ Phare, The Cambodian Circus រូបភាពពី ហ្វេសបុក

សំរាប់ពេលល្ងាច បន្ទាប់ពីទស្សនាតំបន់កំសាន្តផ្សេងៗ ហ្វារ សៀកកម្ពុជា គឺជាផ្ទាំងទស្សនីយភាពមួយ ដែលពិតជាអស្ចារ្យ អ្នកគួរតែនាំកូនរបស់អ្នកទៅទស្សនា។ ការសំដែងរបស់ហ្វារ គឺមានលក្ខណះពិសេសលើសពីសៀក មានន័យថា ក្រុមអ្នកសំដែងប្រើប្រាស់រោងមហោស្រព ភ្លេង ក្បាច់រាំ និង សិល្បៈសៀកទាន់សម័យ ដើម្បីនិទានរឿងរបស់ខ្មែរ ដូចជា រឿងប្រវត្តិសាស្ត្រ រឺ រឿងបែបសម័យទំនើប។ អ្នកនិងពិតជាស្ងើចសរសើរ អំពី ទេពកោសល្យ ថាមពល មនោសញ្ចេតនា និង ការសំដែង របស់ក្រុមសិល្បៈករ សិល្បៈករនី វ័យក្មេងខ្មែរយើងជាក់ជាមិនខាន។

គេហទំព័រ៖ https://pharecircus.org/

៤ – ខេមបូ បុិច ក្លឹប សៀមរាប Cambo Beach Club Siem Reap

ខេមបូ បុិច ក្លឹប សៀមរាប Cambo Beach Club Siem Reap | រូបថត៖ Aforative Media

តើអ្នកជឿទេថា មានឆ្នេរសមុទ្រនៅ សៀមរាប? ថ្មីៗនេះ មានកន្លែងកំសាន្តថ្មីមួយកន្លែងដែលទើបតែ បង្កើតឡើងដោយ កែឆ្នៃដូចជាឆ្នេរសមុទ្រពិតៗ។ វាគឺជាក្លឹបកំសាន្ត និងសំរាកលំហែរកាយ សំរាប់ភ្ញៀវទេចរណ៍ជាតិ និងអន្តរជាតិ នឹងសំរាប់គ្រួសារផងដែរ។ អ្នកអាចនាំកូនៗរបស់អ្នកទៅ ហែលទឹក រត់លែង និង លេងបាល់ លើឆ្នេរខ្សាច់នេះផងដែរ។

បើមកទស្សនា សៀមរាប កុំភ្លេចទៅសំរាកលំហែរកាយឆ្នេរសមុទ្រ ខែមបូ បុិច!

៥ – កញ្ចុះតាមមាត់ទឹក បារាយទឹកថ្លា West Baray

កញ្ចុះតាមមាត់ទឹក បារាយទឹកថ្លា WEST BARAY

បារាយទឹកថ្លា រឺបារាយខាងលិច គឺជាអាងស្តុកទឹកដ៏ធំល្វឹងល្វើយ (ប្រភពទឹកមកពីភ្នំគូលេន) ដែលបានកសាងឡើងតាំងពីសម័យបុរាណ ក្នុងសតវត្សទី១១។ វាក៏ជាបុេរដ្ឋាន ផ្នែកប្រវត្តិសាស្ត្រដ៏សំខាន់ ដែលមានទំនាក់ទំនងសំណង់ប្រាសាទ និងជីវភាពរស់នៅសម័យបុរាណ។ លើបរិវេណទួលបារាយ មានសំណង់ប្រាសាទចាស់ជាច្រើន ប៉ុន្តែប្រាសាទដែលនៅកោះចំកណ្តាលបារាយ ដែលមានឈ្មោះថា មេបុណ្យខាងលិច មានភាពទាក់ទាញជាងគេ។

បច្ចុប្បន្ន បារាយទឹកថ្លា ក្លាយទៅជារមណីយដ្ឋាន ពេញនិយម ចំពោះភ្ញៀវទេសចរណ៍ទាំងឡាយ សំរាប់សំរាកលំហែរកាយ និងងូតទឹកកំសាន្ត។

៦ – សារមន្ទីរជាតិ អង្គរ ខេត្តសៀមរាប Angkor National Museum Siem Reap

សារមន្ទីរជាតិ អង្គរ ខេត្តសៀមរាប Angkor National Museum Siem Reap រូបភាព ពី ហ្វេសបុក

សារមន្ទីរជាតិ អង្គរ ខេត្តសៀមរាប Angkor National Museum Siem Reap រូបភាព ពី ហ្វេសបុក

សារមន្ទីរជាតិអង្គរ គឺជាកន្លែងដ៏ពិសេសមួយ ដែលបានប្រមូលផ្តុំទៅដោយ ​រូបចម្លាក់​ព្រះពុទ្ធសាសនា​ និង​ ហិណ្ឌូ​សាសនា​ សំខាន់ៗ​ រាប់ពាន់ ​ដែល​យក​មក​ពី​ប្រាសាទ​ផ្សេងៗ​គ្នា​នៃ​តំបន់ប្រាសាទ​អង្គរ ដ៏អច្ឆរិយ ដើម្បីដាក់បង្ហាញជូន ភ្ញៀវទេសចរណ៍មកពីគ្រប់តំបន់ នៅលើពិភពលោកមក​ទស្សនា។​ ចម្លាក់និងវត្ថុបុរាណ ដ៏មានតំលៃទាំងអស់នេះ ត្រូវបានរកឃើញ និង រក្សាទុកយ៉ាងមានសុវត្ថិភាពដោយអាជ្ញាធរការពារប្រាសាទ នៅក្នុងសារមន្ទីរជាតិអង្គរ ចាប់តាំងពីមានការលួចយករូបចម្លាក់ និង វត្ថុបុរាណជាច្រើនទៀតទៅ លក់ឱ្យសារមន្ទីរឯកជន និង ហាងលក់ដេញថ្លៃ នៅក្នុងបណ្តាប្រទេសមួយចំនួន នៅលើពិភពលោក។ ដូច្នេះ ប្រសិនបើ អ្នកចង់អោយកូនរបស់អ្នកបានស្គាល់ អំពី​វប្បធម៌-អរិយធម៌ ​ដ៏ខ្ពង់ខ្ពស់​របស់ជនជាតិខ្មែរ​កាន់តែទូលំទូលាយ ចូរកុំខកខាន ចូលទស្សនា សារមន្ទីរជាតិអង្គរ។

គេហទំព័រ៖ http://www.angkornationalmuseum.com

៧ – រមណីយដ្ឋាន​ធម្មជាតិ ​បឹង​ត្រាវកុដិ​ Trav Kod Eco-Tourism

រមណីយដ្ឋាន​ធម្មជាតិ ​បឹង​ត្រាវកុដិ​ ខេត្ត សៀមរាប ប្រភពរូបភាពពី លោក Panha Ou

ត្រាវកុដិ ​គឺ​ជា​ឈ្មោះ​បឹង​ធម្មជាតិ​មួយ​ដែល​ឋិត​នៅ​ក្នុង​ភូមិ​ក្រពើ ឃុំ​បល្ល័ង្ក ស្រុក​ប្រាសាទបាគង ចម្ងាយ​ប្រមាណ ២៨​គីឡូម៉ែត្រ ភាគ​ឦសាន​ពី​ទី​រួម​ខេត្ត​សៀមរាប។

ទី​នោះ​មាន​បឹង​ធម្មជាតិ​មួយ​ដែល​មាន​ផ្ទៃ​ទឹក​លាត​សន្ធឹង​នៅ​រដូវ​ប្រាំង​ទំហំ​ប្រហែល ៣០​ហិកតារ ព្រម​ទាំង​មាន​ព្រៃ​ធម្មជាតិ​ដ៏​ស្រស់​ត្រកាល​កំពុង​ទាក់ទាញ​អ្នក​ទេសចរ​យ៉ាង​ខ្លាំង។

ប្រសិនបើ​លោក​អ្នក​ចង់​ទៅ​កម្សាន្ត​នៅ​តំបន់​នោះ គឺ​ត្រូវ​ធ្វើ​ដំណើរ​តាម​ផ្លូវ​ជាតិ​លេខ​៦ ហើយ​ពេល​ទៅ​ដល់​ម្ដុំ​អង្គ្រង គឺ​ត្រូវ​បត់​ចូល​តាម​ផ្លូវជាតិ​​លេខ​៦៧ សំដៅ​ឆ្ពោះ​ទៅ​មណ្ឌល​អភិវឌ្ឍន៍​យោធិន​ពិការ​ ហ៊ុន សែន គូលែន ឬ​ក៏​សាលា​នគរបាល​យោធភូមិភាគ​ទី​៤ នោះ​លោក​អ្នក​នឹង​ទៅ​ដល់​កន្លែង​កម្សាន្ត​មិន​យូរ​ប៉ុន្មាន។

៨ – រមណីយដ្ឋាន​ភ្នំ​គូលែន​ Phnom Kulen National Park

រូបភាពទឹកជ្រោះស្រស់ស្អាតនៅលើ ភ្នំគូលែន។

រមណីយដ្ឋាន​ភ្នំ​គូលែន​ ស្ថិតនៅចំងាយជាប្រមាណ ៦០គីឡូម៉ែត្រ ពីទីរួមខេត្ត សៀមរាប។ ភ្នំគូលេន មានរមណីដ្ឋាន ជាច្រើនកន្លែង ដូចជា តំបន់ទឹកធា្លក់ ព្រះអង្គធំ វាលស្តេចគំលង់ វាលព្រះសព្វ ព្រះក្រាល និងមានប្រាសាទតូចៗ ធ្វើអំពីឥដ្ឋជាច្រើនទៀតដែលជាស្នាព្រះហស្ថ ព្រះបាទជ័យវរ្មន័ទី២ បានកសាងឡើង។

តំបន់ទឹកធ្លាក់ គឺជាប្រភពដើមរបស់ស្ទឹងសៀមរាប ហូរកាត់កណ្តាលទីរួមខេត្តឆ្ពោះទៅកាន់បឹងទន្លេសាប ដែលមានទឹកថ្លាយង់ជាទីពេលនិយមរបស់អ្នកដំណើរកំសាន្តក្នុងការមុជទឹកជ្រោះធ្លាក់ទៅប៉ះនិងថ្មបែកផ្កាតែ្រង។

ការដើរកំសាន្តជាមួយធម្មជាតិលើភ្នំជាមួយកូនៗរបស់អ្នក ពិតជាបង្កើតភាពកក់ក្តៅដល់ពួកគេ និងថែមទាំងញាំងពួកគេអោយចេះស្រលាញ់ និងថែរក្សាសម្បត្តិធម្មជាតិ។

៩ រមណីយដ្ឋាន «​ក្បាលស្ពាន​» Kbal Spean

រមណីយដ្ឋាន «​ក្បាលស្ពាន​» Kbal Spean ប្រភពរូបភាពពី Dan Herrick Getty

រមណីយដ្ឋាន​ «​ក្បាលស្ពាន​» គឺជា​រមណីយដ្ឋាន​មួយ​ស្ថិត​នៅ​ជម្រាលភ្នំ​គូលែន ខេត្តសៀមរាប ។ រមណីយដ្ឋាន​នេះ​អាច​ហៅ​ឈ្មោះ​ម្យ៉ាងទៀត​ថា «​ជ្រលង​លិង្គ ​១០០០​» ។ ក្បាលស្ពាន មានទីតាំងស្ថិតនៅស្រុក​បន្ទាយស្រី ​ប្រហែល​ ៥០​ គីឡូម៉ែត្រ​ពី​ទីក្រុង​សៀមរាប និង​ឃ្លាតឆ្ងាយ​ពី​ប្រាសាទបន្ទាយស្រី​ប្រមាណ​ជា​១៨​គីឡូម៉ែត្រ ។

​រូបចម្លាក់​ជាច្រើននៅ​លើ​ផ្ទាំង​ថ្ម ដែលនៅ​ជុំវិញ​ស្ទឹង​ក្បាលស្ពាន​ ​ភាគច្រើន​កសាង​ឡើង​ពី​សតវត្ស​ទី​១១ និង​សតវត្ស​ទី​ ១៣ ។ យោងតាមប្រវត្តិសាស្ត្រ ក្បាលស្ពាន​បានស្ថាបនា​ឡើង​ដោយ​ព្រះបាទ​សុរិយ​វរ្ម័ន​ទី​១ និង​ស្ថាបនា​រួច​ជា​ស្ថាពរ​ដោយ​ព្រះបាទ Udayadityavarman II ។

តំបន់ធម្មជាតិក្បាលស្ពានគ្រប់ដណ្តប់ទៅដោយព្រៃព្រឹក្សាស្រស់បំព្រង មានសំឡេងសត្វ បក្សា បក្សី យំរពងពេញព្រៃ និងមានទឹកធ្លាក់ផងដែរ។ វាពិតជាកន្លែងលំហែរកាយ ជាមួយធម្មជាតិ ដែលផ្តល់បទពិសោធន៍មិនអាចបំភ្លេចបាន សំរាប់ដំណើរគ្រួសាររបស់អ្នក។

១០ – កំពង់ភ្លុក ឬ ភូមិលិចទឹក Kampong Phluk

កំពង់ភ្លុក ឬ ភូមិលិចទឹក Kampong Phluk

បើងាកមកមើលតំបន់ទន្លេសាបវិញ កំពង់ភ្លុក គឺជាគោលដៅ​ទេសចរណ៍​ធម្មជាតិ​ដ៏​ទាក់​ទាញ​មួយ​។ ភ្ញៀវទេសចរណ៍អាចគយគន់សម្រស់ធម្មជាតិព្រៃលិចទឹក ផ្ទះលើទឹករបស់ប្រជាជនមូលដ្ឋាន និង ទេសភាពទន្លេសាបដ៏ធំល្វឹងល្វើយ។ បរិយាកាស​ដ៏​ត្រជាក់​ និង ខ្យល់បរិសុទ្ធ ធ្វើអោយអ្នកមានអារម្មណ៍ស្រស់ស្រាយ ភ្លេចអស់ទុក្ខកង្វល់ផ្សេង ៗ ។

បើសិនជាអស់លោកអ្នកចង់ធ្វើដំណើរកំសាន្តជាមួយគ្រួសារមកកាន់រមណីយដ្ឋានខាងលើ ហើយត្រូវការកក់សណ្ឋាគារប៊ូទិក ដែលប្រណីត ៗ សូមចូលទៅកាន់គេហទំព័រ www.bayonia.com ។

The post កន្លែងកំសាន្តពេញនិយមទាំង ១០ នៅខេត្តសៀមរាប ដែល​អ្នក​ទេសចរ​គួរ​ទៅ​កម្សាន្ត appeared first on ព័ត៌មាន រាមកេរ្តិ៍.

1. ត្រូវសប្បាយរីករាយ ប៉ុន្តែមិនដែលបានពេញចិត្តគ្រប់100%ទេ។

2. ចំណេះវិជ្ជានឹងផ្តល់ដល់អ្នកនូវអំណាច ប៉ុន្តែចរិតលក្ខណៈនឹងផ្តល់ដល់អ្នកនូវការគោរព។

3. សូមក្លាយទៅជាអ្វី ដូចនឹងការគិតរបស់អ្នក។

4. ចំណេះដឹងវាមិនទាន់គ្រប់គ្រាន់ទេ យើងត្រូវអនុវត្តវា ហើយការដែលគ្រាន់តែមានបំណងមិនទាន់គ្រប់គ្រាន់ទេ យើងត្រូវធ្វើវា។

5. ប្រសិនបើអ្នកចំណាយពេលវេលាជាច្រើនក្នុងការគិតពីអ្វីមួយ អ្នកនឹងមិនអាចសម្រេចវាបាននោះទេ។

6. ប្រសិនបើអ្នកស្រលាញ់ជីវិត ចឹងកុំចំណាយពេលឥតប្រយោជន៍ តែត្រូវចំណាយពេលវេលាសម្រាប់ជីវិតឲ្យបានចំគោលដៅទៅតាមនោះ។

7. មិនត្រូវបន់ស្រន់សូមឲ្យជីវិតអ្នកស្រួលនោះទេ តែត្រូវបែនបន់សូមឲ្យទទួលបាននូវភាពខ្លាំងក្លា ដើម្បីយកឈ្នះលើអ្វីៗដែលពិបាកៗ។

8. ត្រូវសម្របទៅតាមអ្វីដែលមានប្រយោជន៍ បដិសេធចំពោះអ្វីដែលគ្មានប្រយោជន៍ ហើយបញ្ចូលបន្ថែមនូវអ្វីដែលជាការជាក់លាក់របស់ខ្លួនអ្នក។

9. ដើម្បីស្គាល់ពីនរណាម្នាក់ គឺត្រូវសិក្សាពីអ្នកនោះដោយអនុវត្តជាមួយអ្នកផ្សេងម្នាក់ទៀត។

10. ខ្លួនខ្ញុំមិនមែនកើតមកលើពិភពលោកនេះដើម្បីការរំពឹងរបស់អ្នកឡើយ ហើយអ្នកក៏មិនមែនកើតមកលើលោកនេះដើម្បីការរំពឹងរបស់ខ្ញុំដែរ។

The post ទស្សនះអប់រំល្អ ៗ ទាំង ១០ ពីតួកុនដ៏ល្បី លោក លី ស៊ាវឡុង (Bruce Lee) appeared first on ព័ត៌មាន រាមកេរ្តិ៍.

យើងដឹងហើយថាការធ្វើដំណើរជាមួយក្មេងៗ ពិតណាស់វាមិនងាយស្រួលនោះទេ។ អ្នកត្រូវតែរៀបចំរបស់របរជាច្រើនសំរាប់ពួកគេ នៅពេលធ្វើដំណើរឆ្ងាយពីផ្ទះម្តងៗ។ ទោះជាយ៉ាងណាក៏ដោយ វាមានអត្ថប្រយោជន៍ជាច្រើនសំរាប់ការធ្វើដំណើរកំសាន្តជាគ្រួសារ។

ខ្ញុំសូមបង្ហាញអត្ថប្រយោជន៍ ១៥យ៉ាង នៃការធ្វើដំណើរកំសាន្តជាគ្រួសារជាមួយកូនរបស់អ្នក៖

១. ក្មេងធ្វើអោយអ្នកធ្វើដំណើរយឺតៗ និងទស្សនាបានច្រើន

គុណសម្បត្តិចំបងមួយនៃការធ្វើដំណើរកំសាន្តជាមួយក្មេងៗ គឺពួកគេធ្វើអោយអ្នកដើរទស្សនាមួយៗ ដូច្នេះ អ្នកនឹងអាចទស្សនាបានច្រើន និងមានពេលច្រើនរីករាយជាមួយទេសភាពដ៏ស្រស់បំព្រង។ ជាលទ្ធផល អ្នកនឹងមើលឃើញអ្វីគ្រប់យ៉ាង ដែលរបស់ទាំងនោះអ្នកអាចមិនបានចាប់អារម្មណ៍ ហើយមើលរំលង ពេលដែលអ្នកធ្វើដំណើរកំសាន្តដោយគ្មានក្មេងៗ។

២. ក្មេងជុំរុញទឹកចិត្តអ្នកអោយបង្កើតពេលវេលាមានតម្លៃ

ពេលខ្លះពេលធ្វើដំណើរកំសាន្ត អ្នកមានភាពនឿយហត់ និងខ្ជិល ហើយចង់នៅសម្រាក អានសៀវភៅ និងញ៊ាំកាហ្វេពេញមួយព្រឹកក៏មាន ប៉ុន្តែក្មេងៗ គឺពួកគេពោរពេញដោយកំលាំង ហើយពួកគេចូលចិត្តសកម្មភាពខាងក្រៅ ដូចជារត់លេងក្នុងសួនកុមារ តាមមាត់សមុទ្រ ហែលទឹកក្នុងអាងហែលទឹក ក្នុងសណ្ឋាគារ ជិះដំរី ជិះរទេះគោ ជិះសេះ…ជាដើម។ អ្នកត្រូវតែទៅ និងលេងជាមួយពួកគេអោយបានច្រើន។ ទាំងនេះផ្តល់អោយអ្នកនូវពេលវេលាដ៏មានតម្លៃជាមួយកូនរបស់អ្នក។

៣. ក្មេងធ្វើអោយអ្នកមើលឃើញពិភពលោកបានទូលាយជាងមុន

តើកូនរបស់អ្នកសួរអ្នកច្រើនដែររឺទេ? ដូចជា នរណាគេ? តើនោះជាអ្វី? ពេលណា? នៅទីកន្លែងណា? ហេតុអ្វី? តើដូចម្តេច? ក្នុងអំឡុងពេលធ្វើដំណើរកំសាន្តរបស់អ្នក… ក្មេងៗធ្វើអោយឪពុកម្តាយរបស់ពួកគេដឹងរឿងច្រើនជាងមុន ចំពោះរឿងរ៉ាវផ្សេងៗនៅជុំវីញពួកគេ។ ជារឿយៗ ពេលយើងធ្វើដំណើរកំសាន្ត យើងមិនបានចំណាយពេលដើម្បីឆ្លុះបញ្ចាំង និងស្វែងយល់ពីខ្លួនឯង ដែលជាទូទៅដំណើរកំសាន្ត វាបង្កើតអោយយើងដោយភាពអស្ចារ្យជាទីបំផុត។

ដោយការយកចិត្តទុកដាក់សង្កេតអ្វីជុំវិញខ្លួន និងឆ្លើយសំណួរជាច្រើនរាប់មិនអស់របស់កូនរបស់អ្នក អ្នកនឹងក្លាយជាបុគ្គលពោរពេញដោយការយល់ដឹងចំពោះខ្លួនឯង និងមនុស្សទូទៅនៅក្នុងសង្គមដែលយើងរស់នៅ។

៤. ក្មេងគឺជាអ្នកចាប់ផ្តើមការសន្ទនាទៅកាន់មនុស្សដទៃ

ជាមួយក្មេងៗ ការធ្វើដំណើរកំសាន្តរបស់អ្នកនឹងមានការប្រាស្រ័យទាក់ទងល្អជាងមុនជាមួយអ្នកដទៃ។ មនុស្សម្នាទាំងពួង នឹងចាប់ផ្តើមមកនិយាយជាមួយអ្នក។ ពិសេសនោះ ពួកគេនឹងសរសើរពីកូនរបស់អ្នក ថាគួរអោយស្រលាញ់…ជាដើម។ វាធ្វើអោយមានការសន្ទនាគ្នា រវាងឪពុកម្តាយ និងឪពុកម្តាយ កូនៗនិងកូនៗផងដែរ។

តើជារឿងៗ អ្នកនិយាយថា“សួស្តី”ទៅកាន់មនុស្សមិនធ្លាប់ស្គាល់គ្នាពីមុនដែររឺទេ នៅពេលអ្នកធ្វើដំណើរកំសាន្តតែពីរនាក់ដោយគ្មានក្មេងៗ? ពេលអ្នកធ្វើដំណើរកំសាន្តជាមួយក្មេងៗ អ្នកនឹងជួបប្រទះជាក់ជាមិនខាន។ អ្នកនឹងឃើញមនុស្សជាច្រើនញញឹមរាក់ទាក់មករកអ្នក និងសុំថតរូបអនុស្សាវរីយ៍ជាមួយកូនៗរបស់អ្នក។

៥. ក្មេងធ្វើអោយមនុស្សម្នាមានចិត្តល្អ និងសណ្តោសប្រណីច្រើន

ក្មេងៗគឺជាបេះដូងនៃក្តីស្រលាញ់ ក្តីមេត្តា និងករុណា។ មនុស្សទាំងឡាយនឹងធ្វើរឿងរ៉ាវផ្សេងៗសំរាប់ក្មេង ដែលជាធម្មតាអ្នកមិនធ្វើវាឡើយ ពេលអ្នកធ្វើដំណើរកំសាន្តដោយគ្មានក្មេងៗ។ មនុស្សទាំងឡាយ នឹងផ្តល់អតិ្ថភាពដល់កូនរបស់អ្នកមុនគេ។ ឧទាហរណ៍៖ កន្លែងអង្គុយទស្សនាការសំដែងសៀកខ្មែរហ្វា (Phare, The Cambodian Circus) និងតាមភោជនីយដ្ឋាននាៗ។

៦. អ្នករៀនរីករាយនឹងពេលវេលាស្ងប់ស្ងាត់

នៅពេលអ្នកទទួលបានសន្តិភាពផ្លូវអារម្មណ៍ និងភាពស្ងប់ស្ងាត់នៅពេលព្រឹកព្រលឹម ពេលទទួលដំណេកពេលរសៀល និងពេលវេលាដ៏ស្ងប់ស្ងាត់នាពេលរាត្រី អ្នកនឹងឲ្យតម្លៃពេលវេលានោះជាងអ្វីទាំងអស់ បើធៀបទៅនឹងពេលវេលាបែបនោះដែលអ្នកធ្លាប់មាន នៅក្នុងបន្ទប់នៃគេហដ្ឋានរបស់អ្នក។ អ្នកខ្លះចូលចិត្តមើលទូរទស្សន៍នៅក្នុងបន្ទប់របស់ពួកគេ ឫអង្គុយនៅហាងកាហ្វេ។ល។ ពេលវេលាបែបនេះសំរាប់ឪពុកម្តាយ គឺមានតំលៃខ្លាំងណាស់ ស្មើនឹងមាសប្រាក់ ហើយវាតែងតែមានសេចក្តីសុខបំផុត បើទទួលបានវា។

៧. ការធ្វើដំណើរកំសាន្តជាមួយក្មេង គឺទទួលបានអត្ថប្រយោជន៍

យើងទាំងអស់គ្នាដឹងហើងថាដំណើរកំសាន្តជាគ្រួសារមានការចំណាយច្រើន ប៉ុន្តែចូរកុំភ្លេចថាជាញឹកញយក្មេង គឺមិនមានការបង់ថ្លៃនោះទេ។ ជាក់ស្តែងដូចជាការ ជិះរថយន្តក្រុង រថភ្លើង ទូក និងបន្ទប់សណ្ឋាគារ អ្នកមិនចាំបាច់ចំណាយសំរាប់កូនតូចៗរបស់អ្នកនោះទេ។ សំរាប់កន្លែងទស្សនាមួយចំនួន ក៏មិនតម្រូវឲ្យក្មេងៗទិញសំបុត្រសំរាប់ចូលទស្សនាដែរ នៅសារមន្ទីរជាតិអង្គរ ក្មេងអាយុក្រោម៥ឆ្នាំ គឺចូលទស្សនាដោយសេរី រីឯ”សៀកហ្វាកម្ពុជា”វិញ ក្មេងអាយុក្រោម៤ឆ្នាំ អាចចូលទស្សនាដោយសេរីដូចគ្នានេះដែរ។ ចំណែកឯ Artbox 3D Photo ក្មេងអាយុពី១ឆ្នាំដល់៥ឆ្នាំ គឺសំបុត្រមានតម្លៃត្រឹមតែ៣ដុល្លារប៉ុណ្ណោះ។ បើអ្នកមានកូនតូចៗ ក្រោមអាយុ១០ឆ្នាំ ពិតជាទទួលបានអត្ថប្រយោជន៍រាល់ដំណើរកំសាន្តរបស់អ្នក។

៨. ក្មេងៗបង្កើតភាពស្និទ្ធស្នាលកាន់តែខ្លាំងក្នុងរង្វង់គ្រួសារ

ការធ្វើដំណើរកំសាន្ត គឺជាវិធីសាស្ត្រដ៏ល្អបំផុតដើម្បីរិតចំណងគ្រួសារ។ មិនថាកាលៈទេសៈណាក៏ដោយ គឺអ្នកនៅជាមួយគ្រួសារអ្នកជានិច្ច ទោះជានៅក្នុងបន្ទប់សណ្ឋាគារដ៏តូចចង្អៀតក៏ដោយ។ ទាំងអស់នេះនាំអោយអ្នកមានបទពិសោធន៍ដំណើរកំសាន្តដ៏មានតំលៃបំផុតជាលក្ខណះគ្រួសារ។ ទំនាក់ទំនង និងការយល់ចិត្តគ្នា រិតតែមានភាពល្អប្រសើរឡើង។

៩. ក្មេងៗនឹងអភិវឌ្ឍខ្លួនឲ្យមានទម្លាប់ល្អ

ទោះបីជាយើងព្យាយាមរៀបចំដំណើរកំសាន្តជាគ្រួសារ ឲ្យបានល្អយ៉ាងណាក៏ដោយ ហេតុការណ៍ជាយថាហេតុគង់តែនឹងកើតមានឡើង។ ក្មេងអាចនឹង, ជើងហោះហើរត្រូវបានពន្យាពេល, ឡានខូចតាមផ្លុវ, អាកាសធាតុផ្លាស់ប្តូរ…ជាដើម។ រាល់ព្រឹត្តការណ៍ទាំងអស់នេះ ឪពុកម្តាយត្រូវតែចេញមកដោះស្រាយ ដូច្នេះហើយកូនរបស់អ្នកមើលអ្នកជាគំរូ ក្នុងការដោះស្រាយបញ្ហាចំពោះមុខ និងសម្របខ្លួនក្នុងការស់នៅ ដែលទង្វើទាំងអស់នេះជួយពួកគេយល់ដឹងពីការជួយខ្លួនឯង និងពង្រឹងឯករាជ្យភាព រួមនឹងទំនួលខុសត្រូវ និងទំនុកចិត្តផងដែរ។

អ្នកប្រហែលជាជួបប្រទះហើយ ពេលកូនរបស់អ្នកមិនព្រមញ៊ាំអារហារឲ្យអស់ពីចានរបស់ពួកគេ ទោះជាអ្នកបានប្រាប់ពួកគេក៏ដោយ។ វាពិតជាពិបាកពន្យល់ពួកគេ ឬប្រាប់ ឬបង្ខំ ពួកគេនឹងមិនឆ្លើយតបទៅនឹងពួកគេឡើយ ជាជាងអោយពួកគេមើលឃើញដោយផ្ទាល់ភ្នែក ពេលដែលក្មេងដទៃទៀតសឹងតែរកអារហារបិរភោគគ្មាន ហើយស្ថិតក្នុងសភាពហេវហត់និងឃ្លាន និងត្រូវរស់រានដោយពឹងពាក់ដោយខ្លួនឯង។

តើអ្នកចង់អោយកូនរបស់អ្នកចេះមានម្ចាស់ការដោយខ្លួនឯងដែរឬទេ? ចូរឲ្យកូនរបស់អ្នក រៀនរៀបចំរបស់របរដោយខ្លួនឯង ដូចជាទុកដាក់តុក្តតា ហ្គេម និងប្រដាប់ប្រដារផ្សេងៗមុនដំណើរកំសាន្ត។

១០. ពិភពខាងក្រៅគឺជាថ្នាក់រៀនរបស់ពួកគេ

ខណៈដែលកូនរបស់អ្នកចូលសាលារៀន ក្តីប្រាថ្នាចង់ស្វែងរក សួរសំណួរ នឹងត្រូវកប់បាត់នៅក្នុងបទបញ្ជា និងវិន័យ ហើយនៅពេលអ្នកនាំពួកគេដើរកំសាន្ត រនាំងនៃក្តីប្រាថ្នារបស់ពួកគេត្រូវបានដកចេញ។ ពិភពខាងក្រៅបង្រៀនពួកគេ ដោយផ្អែកទៅលើ ភាពចង់យល់ចង់ដឹង និងចំណាប់អារម្មណ៍ពួកគេ។ វាគឺជាការស្រូបយកចំនេះដឹងដោយលក្ខណៈធម្មជាតិ ដែលការរៀននៅសាលាមិនអាចអាចបំពាក់បាន។ ពិភពលោកក្លាយជាថ្នាក់រៀនរបស់ពួកគេ ហើយអ្វីៗដែលពួកគេជួបប្រទះ ដូចជាទង្វើ ភាសា និងជំនឿ គឺជាគ្រូរបស់ពួកគេ។

១១. ក្មេងនឹងយល់ថាពួកគេមានសំណាង

ជាពិេសសនៅទីក្រុង ក្មេងមានសំណាងបានលេងរបស់របរជាច្រើនដូចជា តុក្តតា ហ្គេម សៀវភៅរឿង និងសកម្មភាពកំសាន្តផ្សេងៗ។ កាលពីនៅវ័យកុមារ ក្មេងរស់នៅក្នុងរង្វង់មួយ ដែលឪពុកម្តាយបង្កើតឡើង។

ប្រសិនបើអ្នកចង់អោយកូនរបស់អ្នក មានចរិកសុភាពរាបសារ ចិត្តសប្បុរស ចូរនាំពួកគេចេញទៅពិភពខាងក្រៅ អនុញ្ញាតឲ្យពួកគេឃើញលក្ខខណ្ឌដ៏លំបាក ដែលមនុស្សទាំងពួងកំពុងរស់នៅ។ ពេលពួកគេយល់ថាក្មេងៗទាំងអស់សុទ្ធតែមិនមាន ខោអាវស្អាតៗ ស្បែកជើងល្អ និងអារហារហូបចុកអោយបានគ្រប់គ្រាន់ នោះពួកគេនឹងក្លាយជាមនុស្សចេះចែករំលែក យកអាសារអ្នកដទៃ និងក្លាយជាក្មេងដែលមានការពិចារណាខ្ពស់។

១២. ក្មេងមានកាយសម្បទាមាំមួន

ដំណើរកំសាន្តធ្វើអោយអ្នកដើរច្រើន រត់ និងនៅឆ្ងាយពីពិភពបច្ចេកវិទ្យា។ សកម្មភាពទាំងនេះ ចូលរួមចំណែកយ៉ាងធំធេង ចំពោះការរីកលូតលាស់ផ្នែករាងកាយកូនរបស់អ្នក ពីព្រោះពេលនៅផ្ទះ​ ក្នុងថ្ងៃធម្មតា ពួកគេគឺនៅតែមុខកញ្ចក់ទូរស័ព្ទ iPad ទូរស័ព្ទ ឬកុំព្យូទ័រ។…។ សរុបមក ឃ្លាតឆ្ងាយពីបច្ចេកវិទ្យា ហើយងាកមកទំនាក់ទំនងជាមួយមនុស្សខាងក្រៅ និងដើរកំសាន្ត ជួយធ្វើឲ្យរាងកាយ និងស្មារតីរបស់ពួកគេមានការរីកចម្រើន។

១៣. ក្មេងស្វែងរកឃើញនូវចំណង់ចំណូលចិត្ត និងទេពកោសល្យរបស់ពួកគេ

តើអ្នកបានដឹងពីចំណង់ចំណូលចិត្តរបស់អ្នកហើយរឺនៅ? បើសិនជានៅទេ វាជាពេលវេលាដែលត្រូវសាកល្បងអ្វីដែលថ្មី និងស្វែងយល់ពីខ្លួនឯងបង្ថែមទៀត ជាពិសេសនៅពេលដែលអ្នកនៅក្មេង។ ពេលក្មេងធ្វើដំណើរទៅកាន់កន្លែងថ្មីៗ ពួកគេចូលរួមសកម្មភាពជាច្រើនក្នុងអំឡុងពេលដំណើរកំសាន្ត ដូច្នេះហើយ ពួកគេមានឱកាសស្វែងយល់ពីទេពកោសល្យរបស់ពួកគេ ដែលស្ថិតនៅក្នុងអាថ៍កំបាំងនៅឡើយ។ ខណៈដែលក្មេងបើកកកាយនូវសក្តានុពល្យរបស់ពួកគេ ពួកគេនិងមិនអាចត្រូវបង្អាក់ដំណើររបស់ពួកគេឡើយ។ ពួកគេថែមទាំងសំរួច និងអភិវឌ្ឍសក្តានុពលឲ្កាយន់តែខ្លាំង ដូច្នេះហើយពួកគេនិងទទួលបាននូវការយល់ដឹងដ៏ពេញលេញ។

១៤. ក្មេងមានប្រាជ្ញាឈ្លាសវៃ

ដោយសារតែអ្នក និងកូនរបស់អ្នកធ្វើដំណើរចេញផ្សងព្រងទៅខាងក្រៅ និងសាកល្បងបទពិសោធន៍ថ្មី អំឡុងពេលដំណើរកំសាន្តជាគ្រួសារ កូនរបស់អ្នកចាប់ផ្តើមចេះសង្កេតពិភពលោក និងចាប់ផ្តើមសាកល្បងរបស់ថ្មី។ កូនអ្នកនឹងមានភាពវៃឆ្លាតជាងមុន។ ទីកន្លែងថ្មី ហើយប្លែកធ្វើអោយពួកគេរៀនយល់ដឹងពីទីតាំង និងមនុស្សដែលរស់នៅទីនោះ។ ទាំងនេះធ្វើអោយពួកគេ មានគំនិតទូលាយជាងមុនអំពីជិវិត ទម្លាប់នៃការរស់នៅ និងចេះផ្សាភ្ជាប់ខ្លួនទៅនឹងស្ថានការណ៍។ ពួកគេយល់ដឹងកាន់តែច្រើន ពួកគេកាន់តែឆ្លាតវាងវៃ។

១៥. ពេលវេលាដ៏មានតម្លៃ និងអនុស្សាវរីយ៍

ពេញមួយឆ្នាំ អ្នករវល់នឹងការងារ ហើយក្មេងៗគឺរវល់នឹងការរៀនសូត្រនៅសាលា។ អ្នកជួបពួកគេតែពេលល្ងាចៗ នៅពេលដែលពួកគេធ្វើកិច្ចការសាលា រីឯអ្នកចំអិនម្ហូបអារហារ  ឬនៅចុងសប្តាហ៍ អ្នកនាំពួកគេទៅកាន់ផ្សារទំនើប សួនកុមារ ឬកម្មវិធីជំលៀងផ្សេងៗ។

នៅពេលអ្នកធ្វើដំណើរកំសាន្តជាគ្រួសារ អ្នកចំណាយពេលពេញមួយថ្ងៃជាមួយពួកគេ។ អ្នកនាំគ្នាចេញទៅខាងក្រៅ មើលទេសភាពទាំងអស់គ្នា ដើរលេងតាមតំបន់ធម្មជាតិ និងពិចនិច (Picnic) ជាដើម។ អ្នកគេងក្នុងបន្ទប់ជាមួយពួកគេ ពួកគេគឺចូលចិត្តបែបហ្នឹង! ហើយអ្នកក៏ដូចគ្នាដែរ។ ពួកគេនឹងមិនភ្លេចអនុស្សាវរីយ៍ដ៏ពិសេសនេះទេ ហើយអ្នកក៏ដូចគ្នាដែរ!

សេចក្តីបញ្ចប់

បច្ចុប្បន្នឱពុកម្តាយម្នាក់ៗ គឺកាន់តែរវល់មមាញឹកទៅៗ ប៉ុន្តែបង្កើតពេលវេលាសំរាប់កូនរបស់អ្នក គឺពិតមានសារៈសំខាន់ណាស់ មិនអាចកាត់ថ្លៃបាន។

ពេលកូនរបស់អ្នកនៅក្មេង ចូររៀបចំដំណើរកំសាន្តអោយបានច្រើនដែលអាចធ្វើទៅបាន ទោះបីជាដំណើរកំសាន្តទីកន្លែងជិតក្តី ដើម្បីពួកគេទទួលបានអត្ថន័យល្អពីជីវិត។  វិធីនេះមិនត្រឹមតែអោយអ្នកដកឃ្លាពីការងារប្រចាំថ្ងៃ ស្ត្រេសប៉ុណ្ណោះទេ តែវាបានរឹតចំណងក្តីស្រលាញ់ជាមួយកូនៗរបស់អ្នក។ គ្រួសារមួយដែលមានពេលវេលានៅជាមួយគ្នាច្រើន តែងតែមានសុភមង្គល ភាពចុះសម្រុងគ្នា ផ្អែមល្ហែម សហការ និងការយោគយល់គ្នាច្រើនតាមនោះដែរ។ អ្វីៗទាំងអស់នេះគឺ បានមកពីដំណើរកំសាន្តជាគ្រួសារជាមួយកូនរបស់អ្នក។

ប្រភពពី៖ https://www.bayonia.com

The post សារៈប្រយោជន៍ទាំង ១៥ យ៉ាងដែលមាតាបិតាគ្រប់រូបគួរយល់ដឹង ដើម្បីអោយកាន់តែមានភាពស្និតស្នាលជាមួយកូនៗរបស់អ្នក appeared first on ព័ត៌មាន រាមកេរ្តិ៍.

1. រូបសម្បត្តិ កំពស់ និងភាពស្រស់ស្អាតរបស់លោកអ្នក ធ្វើឲ្យជោគជ័យបានតែ 1% ប៉ុណ្ណោះ ប៉ុន្តែ 99% ជោគជ័យបានទទួលពីការខិតខំប្រឹងប្រែងធ្វើតែម្តង។

2. ពេលវេលាវានាំឲ្យមានរឿងល្អៗ និងរឿងអាក្រក់ដ៏អស្ចារ្យ ហេតុនេះលោកអ្នកនឹងទទួលបាននូវភាពសោកស្តាយ ឈឺចាប់បំផុត បើសិនធ្វើឲ្យខាតពេលវេលានោះ។

3. បើដើរ ឬអនុវត្តតាមច្បាប់ទម្លាប់ដែលត្រូវបានគេអនុវត្ត 99% នៃមធ្យមភាគមនុស្សម្នាទាំងឡាយ នោះវាគឺជាកំហុសដ៏ធំបំផុត។

4. បើលោកអ្នកមិនបានខិតខំប្រឹងប្រែង និងមិនបានគិតគូរពីហានិភ័យនៅដំណាក់ដំបូងនៃកិច្ចការណាមួយនោះទេក្នុងជីវិត នោះនឹងធ្វើឲ្យជីវិតយើងជួបនឹងគ្រោះ និងបញ្ហាមិនគួរឲ្យជឿ។

5. ការស្តាប់យោបល់របស់ឪពុកម្តាយ បងប្អូន និងមិត្តភ័ក្តិ អាចបង្អាក់ការគិតរបស់លោកអ្នកលើការជ្រើសរើសអាជីពដ៏ត្រឹមត្រូវណាមួយ។

6. លោកអ្នកមិនត្រូវធ្វើការអ្វីមួយសម្រាប់តែប្រាក់ (លុយ) ទេ ត្រូវធ្វើវាសម្រាប់មហិច្ឆិតា (ការចង់បាន) របស់ខ្លួនទៅវិញ ទើបប្រសើរបំផុត។

7. ការតវ៉ាទៅនឹងអ្វីៗ នឹងមិនដោះស្រាយបញ្ហាអ្វីកើតទេ តែលោកអ្នកត្រូវចាប់ផ្តើមរកដំណោះស្រាយវាតាំងពីដំបូង ទើបជាទ្រព្យបញ្ញាដ៏ល្អ។

The post មេរៀនទាំង7ដែលមនុស្សភាគច្រើន ទំរាំដឹង ហួសពេលអស់ក្នុងជីវិត appeared first on ព័ត៌មាន រាមកេរ្តិ៍.

សម្រាប់មនុស្សយើង រមែងកើតមកជាមួយនឹងភាពវៃឆ្លាតរៀងៗខ្លួន ប៉ុន្តែអាចមិនមានកម្រិតស្មើៗគ្នានោះទេ វាអាចអាស្រ័យទៅតាម ខ្សែសង្វាក់ម៉ូលេគុលហ្សេន (DNA) របស់ពូជពង្សនៃក្រុមគ្រួសារមនុស្ស ឬអាចមកពីកម្រិតទទួលយកនៃខួរក្បាល ឬអាចមកពីការស្វែងយល់ សិក្សាបន្ថែមសម្រាប់ការយល់ដឹងថ្មីៗ…។ល។ ជាទូទៅ យើងឃើញហើយថា ប្រសិនបើមនុស្សណាមានភាពវៃឆ្លាតកាន់តែខ្ពស់ ការយល់ដឹងកាន់តែរហ័ស ប្រកបដោយការវិភាគឆាប់​ និងមានដំណោះស្រាយលើបញ្ហាកាន់តែមានប្រសិទ្ធភាព និងប្រសិទ្ធផលដល់អាជីពការងារ ក៏ដូចជាក្នុងជីវភាពនៃជីវិតរស់នៅប្រចាំថ្ងៃរបស់ពួកគាត់ផងដែរ។ ដូចនេះ តើមានវិធីអ្វីខ្លះដែលអាចឲ្យលោកអ្នកមានលទ្ធភាពបង្កើនសមត្ថភាពលើភាពវៃឆ្លាតបាននោះ? Reamker.com សូមលើកពីវិធីសាស្ត្រទាំង5ដូចខាងក្រោម ដើម្បីលោកអ្នកអាចយកទៅអនុវត្តបានជោគជ័យលើការបង្កើនភាពវៃឆ្លាតរបស់លោកអ្នកបាន ដូចតទៅ៖

1. ស្វែងរកគុណភាពនៃអ្វីដែលថ្មីពិតៗ និងខុសប្លែកពីគេ (Seek Novelty)
សូមធ្វើការស្វែងរកនូវសកម្មភាព បទពិសោធន៍ និងព័ត៌មានទាំងឡាយណាដែលថ្មីៗ អាចជា៖ ស្វែងយល់ និងរៀនលេងឧបករណ៍ថ្មីៗ ចូលរៀនថ្នាក់សិល្បៈ ទៅសារមន្ទីរ វិភាគពីអ្វីមួយថ្មី…ជាដើម។ នៅពេលដែលលោកអ្នកធ្វើរឿងខាងលើនេះ លោកអ្នកនឹងបង្កើតបាននូវការតភ្ជាប់ ឬទំនាក់ទំនងថ្មីៗ ដែលមាននៅលើសាច់រឿងទាំងនោះ ហើយលោកអ្នកត្រូវបង្កើតនូវធម្មារម្មណ៍លើបរិយាយកាសថ្មីៗតាមការវិភាគ និងជ្រើសរើសដើម្បីស្វែងយល់ និងសិក្សាពីវា ជាក់ជាមិនខាន។

2. ប្រជែងនឹងខ្លួនឯង (Challenge yourself)
នៅពេលដែលលោកអ្នកចាប់ផ្តើមក្លាយជាមានជំនាញលើអ្វីមួយ ហើយឈានទៅជំហានបន្ទាប់ ពេលនោះហើយដែលឥទ្ធិពលម៉្យាងក្នុងខ្លួនលោកអ្នកនឹងចាប់ផ្តើមបង្អាក់ការសម្រេចចិត្ត។ អញ្ចឹងសូមកុំឲ្យវាមកវាយបំបាក់ការជំរុញ ឬការប្រជែងលើកិច្ចការរបស់លោកអ្នកកំពុងធ្វើឲ្យសោះ។ នោះវានឹងធ្វើឲ្យខួរក្បាលរបស់លោកអ្នកបន្តជានិច្ចទៅលើការតភ្ជាប់ ឬទំនាក់ទំនងថ្មីៗ និងបង្កើតបានផងដែរនូវបរិយាយផ្សេងៗសម្រាប់ការស្វែងយល់ និងសិក្សាបន្ថែមទៀត។

3. ត្រូវគិតក្នុងគំនិតច្នៃប្រឌិតថ្មីជានិច្ច (Think creatively)
សូមព្យាយាមភ្ជាប់បំណែកនៃខួរក្បាលគិតទាំងខាងឆ្វេង និងខាងស្តាំរបស់លោកអ្នក ដោយគិត និងវិភាគឆ្លងគ្នាទៅវិញទៅមកលើអ្វីមួយ ក្នុងទម្រង់មួយកាន់តែធំឡើងៗជាលំដាប់។​ លោកអ្នកត្រូវបង្កើតជាតំណភ្ជាប់ ឬទំនាក់ទំនងឲ្យបានច្រើនរវាងគំនិតផ្សេងៗគ្នាជាច្រើន ដោយមានទាំងការគិតសាមញ្ញ និងមិនសាមញ្ញ (ពិេសស) បញ្ចូលគ្នាដើម្បីទទួលបានបទពិសោធន៍ថ្មីកាន់តែច្រើនជម្រើស លើសពីនេះ ត្រូវព្យាយាមស្វែងរកនូវដំណោះស្រាយបែបធម្មតា និងមិនធម្មតាផងដែរ។

4. ត្រូវធ្វើអ្វីៗដោយវិធីពិបាកៗ (Do things the hard way)
លោកអ្នកត្រូវដឹងឲ្យជាក់ថា ខួរក្បាលរបស់យើងទាំងអស់គ្នាត្រូវការហាត់ (ដំណើរការគិត) រហូតជាប់ជាប្រចាំដូចនឹងការហាត់ប្រាណផងដែរ។ តាមពិតទៅ “វិទ្យាសាស្ត្រ” អាចធ្វើឲ្យសមត្ថភាពការគិត និងវិភាគរបស់លោកអ្នកថយចុះ ប្រសិនបើពឹងអាស្រ័យលើវាខ្លាំងពេកនោះ។ សូមព្យាយាមប្រើប្រាស់ការចងចាំរបស់លោកអ្នកជាជាង GPS (ប្រព័ន្ធបង្ហាញទិស)។ សូមប្រើប្រាស់ជំនាញក្នុងការប្រកបរបស់លោកអ្នកជាជាងប្រើកម្មវិធី “កែតម្រូវស្វ័យប្រវត្តិ (Auto Correct)”។ សូមព្យាយាមគណនាគណិតវិទ្យាក្នុងខួរក្បាលរបស់យើងជាជាងប្រើម៉ាស៊ីនគិតលេខ។

5. ត្រូវបង្កើតឲ្យមានទំនាក់ទំនងកាន់តែច្រើន (Network)
សូមព្យាយាមភ្ជាប់ និងបង្ហាញខ្លួនលោកអ្នកទៅនឹងគ្រប់ប្រភេទមនុស្ស ដែលអាចជាឪកាសក្នុងការមើលឃើញនូវបញ្ហានានាពីការយល់ដឹងថ្មីៗ ឬបានបង្ហាញស៊ីជម្រៅពីវិធីសាស្រ្តនានា ដែលលោកអ្នកមិនធ្លាប់មានពីមុនមក។ ទាំងនេះនឹងជួយឲ្យលោកអ្នកគិត និងវិភាគលើអ្វីៗក្នុងទម្រង់រួមនឹងវិធីសាស្រ្តថ្មីៗផងដែរ។

The post លោកអ្នកដឹងទេ វិធីសាស្ត្របង្កើនភាពវ័យឆ្លាតមានប៉ុន្មាន? ធ្វើម៉េចខ្លះ? appeared first on ព័ត៌មាន រាមកេរ្តិ៍.

តើជម្ងឺបាក់ទឹកចិត្ត (Depression) ជាអ្វី?
បើយោងតាមទ្រឹស្តីអន្តរជាតិជារួម ឃើញថា ជម្ងឺបាក់ទឹកចិត្ត (Depression) នេះ គឺជាដំណាក់កាលនៃការចុះខ្សោយនៃផ្លូវអារម្មណ៍ និងការដើរបញ្ច្រាសនៃសកម្មភាពរស់រវើករបស់មនុស្សយើង ដែលវាមានផលប៉ះពាល់យ៉ាងធ្ងន់ធ្ងរបន្តិចម្តងៗមិនដឹងខ្លួនដល់កម្លាំងនៃការគិត, ឥទ្ធិពលអាក្រក់ដល់ឥរិយាបថ, មានសម្ពាធកាន់តែធ្ងន់ឡើងៗទៅលើផ្លូវអារម្មណ៍ ផ្លូវចិត្ត និងផ្លូវសារពាង្គកាយ ហើយក៏កាត់បន្ថយនូវការស្គាល់ខ្លួនឯងជាបណ្តើរៗផងដែរ ជាអាទិ៍ដូចជា ការបាត់បង់មនុស្សជាទីស្រឡាញ់ណា​ម្នាក់…ជាដើម។ ជម្ងឺនេះ ក៏អាចជាអាការៈនៃជម្ងឺដែលមានឥទ្ធិពលពីថ្នាំពេទ្យ ឬការព្យាយាមណាមួយផងដែរ ហើយវាក៏អាចជាអាការៈនៃជម្ងឺអារម្មណ៍ (Mood Disorders) ដូចជា ជម្ងឺអារម្មណ៍ធ្ងន់ធ្ងរ (Major depressive disorder) ឬជម្ងឺអារម្មណ៍ស្រាល (Dysthymia)។

តើកត្តាអ្វីខ្លះដែលនាំឲ្យមានជម្ងឺនេះកើតឡើង?
តាមពិតទៅវាមានកត្តាជាច្រើនដែលអាចបណ្តាលឲ្យជម្ងឺនេះកើតឡើង ក្នុងនោះមានដូចជា៖ លក្ខខណ្ឌនៃជីវិត (Life events), បុគ្គលិកលក្ខណៈរបស់មនុស្សម្នាក់ៗ (Personality), អត្តសញ្ញាណ និងភេទពីធម្មជាតិរបស់មនុស(Gender identity and sexuality), ការប្រើប្រាស់ថ្នាំក្នុងការព្យាបាលជម្ងឺអ្វីមួយ (Medical treatments), សារធាតុជម្រុញនានា (Substance-induced), ជម្ងឺមិនមែនមកពីផ្លូវចិត្ត (Non-psychiatric illness), អាការៈជម្ងឺផ្លូវចិត្ត (Psychiatric syndromes) …។ល។

1. លក្ខខណ្ឌនៃជីវិត (Life events)
វាអាចកើតឡើងតាំងពីកំណើតនូវអាការៈដូចជា៖ ការអស់សង្ឃឹម (Bereavement), ការមិនយកចិត្តទុកដាក់ (Neglect), ការបំពានលើផ្លូវចិត្ត (Mental abuse), ការបំពានលើផ្លូវកាយ ​(Physical abuse), ការបំពានលើផ្លូវភេទ (Sexual abuse) ជាពិសេសគឺភាពមិនស្មើគ្នាដែលឪពុកម្តាយផ្តល់ឲ្យរវាងកូនៗក្នុងគ្រួសារតែមួយ (Unequal parental treatment) …ជាដើម ដែលវាអាចមានឥទ្ធិពលខ្លាំងរហូតដល់មួយជីវិតតែម្តង។

លម្អិតជាងនេះទៀតសម្រាប់លក្ខខណ្ឌនៃជីវិតដែលអាចទាក់ទិនដល់ជម្ងឺប្រភេទនេះមានដូចជា៖ អាចកើតពីកំណើត, ការរាំងរដូវ (សម្រាប់មនុស្សស្រី), បញ្ហា ឬវិបត្តិហិរញ្ញវត្ថុ, អត់ការងារធ្វើ, ស្ត្រេស (ពីការងារ ឬការសិក្សា ឬគ្រួសារ ឬលក្ខខណ្ឌក្នុងការរស់នៅ…។ល។), ការព្យាបាលជម្ងឺ (ដូចជា៖ មហារីក, អេដស៍…។ល។), ការគំរាមកំហែងណាមួយ (Bullying), គ្រោះធម្មជាតិ (Natural disaster), ភាពឯកាក្នុងសង្គមរស់នៅ (Isolation), ការចាប់បង្ខំ, វិបត្តិស្នេហា, ការច្រណែនឈ្នានីស, របួសគ្រោះថ្នាក់ជាយថាហេតុណាមួយ…។ល។ បើចំពោះក្មេងៗជំទង់វិញ ជម្ងឺបាក់ទឹកចិត្តនេះ អាចបណ្តាលមកពី ការមិនរាប់រកពីមិត្តភ័ក្តិ ឬអ្នកជិតខាង ឬការស្អប់ខ្ពើម (តាមកត្តាផ្សេងៗ៖ ពណ៌សំបុរ, ជាតិសាសន៍, អត្តចរឹត,​ របៀបរបបរស់នៅ…។ល។)

2. បុគ្គលិកលក្ខណៈរបស់មនុស្សម្នាក់ៗ (Personality)
ប្រសិនបើភាគរយកើនឡើងនៃបុគ្គលិកលក្ខណៈប្លែកៗដែលពាក់ព័ន្ធប្រព៏ន្ធសរសៃប្រសាទ នោះវាអាចភាគច្រើនបង្កើតជាអាការៈនៃជម្ងឺបាក់ទឹកចិត្ត ឬធ្លាក់អារម្មណ៍នេះ ដ៏ដូចជាប្រភេទផ្សេងៗដែលទាក់ទិននឹងការពង្រីកអារម្មណ៍មានការថយចុះ។ បុគ្គលិកលក្ខណៈរបស់មនុស្សមួយចំនួនផ្សេងទៀត អាចបង្ហាញតាមរយៈ អារម្មណ៍ឡើងចុះលឿន, ឆាប់ខឹង, ឧស្សាហ៍មានអារម្មណ៍បាក់ទឹកចិត្តរយៈខ្លីញឹកញាប់, ការថមថយនូវការយកចិត្តទុកដាក់ធ្វើអ្វីៗដូចដែលធ្លាប់មានចំណូលចិត្ត, គេងមិនសូវលក់ស្រួល, ព្យាយាមដកខ្លួនចេញពីសង្គមបន្តិចម្តងៗ, ការផ្លាស់ប្តូរនូវរបបអាហារ ការហូបចុក, មានការពិបាកក្នុងយកចិត្តទុកដាក់លើអ្វីមួយ…។ល។

3. អត្តសញ្ញាណ និងភេទពីធម្មជាតិរបស់មនុស្សម្នាក់ៗ (Gender identity and sexuality)
ប្រសិនបើអ្នកណាដែលឧស្សាហ៍យកចិត្តទុកដាក់ក្នុងធ្វើបំរៀបធៀបលើអត្តសញ្ញាណ និងភេទ (ការរើសអើងរវាងស្រ្តី និងបុរស) ច្រើនដងពេក នោះវាក៏ជាសញ្ញានៃការឈានចូលមកដល់នូវជម្ងឺបាក់ទឹកចិត្តផងដែរ។

4. ការប្រើប្រាស់ថ្នាំក្នុងការព្យាបាលជម្ងឺអ្វីមួយ (Medical treatments)
ជម្ងឺបាក់ទឹកចិត្ត ឬធ្លាក់អារម្មណ៍នេះ ក៏បណ្តាលមកពីលទ្ធផលនៃការព្យាបាលជម្ងឺអ្វីមួយដែលទាក់ទងនឹងជាតិថ្នាំដែលបានប្រើប្រាស់សម្រាប់ការព្យាបាល និងប្រភេទជម្ងឺនោះ ដូចជាវិធីព្យាបាលកាសិកា (Interferon therapy), វិធីព្យាបាលលើប្រភេទជម្ងឺលើសឈាម… (Beta-blockers therapy), វិធីពន្យាកំណើត (Contraceptives therapy), វិធីព្យាបាលជម្ងឺបេះដូង (Cardiac agents), វិធីព្យាបាលជម្ងឺប្រកាច់ (Anticonvulsants therapy), វិធីព្យាបាលជម្ងឺឈឺក្បាលប្រកាំង​(Antimigraine drugs therapy), វិធីព្យាបាលជម្ងឺចិត្តសាស្រ្ត (Psychotics therapy), វិធីព្យាបាលទាក់ទឹងអ័រម៉ូន (Hormonial agents therapy) ដូ​ចជា ស្បូន (Gonadotropin)…ជាដើម។

5. សារធាតុជម្រុញនានា​ (Substance-induced)
ការប្រើប្រាស់នូវប្រភេទថ្នាំព្យាបាលមួយចំនួនធំ ដោយមិនមានការត្រួតពិនិត្យត្រឹមត្រូវតាមប្រភេទ និងកម្រិត (Dose) នឹងនាំដល់ការបង្កើតឡើងនូវប្រភេទជម្ងឺបាក់ទឹកចិត្ត (Depression) នេះ ឬអាការៈពុល (Intoxication) អាចរាប់បញ្ចូលដូចជា៖ គ្រឿងអាល់កុល (ជាតិស្រវឹង), ប្រភេទថ្នាំព្យបាលសន្សឹមៗ (Benzodiazepins), ប្រភេទថ្នាំបំបាត់ការឈឺចាប់ (Pain killers) ដូចជា ហេរ៉ូអ៉ីន (Heroin),​ ថ្នាំជំនួយផ្សេងៗ ដូចជា កូកាអ៉ីន (Cocaine) និងអំប៉េតាមីន (Emphetamines), ថ្នាំព្យាបាលការស្រវាំងភ្នែក ឬរមាស់ (Hallucinogens), និងថ្នាំប្រភេទព្យាបាលជម្ងឺហឺត (Inhalants drugs) …។ល។

6. ជម្ងឺមិនមែនមកពីផ្លូវចិត្ត (Non-psychiatric illnesses)
ជម្ងឺបាក់ទឹកចិត្ត អាចបណ្តាលមកពីលទ្ធផលមួយចំនួននៃជម្ងឺដទៃទៀត ដូចជា កង្វះអាហារូបត្ថម្ភ (Nutritional deficiencies) និងលក្ខខណ្ឌចាំបាច់នៃប្រព៏ន្ធសរសៃប្រសាទ និងបញ្ហាផ្លូវកាយ ដូចជា៖ កង្វះកោសិកាសម្រាប់ទ្រទ្រង់ឆ្អឹងខ្នង, សម្ពាធឈាមខ្សោយខ្លាំង ឬឡើងខ្លាំង, ការរលាក (គ្រឿងក្នុងមនុស្ស), ជម្ងឺក្នុងខួរក្បាល (Sclerosis), ការធ្វើឲ្យញ័រដៃ ក្បាល (ញាក់ៗ) (Parkinson’s disease), ការឈឺរាំរ៉ៃ (Chronic pains), គាំងបេះដូង (Stroke), ទឹកនោមផ្អែម (Diabetes), និងមហារីក (Cancer)…ជាដើម។

7. អាការៈជម្ងឺផ្លូវចិត្ត (Psychiatric syndromes)
ជាអាការៈរំខានដល់ផ្លូវចិត្តរបស់មនុស្ស ដែលមនុស្សយើងមានវាក្នុងរវាងពីរសប្តាហ៍លើអាការៈផ្លូវចិត្តនេះ ឬបាត់បង់នូវការចាប់អារម្មណ៍នានាស្ទើរតែគ្រប់សកម្មភាព និងអាចជាជម្ងឺផ្លូវចិត្តស្រាលដែលចាប់ផ្តើមឡើងបន្តិចម្តងៗមិនដឹងខ្លួន ឈានដល់កម្រិតខ្ពស់បំផុតមួយ ដែលមានឥទ្ធិពលដល់ការគិត ការចងចាំ ការយកចិត្តទុកដាក់។ ចំណែកគ្រោះថ្នាក់ពីការបើកបរ, ត្រូវគ្រាប់កាំភ្លើង, របួសផ្សេងៗ …។ល។ ក៏ចូលរួមក្នុងការបង្កើតជាអារម្មណ៍ផ្លូវចិត្តផងដែរ។ លើសពីនេះ ការប៉ះពាល់ខ្លាំងណាមួយដល់អារម្មណ៍ទាំងផ្លូវចិត្ត និងអារម្មណ៍ ក្នុងពេលតែមួយ ដូចជា ការបាត់បង់នូវរបស់ ឬមនុស្សសំខាន់ ឬជាទីស្រឡាញ់របស់ខ្លួន ឬការបន្ទោសដ៏ខ្លាំងក្លាណាមួយដោយមានការគំរាមកំហែង…។ល។

ការគ្រប់គ្រង ឬវិធីសាស្ត្រក្នុងការគ្រប់គ្រងជម្ងឺបាក់ទឹកចិត្ត៖
តាមពិតទៅជម្ងឺបាក់ទឹកចិត្តនេះ មិនចាំបាច់ឆ្លងកាត់ការព្យាបាលតាមបែបជំនាញខ្លាំងពេកនោះក៏បានដែរ។ ការប្រើប្រាស់នូវអារម្មណ៍ វាជាការសំខាន់ និងចាំបាច់បំផុតក្នុងការព្យាបាលសន្សឹមៗទៅលើប្រភេទជម្ងឺនេះ​ ដោយមិនបាច់ប្រើប្រាស់ថ្នាំក៏បាន។ ដោយយោងតាម NICE (វិទ្យាស្ថានជាតិសម្រាប់ភាពប្រសើរនៃសុខភាព និងការយកចិត្តទុកដាក់) របស់អង់គ្លេស (UK) បានផ្តល់យោបល់ថា ប្រសិនបើវាជាកម្រិតស្រាលនៃជម្ងឺទេ គួរតែត្រូវបានព្យាបាលតាមបែបធម្មតា មិនចាំបាច់ប្រើការព្យាបាលលក្ខណៈធំ ដោយប្រើថ្នាំ Antidepressants ទេ ព្រោះវាមិនមានផលប៉ះពាល់អ្វីខ្លាំងឡើយ ចឹងគួរព្យាបាលដោយការគ្រប់គ្រងអារម្មណ៍ គ្រប់គ្រងការគិត ការវិភាគ ពិចារណា ត្រូវឲ្យខួរក្បាលសម្រាកឲ្យបានច្រើន មានការសប្បាយចិត្ត កាយ និងខួរក្បាល ហើយបញ្ចៀសការប្រើប្រាស់ថ្នាំព្យាបាល (ដូចបានបង្ហាញខាងលើ) លើសកម្រិត។ Reamker.com សូមបន្ថែមថា គួរតែរៀនព្រលែងអ្វីៗដែលលែងជារបស់យើងហើយពីដៃ ចិត្ត អារម្មណ៍ និងខួរក្បាល (Learn to let things go) បើមិនអាចយកមកវិញទេ ទោះបីកើតទុក្ខដល់ដាច់ដង្ហើមក៏មិនអាចបានមកវិញ តើយើងនៅគិតវាដល់ណាទៀត។ យើងសង្កើតឃើញ សកម្មភាពនេះវាបានកើតឡើងច្រើនណាស់ ជាពិសេសសម្រាប់មនុស្សវ័យជំទង់ ដែលរហូតដល់ហ៊ានសម្រេចចិត្តផ្តេសផ្តាស បង្កើតរបួសលើខ្លួន ឬសម្លាប់ខ្លួន…ជាដើម ឬក្លាយជាមនុស្សវិកលដើរតាមថ្នល់….។ល។ យើងត្រូវគិតថា មនុស្សយើងកើតមកមិនបានយកទ្រព្យអ្វីមកទេ គ្រាន់តែយករាងកាយ ខួរក្បាល ចិត្ត បេះដូង គ្រឿងក្នុង មក…ប៉ុន្តែបើវាបានទទួលជាមានជម្ងឺណាមួយកើតឡើងលើវាព្យាបាលមិនជាទៅហើយ ក៏មិនគួរនៅស្តាយស្រណោះ គិតច្រើនហួសហេតុពេកដែរ មិនអាចបានមកវិញទេ ហើយជាពិេសេសរបស់ទ្រព្យដែលយើងរកបាន ពេលយើងអស់ដង្ហើមទៅ ក៏មិនអាចយកទៅតាមដែរ​ មិនត្រូវមានអារម្មណ៍ ឬការគិតលោភលន់ពន់ប្រមាណពេកអីនោះដែរ។

វិធីយ៉ាងសាមញ្ញមួយផ្សេងទៀតដែលអា​ចបន្ថយអាការៈនៃជម្ងឺបាក់ទឹកចិត្ត គឺស្តាប់ភ្លេងដែលយើងចូលចិត្ត (មិនគួរស្តាប់ចម្រៀងទេ ព្រោះចម្រៀងវាមានពាក្យពេចន៍ផ្សេងៗដែលអាចរឹតតែធ្វើឲ្យប៉ះពាល់ដល់អារម្មណ៍កំសត់របស់អ្នក)។ ឬក៏ស្តាប់ធម៌ (អ្នកមានជំនឿបែបពុទ្ធសាសនា) ក៏អាចជួយរំលត់ កំចាត់បង់នូវភាពសោកសៅនានា ហើយថែមទាំងអាចស្វែងរកនូវពន្លឺក្នុងការដោះស្រាយបញ្ហាចំពោះមុខបានទៀតផង។ លើសពីនេះ លោកអ្នកក៏អាចសាកល្បងវិធីសាស្រ្តតាំងសម្មាធិ (Meditation) នៅទីស្ថានស្ងប់ស្ងាត់តាមវិធីដែលត្រឹមត្រូវ វាក៏អាចជួយសម្រួល ឬព្យាបាលជម្ងឺបាក់ទឹកចិត្តបានផងដែរ។ បើអាច លោកអ្នកអាចជ្រើសរើសទីរមនីយដ្ឋានធម្មជាតិពិតៗមួយ ឬច្រើន ដើម្បីទៅកសាងថាមពលផ្លូវចិត្តលោកអ្នកដែលបាត់បង់ឡើងមកវិញ…។ល៕

The post ជម្ងឺបាក់ទឹកចិត្ត (Depression) ជាអ្វី? ហេតុម្តេចបានវាមានឥទ្ធិពលខ្លាំងម្ល៉េះដល់មនុស្សយើង? តើវិធីសាស្ត្រអ្វីអាចធ្វើឲ្យវាល្អឡើងវិញ? appeared first on ព័ត៌មាន រាមកេរ្តិ៍.

1. ជួបបញ្ហា ត្រូវតែដោះស្រាយ
អ្នកដឹកនាំដែលអស្ចារ្យ គឺក្លាហានណាស់ក្នុងការប្រឈមនឹងរាល់បញ្ហា ដោយប្រឹងប្រែងយ៉ាងស្មោះស្ម័គ្រដោះស្រាយបានយ៉ាងល្អ។ ទោះស្ថិតក្នុងកាលៈទេសៈធ្លាក់ចុះដុនដាបដល់កម្រិតទាបបំផុតយ៉ាងណាក៏ដោយ អ្នកដឹកនាំប្រកបដោយប្រសិទ្ធភាពហ៊ានប្រឈមនឹងបញ្ហាទាំងនេះដោយមិនគេចវេសឡើយ។ ការបង្កើតការទាក់ទងជាធម្មតាមួយជាមួយនឹងបុគ្គលិកក្រោមបង្គាប់ ដោយបង្ហាញ ឬប្រាប់ពីព័ត៌មាន​ ឬអ្វីៗដែលល្អៗ និងមិនល្អ…ទាំងនេះនឹងនាំដល់ការបង្កើតការជឿជាក់ដ៏ខ្ពស់មួយ រវាងបុគ្គលិក និងថ្នាក់ដឹកនាំ ហើយអ្នកទាំងអស់គ្នា នឹងមិនជួបនូវបញ្ហា ឬវិវាទផ្លូវចិត្តដែលកើតឡើងភ្លាមៗនោះដែរ។ ត្រង់នេះ យើងឃើញមានឃ្លាមួយចំនួនគួរពិចារណា “ការនិយាយខ្សឹបខ្សៀវនៅកន្លែងញ៊ាំកាហ្វេ ជាទូទៅវាទំនងជាអាក្រក់លើសការពិតរហូតដល់10ដងឯណោះ” នេះបើតាមសម្តីរបស់ Handal។ លើសពីនេះ “បុគ្គលិកត្រូវការអ្នកដឹកនាំដែលហ៊ានតស៊ូ ប្រឈមដោះស្រាយដោយសន្តិវិធី និងឈ្នះឈ្នះ នៃរឿងពិតទាំងអស់នោះផងដែរ​“។

2. យកឈ្នះឲ្យបាននូវភាពជឿទុកចិត្ត
បុគ្គលិក ត្រូវបានគេដឹងថានឹងមានជំហរកាន់តែស្មោះត្រង់ និងពេញចិត្តការងារនៅក្នុងកន្លែង ឬបរិយាកាសការងារមួយដែលដឹកនាំដោយអ្នកគ្រប់គ្រងដែលពួកគាត់ជឿទុកចិត្ត។ វិធីដែលធ្វើឲ្យបុគ្គលិកមានអារម្មណ៍ និងធ្វើបែបនេះ មានច្រើនយ៉ាង៖
– លោកអ្នកអាចប្រើការយកចិត្តទុកដាក់លើបុគ្គលិកទៅតាមកន្លែងធ្វើការនិមួយៗ។
– មិនគួរលូកដៃចូលជ្រៅពេកទៅក្នុងរឿងបុគ្គលរបស់ពួកគាត់ឡើយ ប៉ុន្តែអាចលើកទឹកចិត្តដោយប្រយោលដល់ពួកគាត់ ដោយសួរនាំពីការរៀនសូត្រ និងការហាត់ ឬលេងកីឡារបស់កូនៗគាត់ទៅវិញ ល្អជាង។
– ជានិច្ចកាលត្រូវបង្ហាញដោយមិនមានល្បិចកលថា អ្នកដឹកនាំចាប់អារម្មណ៍ពីភាពជោគជ័យរបស់បុគ្គលិក ហើយពិភាក្សាផ្តល់យោបល់ពីអាជីពការងាររបស់ពួកគាត់។
នៅពេលពេលបុគ្គលិក អ្នកលក់ ឬនរណាបានធ្វើអ្វីខុស សូមកុំព្យាយាមរិះគន់ បង្អាប់ បន្ទោស ឬកែគាត់ពេលកំពុងខឹងឲ្យសោះ មិនមានលទ្ធផលទេ។ លោកអ្នកត្រូវតែពន្យល់ពីស្ថានភាពកំហុសនោះ ដោយស្ងប់ស្ងាត់ ហើយបង្ហាញពីមូលហេតុ ឬសកម្មភាពនៃអាកប្បកិរិយាពួកគាត់យ៉ាងម៉េចដែលធ្វើទៅមិនត្រឹមត្រូវនោះ ក៏ដូចជាអ្វីដែលលោកអ្នកចង់បានពីគាត់នៅពេលខាងមុខផងដែរ។ នៅពេលដែលពួកគាត់ដឹងថា លោកអ្នកជាអ្នកដឹកនាំបែបនេះ ថែមទាំងមានការយកចិត្តទុកដាក់ដល់បេះដូងពួកគាត់ផងនោះ បុគ្គលិកទាំងអស់នោះនឹងជឿជាក់ និងទុកចិត្ត កក់ក្តៅជាមួយអ្នកដ៏យូរអង្វែងផងដែរ។

3. ភាពជាអ្នកមានសិទ្ធិ
ក្នុងភាពជាអ្នកដឹកនាំដ៏ប្រពៃ សូមកុំធ្វើចរឹតហាក់ដូចជាៗនោះ គឺត្រូវធ្វើចរឹតជាក់ស្តែងដែលជារបស់លោកអ្នកពិតៗ។ ធ្វើម៉េចកុំតាំងខ្លួនអស្ចារ្យហួសហេតុពេក ហួសមាឌរបស់ខ្លួន ដែលជាការពេបមាត់ ពេបជ្រាយដ៏អាក្រក់សម្រាប់អ្នក អ្នកនឹងមិនមានការគោរពសរសើរដ៏ពិតប្រាកដណាមួយឡើយពីបុគ្គលិកក្រោមបង្គាប់។ គួរសួរខ្លួនឯងថា លោកអ្នកជាមនុស្សបែបម៉េច? បើទោះជាបែបណា ក៏គួរតែបង្កើតសំណើចសម្រាប់បុគ្គលិកក្រោមបង្គាប់ផងដែរ។ លោកអ្នកត្រូវប្រើភាពខ្លាំង និងបុគ្គលិកលក្ខណៈពិតៗ ក្នុងការបង្កើតនូវស្តាយ៍ (Style) ក្នុងការដឹកនាំដោយខ្លួនលោកអ្នកបាន។

4. ការទទួលបាននូវការគោរពពិត
នៅពេលដែលលោកអ្នកបង្ហាញ និងអនុវត្តខ្លួនអ្នកប្រកបដោយសីលធម៌ និងគំរូដ៏ល្អសម្រាប់ពួកគាត់ធ្វើតាម នោះលោកអ្នកនឹងទទួលបានការគោរពយ៉ាងពិតប្រាកដពីបុគ្គលិក ឬមនុស្សម្នាជុំវិញខ្លួនអ្នកជាក់ជាមិនខាន។ អ្នកដឹកនាំណាដែល ​“និយាយហើយធ្វើ មិននិយាយចោល” ជាបុគ្គលគំរូបំផុតសម្រាប់ក្រុមការងារ ក៏ដូចជាក្រុមហ៊ុន និងអ្នកវិនិយោគជាមួយដទៃទៀតផងដែរ។ អ្នករាល់គ្នានឹងគោរពដោយស្មោះស្ម័គ្រចេញពីចិត្តចំពោះការផ្តល់តម្លៃ និងការគោរពទៅវិញទៅមកជាក់ជាមិនខាន។

5. នៅតែចង់ដឹងលឺ និងច្នៃប្រឌិត
អ្នកដឹកនាំប្រពៃ តែងតែចង់ដឹងលឺសុខទុក្ខបុគ្គលិក ឬអ្នកក្រោមបង្គាប់ ហើយនៅតែសិក្សាបន្តសម្រាប់ខ្លួនឯងជានិច្ច។ ពួកគាត់សុទ្ធតែជាអ្នកចង់ដឹងរឿងរ៉ាវទាំងឡាយ ហើយស្វែងរកគំនិត របកគំហើញ និងព័ត៌មានថ្មីៗ។ អ្នកដឹកនាំដែលល្អបំផុតនេះ គឺជាអ្នកយល់ដឹងពីការវិវត្ត និងទំនោរថ្មីៗ ដែលទទួលបានពីគ្រប់ទីកន្លែង ហើយតែងតែប្រមើមើលរកនូវចំណេះដឹង ឬបុគ្គលិក ឬអ្នកក្រោមបង្គាប់ដែលអាចផ្តល់ជាយោបល់ដល់គាត់បាន និងផ្តល់គុណសម្បត្តិ ឬគុណប្រយោជន៍ដល់ពួកគេ៕

The post គន្លឹះទាំង 5 ក្នុងភាពជាអ្នកដឹកនាំដែលមានឥទ្ធិពលខ្លាំងបំផុតទៅលើមនុស្សជុំវិញខ្លួនអ្នក appeared first on ព័ត៌មាន រាមកេរ្តិ៍.

1. ចូលចិត្តស្វែងរកចម្លើយពីអីនធឺណែត (ជាងរកខ្លួនឯង)
តាមពិតទៅវាមានភាពងាយស្រួលណាស់ក្នុងការស្វែងរកនូវចម្លើយនៃសំនួរទាំងឡាយអនឡាញ (តាមរយៈអីនធឺណែត) គ្រាន់តែវាយសំនួរចូល អ្នកនឹងទទួលបានចម្លើយយ៉ាងច្រើនសន្ធឹកសន្ធាប់ ដែលអ្នកមិនបានខិតខំប្រឹងប្រែងគិត រិះរកចម្លើយដោយខ្លួនឯងបន្តិចសោះ។ យូរៗទៅខួរក្បាលអ្នកលែងដើរ (លែងចេះគិតគូរវែកញែក)តែម្តង។

2. ចូលចិត្តគិត និងធ្វើរឿងរ៉ាវជាច្រើនក្នុងពេលតែមួយ
បើយោងតាមការស្រាវជ្រាវបែបវិទ្យាសាស្ត្រ ឃើញថាមានតែ 2%ប៉ុណ្ណោះនៃមនុស្សយើង ដែលអាចមានសមត្ថភាពពេញលេញ និងពិសេស ប្រកបដោយប្រសិទ្ធភាពទៅលើកិច្ចការច្រើនក្នុងពេលតែមួយ ចំណែកមនុស្សទាំងឡាយក្រៅពីភាគរយខាងលើនេះ គួរតែយកចិត្តទុកដាក់លើការងារ ឬកិច្ចការមួយម្តងៗ នៃពេលវេលានិមួយៗ។

3. ចូលចិត្តឆែកអីម៉ែលញឹកញាប់
តើអ្នកដឹងទេថា រាល់ពេលឆែកអឺម៉ែល អ្នកបានចំណាយពេលអស់យ៉ាងតិចណាស់ 25នាទីម្តងៗ ខាតពេលធ្វើការផ្សេងទៀត ដូច្នេះ អ្នកត្រូវកម្រិតខ្លួនឯងក្នុងការប្រើប្រាស់ពេលវេលាសមរម្យណាមួយសម្រាប់ឆែកអឺម៉ែលរបស់អ្នក តែម្តងឬពីរដងបានហើយក្នុងមួយថ្ងៃ។

4. អាជ្ញាបណ្ណនៃក្រមសីលធម៌
ការភូតភរ ក្នុងន័យផ្តល់ជាអត្ថប្រយោជន៍នានាដើម្បីឲ្យខ្លួនឯងបានអនុវត្តនូវទម្លាប់ថ្មីណាមួយ គឺពិតជាការវាយតម្លៃដល់គោលការណ៍ដែលជាគម្រោងរបស់អ្នកដទៃជាច្រើននាក់ក្នុងអភិវឌ្ឍខ្លួន។ ហេតុនេះ សូមកំណត់គោលដៅរបស់អ្នកឲ្យខុសពីអត្តសញ្ញាណរបស់អ្នកតែម្តង។

5. ចូលចិត្តទុកកិច្ច្កការសំខាន់ទៅចុងនៃថ្ងៃនិមួយៗ
យើងដឹងហើយថា មនុស្សម្នាទាំងអស់សុទ្ធតែមានពេលវេលាកំណត់ច្បាស់លាស់ណាស់ក្នុងមួយថ្ងៃៗ ជាមួយនឹងថាមពលដែលខ្លួនមាន ហើយថាមពេលនោះក៏ចេះជាថយចុះទៅៗក្នុងរយៈពេលនៃថ្ងៃមួយៗ ដូចនេះ ជាការល្អបំផុតសម្រាប់ទទួលបាននូវការសម្រេចលើកិច្ចការងារដែលសំខាន់ ចាំបាច់ខ្លាំង និងពិបាកៗឲ្យរួចរាល់មនៅពេលចាប់ផ្តើមនៃថ្ងៃនិមួយៗ។

6. ចូលចិត្តប្រជុំច្រើនពេក
ពិតណាស់! គ្មានអ្វីដែលរំខាន និងរាំងស្ទះដល់ដំណើរនៃការប្រតិបត្តិនានាក្នុងក្រុមហ៊ុន រោងច្រក សហគ្រាស រដ្ឋ និងឯកជន ផលិតកម្ម និងសេវាកម្ម ជាជាងការប្រជុំដែលឥតប្រយោជន៍ ឥតបានការនោះទេ។ ហេតុនេះ គួរកុំទទួលយកនូវការអញ្ជើញឲ្យចូលរួមប្រជុំណាមួយក៏ដោយ រហូតទាល់តែទទួលបាននូវមាតិកា រួមនឹងពេលវេលាប្រជុំឲ្យបានច្បាស់លាស់បំផុត សឹមចូលរួមប្រជុំ។

7. ចូលចិត្តអង្គុយដកដង្ហើមចោលឥតការ
ប្រាកដហើយដែលថា​យើងអង្កុយកាន់តែយូរ គឺកាន់តែធ្វើឲ្យខ្លួនឯងស្ពឹក មិនមានស្មារតីក្លៀវក្លាក្នុងការគិតគូរពិចារណាអីនោះទេ ចឹងគួរព្យាយាមដើរ និងនិយាយពី 20 ទៅ 30 ម៉ាយ ក្នុងមួយសប្តាហ៍ ដើម្បីទទួលបាននូវភាពស្រស់ស្រាយក្នុងការគិតគូរពិចារណាលើរឿងរ៉ាវនានា។

8. ចុូលចិត្តចុចបិទម៉ោងរោទិ
ការដែលលោកអ្នកចូលចិត្តប្រឆាំងទល់នឹងម៉ោងរោទិដែលបានកំណត់ដោយខ្លួនឯងរបស់អ្នក​នោះ នឹងមិនផ្តល់ផលល្អដល់រូបរាង សព្ពាង្គកាយ បន្ថែមលើភាពងងុយគេងរបស់លោកអ្នកឡើយ ហើយវាក៏បានធ្វើឲ្យកម្លាំងមនោយិទ្ធិ (កម្លាំងកាយចិត្ត)របស់អ្នកថមថយចុះដោយមិនដឹងខ្លួនផងដែរ សម្រាប់ការប្រើប្រាស់ប្រចាំថ្ងៃរបស់លោកអ្នក។

9. មិនអាចកំណត់ទិសដៅអទិភាព (អ្វីដែលចាំបាច់) បាន
ប្រសិនបើលោកអ្នកមានគោលដៅច្រើនហួសហេតុ វានឹងបណ្តាលឲ្យមិនមានប្រសិទ្ធភាព និងប្រសិទ្ធផលទាល់តែសោះ។ សូមចាប់យកអ្វីដែលសំខាន់ និងចាំបាច់សម្រាប់ការធ្វើវា ហើយទុកចោលអ្វីដែលមិនចាំបាច់មួយកន្លែងសិន។

10. ចូលចិត្តរៀបចំផែនការច្រើនលើសលប់
ការៀបចំគម្រោងការរៀងរាល់ម៉ោងក្នុងថ្ងៃនិមួយៗរបស់លោកអ្នក ដែលមិនបានបម្រុងទុកពេលសម្រាប់អ្វីដែលអាចកើតឡើង នៃថ្ងៃនិមួយៗ នឹងមិនផ្តល់ផលប្រយោជន៍ពេញលេញដូចគម្រោងនោះឡើយ។ ហេតុនេះ លោកអ្នកគួរតែរៀបចំគម្រោងផែនការរយៈពេលយ៉ាងហោចណាស់ក្នុង 5ម៉ោងម្តង សម្រាប់កិច្ចការងារប្រចាំថ្ងៃរបស់លោកអ្នក។

11. ចូលចិត្តមិនបានធ្វើផែនការច្បាស់លាស់
វាជាការល្អបំផុតសម្រាប់លោកអ្នក ប្រសិនបើបានកំណត់យ៉ាងច្បាស់លាស់លើលទ្ធផលអ្វីដែលចង់បាន ដោយរៀបចំជំហាន ឬដំណាក់កាលនៃការអនុវត្ត ដើម្បីទៅដល់គោលដៅកំណត់នោះ ជាជាងព្យាយាមលើកឡើងអនុវត្តក្បួនបញ្ចប់ទាំងពាក់កណ្តាលទីនៃគម្រោងមួយៗ។

12. ចូលចិត្តប្រើទូរស័ព្ទពេលគេង
អេក្រង់ទូរស័ព្ទដ៏ឆ្លាតវៃនាពេលបច្ចុប្បន្ននេះ វាបានបញ្ចេញនូវពន្លឺពណ៌ខៀវ ដែលជាពន្លឺបំផ្លាញកោសិកានៃអ័រម៉ូនម៉្យាងដែលជួយសម្រួលដល់វដ្តនៃការគេង និងធ្វើឲ្យយើងសប្បាយរីករាយ។ ហេតុនេះ មិនគួរប្រើទូរស័ព្ទពេលដំណេកនោះទេ វាមិនបានផ្តល់ផលល្អ តែប៉ះពាល់ធ្ងន់ធ្ងរដល់សុខភាពភ្នែក និងអ័រម៉ូនសម្រាប់គេង រួមនឹងការសប្បាយរីករាយរបស់លោកអ្នកផងដែរ៕

The post លះបង់ទម្លាប់អាក្រក់ទាំង ​12 នេះ លោកអ្នកនឹងមានអនាគតត្រចះត្រចង់ appeared first on ព័ត៌មាន រាមកេរ្តិ៍.