ពិតជាអស្ចារ្យណាស់ តាមពិតមិនមែនមានតែក្រុមហ៊ុន Samsung មួយប៉ុណ្ណោះទេ ដែលបានកំពុងសិក្សា និងបញ្ចេញផលិតបែបនេះ ក្នុងនោះក៏មានក្រុមហ៊ុនទូរស័ព្ទ Huawei (ដែលកំពុងរងការវាយប្រហារពីសហរដ្ឋអាមេរិច) ​បានបញ្ចេញអាវុធរបស់ខ្លួនផងដែរ គឺ Huawei Mate X ដោយមានលក្ខណៈគ្រប់គ្រាន់ក្នុងការប្រជែងទីផ្សារជាមួយនឹង Samsung Fold ផងដែរ។ តាមពិតទៅ ក្រុមហ៊ុន Apple Inc. ក៏បានកំពុងតែសិក្សាយូរឆ្នាំផងដែរ លើផលិតផលប្រភេទនេះ គ្រាន់តែថា Apple បច្ចុប្បន្នហាក់មានអំនួតលើផលិតផលខ្លួនឯងពេក ដោយខណៈនេះ ឆ្នាំ​ 2019 ហើយ iPhone ហាក់បំពាក់នូវបច្ចេកវិទ្យាក្រោយគេបន្តិចហើយ ដូចជា៖ ប្រភេទអេក្រង់, កាម៉េរ៉ា, បច្ចេកវិទ្យាដោះសោរដោយស្កេនលើអេក្រង់, បច្ចេកវិទ្យា 5G …ជាដើម។

និយាយទៅ នៅក្នុងឆ្នាំ 2019 នេះ ក្រុមហ៊ុនដែលបញ្ចេញប្រភេទទូរស័ព្ទ Hybrid (ត្រង់នេះ Reamker.com ចង់មានន័យថា ប្រភេទទូរស័ព្ទ រួមនឹងប្រភេទ Table នៅលើឧបករណ៍តែមួយ) មានតែ 2 គឺ៖ Samsung និង Huawei។ យើងរង់ចាំមើល Apple និងក្រុមហ៊ុនផ្សេងទៀត ដូចជា Oppo ឬ Vivo និង Xiaomi …ជាដើម អាចនឹងបញ្ចេញផលិតផលប្រភេទនេះដូ​ចគ្នា ចុងឆ្នាំនេះ ឬដើមឆ្នាំក្រោយ 2020)។

តាមការវិភាគរបស់ ​Reamker.com នៅឆ្នាំ 2021 អាចនឹងមានប្រភេទទូរស័ព្ទ Hybrid ដែលមានរហូតដល់ 3ផ្ទាំងអេក្រង់ខាងក្នុង ដូចរូបខាងក្រោមនេះផងដែរ… សូមរង់ចាំតាមដានទាំងអស់គ្នា៖

ដើម្បីទទួលព័ត៌មានលម្អិតបន្ថែមស្តីពី Samsung Fold សូមទស្សនាវីដេអូដូចខាងក្រោម៖

ដើម្បីទទួលព័ត៌មានលម្អិតបន្ថែមស្តីពី Huawei Mate X សូមទស្សនាវីដេអូដូចខាងក្រោម៖

ដើម្បីទទួលព័ត៌មានលម្អិតបន្ថែមស្តីពី Protoype of iPhone ប្រភេទថ្មី សូមទស្សនាវីដេអូដូចខាងក្រោម៖

The post ពិតជាដល់ពេលហើយ! យុគសម័យ Hybrid Phone បានមកដល់ហើយ appeared first on ព័ត៌មាន រាមកេរ្តិ៍.

ម៉ូតូទំនើបនេះ មានលក្ខណៈងាយស្រួលយកតែមែនទែនតែម្តងសម្រាប់អ្នកបើកបរ គឺថាសឹងតែគ្មានសម្លេង លឿនស្លុយ…។ តាមរយៈរូបភាព និងវីដេអូខាងក្រោមនេះ លោកអ្នក នឹងប្រាកដដៅក្នុងចិត្តថា នឹងទិញមួយគ្រឿងមកប្រើទាល់តែបាន ពេលមានលក់នៅស្រុកខ្មែរយើង…។

ពិតណាស់! ម៉ូតូប្រភេទ Zero DSR នេះ ត្រូវបាននាំមកជូនលោកអ្នកដោយក្រុមហ៊ុន Yamaha ដែលមានឈ្មោះបោះសម្លេងជាយូរយារណាស់មកហើយ ក្នុងពិភពម៉ូតូទាំងតូច និងធំ ហើយលក្ខណៈពិសេសរបស់ម៉ូតូនេះ គឺប្រើអាគុយ ដែលមានកំលាំងខ្លាំងលើសលប់សម្រាប់ដំណើរការម៉ាស៊ីនម៉ូតូនេះរហូតដល់ល្បឿន 90 MPH ឯណោះ មិនចាំបាច់ប្រើអំប្រ៊ីយ៉ា និងចង្កេះលេខនោះទេ។

ពាក្យថា Zero គឺ “សូន្យ” ជាភាសាខ្មែរយើង សំដៅដល់ Zero Start Up, Zero Noise, Zero Emission… កាច់សោរ មួលហ្គែរទៅមុខតែម្តង​ ដោយគ្មានសម្លេង លឿន ម៉ាពេញចិត្តតែម្តង មិនចាំបាច់ប្តូរប៊ូស៊ី មិនចាំបាច់ប្តូរប្រេងម៉ាស៊ីន..។ល។ លើសពីនេះ វាមាន Mode សម្រាប់ជ្រើសរើស Sport និង Eco mode ជាមួយកន្លែងផ្ទុកអាគុយចំកណ្តាលម៉ូតូតែម្តង ម៉ូទ័រវានៅពីក្រោមខាងមុខ ប៉ុន្តែតម្លៃបច្ចុប្បន្ននៅថ្លៃនៅឡើយ ប្រមាណជាង $10,000 ឯណោះ៕

មិនបាច់ទន្ទឹងរង់ចាំយូរ សូមតាមដានទាំងអស់គ្នា ដូចខាងក្រោម៖

The post ក្តៅ ៗ ហ្មងនេះ! ម៉ូតូអត់ចាក់សាំង ឬហ្គាសដ៏ទំនើបដែលផលិតដោយក្រុមហ៊ុន Yamaha អស្ចារ្យមែនទែនសម្រាប់លោកអ្នក appeared first on ព័ត៌មាន រាមកេរ្តិ៍.

Quora បានពីពាក្យ “Quorum” មានន័យថាកន្លែងប្រមូលផ្តុុំមតិសាធារណៈ ហើយវាជាកន្លែងមួយសម្រាប់ចែករំលែកចំណេះដឹង និងការយល់ដឹងបន្ថែមស្តីពីពិភពលោក​ធំមួយដែលលោកអ្នកភាគច្រើនបានស្គាល់។ មកដល់ឆ្នាំ2017 Quora.com មានអ្នកប្រើប្រាស់រហូតដល់ 190លានគណនី ក្នុងរយៈពេលមួយខែ លើសឆ្នាំមុនដែលមានតែ 100លានប៉ុណ្ណោះ។ ក្នុងនោះផងដែរ Quora បានបញ្ចេញ iOS Apps របស់ខ្លួនក្នុងឆ្នាំ 2011 និង Android Apps ក្នុងឆ្នាំ2012 ព្រមទាំងមានកម្មវិធីសម្រួលដល់ការប្រើប្រាស់លើវេបសាយរបស់ខ្លួននៅឆ្នាំបន្តបន្ទាប់រហូតដល់ខណៈនេះ។ Quora.com. ត្រូវបានគេចាប់អារម្មណ៍ខ្លាំងកាលពីឆ្នាំមុននេះ គឺ2017 ដែលបណ្តលឲ្យមានការព្យាយាម Hack ពី Hackers ជាច្រើនលើពិភពេលោក។

ថ្មីៗនេះ ក្នុងខែធ្នូ 2018 Quora.com ត្រូវបាន Hack សម្រេច ដោយក្រុម Hackers មួយ (កំពុងស្វែងរកអត្តសញ្ញាណ) ដោយបានហែកចូលលួចយក Password រហូតដល់ 100លានគណនី ក្នុងចំណោមគណនីសរុបចំនួនរហូតដល់ 300លាន (ប្រើប្រាស់រាល់ខែ) ​ដោយបានប្រើប្រាស់នូវវិធីសាស្ត្រមួយ ហៅថា “bcrypt” នេះបើយោងតាមការបង្ហាញរបស់ Quora ផ្ទាល់កាលពីសប្តាហ៍មុន។

តើ “bcrypt” ជាអ្វី?
ជាទូទៅការបញ្ជាក់ ​(Vertification) លើលេខសម្ងាត់គណនី “Password” គឺពឹងផ្អែកលើ Cryptographics hashes ដែលរក្សាទុកលេខសម្ងាត់ជា cleartext។ របៀបនេះគឺមិនសូវមានសុវត្ថិភាពខ្ពស់នោះទេ ដែលតម្រូវឲ្យមានការ Reset លេខសម្ងាត់ជាញឹកញាប់។

“bcript” ជាមុខងារ Hash លេខសម្ងាត់ដែលបង្កើតឡើងដោយលោក នីអ៊ែល ប្រូវ៉ូស (Niels Provos) និងលោក ដេវីត ម៉ាហ្សីយ៉េរ៉េស (David Mazieres) ក្នុងឆ្នាំ 1999។ ជាទូទៅមុខងារ “bcript” នេះ គឺធ្វើឲ្យដំណើរការយឺត។ គេអាចសម្គាល់ថាមាន “bcript” ដោយពាក្យ “$2a$” ឬ​ “$2b$” (ឬ “$2y$”) នៅក្នុង Hash string របស់លេខសម្ងាត់ទាំងឡាយ…ជាដើម ដូចជា៖ $2a$10$N9qo8uLOickgx2ZMRZoMyeIjZAgcf17p921dGxad68LJZdL17lhWy …។ល។

សម្រាប់កិច្ចការដ៏គ្រោះថ្នាក់នេះ Quora បានជូនដំណឹងដល់ម្ចាស់គណនីដែលបាន Hack រួចហើយ ឲ្យមានការផ្លាស់ប្តូរលេខសម្ងាត់ និងដាក់ឲ្យវែងៗបំផុត។ Hacker បានលួចយក លេខលិខិតឆ្លងដែន ទិន្នន័យកាតក្រេឌីត រួមនឹងទិន្នន័យលម្អិតផ្សេងទៀតរបស់អ្នកប្រើប្រាស់ចំនួន 500លាន ឯណោះ។ បច្ចុប្បន្ន Quora កំពុងដុតដៃដុតជើងទប់ទល់ និងស្វែងរកប្រភពដើម្បីកម្ចាត់ការលួចនេះយ៉ាងសស្រាក់សស្រាំបំផុត៕

The post Hackers បានហែកចូល លួចយកលេខសម្ងាត់របស់អ្នកប្រើប្រាស់ដល់ទៅ 100លានគណនី ក្នុងវេបសាយ Quora.com appeared first on ព័ត៌មាន រាមកេរ្តិ៍.

យើងបកទៅមើលព័ត៌មានមួយចំនួនថ្មីៗនេះ បានបញ្ចេញរូបភាពនៃរូបរាងទូរស័ព្ទកប់សេរីរបស់ Samsung S10 ដែលនឹងមិនមានគែមអេក្រង់ទេ ក្នុងឆ្នាំ2019ខាងមុខនេះ។ បើខាង Vivo, Oppo, Xioami និង Honor ព្យាយាមផលិតផលិតផលរបស់ខ្លួន ដោយមានកាម៉េរ៉ាលានចេញមកជាដើម… ព្រោះម្នាក់ៗមិនទាន់ដឹងថាត្រូវដាក់កាម៉េរ៉ានៅទីតាំងកន្លែងណាដែលអាចទៅរួច ជាមួយនឹងអេក្រង់លាតកាន់តែជិត 100%។

ប៉ុន្តែពេលនេះ Nubia’s X របស់ ZTE បានមកជំនួសដំណែងកំពូលពី Samsung និងបណ្តាក្រុមហ៊ុនទូរស័ព្ទផ្សេងទៀតសម្រាប់ប្រភេទអេគ្រង់លាត ​100% យ៉ាងនេះ​ ដោយខ្លួនបានបំពាក់បច្ចេកវិទ្យាកំពូលជាមួយនឹងអេក្រង់បន្ថែមខាងក្រោយមួយទៀត។ ពេលចង់ប្តូរការប្រើប្រាស់អេក្រង់ លោកអ្នកអាចចុចសងខាងលើតួរបស់ទូរស័ព្ទនោះវានឹងប្តូរការប្រើប្រាស់អេក្រង់ពីមុខទៅក្រោយ ឬពីក្រោយមកមុខវិញមិនខាន។ ពិតជាឡូយ គួរឲ្យចង់កាន់វាឆាប់ៗនេះណាស់!

ដើម្បីស្វែងយល់លម្អិតបន្ថែម សូមលោកអ្នកតាមដានវីដេអូខាងក្រោមទាំងអស់គ្នា តោះ!!!

The post កប់ហ្មង!!! អេក្រង់លាត100% កាម៉េរ៉ាភ្លោះ អេក្រង់ក៏ភ្លោះ!!! appeared first on ព័ត៌មាន រាមកេរ្តិ៍.

យើងក៏មិនទាន់ដឹងនៅឡើយថា មូលហេតុអ្វីបានជា Apple នឹងមិនទាន់បំពាក់ 5G លើកំពូលទូរស័ព្ទរបស់ខ្លួនឡើយក្នុងឆ្នាំ 2019 ដែលខិតជិតមកដល់ក្នុងប៉ុន្មានខែខាងមុខ។ យើងនឹងរង់ចាំតាមដាននូវរឿងរ៉ាវដែលទាក់ទងនឹងការពន្យាពេលដ៏យូរអង្វែងនេះ។

កន្លងមកលោកអ្នកបានជ្រាបហើយថា ទូរស័ព្ទលើទីផ្សារបច្ចុប្បន្ន ជាពិសេសផលិតផលដែលផលិតលក់ដោយក្រុមហ៊ុនចិនបាន​វាយលុកទីផ្សារយ៉ាងគំហុកក្នុងរយៈពេលពីរឆ្នាំចុងក្រោយនេះ ដូចជា៖ Oppo, Vivo, Huawei, XioaMi, Honor, ZTE, Zoppo…។ល។ ហើយថ្មីៗនេះក៏លេចចេញមកនូវផលិតផលថ្មីមួយទៀត គឺ Pocophone ផងដែរ។ យើងឃើញថាផលិតផលទាំងនេះ បាន mix បញ្ចូលគ្នារវាងបច្ចេកវិទ្យាចុងក្រោយរបស់ផលិតផល iPhone និង Samsung ជាពិសេសបានបំពាក់នូវកម្មវិធីល្អៗរវាងទូរស័ព្ទនាំមុខពីរប្រភេទនេះ រួមនឹងកម្មវិធីរបស់ខ្លួន បានធ្វើឲ្យកក្រើកទីផ្សារទូរស័ព្ទកន្លងមកដល់ខណៈនេះ ទន្ទឹមគ្នានេះក៏យើងល្បីផងដែរថា iPhone ហាក់ដើរក្រោយគេរហូតតែម្តងលើបច្ចេកវិទ្យា ក្នុងប៉ុន្មានឆ្នាំចុងក្រោយនេះ ទោះផលិតផលស្ថិតក្នុងលំដាប់ Premium ក៏ដោយ។

យោងតាមការបង្ហាញខាងលើនេះ យើងអាចវាយតម្លៃបានថា ស្រួលមិនស្រួល Apple ដើរក្រោយគេទៀត ហើយឆ្ងាយទៀតផង រហូតដល់ 2020 ឯណោះទើបបំពាក់ប្រព័ន្ធ 5G លើផលិតផល iPhone របស់ខ្លួន ដោយ Xioami, Samsung និងទូរស័ព្ទចិនទាំងឡាយដូចបានរៀបរាប់ នឹងបំពាក់ 5G ឆាប់ៗនេះហើយ៕

The post Apple Inc. នឹងបញ្ចេញ 5G iPhone នៅឆ្នាំ2020 ឯណោះ…ដើរយឺតជាងគេហើយ! appeared first on ព័ត៌មាន រាមកេរ្តិ៍.

1. MacBook Air មានទំហំអេក្រង់ 13.3” ប៉ុន្តែគែមដ៏សែនធំរបស់វាពីមុនត្រូវបានលប់ចេញហើយ ដោយ Pixels ពន្លឺប្រើរហូតដល់ 24 (ពីមុនតែ12) ​ផ្តល់នូវ Resolution 4ដងលើសអេក្រង់ពីមុន​ រហូតដល់ 4 លានភិចសែល (Million pixels)។ វាបាននាំមកផងដែរនូវ Touch ID (នៅកាច់ជ្រុងខាងលើស្តាំដៃ ក្បែរ Key F12)។ រីឯសម្លេងក៏ត្រូវបានបង្កើនសមត្ថភាពរហូតដល់ 25% ខ្លាំងជាងមុន កម្រិត Bass បន្ថែមទ្វេរដង។​ល។
* តម្លៃចាប់ពី $1,199។

2. Mac mini ជាម៉ាស៊ីនកុំព្យូទ័រលើតុដែលមានទំហំតូចប៉ុនប្រអប់ដាក់គ្រឿងសំអាងនារីៗ ប៉ុន្តែមានសមត្ថភាពកប់តែម្តង។ វានាំមកនូវខួរក្បាល (Processors) រហូតដល់ 6 Cores បន្ថែមលើ Quad-cores ធ្វើឲ្យ ​Graphics លឿនជាងមុន 60% ឯណោះ ជាមួយនឹងទំហំចងចាំ 64Gb (Memory)។ល។
* តម្លៃចាប់ពី $799 ដល់ $999។

3. iPad Pro ឆ្នាំនេះដូររូបរាង ស្រដៀងទៅ iPad កាលពីចេញជំនាន់ដំបូង។ មិនមានរាងកោងគែមៗទៀតទេ តែទៅជាជ្រុងវិញ ដោយមានកម្រាស់ស្តើងជាងជំនាន់មុនៗទៅទៀត តែ 5.9mm ប៉ុណ្ណោះ (ស្តើងជាងមុន 15%) ជាមួយនឹងអេក្រង់លាតពេញ (សល់គែមតែបន្តិចទេ) មិនមានកន្លែងស្គេនម្រាមដៃលើនោះទេ គឺដូច iPhone X តែម្តង គ្រាន់បើត្រង់ថា មិនឆកក្បាល…។ អេក្រង់វាត្រូវបានហៅថា Liquid Retina ចែកជា 2ជម្រើស (1) ទំហំ 11” និង ​(2) ទំហំ 12.9” (សឹងប៉ុនអេក្រង់របស់ Macbook Air 13.3” ហើយហ្នឹង)។ លក្ខណៈកាន់តែពិសេសសម្រាប់ iPad Pro ជំនាន់នេះ គឺ Apple Pencil ឆក់ជាប់នឹងគែម iPad Pro ដោយសាកថ្ម Wireless តែម្តង ហើយលោកអ្នកក៏អាចសាកទូរស័ព្ទ iPhone ពី iPad Pro នេះបានផងដែរ។ រីឯល្បឿនវាវិញ មិនបាច់និយាយតែម្តង 8 Cores រហូតដល់ 90% លឿនជាងមុន ហើយរន្ធសាកត្រូវបានប្តូរទៅជាប្រភេទ USB-C ព្រមទាំងបំពាក់អង្គផ្ទុកទិន្នន័យរហូតដល់ 1TB ។
* តម្លៃចាប់ពី $799 ដល់ $999។

តើមួយណាដែលលោកអ្នកទន្ទឹងរង់ចាំ? សូមទស្សនាវីដេអូសង្ខេបទាំងអស់គ្នាខាងក្រោម ស្តីពីព្រឹត្តកាណ៍ Apple កាលពីម្សិលមិញ ដូចតទៅ…

Source: Youtube #The Verge #Apple Inc.

The post ក្តៅៗ! មកដល់ទៀតហើយ Apple iPad Pro, MacBook Air, Mac mini appeared first on ព័ត៌មាន រាមកេរ្តិ៍.

លោកអ្នកធ្លាប់បានឃើញសេចក្តីណែនាំ និងវីដេអូឃ្លីបខ្លីៗពីរបៀបនៃការសាកថ្មទូរស័ព្ទក្នុងសៀវភៅណែនាំដែលភ្ជាប់ក្នុងប្រអប់ទូរស័ព្ទស្រាប់ក៏មានដែរ ប៉ុន្តែនិយាយឲ្យត្រង់ទៅអ្នកប្រើប្រាស់ទូរស័ព្ទស្ទើរទាំងអស់ យល់ថាត្រូវសាកថ្មទូរស័ព្ទនោះចំនួន8ម៉ោងពេញ (ពេលទើបទិញ) ទើបអាយុកាលថ្មទូរស័ព្ទនោះបានយូរ។ តាមពិតមិនអញ្ចឹងនោះទេ បើយោងតាមវីដេអូខាងក្រោម ដែល Reamker.com លើកមកបង្ហាញនេះ ឃើញថាអាយុកាលថ្មឧបករណ៍អេឡិចត្រូនិចរបស់លោកអ្នកនឹងឆាប់ស្លាប់ ប្រសិនបើលោកអ្នកមិនបានអនុវត្ត “មិន” ខាងក្រោមនេះ៖

1- មិនត្រូវសាកថ្មទូរស័ព្ទថ្មីរហូតដល់ពេញរយៈ 8ម៉ោង ដូចការយល់ទូទៅនោះទេ តាមពិតទូរស័ព្ទដំណើរការល្អបើវាមានកម្រិតថ្មនៅចន្លោះ 40% ទៅ 80%។ ចឹងពេលទិញទូរស័ព្ទថ្មីមក គឺប្រើតែម្តង (ព្រោះវាត្រូវបានសាកថ្មពីក្រុមហ៊ុនរួចទៅហើយ) បើពេលប្រើកម្រិតថ្មបង្ហាញក្រោម 40% គួរយកទូរស័ព្ទទៅប្តូរយកអាថ្មីមួយទៀតឲ្យហើយទៅព្រោះវាជាសញ្ញាបង្ហាញថាថ្មទូរស័ព្ទហ្នឹងចាស់ ឬមិនល្អនោះទេ។

2- មិនត្រូវប្រើទូរស័ព្ទពេលលោកអ្នកកំពុងសាកថ្មវាឡើយ ព្រោះពេលសម្រាក (ពេលសាកថ្ម)នោះ ទូរស័ព្ទលោកអ្នកប្រហែលជាត្រូវបានកំណត់ឲ្យ update ឬ synchronize អ្វីមួយជាដើម។ ចឹងពេលនោះគឺមានតែបន្ថែមទម្ងន់ឲ្យម៉ាស៊ីនទូរស័ព្ទលោកអ្នកទៅវិញទេ បើលោកអ្នកប្រើកម្មវិធីផ្សេងៗពេលសាកហ្នឹង។

3- មិនត្រូវប្រើប្រដាប់សាកថ្មណាក្រៅពី Adaptor ដែលភ្ជាប់មកជាមួយទូរស័ព្ទនេះឡើយ​។ តែបើចាំបាច់ទៅហើយ មិនអាចជៀសផុត អាចប្រើបណ្តោះអាសន្នមួយគ្រាបាន។ តែទូរស័ព្ទខ្លះ បើគ្មាន Adaptor របស់វាទេ គឺសាកថ្មដោយ Adaptor ផ្សេងមិនបានទេ។

4- មិនត្រូវយល់ថា ការឧស្សាហ៍បិទទូរស័ព្ទអាចធ្វើឲ្យឆាប់ខូចថ្មទូរស័ព្ទលោកអ្នក គឺកុំឲ្យតែបិទទូរស័ព្ទ (មិនបើក) រយៈពេលវែង នឹងវាអាចធ្វើឲ្យខូចមែន។ តែជាទូទៅលោកអ្នកអាចបិទ-បើកទូរស័ព្ទប៉ុន្មានដងក៏បាន។ ជាក់ស្តែង ទូរស័ព្ទមួយចំនួនមានកម្មវិធីបិទ-បើកទូរស័ព្ទដោយស្វ័យប្រវត្តិ ដោយលោកអ្នកអាចកំណត់ម៉ោងបិទ-បើកក៏បាន។

5- មិនត្រូវរង់ចាំដល់ពេលជិតអស់ថ្ម នៅសល់ 2% ឬ5% ទើបសាកវានោះទេ។ លោកអ្នកអាចសាកពេលណាក៏បានឲ្យតែចង់សាក ទោះមានថ្ម 95% ក៏ដោយ។

6- មិនត្រូវសាកទូរស័ព្ទចោលពេញមួយយប់តែម្តងទេ ទោះទូរស័ព្ទមានមុខងារបញ្ឈប់ការសាកថ្មពេលដែលវាពេញក៏ដោយ​ ប៉ុន្តែដូចបានលើកពីខាងលើចឹង គួរឲ្យកម្រិតថ្មខ្ពស់បំផុតត្រឹម 80% និងទាបបំផុត 40%។

7- មិនត្រូវរក្សាទុកទូរស័ព្ទលោកអ្នកក្នុងកន្លែងត្រជាក់ខ្លាំង ឬទូរទឹកកកនោះទេ នេះជាការយល់មិនត្រូវឡើយតាំងពីឆ្នាំ 1980 មក។ អំឡុងឆ្នាំនោះ គឺយល់បែបហ្នឹង តែគួររក្សាទូរស័ព្ទលោកអ្នកក្នុងសីតុណ្ហភាពត្រឹមក្នុងបន្ទប់គេងរបស់លោកអ្នកបានហើយ។

8- មិនត្រូវប្រើកម្មវិធី Task Manager ដែល Download ពី Apple Store ឬ Google Play Thid party ដើម្បីធ្វើឲ្យថ្មទូរស័ព្ទលោកអ្នកកាន់តែប្រើបានយូរនោះឡើយ តែកម្មវិធីនោះវាកាន់តែធ្វើឲ្យស៊ីថ្មទូរស័ព្ទ​លោកអ្នកទៅវិញទេ។

9- មិនត្រូវរក្សាដោតឌុយសាកថ្មទូរស័ព្ទនៅនឹងព្រីភ្លើង ក្រោយពេលសាកថ្មរួចនោះឡើយ។ ត្រូវដកចេញ ក្នុងបំណងសុវត្ថិភាពរួច (Safety first) និងបញ្ចៀសហានិភ័យណាមួយដែលអាចកើតឡើង។ បើមិនបានដកចេញ វាអាចបង្កសម្លេងរំខានក្នុងAdaptorសាកនោះ ឬរឿងរ៉ាវភ្លើងឆេះ…ជាដើម​។

10- មិនត្រូវដោតសាកថ្មរហូតនោះឡើយ ព្រោះអាចបណ្តាលឲ្យឧបករណ៍ឡើងកម្តៅ និងបន្ថយល្បឿនដំណើរការម៉ាស៊ីន។ កុំព្យូទ័រយួរដៃ ​(Laptop) ក៏ដូចគ្នានេះដែរមិនត្រូវដោតខ្សែសាកជាប់រហូតនោះឡើយ តាមពិតពេលថ្មពេញក៏វាឈប់សាកដោយស្វ័យប្រវត្តិដូចតែគ្នាហ្នឹង។

11- មិនត្រូវឲ្យអាយុកាលថ្មទូរស័ព្ទរបស់លោកអ្នកឆាប់ស្លាប់ដោយសារការលេងហ្គេម ឬកម្មវិធីក្រាហ្វិចធំៗរបស់លោកអ្នកឡើយ។ តែបើជៀសមិនបាន លោកអ្នកអាចបន្ថយពន្លឺអេក្រង់ឲ្យកាន់តែច្រើនកាន់តែល្អ​។

12- មិនត្រូវបើក Bluetooth, Wifi ឬ ​GPS ពេលដែលលោកអ្នកអត់ប្រើវា ព្រោះវាអាចធ្វើឲ្យស៊ីថ្មដោយមិនដឹងខ្លួន ហើយអាយុកាលថ្មក៏មិនវែងដែរ៕

សូមតាមដានវីដេអូខាងក្រោមទាំងអស់គ្នា…

The post បើមិនចង់ឲ្យថ្មទូរស័ព្ទឆាប់ខូចទេ…មិនត្រូវធ្វើចំនុចទាំង 12 យ៉ាងនេះ (មានវីដេអូ) appeared first on ព័ត៌មាន រាមកេរ្តិ៍.

ទន្ទឹមនឹងផលិតផល និងសេវាកម្មយ៉ាងច្រើនខាងលើនេះ Google បានបង្កើត Google Pixel ដែលជាផលិតផលអេឡិចត្រូនិចដូចជា Laptop, Tablet, Smartphone ដើរដោយប្រព័ន្ធប្រតិបត្តិការ Chrome (​Chrome OS ឬ Android OS) ក្នុងឆ្នាំ 2013 រហូតមក។ ប៉ុន្មានថ្ងៃមុននេះ Google Pixel ក៏បានបង្ហាញកំពូលស្មាតហ្វូនរបស់ខ្លួនផងដែរ គឺ Pixel 3 ដែលមកជាមួយគ្នានឹង Pixel Slate (+pen) និងHome Hub។ សម្រាប់ការយល់ឃើញរបស់ REAMKER.com គឺថាហាក់ដូចជាមិនមានលក្ខណៈគគ្រឹកគគ្រេង និងចាប់អារម្មណ៍ខ្លាំងពីអ្នកប្រើប្រាស់ប៉ុន្មានឡើយ។ ការបង្ហាញមកនេះ ហាក់មានសភាពស្ងាត់ៗ ស្ងៀមៗ មិនពុះកញ្ជ្រោលអ្វីសោះ ព្រោះផលិតផលដែល Google បញ្ចេញមកពេលនេះ អតិថិជនមានការស៊ាំភ្នែករួចទៅហើយ។ ទូរស័ព្ទ Pixel 3 ក៏មានក្បាលឆក និងស្កេនក្រយ៉ៅដៃពីក្រោយ ដូច Oppo F7 ឬ Vivo ចឹងដែរហ្នឹង។ យើងឃើញថា ផលិតផលគេឈានដល់ស្កេនក្រយ៉ៅដៃលើអេក្រង់ទៅហើយ Pixel 3 ទើបចេញមកហាក់យឺតជាងគេឆ្ងាយណាស់ ទោះគុណភាព Hardware គ្រាន់បើជាង តែ OS ខាងក្នុងក៏ប្រើ Android ដូចតែគ្នាហ្នឹង។ ចឹងបានសួរថា តើបញ្ចេញមកចឹងៗ Google អាចប្រជែងឈ្នះគេដែរអី?

ខាងក្រោមនេះ ជាវីដេអូប្រមាណ 12នាទី ស្តីពីផលិតផលថ្មីរបស់ Google Inc.

The post ស្ងាត់ៗ ទូរស័ព្ទដៃ អែនដ្រយ Google Pixel 3 ក៏មានក្បាលឆក និង ស្កេនក្រយ៉ៅដៃពីក្រោយដែរ appeared first on ព័ត៌មាន រាមកេរ្តិ៍.

1- Microsoft Surface Pro 6
2- Microsoft Surface Laptop 2
3- Microsoft Surface Studio 2 និង
4- Microsoft Headphones (ថ្មីស្រឡាងតែម្តងអាមួយនេះ)

យើងសង្កេតឃើញថា ក្រោយពីចេញផលិតផលរបស់ខ្លួន មួយជំនាន់ទៅមួយជំនាន់ អ្វីដែលអស្ចារ្យសម្រាប់ផលិតផលនិមួយៗ គឺកម្លាំងខួរក្បាល កម្លាំងម៉ាស៊ីន អង្គចងចាំ អង្គផ្ទុកទិន្នន័យ គុណភាពអេក្រង់ ពណ៌អេក្រង់ រូបរាង និងកម្លាំងថ្ម…។ល។ ក៏កាន់តែខ្លាំង និងវិសេសឡើង។

ដូច Surface Pro 6 នេះអញ្ចឹង គឺថាធ្វើឲ្យលោកអ្នកបានប្រើវាកាន់តែជក់ចិត្តនឹងរូបរាង ពណ៌នៃរូបភាពដែលបញ្ចេញពីអេក្រង់វាមក រួមជាមួយនឹងលក្ខណៈពិសេសជាច្រើនទៀត។ សូមតាមដានវីដេអូខាងក្រោមនេះទាំងអស់គ្នា…

ទន្ទឹមនឹង Surface Pro 6 ខាងលើនេះ Surface Laptop ក៏មិនចាញ់គ្នាផងដែរ ជំនាន់ទី2 ក៏បានបង្ហាញខ្លួនយ៉ាងសង្ហារជាមួយអេក្រង់ Touch Screen និងរូបរាងស្តើងគួរឲ្យទាក់ទង។ នៅពេលលោកអ្នកបានប្រើ នឹងកាន់តែមានអារម្មណ៍ស្និទ្ធស្នាលកាន់តែខ្លាំង​… ដូចបានបង្ហាញជូនតាមរយៈវីដេអូខាងក្រោមនេះចឹង…

អីយ៉ាស់! Surface Studio 2 ក៏បង្ហាញខ្លួនដែរ កាន់តែទំនើប ល្បឿនកាន់តែលឿន រូបរាងកាន់តែសង្ហារ ការប្រើប្រាស់កាន់តែរលូនលឿន និងងាយស្រួល ជាមួយនឹងអេក្រង់ធំទូលាយសម្រាប់កិច្ចការងារកាត់តរូបភាព វីដេអូ គូសរូបភាព គំនូរជីវចល និងផ្នែកឌីហ្សាញ…ជាដើម។ អស្ចារ្យទេ? ពេលលោកអ្នកបានទស្សនាវីដេអូបង្ហាញខាងក្រោមនេះ!

Wow!!! ថ្មីថ្មោងតែម្តងនេះ! Microsoft មិនឲ្យចាញ់ក្រុមហ៊ុនដទៃទៀតឡើយ គឺបានបញ្ចេញផលិតផលថ្មីស្រឡាងរបស់ខ្លួនមួយបន្ថែមទៀតក្នុងត្រកូល Surface នោះគឺ Surface Headphones។ ពិតជាពិេសសលើសពិសេសតែម្តង Headphones ឌីជីថលឥតខ្សែរបស់ Microsoft នេះមានរូបរាងស្អាតទាក់ទាញមែនទែនហ្មងណា! មិននិយាយលេងទេ បំពាក់មកជាមួយនឹងបច្ចេកវិទ្យាកាត់បន្ថយសម្លេងរំខាន (Noise Reduction Technology), បច្ចេកវិទ្យាប៉ះឆ្លើយទូរស័ព្ទ (Touch to Answer), សម្លេងពិរោះកប់, ថ្មប្រើបានយូរម៉ោងមែនទែន…។ល។ ចង់ដឹងកាន់តែច្បាស់មុនទិញមកប្រើសូមទស្សនាវីដេអូខាងក្រោមនេះដូចតទៅ…

ខាងក្រោមនេះជា វីដេអូ Highlights ផ្ទាល់ពីក្រុមហ៊ុនយក្ស Microsoft សម្រាប់មហាព្រឹត្តិការណ៍បង្ហាញផលិតផលរបស់ខ្លួនក្នុងខែ តុលា 2018 នេះ សូមអញ្ជើញទស្សនា…

The post Microsoft បញ្ចេញផលិតផលកប់ៗមកហើយ ខែតុលា ឆ្នាំ2018នេះ appeared first on ព័ត៌មាន រាមកេរ្តិ៍.

លក្ខណៈពិសេសរបស់ឧបករណ៍នេះ អាចប្រើជាផ្ទាំងក្តារខៀនធំមួយសម្រាប់កិច្ចប្រជុំបូកសរុបការងារ ដូចបានរៀបរាប់ខាងលើ ដោយល្បឿនលឿនរហ័ស និងបត់បែនសម្រួលតាមចិត្តយើងតែម្តង គឺ Internet, Intranet តាមរយៈប​ច្ចេកវិទ្យា Wifi បានធ្វើឲ្យផលិតផលមួយនេះកាន់តែរស់រវើកមិនគួរឲ្យជឿ។ ជាមួយនឹង Surface Hub 2 នេះ ឲ្យតែមានកន្លែងទំនេរ គឹអាចប្រជុំគ្នាបានហើយទោះបីលោកអ្នកមិននៅជិតគ្នាក៏ដោយ ពិតជាពិសេសរបស់គេមែន៕

សូមទស្សនាវីដេអូខាងក្រោមនេះ…ពិតជាមិនធម្មតាមែន!

The post ជាមួយនឹង Surface Hub 2 របស់ Microsoft កិច្ចការងារលោកអ្នកកាន់តែមានប្រសិទ្ធភាព appeared first on ព័ត៌មាន រាមកេរ្តិ៍.