លើសពីនេះទៀតក្រុមហ៊ុន Huawei ក៏បានចែករំលែក រូបរាង ការរចនា និង បទពិសោធន៍ថ្មី នៅក្នុង ប្រព័ន្ធដំណើរការទាំងមូលរបស់ Harmony OS នៅក្នុងកំនែរ 2.0 នេះដែរ។ អ្វីដែលចាប់អារម្មណ៍នោះគឺ កម្មវិធីដំណើរការរបស់ Android Apps ទាំងអស់អាចដំណើរការជាធម្មតា ហើយកាន់តែលឿន និង រលូនជាងមុន នៅក្នុងការប្រើប្រាស់។ មានន័យថា Android + EMUI នៅលើម៉ូដែលទូរស័ព្ទខាងលើ ត្រូវបានជំនួសដោយ Harmony OS 2.0 + EMUI។

សូមបញ្ជាក់ផងដែរថាក្រុមហ៊ុន Huawei ក៏បានបើកការជ្រើសយកម៉ូដែល Huawei P40, P40 Pro, Mate 30, Mate 30 Pro និង MatePad Pro សម្រាប់កម្មវិធីសាកល្បង ប្រព័ន្ធប្រតិបត្តិការលើស្មាតហ្វូនថ្មី HarmonyOS 2.0 ដូចច្នេះ សំរាប់អ្នកដែលបានប្រើប្រាស់ ម៉ូដែលខាងលើសូមត្រៀមចិត្ត ដើម្បីទទួលយក បទពិសោធន៍ថ្មីនេះ។

នេះបើយោងតាមលោក Wang Chenglu ធ្វើបទបង្ហាញអំពី Harmony OS 2.0។ លោកក៏បានអះអាងផងដែរថា OS ថ្មីនេះក៏នាំមកនូវបទពិសោធន៍ល្អកាន់តែប្រសើរ និង មានភាពងាយស្រួលដល់អ្នកសរសេរកម្មវិធីទាំងអស់ផងដែរ។ សូមបញ្ជាក់ផងដែរថា ក្រុមហ៊ុន Huawei បានប្រកាសថាក្រុមហ៊ុន Harmony OS នឹង ដាក់អោយទាញយកដោយមិនគិតថ្លៃ សំរាប់យកទៅអភិវឌ្ឍន៍បន្ត (Open Source) ដែលទំហំផ្ទុកទិន្នន័យអង្គចងចាំ ១២៨ មេកាបៃ -៤GB នៅក្នុងខែ មេសា ឆ្នាំ ២០២១ ខាងមុខនេះ។ បន្ទាប់ពី ខែ តុលា ឆ្នាំ ២០២១ វានឹងមានទំហំផ្ទុក លើសពី 4GB ឡើងទៅ។ ហើយនៅឆ្នាំ ២០២១ សំរាប់ស្មាតហ្វូន Huawei នឹងទទួលយកប្រព័ន្ធ Harmony OS 2.0 បានយ៉ាងពេញលេញ។

The post មានពត៌មានបែកធ្លាយថា HARMONY OS 2.0 ផ្លូវការថាអាចដំណើរការជាមួយនិង កម្មវិធីរបស់ ANDROID Apps ដោយរលូន appeared first on ព័ត៌មាន រាមកេរ្តិ៍.

ពិតជាអស្ចារ្យណាស់ តាមពិតមិនមែនមានតែក្រុមហ៊ុន Samsung មួយប៉ុណ្ណោះទេ ដែលបានកំពុងសិក្សា និងបញ្ចេញផលិតបែបនេះ ក្នុងនោះក៏មានក្រុមហ៊ុនទូរស័ព្ទ Huawei (ដែលកំពុងរងការវាយប្រហារពីសហរដ្ឋអាមេរិច) ​បានបញ្ចេញអាវុធរបស់ខ្លួនផងដែរ គឺ Huawei Mate X ដោយមានលក្ខណៈគ្រប់គ្រាន់ក្នុងការប្រជែងទីផ្សារជាមួយនឹង Samsung Fold ផងដែរ។ តាមពិតទៅ ក្រុមហ៊ុន Apple Inc. ក៏បានកំពុងតែសិក្សាយូរឆ្នាំផងដែរ លើផលិតផលប្រភេទនេះ គ្រាន់តែថា Apple បច្ចុប្បន្នហាក់មានអំនួតលើផលិតផលខ្លួនឯងពេក ដោយខណៈនេះ ឆ្នាំ​ 2019 ហើយ iPhone ហាក់បំពាក់នូវបច្ចេកវិទ្យាក្រោយគេបន្តិចហើយ ដូចជា៖ ប្រភេទអេក្រង់, កាម៉េរ៉ា, បច្ចេកវិទ្យាដោះសោរដោយស្កេនលើអេក្រង់, បច្ចេកវិទ្យា 5G …ជាដើម។

និយាយទៅ នៅក្នុងឆ្នាំ 2019 នេះ ក្រុមហ៊ុនដែលបញ្ចេញប្រភេទទូរស័ព្ទ Hybrid (ត្រង់នេះ Reamker.com ចង់មានន័យថា ប្រភេទទូរស័ព្ទ រួមនឹងប្រភេទ Table នៅលើឧបករណ៍តែមួយ) មានតែ 2 គឺ៖ Samsung និង Huawei។ យើងរង់ចាំមើល Apple និងក្រុមហ៊ុនផ្សេងទៀត ដូចជា Oppo ឬ Vivo និង Xiaomi …ជាដើម អាចនឹងបញ្ចេញផលិតផលប្រភេទនេះដូ​ចគ្នា ចុងឆ្នាំនេះ ឬដើមឆ្នាំក្រោយ 2020)។

តាមការវិភាគរបស់ ​Reamker.com នៅឆ្នាំ 2021 អាចនឹងមានប្រភេទទូរស័ព្ទ Hybrid ដែលមានរហូតដល់ 3ផ្ទាំងអេក្រង់ខាងក្នុង ដូចរូបខាងក្រោមនេះផងដែរ… សូមរង់ចាំតាមដានទាំងអស់គ្នា៖

ដើម្បីទទួលព័ត៌មានលម្អិតបន្ថែមស្តីពី Samsung Fold សូមទស្សនាវីដេអូដូចខាងក្រោម៖

ដើម្បីទទួលព័ត៌មានលម្អិតបន្ថែមស្តីពី Huawei Mate X សូមទស្សនាវីដេអូដូចខាងក្រោម៖

ដើម្បីទទួលព័ត៌មានលម្អិតបន្ថែមស្តីពី Protoype of iPhone ប្រភេទថ្មី សូមទស្សនាវីដេអូដូចខាងក្រោម៖

The post ពិតជាដល់ពេលហើយ! យុគសម័យ Hybrid Phone បានមកដល់ហើយ appeared first on ព័ត៌មាន រាមកេរ្តិ៍.

លក្ខណៈពិសេសដែលត្រកូលបំពាក់មកជាមួយ មានដូចតទៅ៖
– បំពាក់បច្ចេកវិទ្យា ​UtraSonic សម្រាប់ស្គេនក្រយ៉ៅដៃលើអេក្រង់ (មិនបានបំពាក់លើ Galaxy S10E ទេ) រួមនឹងស្គេនមុខ ប៉ុន្តែមិនមានស្គេនភ្នែក (ដូចលើកមុនទេ)
– ស្គេនក្រយ៉ៅដៃដោះសោរ មាននៅលើប៊ូតុង Power ស្រាប់ (សម្រាប់តែ Galaxy S10E)
– អាវក្រោះការពារ IP68

– អេក្រង់ខាងមុខលាតសន្ធឹងស្ទើរ 100% ដោយមានកាម៉េរ៉ា 1 (S10, S10E) ឬ 2 (S10+)
– ប្រភេទ Ceramic Glass ខាងក្រោយ (សម្រាប់តែ S10+)
– កាម៉េរ៉ាក្រោយ 2 គ្រាប់ (S10E) ឬ 3គ្រាប់ (S10, S10+) និង 4គ្រាប់ (សម្រាប់តែ Galaxy S10+ 5G)
– បច្ចេកវិទ្យាកាត់បន្ថយពន្លឺ សម្រាប់ការពារភ្នែក (កម្រិតពណ៌ និងរូបភាពនៅតែល្អដាច់គេ ជាមួយអេក្រង់ Super Infinity Display screen របស់ខ្លួន)

– Ram រហូតដល់ 8Gb និង Rom ​512Gb (Built-in) សម្រាប់ Galaxy S10+
– Ram រហូតដល់ 6Gb និង Rom ​128Gb (Built-in) សម្រាប់ Galaxy S10E
– Ram រហូតដល់ 12Gb និង Rom ​1,000Gb ឬ 1Tb (Built-in) សម្រាប់ Galaxy S10+ 5G
– អ្វីដែលពិសេសប៉ផុតនោះ គឺអាចប្រើទូរស័ព្ទប្រភេទនេះជា Wireless Charger សម្រាប់ devices ដែលអាចសាកថ្មដោយឥតខ្សែដទៃទៀតបាន។

សម្រាប់តម្លៃទូរស័ព្ទនេះ នៅអន្តរជាតិ៖
– Galaxy S10E តម្លៃប្រមាណ $740
– Galaxy S10 តម្លៃប្រមាណ $940
– Galaxy S10+ តម្លៃប្រមាណ $1040
– Galaxy S10+ 5G មិនទាន់មានតម្លៃ (មិនទាន់ចេញ)៕

The post បច្ចេកវិទ្យាកប់ៗ សម្រាប់គ្រួសារ Galaxy S មកដល់ហើយ appeared first on ព័ត៌មាន រាមកេរ្តិ៍.

ទូរស័ព្ទគំរូសាកល្បងចុងក្រោយគេនេះ អាចជាជម្រើសរបស់ Samsung ក្នុងការផលិត ប៉ុន្តែសម្រាប់ ​Reamker.com បានយល់ឃើញថា៖ “តើអ្នកប្រើប្រាស់មានចំណាប់អារម្មណ៍ចង់ប្រើប្រាស់វាឬទេ? បើរូបរាងវាបែបហ្នឹង ហើយច្រងេងច្រង៉ាងដូច Tablet ចឹងពេលបត់បើកអេក្រង់ខាងក្នុងនោះ។ វាពិតជាពិបាកកាន់ដោយដៃម្ខាងណាស់។​​“ ពិតមែន! គ្រាន់តែឃើញការបង្ហាញគំរូទូរស័ព្ទនេះភ្លាម អារម្មណ៍មួយបានប្រាប់ភ្លាមថា មិនចង់ប្រើវានោះទេ ព្រោះមើលទៅពិបាកកាន់៖

1. ពេលបត់អេក្រង់ចូលគ្នា វាទៅជាមានកម្រាស់ក្រាស់ណាស់។

2. ពេលបើកអេក្រង់លាតខាងក្នុង គឺធំប៉ុន Tablet ពិបាកកាន់ណាស់ លុះត្រាតែដាក់លើតុ។

3. ហាក់ដូចជាវិលទៅរកសម័យប្រើទូរស័ព្ទ NOKIA 9200 ដែលមានអេក្រង់តូច និង Key ចុចពីមុខ ហើយខាងក្នុងបើកមកមានអេក្រង់ទ្រវែង ជាមួយនឹង Keyboard ដូចកុំព្យូទ័រ។ សរុបមកមិនទាន់សម័យទេ។

តើលោកអ្នក ក្រោយទស្សនាហើយ មានអារម្មណ៍យ៉ាងណាដែរ?

The post Samsung បង្ហាញគំរូទូរស័ព្ទប្រភេទថ្មីអាចបត់អេក្រង់បាន “Foldable Infinity Flex Phone” appeared first on ព័ត៌មាន រាមកេរ្តិ៍.

លោកអ្នកអាចថតរូបសត្វចិញ្ចឹម ឬមិត្តភ័ក្តិ ឬទេសភាពណាល្អៗ ស្អាតៗពីការកំសាន្តរបស់លោកអ្នក ដោយគ្រាន់តែថតរូបភាពលក្ខណៈជា Portrait Mode ជាមួយនឹងកាម៉េរ៉ាភ្លោះលើទូរស័ព្ទដ៏ឆ្លាតវៃរបស់លោកអ្នក ពេលនោះលោកអ្នកអាចចែករំលែករូបភាពលើគណនី Facebook ជាលក្ខណៈ 3D ដែលអនុញ្ញាតឲ្យលោកអ្នករំកិល បង្វិលពីឆ្វេងទៅស្តាំ លើទៅក្រោម និងត្រឡប់ទៅមកបានដោយសកម្មភាពយ៉ាងរស់រវើកដូចមានជីវិតក្នុងរូបភាពនោះតែម្តង។ លើសនេះទៀត លោកអ្នកបើកមើលរូបភាពប្រភេទ 3D នេះនៅក្នុង VR ដោយប្រើ Oculus Browser នៅលើ Oculus Go ឬ Firefox នៅលើ Oculus Rift បានផងដែរ។

លោកអ្នកច្បាស់ជាសួរថា ត្រូវធ្វើដូចម្តេចមែនទេ?

ហេតុនេះ Reamker.com សូមលើកយកគន្លឹះនៃការបង្កើតរូបភាព 3D ដូចតទៅ៖

1. បង្កើតជាស្រទាប់រូបភាព (Creating Layers)
សូមបញ្ជាក់ថារូបភាព 3D ត្រូវបានបង្កើតឡើងដោយប្រើ Depth Maps ដែលមាននៅក្នុង “Portait Mode” របស់កាម៉េរ៉ាទូរស័ព្ទ iPhone 7+ ឬ iPhone 8 ឬ iPhone X និង XS ។ រូបភាពដែលមើលទៅល្អ និងស្អាតបំផុតជាលក្ខណៈ 3D ផុសចេញមក គួរត្រូវបានថតក្នុងចម្ងាយប្រមាណ 900mm (9តឹក) ឬ 1200mm (1.20ម៉ែត្រ) ដោយព្យាយាមថតយកជាច្រើនសន្លឹក (ស្រទាប់) នៃជម្រៅពីរូបភាពធៀបនឹងផ្ទៃខាងក្រោយ (Depth) ឧទាហរណ៍ដូចជារូបភាពក្រុមគ្រួសារលោកអ្នកដែលឈរថតក្នុងសួនផ្កា…ជាដើម។

2. ត្រូវរក្សាឲ្យមានពណ៌ផ្ទុយនៃរូបភាព (Keeping Constrast in Mind.)
លោកអ្នកនឹងទទួលបានកម្រិតរូបភាព 3D កាន់តែច្បាស់លាស់ និងអស្ចារ្យ បើរូបភាពនោះមានពណ៌ផ្ទុយ (Constrast Colors) ឧទាហរណ៍ដូចជា មាននរណាម្នាក់ពាក់អាវខៀវកំពុងឈរពីមុខផ្ទាំង(ខាងក្រោយ)ពណ៌ខៀវដែរ ចឹងរូបភាពមិនផុសចេញមកដូចអ្នកពាក់អាវពណ៌ផ្សេងនោះទេ។

3. រូបភាពដែលត្រូវថតគួរមានពណ៌ជាមួយនឹងរូបភាពលើនោះ (Use Texture)
របស់របរ និងវត្ថុសត្វ មនុស្ស ឬអ្វីក៏ដោយដែលត្រូវថតលក្ខណៈ 3D នេះដែលមានពណ៌ជាមួយនឹងរូបភាពលើនោះ នឹងមានកម្រិតគុណភាពរូបភាពល្អជាងរូបភាពដទៃដែលគ្មាន Texture ហ្នឹង ដោយសារតែរូបភាពត្រូវថតមាន​ Texture នោះ មានគែមច្បាស់ ហើយមិនចាំងពេកដែរ។ លើសពីនេះសូមលោកអ្នកកុំព្យាយាមថតរូបភាព 3D ជាមួយនឹងវត្ថុដែលថ្លា ដូចកញ្ចក់នោះអី ជាទូទៅមិនត្រូវបានវិភាគ និងថតជាប់ដោយកាម៉េរ៉ាជំនួយព្រិលផ្ទៃខាងក្រោយ​ (​Depth Sensors) ឡើយ។

ជាធម្មតា នៅក្នុង ​Facebook Apps លើទូរស័ព្ទដៃលោកអ្នក មិនទាន់មានកម្មវិធី 3D នៅឡើយទេ ចឹងសូមតាមដានខាងក្រោមនេះទាំងអស់គ្នា ពីរបៀបបង្កើតរូបភាព 3D លើ Facbook៖

​1. ត្រូវ Search រក Facebook 360 ក្នុងកន្លែង Search ពេលបើក ​Facebook Apps រួច​

2. បន្ទាប់មកចុចលើប៊ូតុង Like របស់គណនី Facebook 360

3. ត្រូវចាកចេញពីកម្មវិធី Facebook Apps នោះឲ្យអស់តែម្តង ដោយលោកអ្នកចូលទៅកាន់ Recent Apps រូចបិទកម្មវិធី ​Facebook Apps ហើយចូលទៅកាន់ Facebook Apps ឡើងវិញ

4. សាកល្បងចុចកន្លែង “What’s on your mind?” ក្នុងបំណង Post អ្វីមួយថ្មី ពេលនោះលោកអ្នកទាញទៅក្រោមនឹងឃើញ Option ថ្មីមួយភ្ជាប់មក ឈ្មោះថា “3D Photo”។ លោកអ្នកគ្រាន់តែចូលទៅជ្រើសរើសរូបភាពណាមួយដែលលោកអ្នកបានថតរួច ដោយទូរស័ព្ទ iPhone កាម៉េរ៉ាភ្លោះរបស់អ្នក ពេលនោះវានឹងបង្ហាញដោយស្វ័យប្រវត្តិនូវរូបភាពលក្ខណៈជា 3D រូចតែម្តងសម្រាប់ការ Preview ហើយលោកអ្នកចុច Next ជាការស្រេច៕

The post មាតិកាដ៏កក្រើករបស់ Facebook និងនៅលើ VR ពេលនេះ គឺ 3D Photos… (របៀបបង្កើត) appeared first on ព័ត៌មាន រាមកេរ្តិ៍.

យើងបកទៅមើលព័ត៌មានមួយចំនួនថ្មីៗនេះ បានបញ្ចេញរូបភាពនៃរូបរាងទូរស័ព្ទកប់សេរីរបស់ Samsung S10 ដែលនឹងមិនមានគែមអេក្រង់ទេ ក្នុងឆ្នាំ2019ខាងមុខនេះ។ បើខាង Vivo, Oppo, Xioami និង Honor ព្យាយាមផលិតផលិតផលរបស់ខ្លួន ដោយមានកាម៉េរ៉ាលានចេញមកជាដើម… ព្រោះម្នាក់ៗមិនទាន់ដឹងថាត្រូវដាក់កាម៉េរ៉ានៅទីតាំងកន្លែងណាដែលអាចទៅរួច ជាមួយនឹងអេក្រង់លាតកាន់តែជិត 100%។

ប៉ុន្តែពេលនេះ Nubia’s X របស់ ZTE បានមកជំនួសដំណែងកំពូលពី Samsung និងបណ្តាក្រុមហ៊ុនទូរស័ព្ទផ្សេងទៀតសម្រាប់ប្រភេទអេគ្រង់លាត ​100% យ៉ាងនេះ​ ដោយខ្លួនបានបំពាក់បច្ចេកវិទ្យាកំពូលជាមួយនឹងអេក្រង់បន្ថែមខាងក្រោយមួយទៀត។ ពេលចង់ប្តូរការប្រើប្រាស់អេក្រង់ លោកអ្នកអាចចុចសងខាងលើតួរបស់ទូរស័ព្ទនោះវានឹងប្តូរការប្រើប្រាស់អេក្រង់ពីមុខទៅក្រោយ ឬពីក្រោយមកមុខវិញមិនខាន។ ពិតជាឡូយ គួរឲ្យចង់កាន់វាឆាប់ៗនេះណាស់!

ដើម្បីស្វែងយល់លម្អិតបន្ថែម សូមលោកអ្នកតាមដានវីដេអូខាងក្រោមទាំងអស់គ្នា តោះ!!!

The post កប់ហ្មង!!! អេក្រង់លាត100% កាម៉េរ៉ាភ្លោះ អេក្រង់ក៏ភ្លោះ!!! appeared first on ព័ត៌មាន រាមកេរ្តិ៍.

យើងក៏មិនទាន់ដឹងនៅឡើយថា មូលហេតុអ្វីបានជា Apple នឹងមិនទាន់បំពាក់ 5G លើកំពូលទូរស័ព្ទរបស់ខ្លួនឡើយក្នុងឆ្នាំ 2019 ដែលខិតជិតមកដល់ក្នុងប៉ុន្មានខែខាងមុខ។ យើងនឹងរង់ចាំតាមដាននូវរឿងរ៉ាវដែលទាក់ទងនឹងការពន្យាពេលដ៏យូរអង្វែងនេះ។

កន្លងមកលោកអ្នកបានជ្រាបហើយថា ទូរស័ព្ទលើទីផ្សារបច្ចុប្បន្ន ជាពិសេសផលិតផលដែលផលិតលក់ដោយក្រុមហ៊ុនចិនបាន​វាយលុកទីផ្សារយ៉ាងគំហុកក្នុងរយៈពេលពីរឆ្នាំចុងក្រោយនេះ ដូចជា៖ Oppo, Vivo, Huawei, XioaMi, Honor, ZTE, Zoppo…។ល។ ហើយថ្មីៗនេះក៏លេចចេញមកនូវផលិតផលថ្មីមួយទៀត គឺ Pocophone ផងដែរ។ យើងឃើញថាផលិតផលទាំងនេះ បាន mix បញ្ចូលគ្នារវាងបច្ចេកវិទ្យាចុងក្រោយរបស់ផលិតផល iPhone និង Samsung ជាពិសេសបានបំពាក់នូវកម្មវិធីល្អៗរវាងទូរស័ព្ទនាំមុខពីរប្រភេទនេះ រួមនឹងកម្មវិធីរបស់ខ្លួន បានធ្វើឲ្យកក្រើកទីផ្សារទូរស័ព្ទកន្លងមកដល់ខណៈនេះ ទន្ទឹមគ្នានេះក៏យើងល្បីផងដែរថា iPhone ហាក់ដើរក្រោយគេរហូតតែម្តងលើបច្ចេកវិទ្យា ក្នុងប៉ុន្មានឆ្នាំចុងក្រោយនេះ ទោះផលិតផលស្ថិតក្នុងលំដាប់ Premium ក៏ដោយ។

យោងតាមការបង្ហាញខាងលើនេះ យើងអាចវាយតម្លៃបានថា ស្រួលមិនស្រួល Apple ដើរក្រោយគេទៀត ហើយឆ្ងាយទៀតផង រហូតដល់ 2020 ឯណោះទើបបំពាក់ប្រព័ន្ធ 5G លើផលិតផល iPhone របស់ខ្លួន ដោយ Xioami, Samsung និងទូរស័ព្ទចិនទាំងឡាយដូចបានរៀបរាប់ នឹងបំពាក់ 5G ឆាប់ៗនេះហើយ៕

The post Apple Inc. នឹងបញ្ចេញ 5G iPhone នៅឆ្នាំ2020 ឯណោះ…ដើរយឺតជាងគេហើយ! appeared first on ព័ត៌មាន រាមកេរ្តិ៍.

កាម៉េរ៉ាទី1 គឺ 8MP Ultra Wide Camera (ទំហំ8ម៉េហ្គាភិចសែល) ដែលអាចចាប់យករូបភាពដូចភ្នែកមនុស្សយើងចឹង រហូតដល់120%ឯណោះ។

កាម៉េរ៉ាទី2 គឺ 10MP Telephoto Camera (ទំហំ10ម៉េហ្គាភិចសែល) ដែលអនុញ្ញាតឲ្យ Optical Zoom រហូតដល់ពីរដង ទោះរូបភាពនៅជិត ឬឆ្ងាយយ៉ាងណាក៏ដោយ។

កាម៉េរ៉ាទី3 គឺរហូតដល់ 24MP Main Camera (ទំហំ24ម៉េហ្គាភិចសែល) មិនឲ្យចាញ់ Selfie (front) Camera របស់ OPPO F7 និង F9 ឡើយ។ មានសមត្ថភាពចាប់យករូបភាពក្នុងគ្រប់កាលៈទេសៈ ទោះមានពន្លឺខ្លាំង ឬខ្សោយក៏ដោយ។

កាម៉េរ៉ាទី4 គឺ 5MP Depth Camera (ទំហំ5ម៉េហ្គាភិចសែល) ដែលបែងចែករូបភាព និងផ្ទៃខាងក្រោមបានយ៉ាងល្អឥតខ្ចោះតែម្តង ថែមទាំងអាចជ្រើសរើសកម្រិតភ្លៀលៗសម្រាប់ផ្ទៃខាងក្រោយ (ដូច Apple Xs, X max, Xr ចឹងដែរ)។

លើសពីកាម៉េរ៉ាទាំង4គ្រាប់ខាងលើនេះ Galaxy A9 បានបំពាក់មកជាមួយនឹងបច្ចេកវិទ្យា Intelligent ក្នុងការចាប់យករូបភាពមកវិភាគដោយខ្លួនឯង ហើយស្គាល់នូវគ្រប់ទម្រង់ រូបភាព និងប្រភេទនៃរូបភាព ដោយមានការជ្រើសរើសកម្រិតពណ៌ទៅតាមបរិបទទាំងនោះយ៉ាងល្អអស់ទាស់តែម្តង។

ជាមួយនឹងអង្គចងចាំរហូតដល់ 6Gb ឬ 8Gb (តាមជម្រើស) Galaxy A9 មានអង្គផ្ទុកទិន្នន័យរហូតដល់ 128Gb ស្រាប់តែម្តង ហើយលោកអ្នកអាចបន្ថែម 512Gb បានដោយមិនទើសទាល់អីទេ។ រីឯកម្លាំងថ្មមានរហូតដល់ទៅ 3,800mAh ជាមួយបច្ចេកវិទ្យាសាកថ្មលឿន។ Samsung នៅតែប្រើប្រភេទអេក្រង់ល្អដាច់គេរបស់ខ្លួន គឺ Super AMOLED Infinity Display ដោយសំបកខាងខ្នងមានពណ៌លាយគ្នា (​Gradient Color) ដូច ​​OPPO, VIVO, Huawei … ដែលនាំអារម្មណ៍លោកអ្នកទៅកាន់ភាពស្រស់ស្អាត មិនស៉ាំភ្នែកតែទៅទៀតឡើយ៕

The post កាម៉េរ៉ាកប់សេរីហ្មង! Galaxy A9 របស់ Samsung ពេលនេះឈរលំដាប់ទី1ហើយ! appeared first on ព័ត៌មាន រាមកេរ្តិ៍.

លោកអ្នកធ្លាប់បានឃើញសេចក្តីណែនាំ និងវីដេអូឃ្លីបខ្លីៗពីរបៀបនៃការសាកថ្មទូរស័ព្ទក្នុងសៀវភៅណែនាំដែលភ្ជាប់ក្នុងប្រអប់ទូរស័ព្ទស្រាប់ក៏មានដែរ ប៉ុន្តែនិយាយឲ្យត្រង់ទៅអ្នកប្រើប្រាស់ទូរស័ព្ទស្ទើរទាំងអស់ យល់ថាត្រូវសាកថ្មទូរស័ព្ទនោះចំនួន8ម៉ោងពេញ (ពេលទើបទិញ) ទើបអាយុកាលថ្មទូរស័ព្ទនោះបានយូរ។ តាមពិតមិនអញ្ចឹងនោះទេ បើយោងតាមវីដេអូខាងក្រោម ដែល Reamker.com លើកមកបង្ហាញនេះ ឃើញថាអាយុកាលថ្មឧបករណ៍អេឡិចត្រូនិចរបស់លោកអ្នកនឹងឆាប់ស្លាប់ ប្រសិនបើលោកអ្នកមិនបានអនុវត្ត “មិន” ខាងក្រោមនេះ៖

1- មិនត្រូវសាកថ្មទូរស័ព្ទថ្មីរហូតដល់ពេញរយៈ 8ម៉ោង ដូចការយល់ទូទៅនោះទេ តាមពិតទូរស័ព្ទដំណើរការល្អបើវាមានកម្រិតថ្មនៅចន្លោះ 40% ទៅ 80%។ ចឹងពេលទិញទូរស័ព្ទថ្មីមក គឺប្រើតែម្តង (ព្រោះវាត្រូវបានសាកថ្មពីក្រុមហ៊ុនរួចទៅហើយ) បើពេលប្រើកម្រិតថ្មបង្ហាញក្រោម 40% គួរយកទូរស័ព្ទទៅប្តូរយកអាថ្មីមួយទៀតឲ្យហើយទៅព្រោះវាជាសញ្ញាបង្ហាញថាថ្មទូរស័ព្ទហ្នឹងចាស់ ឬមិនល្អនោះទេ។

2- មិនត្រូវប្រើទូរស័ព្ទពេលលោកអ្នកកំពុងសាកថ្មវាឡើយ ព្រោះពេលសម្រាក (ពេលសាកថ្ម)នោះ ទូរស័ព្ទលោកអ្នកប្រហែលជាត្រូវបានកំណត់ឲ្យ update ឬ synchronize អ្វីមួយជាដើម។ ចឹងពេលនោះគឺមានតែបន្ថែមទម្ងន់ឲ្យម៉ាស៊ីនទូរស័ព្ទលោកអ្នកទៅវិញទេ បើលោកអ្នកប្រើកម្មវិធីផ្សេងៗពេលសាកហ្នឹង។

3- មិនត្រូវប្រើប្រដាប់សាកថ្មណាក្រៅពី Adaptor ដែលភ្ជាប់មកជាមួយទូរស័ព្ទនេះឡើយ​។ តែបើចាំបាច់ទៅហើយ មិនអាចជៀសផុត អាចប្រើបណ្តោះអាសន្នមួយគ្រាបាន។ តែទូរស័ព្ទខ្លះ បើគ្មាន Adaptor របស់វាទេ គឺសាកថ្មដោយ Adaptor ផ្សេងមិនបានទេ។

4- មិនត្រូវយល់ថា ការឧស្សាហ៍បិទទូរស័ព្ទអាចធ្វើឲ្យឆាប់ខូចថ្មទូរស័ព្ទលោកអ្នក គឺកុំឲ្យតែបិទទូរស័ព្ទ (មិនបើក) រយៈពេលវែង នឹងវាអាចធ្វើឲ្យខូចមែន។ តែជាទូទៅលោកអ្នកអាចបិទ-បើកទូរស័ព្ទប៉ុន្មានដងក៏បាន។ ជាក់ស្តែង ទូរស័ព្ទមួយចំនួនមានកម្មវិធីបិទ-បើកទូរស័ព្ទដោយស្វ័យប្រវត្តិ ដោយលោកអ្នកអាចកំណត់ម៉ោងបិទ-បើកក៏បាន។

5- មិនត្រូវរង់ចាំដល់ពេលជិតអស់ថ្ម នៅសល់ 2% ឬ5% ទើបសាកវានោះទេ។ លោកអ្នកអាចសាកពេលណាក៏បានឲ្យតែចង់សាក ទោះមានថ្ម 95% ក៏ដោយ។

6- មិនត្រូវសាកទូរស័ព្ទចោលពេញមួយយប់តែម្តងទេ ទោះទូរស័ព្ទមានមុខងារបញ្ឈប់ការសាកថ្មពេលដែលវាពេញក៏ដោយ​ ប៉ុន្តែដូចបានលើកពីខាងលើចឹង គួរឲ្យកម្រិតថ្មខ្ពស់បំផុតត្រឹម 80% និងទាបបំផុត 40%។

7- មិនត្រូវរក្សាទុកទូរស័ព្ទលោកអ្នកក្នុងកន្លែងត្រជាក់ខ្លាំង ឬទូរទឹកកកនោះទេ នេះជាការយល់មិនត្រូវឡើយតាំងពីឆ្នាំ 1980 មក។ អំឡុងឆ្នាំនោះ គឺយល់បែបហ្នឹង តែគួររក្សាទូរស័ព្ទលោកអ្នកក្នុងសីតុណ្ហភាពត្រឹមក្នុងបន្ទប់គេងរបស់លោកអ្នកបានហើយ។

8- មិនត្រូវប្រើកម្មវិធី Task Manager ដែល Download ពី Apple Store ឬ Google Play Thid party ដើម្បីធ្វើឲ្យថ្មទូរស័ព្ទលោកអ្នកកាន់តែប្រើបានយូរនោះឡើយ តែកម្មវិធីនោះវាកាន់តែធ្វើឲ្យស៊ីថ្មទូរស័ព្ទ​លោកអ្នកទៅវិញទេ។

9- មិនត្រូវរក្សាដោតឌុយសាកថ្មទូរស័ព្ទនៅនឹងព្រីភ្លើង ក្រោយពេលសាកថ្មរួចនោះឡើយ។ ត្រូវដកចេញ ក្នុងបំណងសុវត្ថិភាពរួច (Safety first) និងបញ្ចៀសហានិភ័យណាមួយដែលអាចកើតឡើង។ បើមិនបានដកចេញ វាអាចបង្កសម្លេងរំខានក្នុងAdaptorសាកនោះ ឬរឿងរ៉ាវភ្លើងឆេះ…ជាដើម​។

10- មិនត្រូវដោតសាកថ្មរហូតនោះឡើយ ព្រោះអាចបណ្តាលឲ្យឧបករណ៍ឡើងកម្តៅ និងបន្ថយល្បឿនដំណើរការម៉ាស៊ីន។ កុំព្យូទ័រយួរដៃ ​(Laptop) ក៏ដូចគ្នានេះដែរមិនត្រូវដោតខ្សែសាកជាប់រហូតនោះឡើយ តាមពិតពេលថ្មពេញក៏វាឈប់សាកដោយស្វ័យប្រវត្តិដូចតែគ្នាហ្នឹង។

11- មិនត្រូវឲ្យអាយុកាលថ្មទូរស័ព្ទរបស់លោកអ្នកឆាប់ស្លាប់ដោយសារការលេងហ្គេម ឬកម្មវិធីក្រាហ្វិចធំៗរបស់លោកអ្នកឡើយ។ តែបើជៀសមិនបាន លោកអ្នកអាចបន្ថយពន្លឺអេក្រង់ឲ្យកាន់តែច្រើនកាន់តែល្អ​។

12- មិនត្រូវបើក Bluetooth, Wifi ឬ ​GPS ពេលដែលលោកអ្នកអត់ប្រើវា ព្រោះវាអាចធ្វើឲ្យស៊ីថ្មដោយមិនដឹងខ្លួន ហើយអាយុកាលថ្មក៏មិនវែងដែរ៕

សូមតាមដានវីដេអូខាងក្រោមទាំងអស់គ្នា…

The post បើមិនចង់ឲ្យថ្មទូរស័ព្ទឆាប់ខូចទេ…មិនត្រូវធ្វើចំនុចទាំង 12 យ៉ាងនេះ (មានវីដេអូ) appeared first on ព័ត៌មាន រាមកេរ្តិ៍.

ទន្ទឹមនឹងផលិតផល និងសេវាកម្មយ៉ាងច្រើនខាងលើនេះ Google បានបង្កើត Google Pixel ដែលជាផលិតផលអេឡិចត្រូនិចដូចជា Laptop, Tablet, Smartphone ដើរដោយប្រព័ន្ធប្រតិបត្តិការ Chrome (​Chrome OS ឬ Android OS) ក្នុងឆ្នាំ 2013 រហូតមក។ ប៉ុន្មានថ្ងៃមុននេះ Google Pixel ក៏បានបង្ហាញកំពូលស្មាតហ្វូនរបស់ខ្លួនផងដែរ គឺ Pixel 3 ដែលមកជាមួយគ្នានឹង Pixel Slate (+pen) និងHome Hub។ សម្រាប់ការយល់ឃើញរបស់ REAMKER.com គឺថាហាក់ដូចជាមិនមានលក្ខណៈគគ្រឹកគគ្រេង និងចាប់អារម្មណ៍ខ្លាំងពីអ្នកប្រើប្រាស់ប៉ុន្មានឡើយ។ ការបង្ហាញមកនេះ ហាក់មានសភាពស្ងាត់ៗ ស្ងៀមៗ មិនពុះកញ្ជ្រោលអ្វីសោះ ព្រោះផលិតផលដែល Google បញ្ចេញមកពេលនេះ អតិថិជនមានការស៊ាំភ្នែករួចទៅហើយ។ ទូរស័ព្ទ Pixel 3 ក៏មានក្បាលឆក និងស្កេនក្រយ៉ៅដៃពីក្រោយ ដូច Oppo F7 ឬ Vivo ចឹងដែរហ្នឹង។ យើងឃើញថា ផលិតផលគេឈានដល់ស្កេនក្រយ៉ៅដៃលើអេក្រង់ទៅហើយ Pixel 3 ទើបចេញមកហាក់យឺតជាងគេឆ្ងាយណាស់ ទោះគុណភាព Hardware គ្រាន់បើជាង តែ OS ខាងក្នុងក៏ប្រើ Android ដូចតែគ្នាហ្នឹង។ ចឹងបានសួរថា តើបញ្ចេញមកចឹងៗ Google អាចប្រជែងឈ្នះគេដែរអី?

ខាងក្រោមនេះ ជាវីដេអូប្រមាណ 12នាទី ស្តីពីផលិតផលថ្មីរបស់ Google Inc.

The post ស្ងាត់ៗ ទូរស័ព្ទដៃ អែនដ្រយ Google Pixel 3 ក៏មានក្បាលឆក និង ស្កេនក្រយ៉ៅដៃពីក្រោយដែរ appeared first on ព័ត៌មាន រាមកេរ្តិ៍.