វាជាប្រភេទហ្គេមបែបប្រជែងគ្នា (Internet Challenge) ទំនើបមួយ “Momo Challenge” គឺជាបីសាចដែលអាចឆក់យកជីវិតអ្នកលេងហ្គេមនេះ ហាក់ដូចជា “Blue Whale” ដែរ ប៉ុន្តែក្នុងនេះវាសាហាវហួសជាងនេះ។ Momo Challenge បានបង្ហាញឲ្យអ្នកលេងវាធ្វើនេះធ្វើនោះតាមការបញ្ជារបស់វា បើមិនធ្វើតាមទេ អ្នកលេងវានឹងទទួលបានការគំរាមកំហែង និងគ្រោះថ្នាក់ដល់ជីវិតខ្លួនឯង ព្រមទាំងក្រុមគ្រួសារ ជាមិនខាន។

ដំបូងឡើយ Momo នេះមានប្រភពមកពី WhatsApp ដែលសរសេរជាសារ ដោយព្យាយាមបញ្ចុះបញ្ចូលមនុស្សម្នាទាក់ទងទៅវាតាមរយៈទូរស័ព្ទ បន្ទាប់មកវាចាប់ផ្តើមបង្កើតការប្រជែង Challenge ជាបន្តបន្ទាប់ចាប់ពីកម្រិតដំបូង (ទី1) រហូតកម្រិតខ្ពស់ឡើងៗ…ដែលអាចឈានដល់ការបញ្ជាឲ្យអ្នកលេងវា ចាប់កាន់កាំបិត ឬអ្វីផ្សេងៗ ដើម្បីយកមកធ្វើនេះធ្វើនោះលើខ្លួនឯង ក្នុងនោះឈានដល់ការឲ្យអារដៃជើង អារក ចងក ….សម្លាប់ខ្លួនតែម្តង។ គិតមកត្រឹមខែកញ្ញា 2018 លេខទូរស័ព្ទស្ទើរតែទាំងអស់របស់ Momo ត្រូវបានបិទ ឬក្រៅតំបន់សេវា (មិនអាចទាក់ទងបាន) … ព្រោះទាំងនេះត្រូវបានកំពុងតាមដានដោយក្រុមប៉ូលីសអន្តរជាតិ ត្បិតការផ្តោតសំខាន់របស់ Momo Challenge ទំនងមានគោលដៅទៅលើក្មេងៗ ដែលសុទ្ធសឹងជាការបារម្ភយ៉ាងខ្លាំងបំផុតរបស់មាតាបិតាគ្រប់រូប។

រូបភាពតំណាងតួអង្គ Momo ត្រូវបានម្ចាស់គណនីប្រើប្រាស់តាមរូបភាពដែលគេសូនឡើងពីក្រមួនមានឈ្មោះថា Ubume ដែលជាផលិតផលរបស់ Keisuke Aisawa ដែលគេរចនាឡើងក្នុងរោងចក្រ Link Factory ប៉ុន្តែខាងរោងចក្រផលិតផលិតផលនេះ ច្រានចោលទាំងស្រុង ហើយបញ្ជាក់ថាមិនមានពាក់ពិនក្នុង “Momo Challenge” នេះទេ។ តាមពិតរូបនេះបានផុសតាំងពីឆ្នាំ 2016 គឺនៅពេលដែលរូបនេះបានផ្សព្វផ្សាយជាលើកដំបូង ជាមួយនឹងលក្ខណៈសម្គាល់ដូចជា៖ ភ្នែកធំខ្លាំងស្ទើរលានចេញក្រៅ, មាត់ស្រួចវែង (ដូចចំពុះសត្វស្លាប) ដែលមានឈ្មោះថា “Mother Bird” តួខ្លួន និងជើងដូចជាសត្វមាន់ តែមានសុដន់ដូចមនុស្ស ក្បាលទំពែកឬឆកខ្លាំង។ រូបភាពនេះត្រូវបានគេរចនាឡើង ដោយពង្រីកភ្នែក ទាញមាត់ឲ្យវែង កាត់ខ្លួនឲ្យខ្លី ថែមជើងមាន់ និងសុដន់ ហើយអ្នករចនាវាមានឈ្មោះថា Midori Hayashi ជនជាតិជប៉ុន។ តាមពិតទៅវាជារូបក្រមួនសូនឡើងដែលខូចតែប៉ុណ្ណោះ បើតាមការអះអាងរបស់ Hayshi។

សម្រាប់វិធានការទប់ស្កាត់ គឺមាតាបិតាត្រូវហៅកូនៗមកសួរនាំពីរឿងទាក់ទងនឹង Momo Challenge នេះឲ្យទាន់ពេលវេលា និងជជីកសួរនាំឲ្យខ្លាំងមែនទែន មុនពេលវាមិនទាន់ហួសពេល ព្រោះក្មេងៗដែលជាអ្នកលេងហ្គេមនេះបានសន្យារួចហើយ នឹងMomo មិនឲ្យនរណាម្នាក់ដឹងរឿងដែលកំពុងធ្វើជាមួយវានេះឡើយ ទោះបីជាឪពុកម្តាយក៏ដោយ។ ក្រោយសួរនាំហើយ ត្រូវព្យាយាមពន្យល់ថា Momo Challenge គ្រាន់តែជាហ្គេមបែបឃោរឃៅមួយប៉ុណ្ណោះ មិនត្រូវជឿលើវា ហើយឈប់លែងជាបន្ទាន់ វាគ្មានរឿងអីកើតឡើងដូច បីសាច Momo នោះសន្យានឹងកូនឡើយ៕

សូមទស្សនាវីដេអូឃ្លីបសង្ខេបសាច់រឿងស្តីពី “Momo Challenge” ដូចខាងក្រោម៖

ខាងក្រោមនេះ ជារូបក្រមួនសូនឡើងដោយ Midori Hayashi ផ្សេងៗទៀត៖

The post រឿងគួរបារម្ភបំផុត! បីសាច Momo ចាប់ផ្តើមពង្រីកឥទ្ធិពលរបស់ខ្លួនក្នុងប្រព័ន្ធផ្សព្វផ្សាយ appeared first on ព័ត៌មាន រាមកេរ្តិ៍.

ពិតជាអស្ចារ្យណាស់ តាមពិតមិនមែនមានតែក្រុមហ៊ុន Samsung មួយប៉ុណ្ណោះទេ ដែលបានកំពុងសិក្សា និងបញ្ចេញផលិតបែបនេះ ក្នុងនោះក៏មានក្រុមហ៊ុនទូរស័ព្ទ Huawei (ដែលកំពុងរងការវាយប្រហារពីសហរដ្ឋអាមេរិច) ​បានបញ្ចេញអាវុធរបស់ខ្លួនផងដែរ គឺ Huawei Mate X ដោយមានលក្ខណៈគ្រប់គ្រាន់ក្នុងការប្រជែងទីផ្សារជាមួយនឹង Samsung Fold ផងដែរ។ តាមពិតទៅ ក្រុមហ៊ុន Apple Inc. ក៏បានកំពុងតែសិក្សាយូរឆ្នាំផងដែរ លើផលិតផលប្រភេទនេះ គ្រាន់តែថា Apple បច្ចុប្បន្នហាក់មានអំនួតលើផលិតផលខ្លួនឯងពេក ដោយខណៈនេះ ឆ្នាំ​ 2019 ហើយ iPhone ហាក់បំពាក់នូវបច្ចេកវិទ្យាក្រោយគេបន្តិចហើយ ដូចជា៖ ប្រភេទអេក្រង់, កាម៉េរ៉ា, បច្ចេកវិទ្យាដោះសោរដោយស្កេនលើអេក្រង់, បច្ចេកវិទ្យា 5G …ជាដើម។

និយាយទៅ នៅក្នុងឆ្នាំ 2019 នេះ ក្រុមហ៊ុនដែលបញ្ចេញប្រភេទទូរស័ព្ទ Hybrid (ត្រង់នេះ Reamker.com ចង់មានន័យថា ប្រភេទទូរស័ព្ទ រួមនឹងប្រភេទ Table នៅលើឧបករណ៍តែមួយ) មានតែ 2 គឺ៖ Samsung និង Huawei។ យើងរង់ចាំមើល Apple និងក្រុមហ៊ុនផ្សេងទៀត ដូចជា Oppo ឬ Vivo និង Xiaomi …ជាដើម អាចនឹងបញ្ចេញផលិតផលប្រភេទនេះដូ​ចគ្នា ចុងឆ្នាំនេះ ឬដើមឆ្នាំក្រោយ 2020)។

តាមការវិភាគរបស់ ​Reamker.com នៅឆ្នាំ 2021 អាចនឹងមានប្រភេទទូរស័ព្ទ Hybrid ដែលមានរហូតដល់ 3ផ្ទាំងអេក្រង់ខាងក្នុង ដូចរូបខាងក្រោមនេះផងដែរ… សូមរង់ចាំតាមដានទាំងអស់គ្នា៖

ដើម្បីទទួលព័ត៌មានលម្អិតបន្ថែមស្តីពី Samsung Fold សូមទស្សនាវីដេអូដូចខាងក្រោម៖

ដើម្បីទទួលព័ត៌មានលម្អិតបន្ថែមស្តីពី Huawei Mate X សូមទស្សនាវីដេអូដូចខាងក្រោម៖

ដើម្បីទទួលព័ត៌មានលម្អិតបន្ថែមស្តីពី Protoype of iPhone ប្រភេទថ្មី សូមទស្សនាវីដេអូដូចខាងក្រោម៖

The post ពិតជាដល់ពេលហើយ! យុគសម័យ Hybrid Phone បានមកដល់ហើយ appeared first on ព័ត៌មាន រាមកេរ្តិ៍.

លក្ខណៈពិសេសដែលត្រកូលបំពាក់មកជាមួយ មានដូចតទៅ៖
– បំពាក់បច្ចេកវិទ្យា ​UtraSonic សម្រាប់ស្គេនក្រយ៉ៅដៃលើអេក្រង់ (មិនបានបំពាក់លើ Galaxy S10E ទេ) រួមនឹងស្គេនមុខ ប៉ុន្តែមិនមានស្គេនភ្នែក (ដូចលើកមុនទេ)
– ស្គេនក្រយ៉ៅដៃដោះសោរ មាននៅលើប៊ូតុង Power ស្រាប់ (សម្រាប់តែ Galaxy S10E)
– អាវក្រោះការពារ IP68

– អេក្រង់ខាងមុខលាតសន្ធឹងស្ទើរ 100% ដោយមានកាម៉េរ៉ា 1 (S10, S10E) ឬ 2 (S10+)
– ប្រភេទ Ceramic Glass ខាងក្រោយ (សម្រាប់តែ S10+)
– កាម៉េរ៉ាក្រោយ 2 គ្រាប់ (S10E) ឬ 3គ្រាប់ (S10, S10+) និង 4គ្រាប់ (សម្រាប់តែ Galaxy S10+ 5G)
– បច្ចេកវិទ្យាកាត់បន្ថយពន្លឺ សម្រាប់ការពារភ្នែក (កម្រិតពណ៌ និងរូបភាពនៅតែល្អដាច់គេ ជាមួយអេក្រង់ Super Infinity Display screen របស់ខ្លួន)

– Ram រហូតដល់ 8Gb និង Rom ​512Gb (Built-in) សម្រាប់ Galaxy S10+
– Ram រហូតដល់ 6Gb និង Rom ​128Gb (Built-in) សម្រាប់ Galaxy S10E
– Ram រហូតដល់ 12Gb និង Rom ​1,000Gb ឬ 1Tb (Built-in) សម្រាប់ Galaxy S10+ 5G
– អ្វីដែលពិសេសប៉ផុតនោះ គឺអាចប្រើទូរស័ព្ទប្រភេទនេះជា Wireless Charger សម្រាប់ devices ដែលអាចសាកថ្មដោយឥតខ្សែដទៃទៀតបាន។

សម្រាប់តម្លៃទូរស័ព្ទនេះ នៅអន្តរជាតិ៖
– Galaxy S10E តម្លៃប្រមាណ $740
– Galaxy S10 តម្លៃប្រមាណ $940
– Galaxy S10+ តម្លៃប្រមាណ $1040
– Galaxy S10+ 5G មិនទាន់មានតម្លៃ (មិនទាន់ចេញ)៕

The post បច្ចេកវិទ្យាកប់ៗ សម្រាប់គ្រួសារ Galaxy S មកដល់ហើយ appeared first on ព័ត៌មាន រាមកេរ្តិ៍.

Quora បានពីពាក្យ “Quorum” មានន័យថាកន្លែងប្រមូលផ្តុុំមតិសាធារណៈ ហើយវាជាកន្លែងមួយសម្រាប់ចែករំលែកចំណេះដឹង និងការយល់ដឹងបន្ថែមស្តីពីពិភពលោក​ធំមួយដែលលោកអ្នកភាគច្រើនបានស្គាល់។ មកដល់ឆ្នាំ2017 Quora.com មានអ្នកប្រើប្រាស់រហូតដល់ 190លានគណនី ក្នុងរយៈពេលមួយខែ លើសឆ្នាំមុនដែលមានតែ 100លានប៉ុណ្ណោះ។ ក្នុងនោះផងដែរ Quora បានបញ្ចេញ iOS Apps របស់ខ្លួនក្នុងឆ្នាំ 2011 និង Android Apps ក្នុងឆ្នាំ2012 ព្រមទាំងមានកម្មវិធីសម្រួលដល់ការប្រើប្រាស់លើវេបសាយរបស់ខ្លួននៅឆ្នាំបន្តបន្ទាប់រហូតដល់ខណៈនេះ។ Quora.com. ត្រូវបានគេចាប់អារម្មណ៍ខ្លាំងកាលពីឆ្នាំមុននេះ គឺ2017 ដែលបណ្តលឲ្យមានការព្យាយាម Hack ពី Hackers ជាច្រើនលើពិភពេលោក។

ថ្មីៗនេះ ក្នុងខែធ្នូ 2018 Quora.com ត្រូវបាន Hack សម្រេច ដោយក្រុម Hackers មួយ (កំពុងស្វែងរកអត្តសញ្ញាណ) ដោយបានហែកចូលលួចយក Password រហូតដល់ 100លានគណនី ក្នុងចំណោមគណនីសរុបចំនួនរហូតដល់ 300លាន (ប្រើប្រាស់រាល់ខែ) ​ដោយបានប្រើប្រាស់នូវវិធីសាស្ត្រមួយ ហៅថា “bcrypt” នេះបើយោងតាមការបង្ហាញរបស់ Quora ផ្ទាល់កាលពីសប្តាហ៍មុន។

តើ “bcrypt” ជាអ្វី?
ជាទូទៅការបញ្ជាក់ ​(Vertification) លើលេខសម្ងាត់គណនី “Password” គឺពឹងផ្អែកលើ Cryptographics hashes ដែលរក្សាទុកលេខសម្ងាត់ជា cleartext។ របៀបនេះគឺមិនសូវមានសុវត្ថិភាពខ្ពស់នោះទេ ដែលតម្រូវឲ្យមានការ Reset លេខសម្ងាត់ជាញឹកញាប់។

“bcript” ជាមុខងារ Hash លេខសម្ងាត់ដែលបង្កើតឡើងដោយលោក នីអ៊ែល ប្រូវ៉ូស (Niels Provos) និងលោក ដេវីត ម៉ាហ្សីយ៉េរ៉េស (David Mazieres) ក្នុងឆ្នាំ 1999។ ជាទូទៅមុខងារ “bcript” នេះ គឺធ្វើឲ្យដំណើរការយឺត។ គេអាចសម្គាល់ថាមាន “bcript” ដោយពាក្យ “$2a$” ឬ​ “$2b$” (ឬ “$2y$”) នៅក្នុង Hash string របស់លេខសម្ងាត់ទាំងឡាយ…ជាដើម ដូចជា៖ $2a$10$N9qo8uLOickgx2ZMRZoMyeIjZAgcf17p921dGxad68LJZdL17lhWy …។ល។

សម្រាប់កិច្ចការដ៏គ្រោះថ្នាក់នេះ Quora បានជូនដំណឹងដល់ម្ចាស់គណនីដែលបាន Hack រួចហើយ ឲ្យមានការផ្លាស់ប្តូរលេខសម្ងាត់ និងដាក់ឲ្យវែងៗបំផុត។ Hacker បានលួចយក លេខលិខិតឆ្លងដែន ទិន្នន័យកាតក្រេឌីត រួមនឹងទិន្នន័យលម្អិតផ្សេងទៀតរបស់អ្នកប្រើប្រាស់ចំនួន 500លាន ឯណោះ។ បច្ចុប្បន្ន Quora កំពុងដុតដៃដុតជើងទប់ទល់ និងស្វែងរកប្រភពដើម្បីកម្ចាត់ការលួចនេះយ៉ាងសស្រាក់សស្រាំបំផុត៕

The post Hackers បានហែកចូល លួចយកលេខសម្ងាត់របស់អ្នកប្រើប្រាស់ដល់ទៅ 100លានគណនី ក្នុងវេបសាយ Quora.com appeared first on ព័ត៌មាន រាមកេរ្តិ៍.

នៅក្នុងផ្នែកវិទ្យាសាស្ត្រកុំព្យូទ័រ ការស្រាវជ្រាវពី AI ត្រូវបានឲ្យនិយមន័យថា ជាការសិក្សាស្តីពី “ភ្នាក់ងារដ៏ឆ្លាតវៃ (Intelligent Agents)” លើឧបករណ៍ទាំងឡាយដែលទទួលនូវបរិបទថ្មីនេះ ដើម្បីធ្វើឲ្យមានភាពកំពូលខ្លាំងអស្ចារ្យបំផុតសម្រាប់គោលដៅរបស់ខ្លួន។

បើយើងក្រឡេកមកវិភាគពីវិសាលភាពរបស់ AI ឃើញថា៖ ក្នុងនាមជាម៉ាស៊ីនដែលកាន់តែមានសមត្ថភាពអស្ចារ្យឡើងៗដោយប្រើភាពឆ្លាតវៃរបស់ខ្លួននោះ តែងតែត្រូវបានគេមិនបង្ហាញពីផលវិបាក (AI Effect) វានោះទេ។ ភាគច្រើន AI ត្រូវបានគេប្រើក្នុងទំនាក់ទំនងរវាងមនុស្ស និងចិត្តមនុស្ស ដូចជាការសិក្សាបន្ថែម និងការដោះស្រាយបញ្ហា…ជាដើម។ សមត្ថភាពម៉ាស៊ីនទំនើបនាពេលបច្ចុប្បន្ននេះ ត្រូវបានគេចាត់ថ្នាក់ជា AI ដែលបានរួមបញ្ចូលនូវការយល់ដឹងដ៏ជោគជ័យមួយលើការនិយាយរបស់មនុស្សយើង មានដូចជា៖ កម្រិតខ្ពស់នៃប្រព័ន្ធហ្គេម (Strategic Game Systems), រថយន្តដំណើរការដោយស្វ័យប្រវត្តិ និងបណ្តាញចែកចាយអត្ថបទទាំងឡាយ ព្រមទាំងជួយសម្រួលខ្លាំងដល់ផ្នែកទាហានផងដែរ។

AI ត្រូវបានគេរកឃើញតាំងពីឆ្នាំ 1956 មកម៉្លេះ ទើបតែបច្ចុប្បន្នក្នុងប៉ុន្មានឆ្នាំចុងក្រោយនេះ ឃើញថា ​AI បានលេចធ្លោរមែនទែន រកតែតាមសឹងមិនទាន់។ លើសពីអ្វីដែលបានរៀបរាប់ខាងលើ AI ត្រូវបានក្លាយជាអាវុធដ៏ចាំបាច់បំផុតសម្រាប់បង្កើតអ្វីក៏ដោយដែលមានលក្ខណៈជា “Robotics” ឬ ​“Machine Learning”។

ថ្មីៗ កាលពីសប្តាហ៍មុននេះ China Xinhua News បានបោះជំហានមុនគេ ក្នុងការប្រើ AI សម្រាប់កម្មវិធីទូរទស្សន៍របស់ខ្លួន ដោយអ្នកនិយាយព័ត៌មានមិនមែនជាមនុស្សពិតនោះទេ គឺប្រើ Human AI ដែលមានមុខមាត់ កាយវិការ ចលនាមាត់ មុខ ភ្នែក…សព្វយ៉ាង បានមកពីរូបមនុស្សពិត (អ្នកនិយាយព័ត៌មាន)។ ពេលមើលទៅ ហាក់ដូចជារូបមនុស្សពិតៗតែម្តង។

ក្រោយពីទស្សនាវីដេអូខាងក្រោមនេះរួច លោកអ្នកយល់យ៉ាងណាដែរ សម្រាប់វត្តមាន AI ពេលនេះ និងទៅអនាគត?

ខាងក្រោមនេះ Reamker.com សូមលើកមកបង្ហាញលោកអ្នកពី Robotics AI technology ដែលកំពុងមានវត្តមានលើពិភពលោកយើងនេះ៖

The post តើបច្ចេកវិទ្យា AI (Artificial Intelligence) ពិតជានឹងជំនួសមនុស្សនាពេលអនាគតដ៏ឆាប់នេះមែនទេ? appeared first on ព័ត៌មាន រាមកេរ្តិ៍.

លោកអ្នកអាចថតរូបសត្វចិញ្ចឹម ឬមិត្តភ័ក្តិ ឬទេសភាពណាល្អៗ ស្អាតៗពីការកំសាន្តរបស់លោកអ្នក ដោយគ្រាន់តែថតរូបភាពលក្ខណៈជា Portrait Mode ជាមួយនឹងកាម៉េរ៉ាភ្លោះលើទូរស័ព្ទដ៏ឆ្លាតវៃរបស់លោកអ្នក ពេលនោះលោកអ្នកអាចចែករំលែករូបភាពលើគណនី Facebook ជាលក្ខណៈ 3D ដែលអនុញ្ញាតឲ្យលោកអ្នករំកិល បង្វិលពីឆ្វេងទៅស្តាំ លើទៅក្រោម និងត្រឡប់ទៅមកបានដោយសកម្មភាពយ៉ាងរស់រវើកដូចមានជីវិតក្នុងរូបភាពនោះតែម្តង។ លើសនេះទៀត លោកអ្នកបើកមើលរូបភាពប្រភេទ 3D នេះនៅក្នុង VR ដោយប្រើ Oculus Browser នៅលើ Oculus Go ឬ Firefox នៅលើ Oculus Rift បានផងដែរ។

លោកអ្នកច្បាស់ជាសួរថា ត្រូវធ្វើដូចម្តេចមែនទេ?

ហេតុនេះ Reamker.com សូមលើកយកគន្លឹះនៃការបង្កើតរូបភាព 3D ដូចតទៅ៖

1. បង្កើតជាស្រទាប់រូបភាព (Creating Layers)
សូមបញ្ជាក់ថារូបភាព 3D ត្រូវបានបង្កើតឡើងដោយប្រើ Depth Maps ដែលមាននៅក្នុង “Portait Mode” របស់កាម៉េរ៉ាទូរស័ព្ទ iPhone 7+ ឬ iPhone 8 ឬ iPhone X និង XS ។ រូបភាពដែលមើលទៅល្អ និងស្អាតបំផុតជាលក្ខណៈ 3D ផុសចេញមក គួរត្រូវបានថតក្នុងចម្ងាយប្រមាណ 900mm (9តឹក) ឬ 1200mm (1.20ម៉ែត្រ) ដោយព្យាយាមថតយកជាច្រើនសន្លឹក (ស្រទាប់) នៃជម្រៅពីរូបភាពធៀបនឹងផ្ទៃខាងក្រោយ (Depth) ឧទាហរណ៍ដូចជារូបភាពក្រុមគ្រួសារលោកអ្នកដែលឈរថតក្នុងសួនផ្កា…ជាដើម។

2. ត្រូវរក្សាឲ្យមានពណ៌ផ្ទុយនៃរូបភាព (Keeping Constrast in Mind.)
លោកអ្នកនឹងទទួលបានកម្រិតរូបភាព 3D កាន់តែច្បាស់លាស់ និងអស្ចារ្យ បើរូបភាពនោះមានពណ៌ផ្ទុយ (Constrast Colors) ឧទាហរណ៍ដូចជា មាននរណាម្នាក់ពាក់អាវខៀវកំពុងឈរពីមុខផ្ទាំង(ខាងក្រោយ)ពណ៌ខៀវដែរ ចឹងរូបភាពមិនផុសចេញមកដូចអ្នកពាក់អាវពណ៌ផ្សេងនោះទេ។

3. រូបភាពដែលត្រូវថតគួរមានពណ៌ជាមួយនឹងរូបភាពលើនោះ (Use Texture)
របស់របរ និងវត្ថុសត្វ មនុស្ស ឬអ្វីក៏ដោយដែលត្រូវថតលក្ខណៈ 3D នេះដែលមានពណ៌ជាមួយនឹងរូបភាពលើនោះ នឹងមានកម្រិតគុណភាពរូបភាពល្អជាងរូបភាពដទៃដែលគ្មាន Texture ហ្នឹង ដោយសារតែរូបភាពត្រូវថតមាន​ Texture នោះ មានគែមច្បាស់ ហើយមិនចាំងពេកដែរ។ លើសពីនេះសូមលោកអ្នកកុំព្យាយាមថតរូបភាព 3D ជាមួយនឹងវត្ថុដែលថ្លា ដូចកញ្ចក់នោះអី ជាទូទៅមិនត្រូវបានវិភាគ និងថតជាប់ដោយកាម៉េរ៉ាជំនួយព្រិលផ្ទៃខាងក្រោយ​ (​Depth Sensors) ឡើយ។

ជាធម្មតា នៅក្នុង ​Facebook Apps លើទូរស័ព្ទដៃលោកអ្នក មិនទាន់មានកម្មវិធី 3D នៅឡើយទេ ចឹងសូមតាមដានខាងក្រោមនេះទាំងអស់គ្នា ពីរបៀបបង្កើតរូបភាព 3D លើ Facbook៖

​1. ត្រូវ Search រក Facebook 360 ក្នុងកន្លែង Search ពេលបើក ​Facebook Apps រួច​

2. បន្ទាប់មកចុចលើប៊ូតុង Like របស់គណនី Facebook 360

3. ត្រូវចាកចេញពីកម្មវិធី Facebook Apps នោះឲ្យអស់តែម្តង ដោយលោកអ្នកចូលទៅកាន់ Recent Apps រូចបិទកម្មវិធី ​Facebook Apps ហើយចូលទៅកាន់ Facebook Apps ឡើងវិញ

4. សាកល្បងចុចកន្លែង “What’s on your mind?” ក្នុងបំណង Post អ្វីមួយថ្មី ពេលនោះលោកអ្នកទាញទៅក្រោមនឹងឃើញ Option ថ្មីមួយភ្ជាប់មក ឈ្មោះថា “3D Photo”។ លោកអ្នកគ្រាន់តែចូលទៅជ្រើសរើសរូបភាពណាមួយដែលលោកអ្នកបានថតរួច ដោយទូរស័ព្ទ iPhone កាម៉េរ៉ាភ្លោះរបស់អ្នក ពេលនោះវានឹងបង្ហាញដោយស្វ័យប្រវត្តិនូវរូបភាពលក្ខណៈជា 3D រូចតែម្តងសម្រាប់ការ Preview ហើយលោកអ្នកចុច Next ជាការស្រេច៕

The post មាតិកាដ៏កក្រើករបស់ Facebook និងនៅលើ VR ពេលនេះ គឺ 3D Photos… (របៀបបង្កើត) appeared first on ព័ត៌មាន រាមកេរ្តិ៍.

លោក Mark Zuckerberg មានការប្រតិកម្មយ៉ាងខ្លាំងទៅនឹងពាក្យសម្ពីរបស់លោក Tim Cook។ លោក Mark បន្ថែមថា “យើងបានជំរុញក្រុមការងារ និងបុគ្គលិកឲ្យប្រើ ​Android យូរមកហើយ ដោយវាជា OS ដ៏ពេញនិយមបំផុតក្នុងពិភពលោកយើងនេះ” ក្នុងន័យតបទៅវិញតាមរយៈ the New York Times។ គួររំលឹកផងដែរថា Android ជា OS ដែលនិយមប្រើលើពិភពលោក រួមមានទ្វីបអាហ្វ្រិច អាមេរិចខាងត្បូង អឺរ៉ុប រុស្សី អាស៊ី…ជាដើម តែក្រៅពីសហរដ្ឋអាមេរិច។

ដូចគ្នានេះផងដែរ ក្រុមហ៊ុនបច្ចេកវិទ្យាជាច្រើន ជាក់ស្តែងក្រុមហ៊ុន Snap បានជំរុញយ៉ាងខ្លាំងក្លាផងដែរឲ្យបុគ្គលិកខ្លួនប្រើទូរស័ព្ទដំណើរការដោយ Android។ ប៉ុន្តែមើលទៅហាក់បុគ្គលិកបំពេញការងារផ្នែកបច្ចេកវិទ្យាប្រើទូរស័ព្ទប្រភេទ ​Android នេះមិនច្រើននោះទេ។

The post លោក Mark Zuckerberg បានបញ្ជាគ្រប់ប្រធានផ្នែក Facebook ទាំងអស់ប្រើទូរស័ព្ទដៃ Android appeared first on ព័ត៌មាន រាមកេរ្តិ៍.

យើងបកទៅមើលព័ត៌មានមួយចំនួនថ្មីៗនេះ បានបញ្ចេញរូបភាពនៃរូបរាងទូរស័ព្ទកប់សេរីរបស់ Samsung S10 ដែលនឹងមិនមានគែមអេក្រង់ទេ ក្នុងឆ្នាំ2019ខាងមុខនេះ។ បើខាង Vivo, Oppo, Xioami និង Honor ព្យាយាមផលិតផលិតផលរបស់ខ្លួន ដោយមានកាម៉េរ៉ាលានចេញមកជាដើម… ព្រោះម្នាក់ៗមិនទាន់ដឹងថាត្រូវដាក់កាម៉េរ៉ានៅទីតាំងកន្លែងណាដែលអាចទៅរួច ជាមួយនឹងអេក្រង់លាតកាន់តែជិត 100%។

ប៉ុន្តែពេលនេះ Nubia’s X របស់ ZTE បានមកជំនួសដំណែងកំពូលពី Samsung និងបណ្តាក្រុមហ៊ុនទូរស័ព្ទផ្សេងទៀតសម្រាប់ប្រភេទអេគ្រង់លាត ​100% យ៉ាងនេះ​ ដោយខ្លួនបានបំពាក់បច្ចេកវិទ្យាកំពូលជាមួយនឹងអេក្រង់បន្ថែមខាងក្រោយមួយទៀត។ ពេលចង់ប្តូរការប្រើប្រាស់អេក្រង់ លោកអ្នកអាចចុចសងខាងលើតួរបស់ទូរស័ព្ទនោះវានឹងប្តូរការប្រើប្រាស់អេក្រង់ពីមុខទៅក្រោយ ឬពីក្រោយមកមុខវិញមិនខាន។ ពិតជាឡូយ គួរឲ្យចង់កាន់វាឆាប់ៗនេះណាស់!

ដើម្បីស្វែងយល់លម្អិតបន្ថែម សូមលោកអ្នកតាមដានវីដេអូខាងក្រោមទាំងអស់គ្នា តោះ!!!

The post កប់ហ្មង!!! អេក្រង់លាត100% កាម៉េរ៉ាភ្លោះ អេក្រង់ក៏ភ្លោះ!!! appeared first on ព័ត៌មាន រាមកេរ្តិ៍.

យើងក៏មិនទាន់ដឹងនៅឡើយថា មូលហេតុអ្វីបានជា Apple នឹងមិនទាន់បំពាក់ 5G លើកំពូលទូរស័ព្ទរបស់ខ្លួនឡើយក្នុងឆ្នាំ 2019 ដែលខិតជិតមកដល់ក្នុងប៉ុន្មានខែខាងមុខ។ យើងនឹងរង់ចាំតាមដាននូវរឿងរ៉ាវដែលទាក់ទងនឹងការពន្យាពេលដ៏យូរអង្វែងនេះ។

កន្លងមកលោកអ្នកបានជ្រាបហើយថា ទូរស័ព្ទលើទីផ្សារបច្ចុប្បន្ន ជាពិសេសផលិតផលដែលផលិតលក់ដោយក្រុមហ៊ុនចិនបាន​វាយលុកទីផ្សារយ៉ាងគំហុកក្នុងរយៈពេលពីរឆ្នាំចុងក្រោយនេះ ដូចជា៖ Oppo, Vivo, Huawei, XioaMi, Honor, ZTE, Zoppo…។ល។ ហើយថ្មីៗនេះក៏លេចចេញមកនូវផលិតផលថ្មីមួយទៀត គឺ Pocophone ផងដែរ។ យើងឃើញថាផលិតផលទាំងនេះ បាន mix បញ្ចូលគ្នារវាងបច្ចេកវិទ្យាចុងក្រោយរបស់ផលិតផល iPhone និង Samsung ជាពិសេសបានបំពាក់នូវកម្មវិធីល្អៗរវាងទូរស័ព្ទនាំមុខពីរប្រភេទនេះ រួមនឹងកម្មវិធីរបស់ខ្លួន បានធ្វើឲ្យកក្រើកទីផ្សារទូរស័ព្ទកន្លងមកដល់ខណៈនេះ ទន្ទឹមគ្នានេះក៏យើងល្បីផងដែរថា iPhone ហាក់ដើរក្រោយគេរហូតតែម្តងលើបច្ចេកវិទ្យា ក្នុងប៉ុន្មានឆ្នាំចុងក្រោយនេះ ទោះផលិតផលស្ថិតក្នុងលំដាប់ Premium ក៏ដោយ។

យោងតាមការបង្ហាញខាងលើនេះ យើងអាចវាយតម្លៃបានថា ស្រួលមិនស្រួល Apple ដើរក្រោយគេទៀត ហើយឆ្ងាយទៀតផង រហូតដល់ 2020 ឯណោះទើបបំពាក់ប្រព័ន្ធ 5G លើផលិតផល iPhone របស់ខ្លួន ដោយ Xioami, Samsung និងទូរស័ព្ទចិនទាំងឡាយដូចបានរៀបរាប់ នឹងបំពាក់ 5G ឆាប់ៗនេះហើយ៕

The post Apple Inc. នឹងបញ្ចេញ 5G iPhone នៅឆ្នាំ2020 ឯណោះ…ដើរយឺតជាងគេហើយ! appeared first on ព័ត៌មាន រាមកេរ្តិ៍.

1. MacBook Air មានទំហំអេក្រង់ 13.3” ប៉ុន្តែគែមដ៏សែនធំរបស់វាពីមុនត្រូវបានលប់ចេញហើយ ដោយ Pixels ពន្លឺប្រើរហូតដល់ 24 (ពីមុនតែ12) ​ផ្តល់នូវ Resolution 4ដងលើសអេក្រង់ពីមុន​ រហូតដល់ 4 លានភិចសែល (Million pixels)។ វាបាននាំមកផងដែរនូវ Touch ID (នៅកាច់ជ្រុងខាងលើស្តាំដៃ ក្បែរ Key F12)។ រីឯសម្លេងក៏ត្រូវបានបង្កើនសមត្ថភាពរហូតដល់ 25% ខ្លាំងជាងមុន កម្រិត Bass បន្ថែមទ្វេរដង។​ល។
* តម្លៃចាប់ពី $1,199។

2. Mac mini ជាម៉ាស៊ីនកុំព្យូទ័រលើតុដែលមានទំហំតូចប៉ុនប្រអប់ដាក់គ្រឿងសំអាងនារីៗ ប៉ុន្តែមានសមត្ថភាពកប់តែម្តង។ វានាំមកនូវខួរក្បាល (Processors) រហូតដល់ 6 Cores បន្ថែមលើ Quad-cores ធ្វើឲ្យ ​Graphics លឿនជាងមុន 60% ឯណោះ ជាមួយនឹងទំហំចងចាំ 64Gb (Memory)។ល។
* តម្លៃចាប់ពី $799 ដល់ $999។

3. iPad Pro ឆ្នាំនេះដូររូបរាង ស្រដៀងទៅ iPad កាលពីចេញជំនាន់ដំបូង។ មិនមានរាងកោងគែមៗទៀតទេ តែទៅជាជ្រុងវិញ ដោយមានកម្រាស់ស្តើងជាងជំនាន់មុនៗទៅទៀត តែ 5.9mm ប៉ុណ្ណោះ (ស្តើងជាងមុន 15%) ជាមួយនឹងអេក្រង់លាតពេញ (សល់គែមតែបន្តិចទេ) មិនមានកន្លែងស្គេនម្រាមដៃលើនោះទេ គឺដូច iPhone X តែម្តង គ្រាន់បើត្រង់ថា មិនឆកក្បាល…។ អេក្រង់វាត្រូវបានហៅថា Liquid Retina ចែកជា 2ជម្រើស (1) ទំហំ 11” និង ​(2) ទំហំ 12.9” (សឹងប៉ុនអេក្រង់របស់ Macbook Air 13.3” ហើយហ្នឹង)។ លក្ខណៈកាន់តែពិសេសសម្រាប់ iPad Pro ជំនាន់នេះ គឺ Apple Pencil ឆក់ជាប់នឹងគែម iPad Pro ដោយសាកថ្ម Wireless តែម្តង ហើយលោកអ្នកក៏អាចសាកទូរស័ព្ទ iPhone ពី iPad Pro នេះបានផងដែរ។ រីឯល្បឿនវាវិញ មិនបាច់និយាយតែម្តង 8 Cores រហូតដល់ 90% លឿនជាងមុន ហើយរន្ធសាកត្រូវបានប្តូរទៅជាប្រភេទ USB-C ព្រមទាំងបំពាក់អង្គផ្ទុកទិន្នន័យរហូតដល់ 1TB ។
* តម្លៃចាប់ពី $799 ដល់ $999។

តើមួយណាដែលលោកអ្នកទន្ទឹងរង់ចាំ? សូមទស្សនាវីដេអូសង្ខេបទាំងអស់គ្នាខាងក្រោម ស្តីពីព្រឹត្តកាណ៍ Apple កាលពីម្សិលមិញ ដូចតទៅ…

Source: Youtube #The Verge #Apple Inc.

The post ក្តៅៗ! មកដល់ទៀតហើយ Apple iPad Pro, MacBook Air, Mac mini appeared first on ព័ត៌មាន រាមកេរ្តិ៍.