1. ត្រូវសប្បាយរីករាយ ប៉ុន្តែមិនដែលបានពេញចិត្តគ្រប់100%ទេ។

2. ចំណេះវិជ្ជានឹងផ្តល់ដល់អ្នកនូវអំណាច ប៉ុន្តែចរិតលក្ខណៈនឹងផ្តល់ដល់អ្នកនូវការគោរព។

3. សូមក្លាយទៅជាអ្វី ដូចនឹងការគិតរបស់អ្នក។

4. ចំណេះដឹងវាមិនទាន់គ្រប់គ្រាន់ទេ យើងត្រូវអនុវត្តវា ហើយការដែលគ្រាន់តែមានបំណងមិនទាន់គ្រប់គ្រាន់ទេ យើងត្រូវធ្វើវា។

5. ប្រសិនបើអ្នកចំណាយពេលវេលាជាច្រើនក្នុងការគិតពីអ្វីមួយ អ្នកនឹងមិនអាចសម្រេចវាបាននោះទេ។

6. ប្រសិនបើអ្នកស្រលាញ់ជីវិត ចឹងកុំចំណាយពេលឥតប្រយោជន៍ តែត្រូវចំណាយពេលវេលាសម្រាប់ជីវិតឲ្យបានចំគោលដៅទៅតាមនោះ។

7. មិនត្រូវបន់ស្រន់សូមឲ្យជីវិតអ្នកស្រួលនោះទេ តែត្រូវបែនបន់សូមឲ្យទទួលបាននូវភាពខ្លាំងក្លា ដើម្បីយកឈ្នះលើអ្វីៗដែលពិបាកៗ។

8. ត្រូវសម្របទៅតាមអ្វីដែលមានប្រយោជន៍ បដិសេធចំពោះអ្វីដែលគ្មានប្រយោជន៍ ហើយបញ្ចូលបន្ថែមនូវអ្វីដែលជាការជាក់លាក់របស់ខ្លួនអ្នក។

9. ដើម្បីស្គាល់ពីនរណាម្នាក់ គឺត្រូវសិក្សាពីអ្នកនោះដោយអនុវត្តជាមួយអ្នកផ្សេងម្នាក់ទៀត។

10. ខ្លួនខ្ញុំមិនមែនកើតមកលើពិភពលោកនេះដើម្បីការរំពឹងរបស់អ្នកឡើយ ហើយអ្នកក៏មិនមែនកើតមកលើលោកនេះដើម្បីការរំពឹងរបស់ខ្ញុំដែរ។

The post ទស្សនះអប់រំល្អ ៗ ទាំង ១០ ពីតួកុនដ៏ល្បី លោក លី ស៊ាវឡុង (Bruce Lee) appeared first on ព័ត៌មាន រាមកេរ្តិ៍.

1. រូបសម្បត្តិ កំពស់ និងភាពស្រស់ស្អាតរបស់លោកអ្នក ធ្វើឲ្យជោគជ័យបានតែ 1% ប៉ុណ្ណោះ ប៉ុន្តែ 99% ជោគជ័យបានទទួលពីការខិតខំប្រឹងប្រែងធ្វើតែម្តង។

2. ពេលវេលាវានាំឲ្យមានរឿងល្អៗ និងរឿងអាក្រក់ដ៏អស្ចារ្យ ហេតុនេះលោកអ្នកនឹងទទួលបាននូវភាពសោកស្តាយ ឈឺចាប់បំផុត បើសិនធ្វើឲ្យខាតពេលវេលានោះ។

3. បើដើរ ឬអនុវត្តតាមច្បាប់ទម្លាប់ដែលត្រូវបានគេអនុវត្ត 99% នៃមធ្យមភាគមនុស្សម្នាទាំងឡាយ នោះវាគឺជាកំហុសដ៏ធំបំផុត។

4. បើលោកអ្នកមិនបានខិតខំប្រឹងប្រែង និងមិនបានគិតគូរពីហានិភ័យនៅដំណាក់ដំបូងនៃកិច្ចការណាមួយនោះទេក្នុងជីវិត នោះនឹងធ្វើឲ្យជីវិតយើងជួបនឹងគ្រោះ និងបញ្ហាមិនគួរឲ្យជឿ។

5. ការស្តាប់យោបល់របស់ឪពុកម្តាយ បងប្អូន និងមិត្តភ័ក្តិ អាចបង្អាក់ការគិតរបស់លោកអ្នកលើការជ្រើសរើសអាជីពដ៏ត្រឹមត្រូវណាមួយ។

6. លោកអ្នកមិនត្រូវធ្វើការអ្វីមួយសម្រាប់តែប្រាក់ (លុយ) ទេ ត្រូវធ្វើវាសម្រាប់មហិច្ឆិតា (ការចង់បាន) របស់ខ្លួនទៅវិញ ទើបប្រសើរបំផុត។

7. ការតវ៉ាទៅនឹងអ្វីៗ នឹងមិនដោះស្រាយបញ្ហាអ្វីកើតទេ តែលោកអ្នកត្រូវចាប់ផ្តើមរកដំណោះស្រាយវាតាំងពីដំបូង ទើបជាទ្រព្យបញ្ញាដ៏ល្អ។

The post មេរៀនទាំង7ដែលមនុស្សភាគច្រើន ទំរាំដឹង ហួសពេលអស់ក្នុងជីវិត appeared first on ព័ត៌មាន រាមកេរ្តិ៍.

សម្រាប់មនុស្សយើង រមែងកើតមកជាមួយនឹងភាពវៃឆ្លាតរៀងៗខ្លួន ប៉ុន្តែអាចមិនមានកម្រិតស្មើៗគ្នានោះទេ វាអាចអាស្រ័យទៅតាម ខ្សែសង្វាក់ម៉ូលេគុលហ្សេន (DNA) របស់ពូជពង្សនៃក្រុមគ្រួសារមនុស្ស ឬអាចមកពីកម្រិតទទួលយកនៃខួរក្បាល ឬអាចមកពីការស្វែងយល់ សិក្សាបន្ថែមសម្រាប់ការយល់ដឹងថ្មីៗ…។ល។ ជាទូទៅ យើងឃើញហើយថា ប្រសិនបើមនុស្សណាមានភាពវៃឆ្លាតកាន់តែខ្ពស់ ការយល់ដឹងកាន់តែរហ័ស ប្រកបដោយការវិភាគឆាប់​ និងមានដំណោះស្រាយលើបញ្ហាកាន់តែមានប្រសិទ្ធភាព និងប្រសិទ្ធផលដល់អាជីពការងារ ក៏ដូចជាក្នុងជីវភាពនៃជីវិតរស់នៅប្រចាំថ្ងៃរបស់ពួកគាត់ផងដែរ។ ដូចនេះ តើមានវិធីអ្វីខ្លះដែលអាចឲ្យលោកអ្នកមានលទ្ធភាពបង្កើនសមត្ថភាពលើភាពវៃឆ្លាតបាននោះ? Reamker.com សូមលើកពីវិធីសាស្ត្រទាំង5ដូចខាងក្រោម ដើម្បីលោកអ្នកអាចយកទៅអនុវត្តបានជោគជ័យលើការបង្កើនភាពវៃឆ្លាតរបស់លោកអ្នកបាន ដូចតទៅ៖

1. ស្វែងរកគុណភាពនៃអ្វីដែលថ្មីពិតៗ និងខុសប្លែកពីគេ (Seek Novelty)
សូមធ្វើការស្វែងរកនូវសកម្មភាព បទពិសោធន៍ និងព័ត៌មានទាំងឡាយណាដែលថ្មីៗ អាចជា៖ ស្វែងយល់ និងរៀនលេងឧបករណ៍ថ្មីៗ ចូលរៀនថ្នាក់សិល្បៈ ទៅសារមន្ទីរ វិភាគពីអ្វីមួយថ្មី…ជាដើម។ នៅពេលដែលលោកអ្នកធ្វើរឿងខាងលើនេះ លោកអ្នកនឹងបង្កើតបាននូវការតភ្ជាប់ ឬទំនាក់ទំនងថ្មីៗ ដែលមាននៅលើសាច់រឿងទាំងនោះ ហើយលោកអ្នកត្រូវបង្កើតនូវធម្មារម្មណ៍លើបរិយាយកាសថ្មីៗតាមការវិភាគ និងជ្រើសរើសដើម្បីស្វែងយល់ និងសិក្សាពីវា ជាក់ជាមិនខាន។

2. ប្រជែងនឹងខ្លួនឯង (Challenge yourself)
នៅពេលដែលលោកអ្នកចាប់ផ្តើមក្លាយជាមានជំនាញលើអ្វីមួយ ហើយឈានទៅជំហានបន្ទាប់ ពេលនោះហើយដែលឥទ្ធិពលម៉្យាងក្នុងខ្លួនលោកអ្នកនឹងចាប់ផ្តើមបង្អាក់ការសម្រេចចិត្ត។ អញ្ចឹងសូមកុំឲ្យវាមកវាយបំបាក់ការជំរុញ ឬការប្រជែងលើកិច្ចការរបស់លោកអ្នកកំពុងធ្វើឲ្យសោះ។ នោះវានឹងធ្វើឲ្យខួរក្បាលរបស់លោកអ្នកបន្តជានិច្ចទៅលើការតភ្ជាប់ ឬទំនាក់ទំនងថ្មីៗ និងបង្កើតបានផងដែរនូវបរិយាយផ្សេងៗសម្រាប់ការស្វែងយល់ និងសិក្សាបន្ថែមទៀត។

3. ត្រូវគិតក្នុងគំនិតច្នៃប្រឌិតថ្មីជានិច្ច (Think creatively)
សូមព្យាយាមភ្ជាប់បំណែកនៃខួរក្បាលគិតទាំងខាងឆ្វេង និងខាងស្តាំរបស់លោកអ្នក ដោយគិត និងវិភាគឆ្លងគ្នាទៅវិញទៅមកលើអ្វីមួយ ក្នុងទម្រង់មួយកាន់តែធំឡើងៗជាលំដាប់។​ លោកអ្នកត្រូវបង្កើតជាតំណភ្ជាប់ ឬទំនាក់ទំនងឲ្យបានច្រើនរវាងគំនិតផ្សេងៗគ្នាជាច្រើន ដោយមានទាំងការគិតសាមញ្ញ និងមិនសាមញ្ញ (ពិេសស) បញ្ចូលគ្នាដើម្បីទទួលបានបទពិសោធន៍ថ្មីកាន់តែច្រើនជម្រើស លើសពីនេះ ត្រូវព្យាយាមស្វែងរកនូវដំណោះស្រាយបែបធម្មតា និងមិនធម្មតាផងដែរ។

4. ត្រូវធ្វើអ្វីៗដោយវិធីពិបាកៗ (Do things the hard way)
លោកអ្នកត្រូវដឹងឲ្យជាក់ថា ខួរក្បាលរបស់យើងទាំងអស់គ្នាត្រូវការហាត់ (ដំណើរការគិត) រហូតជាប់ជាប្រចាំដូចនឹងការហាត់ប្រាណផងដែរ។ តាមពិតទៅ “វិទ្យាសាស្ត្រ” អាចធ្វើឲ្យសមត្ថភាពការគិត និងវិភាគរបស់លោកអ្នកថយចុះ ប្រសិនបើពឹងអាស្រ័យលើវាខ្លាំងពេកនោះ។ សូមព្យាយាមប្រើប្រាស់ការចងចាំរបស់លោកអ្នកជាជាង GPS (ប្រព័ន្ធបង្ហាញទិស)។ សូមប្រើប្រាស់ជំនាញក្នុងការប្រកបរបស់លោកអ្នកជាជាងប្រើកម្មវិធី “កែតម្រូវស្វ័យប្រវត្តិ (Auto Correct)”។ សូមព្យាយាមគណនាគណិតវិទ្យាក្នុងខួរក្បាលរបស់យើងជាជាងប្រើម៉ាស៊ីនគិតលេខ។

5. ត្រូវបង្កើតឲ្យមានទំនាក់ទំនងកាន់តែច្រើន (Network)
សូមព្យាយាមភ្ជាប់ និងបង្ហាញខ្លួនលោកអ្នកទៅនឹងគ្រប់ប្រភេទមនុស្ស ដែលអាចជាឪកាសក្នុងការមើលឃើញនូវបញ្ហានានាពីការយល់ដឹងថ្មីៗ ឬបានបង្ហាញស៊ីជម្រៅពីវិធីសាស្រ្តនានា ដែលលោកអ្នកមិនធ្លាប់មានពីមុនមក។ ទាំងនេះនឹងជួយឲ្យលោកអ្នកគិត និងវិភាគលើអ្វីៗក្នុងទម្រង់រួមនឹងវិធីសាស្រ្តថ្មីៗផងដែរ។

The post លោកអ្នកដឹងទេ វិធីសាស្ត្របង្កើនភាពវ័យឆ្លាតមានប៉ុន្មាន? ធ្វើម៉េចខ្លះ? appeared first on ព័ត៌មាន រាមកេរ្តិ៍.

តើជម្ងឺបាក់ទឹកចិត្ត (Depression) ជាអ្វី?
បើយោងតាមទ្រឹស្តីអន្តរជាតិជារួម ឃើញថា ជម្ងឺបាក់ទឹកចិត្ត (Depression) នេះ គឺជាដំណាក់កាលនៃការចុះខ្សោយនៃផ្លូវអារម្មណ៍ និងការដើរបញ្ច្រាសនៃសកម្មភាពរស់រវើករបស់មនុស្សយើង ដែលវាមានផលប៉ះពាល់យ៉ាងធ្ងន់ធ្ងរបន្តិចម្តងៗមិនដឹងខ្លួនដល់កម្លាំងនៃការគិត, ឥទ្ធិពលអាក្រក់ដល់ឥរិយាបថ, មានសម្ពាធកាន់តែធ្ងន់ឡើងៗទៅលើផ្លូវអារម្មណ៍ ផ្លូវចិត្ត និងផ្លូវសារពាង្គកាយ ហើយក៏កាត់បន្ថយនូវការស្គាល់ខ្លួនឯងជាបណ្តើរៗផងដែរ ជាអាទិ៍ដូចជា ការបាត់បង់មនុស្សជាទីស្រឡាញ់ណា​ម្នាក់…ជាដើម។ ជម្ងឺនេះ ក៏អាចជាអាការៈនៃជម្ងឺដែលមានឥទ្ធិពលពីថ្នាំពេទ្យ ឬការព្យាយាមណាមួយផងដែរ ហើយវាក៏អាចជាអាការៈនៃជម្ងឺអារម្មណ៍ (Mood Disorders) ដូចជា ជម្ងឺអារម្មណ៍ធ្ងន់ធ្ងរ (Major depressive disorder) ឬជម្ងឺអារម្មណ៍ស្រាល (Dysthymia)។

តើកត្តាអ្វីខ្លះដែលនាំឲ្យមានជម្ងឺនេះកើតឡើង?
តាមពិតទៅវាមានកត្តាជាច្រើនដែលអាចបណ្តាលឲ្យជម្ងឺនេះកើតឡើង ក្នុងនោះមានដូចជា៖ លក្ខខណ្ឌនៃជីវិត (Life events), បុគ្គលិកលក្ខណៈរបស់មនុស្សម្នាក់ៗ (Personality), អត្តសញ្ញាណ និងភេទពីធម្មជាតិរបស់មនុស(Gender identity and sexuality), ការប្រើប្រាស់ថ្នាំក្នុងការព្យាបាលជម្ងឺអ្វីមួយ (Medical treatments), សារធាតុជម្រុញនានា (Substance-induced), ជម្ងឺមិនមែនមកពីផ្លូវចិត្ត (Non-psychiatric illness), អាការៈជម្ងឺផ្លូវចិត្ត (Psychiatric syndromes) …។ល។

1. លក្ខខណ្ឌនៃជីវិត (Life events)
វាអាចកើតឡើងតាំងពីកំណើតនូវអាការៈដូចជា៖ ការអស់សង្ឃឹម (Bereavement), ការមិនយកចិត្តទុកដាក់ (Neglect), ការបំពានលើផ្លូវចិត្ត (Mental abuse), ការបំពានលើផ្លូវកាយ ​(Physical abuse), ការបំពានលើផ្លូវភេទ (Sexual abuse) ជាពិសេសគឺភាពមិនស្មើគ្នាដែលឪពុកម្តាយផ្តល់ឲ្យរវាងកូនៗក្នុងគ្រួសារតែមួយ (Unequal parental treatment) …ជាដើម ដែលវាអាចមានឥទ្ធិពលខ្លាំងរហូតដល់មួយជីវិតតែម្តង។

លម្អិតជាងនេះទៀតសម្រាប់លក្ខខណ្ឌនៃជីវិតដែលអាចទាក់ទិនដល់ជម្ងឺប្រភេទនេះមានដូចជា៖ អាចកើតពីកំណើត, ការរាំងរដូវ (សម្រាប់មនុស្សស្រី), បញ្ហា ឬវិបត្តិហិរញ្ញវត្ថុ, អត់ការងារធ្វើ, ស្ត្រេស (ពីការងារ ឬការសិក្សា ឬគ្រួសារ ឬលក្ខខណ្ឌក្នុងការរស់នៅ…។ល។), ការព្យាបាលជម្ងឺ (ដូចជា៖ មហារីក, អេដស៍…។ល។), ការគំរាមកំហែងណាមួយ (Bullying), គ្រោះធម្មជាតិ (Natural disaster), ភាពឯកាក្នុងសង្គមរស់នៅ (Isolation), ការចាប់បង្ខំ, វិបត្តិស្នេហា, ការច្រណែនឈ្នានីស, របួសគ្រោះថ្នាក់ជាយថាហេតុណាមួយ…។ល។ បើចំពោះក្មេងៗជំទង់វិញ ជម្ងឺបាក់ទឹកចិត្តនេះ អាចបណ្តាលមកពី ការមិនរាប់រកពីមិត្តភ័ក្តិ ឬអ្នកជិតខាង ឬការស្អប់ខ្ពើម (តាមកត្តាផ្សេងៗ៖ ពណ៌សំបុរ, ជាតិសាសន៍, អត្តចរឹត,​ របៀបរបបរស់នៅ…។ល។)

2. បុគ្គលិកលក្ខណៈរបស់មនុស្សម្នាក់ៗ (Personality)
ប្រសិនបើភាគរយកើនឡើងនៃបុគ្គលិកលក្ខណៈប្លែកៗដែលពាក់ព័ន្ធប្រព៏ន្ធសរសៃប្រសាទ នោះវាអាចភាគច្រើនបង្កើតជាអាការៈនៃជម្ងឺបាក់ទឹកចិត្ត ឬធ្លាក់អារម្មណ៍នេះ ដ៏ដូចជាប្រភេទផ្សេងៗដែលទាក់ទិននឹងការពង្រីកអារម្មណ៍មានការថយចុះ។ បុគ្គលិកលក្ខណៈរបស់មនុស្សមួយចំនួនផ្សេងទៀត អាចបង្ហាញតាមរយៈ អារម្មណ៍ឡើងចុះលឿន, ឆាប់ខឹង, ឧស្សាហ៍មានអារម្មណ៍បាក់ទឹកចិត្តរយៈខ្លីញឹកញាប់, ការថមថយនូវការយកចិត្តទុកដាក់ធ្វើអ្វីៗដូចដែលធ្លាប់មានចំណូលចិត្ត, គេងមិនសូវលក់ស្រួល, ព្យាយាមដកខ្លួនចេញពីសង្គមបន្តិចម្តងៗ, ការផ្លាស់ប្តូរនូវរបបអាហារ ការហូបចុក, មានការពិបាកក្នុងយកចិត្តទុកដាក់លើអ្វីមួយ…។ល។

3. អត្តសញ្ញាណ និងភេទពីធម្មជាតិរបស់មនុស្សម្នាក់ៗ (Gender identity and sexuality)
ប្រសិនបើអ្នកណាដែលឧស្សាហ៍យកចិត្តទុកដាក់ក្នុងធ្វើបំរៀបធៀបលើអត្តសញ្ញាណ និងភេទ (ការរើសអើងរវាងស្រ្តី និងបុរស) ច្រើនដងពេក នោះវាក៏ជាសញ្ញានៃការឈានចូលមកដល់នូវជម្ងឺបាក់ទឹកចិត្តផងដែរ។

4. ការប្រើប្រាស់ថ្នាំក្នុងការព្យាបាលជម្ងឺអ្វីមួយ (Medical treatments)
ជម្ងឺបាក់ទឹកចិត្ត ឬធ្លាក់អារម្មណ៍នេះ ក៏បណ្តាលមកពីលទ្ធផលនៃការព្យាបាលជម្ងឺអ្វីមួយដែលទាក់ទងនឹងជាតិថ្នាំដែលបានប្រើប្រាស់សម្រាប់ការព្យាបាល និងប្រភេទជម្ងឺនោះ ដូចជាវិធីព្យាបាលកាសិកា (Interferon therapy), វិធីព្យាបាលលើប្រភេទជម្ងឺលើសឈាម… (Beta-blockers therapy), វិធីពន្យាកំណើត (Contraceptives therapy), វិធីព្យាបាលជម្ងឺបេះដូង (Cardiac agents), វិធីព្យាបាលជម្ងឺប្រកាច់ (Anticonvulsants therapy), វិធីព្យាបាលជម្ងឺឈឺក្បាលប្រកាំង​(Antimigraine drugs therapy), វិធីព្យាបាលជម្ងឺចិត្តសាស្រ្ត (Psychotics therapy), វិធីព្យាបាលទាក់ទឹងអ័រម៉ូន (Hormonial agents therapy) ដូ​ចជា ស្បូន (Gonadotropin)…ជាដើម។

5. សារធាតុជម្រុញនានា​ (Substance-induced)
ការប្រើប្រាស់នូវប្រភេទថ្នាំព្យាបាលមួយចំនួនធំ ដោយមិនមានការត្រួតពិនិត្យត្រឹមត្រូវតាមប្រភេទ និងកម្រិត (Dose) នឹងនាំដល់ការបង្កើតឡើងនូវប្រភេទជម្ងឺបាក់ទឹកចិត្ត (Depression) នេះ ឬអាការៈពុល (Intoxication) អាចរាប់បញ្ចូលដូចជា៖ គ្រឿងអាល់កុល (ជាតិស្រវឹង), ប្រភេទថ្នាំព្យបាលសន្សឹមៗ (Benzodiazepins), ប្រភេទថ្នាំបំបាត់ការឈឺចាប់ (Pain killers) ដូចជា ហេរ៉ូអ៉ីន (Heroin),​ ថ្នាំជំនួយផ្សេងៗ ដូចជា កូកាអ៉ីន (Cocaine) និងអំប៉េតាមីន (Emphetamines), ថ្នាំព្យាបាលការស្រវាំងភ្នែក ឬរមាស់ (Hallucinogens), និងថ្នាំប្រភេទព្យាបាលជម្ងឺហឺត (Inhalants drugs) …។ល។

6. ជម្ងឺមិនមែនមកពីផ្លូវចិត្ត (Non-psychiatric illnesses)
ជម្ងឺបាក់ទឹកចិត្ត អាចបណ្តាលមកពីលទ្ធផលមួយចំនួននៃជម្ងឺដទៃទៀត ដូចជា កង្វះអាហារូបត្ថម្ភ (Nutritional deficiencies) និងលក្ខខណ្ឌចាំបាច់នៃប្រព៏ន្ធសរសៃប្រសាទ និងបញ្ហាផ្លូវកាយ ដូចជា៖ កង្វះកោសិកាសម្រាប់ទ្រទ្រង់ឆ្អឹងខ្នង, សម្ពាធឈាមខ្សោយខ្លាំង ឬឡើងខ្លាំង, ការរលាក (គ្រឿងក្នុងមនុស្ស), ជម្ងឺក្នុងខួរក្បាល (Sclerosis), ការធ្វើឲ្យញ័រដៃ ក្បាល (ញាក់ៗ) (Parkinson’s disease), ការឈឺរាំរ៉ៃ (Chronic pains), គាំងបេះដូង (Stroke), ទឹកនោមផ្អែម (Diabetes), និងមហារីក (Cancer)…ជាដើម។

7. អាការៈជម្ងឺផ្លូវចិត្ត (Psychiatric syndromes)
ជាអាការៈរំខានដល់ផ្លូវចិត្តរបស់មនុស្ស ដែលមនុស្សយើងមានវាក្នុងរវាងពីរសប្តាហ៍លើអាការៈផ្លូវចិត្តនេះ ឬបាត់បង់នូវការចាប់អារម្មណ៍នានាស្ទើរតែគ្រប់សកម្មភាព និងអាចជាជម្ងឺផ្លូវចិត្តស្រាលដែលចាប់ផ្តើមឡើងបន្តិចម្តងៗមិនដឹងខ្លួន ឈានដល់កម្រិតខ្ពស់បំផុតមួយ ដែលមានឥទ្ធិពលដល់ការគិត ការចងចាំ ការយកចិត្តទុកដាក់។ ចំណែកគ្រោះថ្នាក់ពីការបើកបរ, ត្រូវគ្រាប់កាំភ្លើង, របួសផ្សេងៗ …។ល។ ក៏ចូលរួមក្នុងការបង្កើតជាអារម្មណ៍ផ្លូវចិត្តផងដែរ។ លើសពីនេះ ការប៉ះពាល់ខ្លាំងណាមួយដល់អារម្មណ៍ទាំងផ្លូវចិត្ត និងអារម្មណ៍ ក្នុងពេលតែមួយ ដូចជា ការបាត់បង់នូវរបស់ ឬមនុស្សសំខាន់ ឬជាទីស្រឡាញ់របស់ខ្លួន ឬការបន្ទោសដ៏ខ្លាំងក្លាណាមួយដោយមានការគំរាមកំហែង…។ល។

ការគ្រប់គ្រង ឬវិធីសាស្ត្រក្នុងការគ្រប់គ្រងជម្ងឺបាក់ទឹកចិត្ត៖
តាមពិតទៅជម្ងឺបាក់ទឹកចិត្តនេះ មិនចាំបាច់ឆ្លងកាត់ការព្យាបាលតាមបែបជំនាញខ្លាំងពេកនោះក៏បានដែរ។ ការប្រើប្រាស់នូវអារម្មណ៍ វាជាការសំខាន់ និងចាំបាច់បំផុតក្នុងការព្យាបាលសន្សឹមៗទៅលើប្រភេទជម្ងឺនេះ​ ដោយមិនបាច់ប្រើប្រាស់ថ្នាំក៏បាន។ ដោយយោងតាម NICE (វិទ្យាស្ថានជាតិសម្រាប់ភាពប្រសើរនៃសុខភាព និងការយកចិត្តទុកដាក់) របស់អង់គ្លេស (UK) បានផ្តល់យោបល់ថា ប្រសិនបើវាជាកម្រិតស្រាលនៃជម្ងឺទេ គួរតែត្រូវបានព្យាបាលតាមបែបធម្មតា មិនចាំបាច់ប្រើការព្យាបាលលក្ខណៈធំ ដោយប្រើថ្នាំ Antidepressants ទេ ព្រោះវាមិនមានផលប៉ះពាល់អ្វីខ្លាំងឡើយ ចឹងគួរព្យាបាលដោយការគ្រប់គ្រងអារម្មណ៍ គ្រប់គ្រងការគិត ការវិភាគ ពិចារណា ត្រូវឲ្យខួរក្បាលសម្រាកឲ្យបានច្រើន មានការសប្បាយចិត្ត កាយ និងខួរក្បាល ហើយបញ្ចៀសការប្រើប្រាស់ថ្នាំព្យាបាល (ដូចបានបង្ហាញខាងលើ) លើសកម្រិត។ Reamker.com សូមបន្ថែមថា គួរតែរៀនព្រលែងអ្វីៗដែលលែងជារបស់យើងហើយពីដៃ ចិត្ត អារម្មណ៍ និងខួរក្បាល (Learn to let things go) បើមិនអាចយកមកវិញទេ ទោះបីកើតទុក្ខដល់ដាច់ដង្ហើមក៏មិនអាចបានមកវិញ តើយើងនៅគិតវាដល់ណាទៀត។ យើងសង្កើតឃើញ សកម្មភាពនេះវាបានកើតឡើងច្រើនណាស់ ជាពិសេសសម្រាប់មនុស្សវ័យជំទង់ ដែលរហូតដល់ហ៊ានសម្រេចចិត្តផ្តេសផ្តាស បង្កើតរបួសលើខ្លួន ឬសម្លាប់ខ្លួន…ជាដើម ឬក្លាយជាមនុស្សវិកលដើរតាមថ្នល់….។ល។ យើងត្រូវគិតថា មនុស្សយើងកើតមកមិនបានយកទ្រព្យអ្វីមកទេ គ្រាន់តែយករាងកាយ ខួរក្បាល ចិត្ត បេះដូង គ្រឿងក្នុង មក…ប៉ុន្តែបើវាបានទទួលជាមានជម្ងឺណាមួយកើតឡើងលើវាព្យាបាលមិនជាទៅហើយ ក៏មិនគួរនៅស្តាយស្រណោះ គិតច្រើនហួសហេតុពេកដែរ មិនអាចបានមកវិញទេ ហើយជាពិេសេសរបស់ទ្រព្យដែលយើងរកបាន ពេលយើងអស់ដង្ហើមទៅ ក៏មិនអាចយកទៅតាមដែរ​ មិនត្រូវមានអារម្មណ៍ ឬការគិតលោភលន់ពន់ប្រមាណពេកអីនោះដែរ។

វិធីយ៉ាងសាមញ្ញមួយផ្សេងទៀតដែលអា​ចបន្ថយអាការៈនៃជម្ងឺបាក់ទឹកចិត្ត គឺស្តាប់ភ្លេងដែលយើងចូលចិត្ត (មិនគួរស្តាប់ចម្រៀងទេ ព្រោះចម្រៀងវាមានពាក្យពេចន៍ផ្សេងៗដែលអាចរឹតតែធ្វើឲ្យប៉ះពាល់ដល់អារម្មណ៍កំសត់របស់អ្នក)។ ឬក៏ស្តាប់ធម៌ (អ្នកមានជំនឿបែបពុទ្ធសាសនា) ក៏អាចជួយរំលត់ កំចាត់បង់នូវភាពសោកសៅនានា ហើយថែមទាំងអាចស្វែងរកនូវពន្លឺក្នុងការដោះស្រាយបញ្ហាចំពោះមុខបានទៀតផង។ លើសពីនេះ លោកអ្នកក៏អាចសាកល្បងវិធីសាស្រ្តតាំងសម្មាធិ (Meditation) នៅទីស្ថានស្ងប់ស្ងាត់តាមវិធីដែលត្រឹមត្រូវ វាក៏អាចជួយសម្រួល ឬព្យាបាលជម្ងឺបាក់ទឹកចិត្តបានផងដែរ។ បើអាច លោកអ្នកអាចជ្រើសរើសទីរមនីយដ្ឋានធម្មជាតិពិតៗមួយ ឬច្រើន ដើម្បីទៅកសាងថាមពលផ្លូវចិត្តលោកអ្នកដែលបាត់បង់ឡើងមកវិញ…។ល៕

The post ជម្ងឺបាក់ទឹកចិត្ត (Depression) ជាអ្វី? ហេតុម្តេចបានវាមានឥទ្ធិពលខ្លាំងម្ល៉េះដល់មនុស្សយើង? តើវិធីសាស្ត្រអ្វីអាចធ្វើឲ្យវាល្អឡើងវិញ? appeared first on ព័ត៌មាន រាមកេរ្តិ៍.

1. ជួបបញ្ហា ត្រូវតែដោះស្រាយ
អ្នកដឹកនាំដែលអស្ចារ្យ គឺក្លាហានណាស់ក្នុងការប្រឈមនឹងរាល់បញ្ហា ដោយប្រឹងប្រែងយ៉ាងស្មោះស្ម័គ្រដោះស្រាយបានយ៉ាងល្អ។ ទោះស្ថិតក្នុងកាលៈទេសៈធ្លាក់ចុះដុនដាបដល់កម្រិតទាបបំផុតយ៉ាងណាក៏ដោយ អ្នកដឹកនាំប្រកបដោយប្រសិទ្ធភាពហ៊ានប្រឈមនឹងបញ្ហាទាំងនេះដោយមិនគេចវេសឡើយ។ ការបង្កើតការទាក់ទងជាធម្មតាមួយជាមួយនឹងបុគ្គលិកក្រោមបង្គាប់ ដោយបង្ហាញ ឬប្រាប់ពីព័ត៌មាន​ ឬអ្វីៗដែលល្អៗ និងមិនល្អ…ទាំងនេះនឹងនាំដល់ការបង្កើតការជឿជាក់ដ៏ខ្ពស់មួយ រវាងបុគ្គលិក និងថ្នាក់ដឹកនាំ ហើយអ្នកទាំងអស់គ្នា នឹងមិនជួបនូវបញ្ហា ឬវិវាទផ្លូវចិត្តដែលកើតឡើងភ្លាមៗនោះដែរ។ ត្រង់នេះ យើងឃើញមានឃ្លាមួយចំនួនគួរពិចារណា “ការនិយាយខ្សឹបខ្សៀវនៅកន្លែងញ៊ាំកាហ្វេ ជាទូទៅវាទំនងជាអាក្រក់លើសការពិតរហូតដល់10ដងឯណោះ” នេះបើតាមសម្តីរបស់ Handal។ លើសពីនេះ “បុគ្គលិកត្រូវការអ្នកដឹកនាំដែលហ៊ានតស៊ូ ប្រឈមដោះស្រាយដោយសន្តិវិធី និងឈ្នះឈ្នះ នៃរឿងពិតទាំងអស់នោះផងដែរ​“។

2. យកឈ្នះឲ្យបាននូវភាពជឿទុកចិត្ត
បុគ្គលិក ត្រូវបានគេដឹងថានឹងមានជំហរកាន់តែស្មោះត្រង់ និងពេញចិត្តការងារនៅក្នុងកន្លែង ឬបរិយាកាសការងារមួយដែលដឹកនាំដោយអ្នកគ្រប់គ្រងដែលពួកគាត់ជឿទុកចិត្ត។ វិធីដែលធ្វើឲ្យបុគ្គលិកមានអារម្មណ៍ និងធ្វើបែបនេះ មានច្រើនយ៉ាង៖
– លោកអ្នកអាចប្រើការយកចិត្តទុកដាក់លើបុគ្គលិកទៅតាមកន្លែងធ្វើការនិមួយៗ។
– មិនគួរលូកដៃចូលជ្រៅពេកទៅក្នុងរឿងបុគ្គលរបស់ពួកគាត់ឡើយ ប៉ុន្តែអាចលើកទឹកចិត្តដោយប្រយោលដល់ពួកគាត់ ដោយសួរនាំពីការរៀនសូត្រ និងការហាត់ ឬលេងកីឡារបស់កូនៗគាត់ទៅវិញ ល្អជាង។
– ជានិច្ចកាលត្រូវបង្ហាញដោយមិនមានល្បិចកលថា អ្នកដឹកនាំចាប់អារម្មណ៍ពីភាពជោគជ័យរបស់បុគ្គលិក ហើយពិភាក្សាផ្តល់យោបល់ពីអាជីពការងាររបស់ពួកគាត់។
នៅពេលពេលបុគ្គលិក អ្នកលក់ ឬនរណាបានធ្វើអ្វីខុស សូមកុំព្យាយាមរិះគន់ បង្អាប់ បន្ទោស ឬកែគាត់ពេលកំពុងខឹងឲ្យសោះ មិនមានលទ្ធផលទេ។ លោកអ្នកត្រូវតែពន្យល់ពីស្ថានភាពកំហុសនោះ ដោយស្ងប់ស្ងាត់ ហើយបង្ហាញពីមូលហេតុ ឬសកម្មភាពនៃអាកប្បកិរិយាពួកគាត់យ៉ាងម៉េចដែលធ្វើទៅមិនត្រឹមត្រូវនោះ ក៏ដូចជាអ្វីដែលលោកអ្នកចង់បានពីគាត់នៅពេលខាងមុខផងដែរ។ នៅពេលដែលពួកគាត់ដឹងថា លោកអ្នកជាអ្នកដឹកនាំបែបនេះ ថែមទាំងមានការយកចិត្តទុកដាក់ដល់បេះដូងពួកគាត់ផងនោះ បុគ្គលិកទាំងអស់នោះនឹងជឿជាក់ និងទុកចិត្ត កក់ក្តៅជាមួយអ្នកដ៏យូរអង្វែងផងដែរ។

3. ភាពជាអ្នកមានសិទ្ធិ
ក្នុងភាពជាអ្នកដឹកនាំដ៏ប្រពៃ សូមកុំធ្វើចរឹតហាក់ដូចជាៗនោះ គឺត្រូវធ្វើចរឹតជាក់ស្តែងដែលជារបស់លោកអ្នកពិតៗ។ ធ្វើម៉េចកុំតាំងខ្លួនអស្ចារ្យហួសហេតុពេក ហួសមាឌរបស់ខ្លួន ដែលជាការពេបមាត់ ពេបជ្រាយដ៏អាក្រក់សម្រាប់អ្នក អ្នកនឹងមិនមានការគោរពសរសើរដ៏ពិតប្រាកដណាមួយឡើយពីបុគ្គលិកក្រោមបង្គាប់។ គួរសួរខ្លួនឯងថា លោកអ្នកជាមនុស្សបែបម៉េច? បើទោះជាបែបណា ក៏គួរតែបង្កើតសំណើចសម្រាប់បុគ្គលិកក្រោមបង្គាប់ផងដែរ។ លោកអ្នកត្រូវប្រើភាពខ្លាំង និងបុគ្គលិកលក្ខណៈពិតៗ ក្នុងការបង្កើតនូវស្តាយ៍ (Style) ក្នុងការដឹកនាំដោយខ្លួនលោកអ្នកបាន។

4. ការទទួលបាននូវការគោរពពិត
នៅពេលដែលលោកអ្នកបង្ហាញ និងអនុវត្តខ្លួនអ្នកប្រកបដោយសីលធម៌ និងគំរូដ៏ល្អសម្រាប់ពួកគាត់ធ្វើតាម នោះលោកអ្នកនឹងទទួលបានការគោរពយ៉ាងពិតប្រាកដពីបុគ្គលិក ឬមនុស្សម្នាជុំវិញខ្លួនអ្នកជាក់ជាមិនខាន។ អ្នកដឹកនាំណាដែល ​“និយាយហើយធ្វើ មិននិយាយចោល” ជាបុគ្គលគំរូបំផុតសម្រាប់ក្រុមការងារ ក៏ដូចជាក្រុមហ៊ុន និងអ្នកវិនិយោគជាមួយដទៃទៀតផងដែរ។ អ្នករាល់គ្នានឹងគោរពដោយស្មោះស្ម័គ្រចេញពីចិត្តចំពោះការផ្តល់តម្លៃ និងការគោរពទៅវិញទៅមកជាក់ជាមិនខាន។

5. នៅតែចង់ដឹងលឺ និងច្នៃប្រឌិត
អ្នកដឹកនាំប្រពៃ តែងតែចង់ដឹងលឺសុខទុក្ខបុគ្គលិក ឬអ្នកក្រោមបង្គាប់ ហើយនៅតែសិក្សាបន្តសម្រាប់ខ្លួនឯងជានិច្ច។ ពួកគាត់សុទ្ធតែជាអ្នកចង់ដឹងរឿងរ៉ាវទាំងឡាយ ហើយស្វែងរកគំនិត របកគំហើញ និងព័ត៌មានថ្មីៗ។ អ្នកដឹកនាំដែលល្អបំផុតនេះ គឺជាអ្នកយល់ដឹងពីការវិវត្ត និងទំនោរថ្មីៗ ដែលទទួលបានពីគ្រប់ទីកន្លែង ហើយតែងតែប្រមើមើលរកនូវចំណេះដឹង ឬបុគ្គលិក ឬអ្នកក្រោមបង្គាប់ដែលអាចផ្តល់ជាយោបល់ដល់គាត់បាន និងផ្តល់គុណសម្បត្តិ ឬគុណប្រយោជន៍ដល់ពួកគេ៕

The post គន្លឹះទាំង 5 ក្នុងភាពជាអ្នកដឹកនាំដែលមានឥទ្ធិពលខ្លាំងបំផុតទៅលើមនុស្សជុំវិញខ្លួនអ្នក appeared first on ព័ត៌មាន រាមកេរ្តិ៍.

1. ចូលចិត្តស្វែងរកចម្លើយពីអីនធឺណែត (ជាងរកខ្លួនឯង)
តាមពិតទៅវាមានភាពងាយស្រួលណាស់ក្នុងការស្វែងរកនូវចម្លើយនៃសំនួរទាំងឡាយអនឡាញ (តាមរយៈអីនធឺណែត) គ្រាន់តែវាយសំនួរចូល អ្នកនឹងទទួលបានចម្លើយយ៉ាងច្រើនសន្ធឹកសន្ធាប់ ដែលអ្នកមិនបានខិតខំប្រឹងប្រែងគិត រិះរកចម្លើយដោយខ្លួនឯងបន្តិចសោះ។ យូរៗទៅខួរក្បាលអ្នកលែងដើរ (លែងចេះគិតគូរវែកញែក)តែម្តង។

2. ចូលចិត្តគិត និងធ្វើរឿងរ៉ាវជាច្រើនក្នុងពេលតែមួយ
បើយោងតាមការស្រាវជ្រាវបែបវិទ្យាសាស្ត្រ ឃើញថាមានតែ 2%ប៉ុណ្ណោះនៃមនុស្សយើង ដែលអាចមានសមត្ថភាពពេញលេញ និងពិសេស ប្រកបដោយប្រសិទ្ធភាពទៅលើកិច្ចការច្រើនក្នុងពេលតែមួយ ចំណែកមនុស្សទាំងឡាយក្រៅពីភាគរយខាងលើនេះ គួរតែយកចិត្តទុកដាក់លើការងារ ឬកិច្ចការមួយម្តងៗ នៃពេលវេលានិមួយៗ។

3. ចូលចិត្តឆែកអីម៉ែលញឹកញាប់
តើអ្នកដឹងទេថា រាល់ពេលឆែកអឺម៉ែល អ្នកបានចំណាយពេលអស់យ៉ាងតិចណាស់ 25នាទីម្តងៗ ខាតពេលធ្វើការផ្សេងទៀត ដូច្នេះ អ្នកត្រូវកម្រិតខ្លួនឯងក្នុងការប្រើប្រាស់ពេលវេលាសមរម្យណាមួយសម្រាប់ឆែកអឺម៉ែលរបស់អ្នក តែម្តងឬពីរដងបានហើយក្នុងមួយថ្ងៃ។

4. អាជ្ញាបណ្ណនៃក្រមសីលធម៌
ការភូតភរ ក្នុងន័យផ្តល់ជាអត្ថប្រយោជន៍នានាដើម្បីឲ្យខ្លួនឯងបានអនុវត្តនូវទម្លាប់ថ្មីណាមួយ គឺពិតជាការវាយតម្លៃដល់គោលការណ៍ដែលជាគម្រោងរបស់អ្នកដទៃជាច្រើននាក់ក្នុងអភិវឌ្ឍខ្លួន។ ហេតុនេះ សូមកំណត់គោលដៅរបស់អ្នកឲ្យខុសពីអត្តសញ្ញាណរបស់អ្នកតែម្តង។

5. ចូលចិត្តទុកកិច្ច្កការសំខាន់ទៅចុងនៃថ្ងៃនិមួយៗ
យើងដឹងហើយថា មនុស្សម្នាទាំងអស់សុទ្ធតែមានពេលវេលាកំណត់ច្បាស់លាស់ណាស់ក្នុងមួយថ្ងៃៗ ជាមួយនឹងថាមពលដែលខ្លួនមាន ហើយថាមពេលនោះក៏ចេះជាថយចុះទៅៗក្នុងរយៈពេលនៃថ្ងៃមួយៗ ដូចនេះ ជាការល្អបំផុតសម្រាប់ទទួលបាននូវការសម្រេចលើកិច្ចការងារដែលសំខាន់ ចាំបាច់ខ្លាំង និងពិបាកៗឲ្យរួចរាល់មនៅពេលចាប់ផ្តើមនៃថ្ងៃនិមួយៗ។

6. ចូលចិត្តប្រជុំច្រើនពេក
ពិតណាស់! គ្មានអ្វីដែលរំខាន និងរាំងស្ទះដល់ដំណើរនៃការប្រតិបត្តិនានាក្នុងក្រុមហ៊ុន រោងច្រក សហគ្រាស រដ្ឋ និងឯកជន ផលិតកម្ម និងសេវាកម្ម ជាជាងការប្រជុំដែលឥតប្រយោជន៍ ឥតបានការនោះទេ។ ហេតុនេះ គួរកុំទទួលយកនូវការអញ្ជើញឲ្យចូលរួមប្រជុំណាមួយក៏ដោយ រហូតទាល់តែទទួលបាននូវមាតិកា រួមនឹងពេលវេលាប្រជុំឲ្យបានច្បាស់លាស់បំផុត សឹមចូលរួមប្រជុំ។

7. ចូលចិត្តអង្គុយដកដង្ហើមចោលឥតការ
ប្រាកដហើយដែលថា​យើងអង្កុយកាន់តែយូរ គឺកាន់តែធ្វើឲ្យខ្លួនឯងស្ពឹក មិនមានស្មារតីក្លៀវក្លាក្នុងការគិតគូរពិចារណាអីនោះទេ ចឹងគួរព្យាយាមដើរ និងនិយាយពី 20 ទៅ 30 ម៉ាយ ក្នុងមួយសប្តាហ៍ ដើម្បីទទួលបាននូវភាពស្រស់ស្រាយក្នុងការគិតគូរពិចារណាលើរឿងរ៉ាវនានា។

8. ចុូលចិត្តចុចបិទម៉ោងរោទិ
ការដែលលោកអ្នកចូលចិត្តប្រឆាំងទល់នឹងម៉ោងរោទិដែលបានកំណត់ដោយខ្លួនឯងរបស់អ្នក​នោះ នឹងមិនផ្តល់ផលល្អដល់រូបរាង សព្ពាង្គកាយ បន្ថែមលើភាពងងុយគេងរបស់លោកអ្នកឡើយ ហើយវាក៏បានធ្វើឲ្យកម្លាំងមនោយិទ្ធិ (កម្លាំងកាយចិត្ត)របស់អ្នកថមថយចុះដោយមិនដឹងខ្លួនផងដែរ សម្រាប់ការប្រើប្រាស់ប្រចាំថ្ងៃរបស់លោកអ្នក។

9. មិនអាចកំណត់ទិសដៅអទិភាព (អ្វីដែលចាំបាច់) បាន
ប្រសិនបើលោកអ្នកមានគោលដៅច្រើនហួសហេតុ វានឹងបណ្តាលឲ្យមិនមានប្រសិទ្ធភាព និងប្រសិទ្ធផលទាល់តែសោះ។ សូមចាប់យកអ្វីដែលសំខាន់ និងចាំបាច់សម្រាប់ការធ្វើវា ហើយទុកចោលអ្វីដែលមិនចាំបាច់មួយកន្លែងសិន។

10. ចូលចិត្តរៀបចំផែនការច្រើនលើសលប់
ការៀបចំគម្រោងការរៀងរាល់ម៉ោងក្នុងថ្ងៃនិមួយៗរបស់លោកអ្នក ដែលមិនបានបម្រុងទុកពេលសម្រាប់អ្វីដែលអាចកើតឡើង នៃថ្ងៃនិមួយៗ នឹងមិនផ្តល់ផលប្រយោជន៍ពេញលេញដូចគម្រោងនោះឡើយ។ ហេតុនេះ លោកអ្នកគួរតែរៀបចំគម្រោងផែនការរយៈពេលយ៉ាងហោចណាស់ក្នុង 5ម៉ោងម្តង សម្រាប់កិច្ចការងារប្រចាំថ្ងៃរបស់លោកអ្នក។

11. ចូលចិត្តមិនបានធ្វើផែនការច្បាស់លាស់
វាជាការល្អបំផុតសម្រាប់លោកអ្នក ប្រសិនបើបានកំណត់យ៉ាងច្បាស់លាស់លើលទ្ធផលអ្វីដែលចង់បាន ដោយរៀបចំជំហាន ឬដំណាក់កាលនៃការអនុវត្ត ដើម្បីទៅដល់គោលដៅកំណត់នោះ ជាជាងព្យាយាមលើកឡើងអនុវត្តក្បួនបញ្ចប់ទាំងពាក់កណ្តាលទីនៃគម្រោងមួយៗ។

12. ចូលចិត្តប្រើទូរស័ព្ទពេលគេង
អេក្រង់ទូរស័ព្ទដ៏ឆ្លាតវៃនាពេលបច្ចុប្បន្ននេះ វាបានបញ្ចេញនូវពន្លឺពណ៌ខៀវ ដែលជាពន្លឺបំផ្លាញកោសិកានៃអ័រម៉ូនម៉្យាងដែលជួយសម្រួលដល់វដ្តនៃការគេង និងធ្វើឲ្យយើងសប្បាយរីករាយ។ ហេតុនេះ មិនគួរប្រើទូរស័ព្ទពេលដំណេកនោះទេ វាមិនបានផ្តល់ផលល្អ តែប៉ះពាល់ធ្ងន់ធ្ងរដល់សុខភាពភ្នែក និងអ័រម៉ូនសម្រាប់គេង រួមនឹងការសប្បាយរីករាយរបស់លោកអ្នកផងដែរ៕

The post លះបង់ទម្លាប់អាក្រក់ទាំង ​12 នេះ លោកអ្នកនឹងមានអនាគតត្រចះត្រចង់ appeared first on ព័ត៌មាន រាមកេរ្តិ៍.

តាមស្ថិតិស្រាវជ្រាវដ៏ច្បាស់លាស់ និងទស្សនាវដ្តី Nursing បានបង្ហាញថា មនុស្សចាស់ប្រមាណ 50% ដែលកំពុងស្ថិតក្នុងការព្យាបាលពេលចាស់ជរា រោគសញ្ញាខ្លាំងជាងគេបំផុតនោះ គឺការមិនយកចិត្តទុកដាក់ ឬហាក់បោះបង់ពួកគាត់ចោល ដោយកូនៗ ឬចៅៗ មានកិច្ចការ ការងារ ឬរៀនសូត្រ ដោយទុកឲ្យគាត់នៅម្នាក់ៗឯងអោបនូវភាពឯការកនិយាយមិនត្រូវ។ ចំនួនមនុស្សចាស់ ៧០ម៉ឺន ក្នុងចំណោមទាំងអស់ ១លាន ២សែននាក់ ឃើញថាសុទ្ធតែមានរោគសញ្ញាផ្លូវចិត្តនៃភាពឯកានេះតែម្តង ហើយក្នុងនោះមានចំនួនកើនឡើងគួរឲ្យកត់សម្គាល់ផងដែររៀងរាល់ឆ្នាំថ្មីៗនេះ។

មនុស្សភាគច្រើនគិតថា មនុស្សចាស់ច្បាស់ជាមិនទម្លាប់ក្នុងបរិយាកាសនៃការរស់នៅបែបសម័យ ឬក្មេងៗដូចគាត់ឡើយ តែតាមពិតការយល់នេះ មិនទាន់គ្រប់គ្រាន់ និងត្រឹមត្រូវ 100%ឡើយ។ សម្រាប់យាយរបស់នាងវិញ គឺចង់ទៅក្រៅ មើលមនុស្សចេញចូល ទៅមកទៅវិញ និងការយកចិត្តទុកដាក់មកលើគាត់។

សរុបមក រឿងរ៉ាវសង្ខេបរបស់នារីរូបស្រស់ម្នាក់ដែលតែងតែអៀវយាយរបស់នាងទៅធ្វើការជាមួយនេះ គឺពិតជាគួរឲ្យកោតសរសើរ ដោយក្តីអាណិតអាសូរ និងគោរពមួយផងដែរ ក្នុងចំណោមកាយវិការ ឬទង្វើល្អៗជាច្រើនទៀតរបស់កូនៗ ចៅៗ របស់ជីដូនជីតា ប៉ាម៉ាក់ បងប្អូន នៃគ្រួសារនិមួយៗ ផ្សេងៗពីគ្នា៕

The post គួរឲ្យអាណិត និងសរសើរមែននារីម្នាក់នេះ មិនទុកយាយនាងឲ្យនៅម្នាក់ឯងឡើយ appeared first on ព័ត៌មាន រាមកេរ្តិ៍.

1. គ្រប់គ្រងឲ្យបានលើកត្តាដែលបំផ្លាញភាពជឿជាក់

លោកអ្នកត្រូវជៀសឲ្យឆ្ងាយពីមនុស្សអវិជ្ជមាន បែរជាមកញញឹមឲ្យបានញឹកញាប់ និងច្រើនឡើង ហើយឈប់ធ្វើការប្រៀបធៀបខ្លួនអ្នកនឹងអ្នកដទៃ ងាកមកបង្កើនការជឿជាក់លើសមត្ថភាពរបស់ខ្លួនឯង ព្រមទាំងសម្លឹងមើលទៅឲ្យវែងឆ្ងាយទៅមុខ មិនត្រូវបែរមកក្រោយវិញទេ ជាពិសេសត្រូវប្រើការយកចិត្តទុកដាក់ខ្ពស់ ដោយបញ្ចេញនូវអ្វីដែលវិជ្ជមានសម្រាប់អ្នក និងអ្នកនៅជុំវិញអ្នក។

2. ស្វែងរកឲ្យឃើញថាតើលោកអ្នកមើលទៅយ៉ាងម៉េចដែរ

លោកអ្នកត្រូវរកឲ្យឃើញច្បាស់បំផុតថាតើលោកអ្នកមើលទៅយ៉ាងណាដែរ រួមនឹងការបញ្ចេញសម្លេងរបស់លោកអ្នកពេលនិយាយសន្ទនាជាមួយមនុស្សម្នាដទៃទៀត នៅគ្រប់ទីកន្លែងទោះនៅកន្លែងការងារ ឬកន្លែងណាផ្សេងក៏ដោយ។ លើសពីនេះ លោកអ្នកត្រូវធ្វើតេស្តខ្លួនឯងតាមបែបទំនាក់ទំនង (Communication Test) ថាតើឈានដល់កម្រិតណាហើយ?

3. ត្រូវបញ្ឈប់បន្ទាន់នូវអ្វីៗដែលចាត់ទុកជាការរំខាន

លោកអ្នកត្រូវស្វែងយល់ និងរកឲ្យឃើញថា អ្វីដែលលោកអ្នកកំពុងគិត និងធ្វើវាជាអ្វីដែលគ្រប់គ្នាគេគិត និងធ្វើបែបនោះដូចគ្នា។ បន្ទាប់មក លោកអ្នកត្រូវចាប់ឲ្យជាប់នូវរាល់ទម្លាប់មិនល្អទាំងឡាយដែលលោកអ្នកមាន​ ហើយត្រូវធ្វើយ៉ាងណាសម្របខ្លួន និងចរឹតលក្ខណៈលោកអ្នកទៅនឹងអ្វីដែលមើលទៅថាលោកអ្នកពិតជាមានភាពជឿជាក់ក្នុងខ្លួនខ្លាំង ដ៏អស្ចារ្យមួយ។

4. ត្រូវប្រើភាសាកាយវិការឲ្យបានប្រសើរបំផុត

លោកអ្នកត្រូវបង្កើតឲ្យមានជាលើកដំបូងនូវការចាប់អារម្មណ៍ដ៏អស្ចារ្យមួយសម្រាប់ខ្លួនឯង និងដៃគូសន្ទនា។ លើសពីនេះលោកអ្នកត្រូវរក្សាឲ្យបាននូវទំនាក់ទំនងលើកែវភ្នែក (Eye Contact) និងកាយវិការតាមរយៈដៃរបស់លោកអ្នក ហើយបន្ថែមដោយប្រេកង់សម្លេងឡើងចុះ តាមរបទនៃសាច់រឿងដែលកំពុងនិយាយ ដើម្បីបង្កើននូវការយកចិត្តទុកដាក់ឲ្យស៊ីនឹងសាច់រឿងកំពុងពិភាក្សា ឬនិយាយជាមួយដៃគូសន្ទនានោះ៕

The post អនុវត្តន៍បានទាំង 4 ចំនុច នេះ លោកអ្នកនឹងគ្រប់គ្រងភាពជឿជាក់លើខ្លួនឯងបានជាក់ជាមិនខាន appeared first on ព័ត៌មាន រាមកេរ្តិ៍.

ក្បាច់ទី1៖ ត្រូវយកចិត្តទុកដាក់បំផុត
សូមគិតដល់ថាតើលោកអ្នកមើលទៅយ៉ាងម៉េចដែរពេលណែនាំខ្លួនដំបូង។ វាក៏អាចជាវិធីក្នុងការណែនាំខ្លួននាពេលបន្តបន្ទាប់ទៀតដូចគ្នានេះផងដែរ។ លោកអ្នកគួរសួរនាំឲ្យនរណាម្នាក់តាមសង្កេត ពេលណែនាំខ្លួនលើកដំបូងនោះ ដោយផ្តល់មកវិញនូវមតិយោបល់ស្ថាបនា។

ក្បាច់ទី2៖ ការប្រើប្រាស់ទឹកមុខ
ព្យាយាមញញឹមប្រកបដោយទឹកមុខសង្ឃឹមលើរឿងល្អជានិច្ច។ មនុស្សមួយចំនួនបានធ្វើបែបនេះតាំងពីកំណើតក៏មាន ប៉ុន្តែមួយចំនួនវិញ ត្រូវតែព្យាយាមទៅអាចកើតឡើងបាន។ លោកអ្នកគួរធ្វើឲ្យកន្លែងដែលកំពុងជួប ក្លាយជាបរិយាកាស ឬឳកាសមួយដែលមានសារៈសំខាន់។

ក្បាច់ទី3៖ ការសម្លឹងដោយប្រើភ្នែក
លោកអ្នកអាចប្រើក្រសែភ្នែកសម្លឹងមើលឲ្យបានកាន់តែឆ្ងាយ និងទូលាយ។ សូមសម្លឹងមើលចំកែវភ្នែកអ្នកកំពុងប្រាស្រ័យជាមួយដោយផ្ទាល់ ដោយបង្ហាញពីភាពជឿជាក់ខ្ពស់របស់លោកអ្នក ជាមួយនឹងអារម្មណ៍ដ៏កក់ក្តៅ និងភាពរីករាយបំផុតដែលបានប្រាស្រ័យជាមួយគាត់ ឬនាង។ បញ្ច្រាស់ពីនេះ គឺការងាកចេញពីភ្នែករបស់គាត់ ពេលលោកអ្នកមិនយល់ព្រម ឬយល់ស្របជាមួយ។

ក្បាច់ទី4៖ ការផ្តល់សារ
វាមានសារៈសំខាន់ណាស់ពេលដែលលោកអ្នកនិយាយចេញនូវឈ្មោះរ​បស់លោកអ្នក ហើយក៏ព្រមទទួលស្តាប់ និងទទួលយកពេលគាត់ប្រាប់ឈ្មោះរបស់គាត់មកវិញ ហើយត្រូវចងចាំ បន្ទាប់មកប្រើប្រាស់ឈ្មោះនោះពេលនិយាយអ្វីដែលពាក់ព័ន្ធនឹងគាត់។ ប្រសិនបើលោកអ្នកមានការចាំឈ្មោះរបស់ពួកគាត់ លោកអ្នកនឹងក្លាយជាមនុស្សអស្ចារ្យសម្រាប់ពួកគាត់មិនខាន។

ក្បាច់ទី5៖ ការប្រើសម្លេង
សូមលោកអ្នកហាត់និយាយចេញមកឲ្យច្បាស់ និងលឺគ្រប់គ្រាន់សម្រាប់ការសន្ទនាណាមួយជាមួយអ្នកដទៃដែលកំពុងប្រាស្រ័យជាមួយ។ សូមកុំព្យាយាមនិយាយខ្សឹបៗដែលគេមិនអាចលឺច្បាស់បាននោះ។ សូមអនុវត្តការនិយាយបែបខាងលើនេះ ប្រហែលជាវាលឺជាងសម្លេងធម្មតារបស់លោកអ្នក ប្រសិនបើលោកអ្នកធ្លាប់ជាមនុស្សនិយាយមិនសូវលឺ។

ក្បាច់ទី6៖ ការបញ្ចេញកាយវិការ
មនុស្សមួយចំនួនមើលទៅហាក់បង្ហាញពីលក្ខណៈសុំអាធ្យាស្រ័យរួចជាស្រេចទោះគាត់មិនទាន់បានបញ្ចេញសម្លេងក៏ដោយ។ សូមព្យាយាមឈរឲ្យបានស្រឡះ កុំអោនៗ ឬកោងៗ ដោយយកស្មារទាំងពីររបស់លោកអ្នកមកក្រោយ ហើយលើកចង្ការឡើងបន្តិចពេលណែនាំខ្លួនលោកអ្នក។ ទាំងនេះនឹងបញ្ចេញនូវសារលក្ខណៈជាវិជ្ជមានច្រើនដល់អ្នកកំពុងប្រាស្រ័យជាមួយ។

ក្បាច់ទី7៖ គម្លាតនៃការឈរសន្ទនា
កុំព្យាយាមទៅជិត កៀកនឹងអ្នកកំពុងនិយាយជាមួយអ្នក ដែលកាយវិការនេះអាចធ្វើឲ្យនាង ឬគាត់មានអារម្មណ៍តានតឹងក្នុងពេលសន្ទនា។ ស្របនឹងរឿងនេះដែរ កុំឈរឃ្លាតឆ្ងាយពីដៃគូសន្ទនាខ្លាំងពេក វាអាចធ្វើឲ្យដៃគូសន្ទនាមានអាម្មណ៍មិនសូវកកក់ក្តៅក្នុងការសន្ទនា។ សូមព្យាយាមស្វែងរកគម្លាតសមរម្យណាមួយរវាងលោកអ្នក និងដៃគូសន្ទនា។

ក្បាច់ទី8៖ ត្រូវមានសីលធម៌ក្នុងការសន្ទនា
លោកអ្នកត្រូវតែមានសីលធម៌ និងវិន័យច្បាស់លាស់ក្នុងខ្លួន ដោយរៀបចំឲ្យរួចជាស្រេច មួយវិនាទី ឬពីរ មុនពេលដែលដៃគូសន្ទនាចាប់ដៃជាមួយអ្នក។ សូមចងចាំ និងរក្សាអាកប្បកិរិយា និងអត្តចរឹតដ៏ល្អរបស់លោកអ្នកក្នុងលក្ខណៈគួរឲ្យទាក់ទាញជានិច្ច ហើយកុំភ្លេចការចាប់ដៃគ្នាដ៏ណែន និងកក់ក្តៅឲ្យសោះ៕

The post អនុវត្ត 8 ក្បាច់នេះ ធានាថាលោកអ្នកនឹងទទួលការចាប់អារម្មណ៍ខ្លាំងបំផុតពីមនុស្សស្ថិតនៅជុំវិញអ្នកពេលជួបលើកដំបូង appeared first on ព័ត៌មាន រាមកេរ្តិ៍.

លោក អ៉ីឡុន ម៉ាស្ក ដែលជាស្ថាបនិកក្រុមហ៊ុន SpaceX បានប្រើនូវយុទ្ធសាស្ត្រដ៏ងាយបំផុត ដើម្បីធ្វើឲ្យកិច្ចការងាររលូនទៅមុខបានដោយមិនចាំបាច់បង្ហិនពេលដោយការប្រជុំ។ លោកយល់ថា ការប្រជុំច្រើនហួសធ្វើឲ្យខាតពេលទៅវិញ ជាជាងដើរទៅជួបសួរសំនួរមួយ ឬពីរដោយផ្តាល់បានសោះហ្នឹង។ លោក អុីឡុន ម៉ាស្ក ធ្លាប់បានសួរទៅសមាជិកអង្គប្រជុំគាត់ថា៖ “លោក ឬអ្នកនាង មិនបាននិយាយអីសោះ។ ចឹងមកទីនេះធ្វើអ្វី?”។

លោកបានបន្សល់គ្នាមួយថា៖ “បើគ្មានបំណងប្រជុំទេ កុំចាំបាច់ប្រជុំអី។ ប្រជុំនៅពេលដែលធ្វើការសម្រេចចិតរឿងអីមួយ ឬជំរុញបុគ្គលិកធ្វើការឲ្យលឿន…។ បើមិនចាំបាច់ប្រជុំ ការដើរទៅជួបផ្ទាល់ ឬអុីម៉ែលជាការស្រេចទៅហើយ។”

ដូចគ្នានេះដែរ នាយកប្រតិបត្តិនៃក្រុមហ៊ុនផ្សេងៗជាច្រើនក៏គិតដូចគ្នាចឹងដែរ កុំនាំគ្នាបំផ្លាញពេលវេលាលើការប្រជុំដែលគ្មានប្រសិទ្ធភាពអី ព្រោះពេលវេលាយើងមានតម្លៃណាស់។ លោក ជេហ្វ បេហ្សូស (Jeff Bezos) ស្ថាបនិកក្រុមហ៊ុន Amazon ក៏អនុវត្តចឹងដែរ គាត់ប្រើ “Two-Pizza Rule” ដើម្បីកាត់បន្ថយការប្រជុំញឹកញាប់។ ការគិតរបស់លោក គឺសាមញ្ញៗ “ការប្រជុំត្រូវមានសមាជិកដែលចាំបាច់គ្រប់គ្រាន់ដែលភីហ្សាតែ២អាចចែកបានគ្រប់គ្នា(ពេលប្រជុំ)បានហើយ។ បើមិនចឹងទេ ការប្រជុំគ្មានសម្ធិផលអីនោះទេ។” លោកបានប្រាប់ Fortune ថាគាត់ចាប់ផ្តើមអង្គប្រជុំជាមួយប្រធានផ្នែកនានាដោយការអានស្ងាត់ៗ ដែលនេះអាចធ្វើឲ្យគ្រប់គ្នាស្ថិតនៅលើគោលដៅតែមួយ សម្រាប់ពេលចាប់ផ្តើមនិយាយគ្នា។ នេះមានន័យថា លោក បេហ្សូស សូមឲ្យសមាជិកអង្គប្រជុំគ្រប់រូបមានការយកចិត្តទុកដាក់។

The post លោក អ៉ីឡុន ម៉ាស្ក (Elon Musk) បានចែករំលែកបទពិសោធន៍​ អំពីការប្រជុំជាញឹកញាប់ មិនប្រាកដថាទទួលផលល្អនោះទេ appeared first on ព័ត៌មាន រាមកេរ្តិ៍.