វិជ្ជាធ្វើម្ហូប

វិធីធ្វើទឹកសណ្តែកខៀវ

(អត្ថបទនេះអានចំនួន 1 នាទី)

ទឹក​សណ្តែក ​ស ឬ ​ខៀវ​ សុទ្ធតែ​មាន​វីតាមីន និង​មាន​ប្រយោជន៍​ច្រើន​សម្រាប់រាង​កាយ និង​ស​ម្ផ​ស្ស​។ ទឹក​សណ្តែក​នេះ​ងាយ​នឹង​ធ្វើណាស់ តោះ​…! សាកល្បង​ធ្វើ​ញ៊ាំ ទាំងអស់​គ្នា៖

រូបមន្តធ្វើទឹកសណ្តែកខៀវ 1

រូបមន្តធ្វើទឹកសណ្តែកខៀវ 1

គ្រឿងផ្សំ៖

-ទឹក ១ លីត្រ
-សណ្តែកខៀវ ៣០០ ក្រាម
-ទឹក ៣០០ មីលីលីត្រ
-ស្លឹកតើយ ១០ សន្លឹក
-ស្ករស ២០០ ក្រាម
-ទឹកដោះគោស្រស់ ៣០០ មីលីលីត្រ

វិធីធ្វើ៖

១.យកស្លឹកតើយលាងឲ្យស្អាត រួចកាត់ខ្លីដាក់កិនជាមួយទឹក ៣០០មីលីលីត្រ កិនឲ្យសព្វល្អ រួចច្រោះកុំឲ្យដោយកាក។

២.យកសណ្តែកដាក់តាំ្រទឹក ទុកចោលរយៈពេល ៤ម៉ោង រួចស្រង់យកទៅដាក់កិនជាមួយទឹក ១លីត្រ កីនចូលគ្នាឲ្យសព្វល្អ ហើយច្រោះកុំឲ្យដោយកាក។

៣.យកទៅចាក់ចូលឆ្នាំង ដាំឲ្យពុះ រួចដាក់ស្ករសចូល កូរឲ្យសព្វ ហើយចាក់ទឹកស្លឹកតើយចូល កូរចូលគ្នា រួចដាក់ទឹកដោះគោស្រស់ចូល កូរចូលគ្នា ទុកមួយរំពុះ ហើយជាការស្រេច។

អត្ថបទពេញនិយម

ទៅលើ